影片
港鐵尖沙咀/尖東站 N1 出口, 步行約1分鐘
繼續閱讀
電話號碼
51220223
開飯介紹
菜式精緻富創意，供應中、西、日口味，選擇多元化。裝修採用繽紛的色系，予人清新、年輕的感覺，為食客帶來新的素食體驗。
繼續閱讀
附加資料
繁忙時段用餐時間90分鐘
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
有關獎賞計劃
餐廳：慈素小聚地點：尖沙咀麼地道菜式：素食餐牌：點心，小食，主食，湯，沙律，意粉，麵飯，薄餅，飲品，甜品。選擇多元化，寫明有蛋奶等，方便敏感素食人仕。牛油果雜菜沙律 $98牛油果雜菜沙律超大兜，係雜菜沙律底加上新鮮牛油果段同車厘茄切半，用大量香甜黑醋同油調味。味道唔寡，甜甜哋好開胃。香芒天婦羅炸豆腐 $88香芒天婦羅炸豆腐一客6件，賣相似炸大蝦。炸皮薄脆，入面係嫩滑豆腐，而外面加左滿滿芒果汁，味道係天然芒果甜，食落清新香甜，口感外脆内滑！另上一碟芒果汁，唔夠再加！呢道菜非常美味！粟米濃湯佐翡翠苗 $98翡翠苗加喺粟米濃湯度原來係咁正，脆嫩菜苗配甜甜哋嘅粟米湯，味道都夾。粟米湯有好多粟米粒，翡翠苗伴有燈籠椒，添少少新鮮感。雙色厚切多士 $58雙色厚切多士一客兩大件，分別係梛芒同香芋味，熱辣辣上枱。多士非常厚切，口感極度鬆軟！香芋味好香甜，加上大量脆口杏仁片令口感更香口！梛芒係香甜芒果醬同大量梛絲，呢款食落更香甜，係非常滿足既！附上刀叉比你食用。紐約芝士蛋糕 $58呢款甜品係新野，自家製紐約芝士蛋糕，身為芝士蛋糕控一定要試！紐約芝士蛋糕份量好大件，口感軟滑綿密夠濃厚，面頭加上少少金箔，好名貴！伴有藍莓醬令味道口感更豐富，呢個價錢好抵食，而且質素高！花生鹹蛋湯丸 $28花生鹹蛋湯丸用燉盅上枱，一客5粒，滑溜湯丸外皮入面花生鹹蛋餡，花生饀好香，少鹹有少少咬口。底係薑汁，薑味好香，配湯丸好夾。係冬日暖身之選。今餐食物質素唔錯，睇得出餐廳有心將素食整得好食同唔悶，餐廳用綠色配白色裝修，感覺好green。入面大概有七八張枱左右，座位舒適。
繼續閱讀
今次我去咗一間素食餐廳，環境安靜舒適，試咗幾樣特別嘅菜式，真係唔錯！京都片皮鴨呢道京都片皮鴨真係令人驚喜！雖然冇真正嘅鴨肉，但佢用咗素食原料做出嚟，口感同味道都好似真鴨一樣。皮脆脆，內裡柔軟，配上特製甜醬同埋青瓜，紅椒絲同埋黃椒絲，真係素食愛好者都會讚不絕口秘製茄汁搭配三重奏芝士天使麵呢碟天使麵就係我心頭好！茄汁唔會太酸，味道剛剛好，仲有三重奏芝士，香濃得嚟又唔膩。濃厚蘑菇，麵條煮得剛好，搭配芝士真係一流。蜂蜜薑茶（熱）呢杯蜂蜜薑茶熱熱地飲，薑味濃郁，仲有淡淡嘅蜂蜜甜味，飲完身體都暖暖地，感覺好舒服。特別適合寒冷嘅日子素食串燒拼盤配秘制沙爹醬呢個素食串燒拼盤真係色香味俱全！各式各樣嘅素食串燒，烤得金黃香脆，每一串都好有風味。秘制沙爹醬就係點睛之筆，濃郁而且唔會辣，搭配埋串燒，味道層次豐富
繼續閱讀
媽咪今日話想食素餐，我帶佢去位於尖沙咀麽地道30號 Mody House 8樓的《慈素小聚》食素午餐，環境舒適，坐得舒服。我地點左：🍀鮮竹蒸牛肉球🍀梅菜肉餅飯🍀北京片皮鴨🍀香芒天婦羅炸豆腐🍀熱蜂蜜薑茶🍀限時優惠套餐 香菇竹笙翅湯 日式炸餃子 四川擔擔麵 菠蘿氣泡特飲鮮竹蒸牛肉球的牛肉味唔錯，點喼汁更好味；梅菜肉餅飯係媽咪的至好；北京片皮鴨好足料；香芒天婦羅炸豆腐好靚靚，芒果汁好對味；熱蜂蜜薑茶好潤喉；套餐好經濟抵食，四川擔擔麵好惹味，餃子香口，香菇竹笙翅湯清甜，菠蘿氣泡特飲清爽。
繼續閱讀
今日同朋友喺尖沙咀行完街，佢話最近食得肉多，想食齋，於是我哋就好快搵吓附近有咩齋食🍴。原本對齋冇乜特別大嘅感覺，覺得咪又係嗰啲，菜囉豆腐囉，一睇Menu發現勁多選擇，樣樣都好似好吸引咁🤩，顛覆咗我對齋嘅認知😆✨！★̆̈ 京都片皮鴨 $128 🦆雖然係齋，但佢個「肉感」整得好逼真😲，連配菜都好講究，「鴨肉」夾埋紅椒🌶️、黃椒🫑同青瓜🥒一齊食，好fresh仲好健康！💚齋版片皮鴨真係好少見，仲要成功做到呢種新鮮口感，非常加分！👍★̆̈ 香芒天婦羅炸豆腐 $88 🥭豆腐炸得外脆內軟，估唔到入面係嫩豆腐，好滑😋 加埋香芒汁嘅果香，好似食緊甜品咁～佢仲有額外俾多兜汁，啱晒我呢啲汁怪🤤！★̆̈ 桂圓紅棗茶 $48 🍵🍂食齋配埋養生飲品真係Perfect Match！紅棗茶味道唔會太甜，入口暖暖地，好足料又滋潤～💖 飲完之後感覺身心都被治癒，真係暖心又暖胃🥰！★̆̈ 秘製茄汁搭配三重奏芝士天使麵（奶）$118🍝🧀🍅 呢碟天使麵真係好好食！蕃茄汁酸甜啱啱好，芝士濃郁得嚟唔會搶味🧀，仲有好香嘅菇味🍄，口感層次豐富，完全打破咗齋菜嘅單調感～每一啖都係幸福感爆棚🤤！估唔到齋食都可以咁有層次，好驚喜✨！★̆̈ New York Cheese Cake $58 🍰呢個甜品就係齋餐嘅完美句號！口感綿密，甜度啱啱好💖，Cheese cake 上面粒🍓係士多啤梨乾，好特別～真係幸福感滿滿～💕 之前對齋食覺得無聊嘅諗法，今次真係被徹底推翻咗！😄👀 呢間餐廳唔止每道菜都精緻有特色，仲將齋菜嘅創意同健康發揮到極致🌟，係尖沙咀又多咗一個必試嘅高質選擇！💚 下次約朋友食飯一定會再幫襯🥰！
繼續閱讀
-岩岩過左聖誕，食得大餐多難免會食滯左。就快到新年，又要準備做節食好啲，所以有時食下素菜清下腸胃都唔錯架。呢間素食餐廳之前都有介紹過，食得健康又滋味👍🏻🍲香菇竹笙菜膽翅湯 $68健康養生，湯底帶濃郁菜膽、冬菇鮮味，仲有大大件爽口竹笙，仿翅不論賣相到口感都同真翅近乎一樣🫢相比之前，依加仲加埋圓肉，成個湯更香甜濃郁！ 🥥椰汁雪耳無花果燉湯 $48將椰子切條再燉湯，口感爽脆，味道清新，無花果果香味令椰子味道更突出。雪耳頗為大件，燉至軟滑，每種材料都生津潤肺☺️🍄椒鹽白靈芝菇 $88想食炸物又想食得健康啲？咁就要試下呢道菜式啦。白靈芝菇炸到表面鬆脆，內部保持軟嫩多汁，餐廳自家調製嘅椒鹽鹹香惹味，帶少少辣味，平衡白靈芝菇嘅自然風味😋🍣素食三文魚拼盤 $68打卡一流，玩味十足📸除左因為菜式上枱時煙霧彌漫之外，更大原因係以蒟蒻製成嘅素三文魚同真三文魚好似樣！雖然口感比真嘅會實多少少，不過點左日式醬油同Wasabi之後就更加相似。另外，以豆類製作嘅素鮑片爽滑彈牙，同樣非常相似🤩 🦆北京片皮鴨 $128呢款素片皮鴨以豆類製作，賣相、口感同真嘅片皮鴨都幾相似，相對會軟身少少，而且帶豆香味。配合薄皮、甜醬等，同食緊真嘅差唔多，不過無咁油膩，簡直係素食人士嘅福音😆🥛香芋鮮奶 $38芋泥帶濃厚芋頭香味，香濃幼滑，味道偏甜。但同鮮奶結合之後甜度得以中和，味道更香而且甜而不膩😋🍋百香芒果烏龍茶 $38果味濃郁，混入百香果肉，微酸嘅味道頗為開胃。同時烏龍茶味亦突出，甘潤醇厚唔苦澀。❣️無添加純素酸奶 $28質感濃厚綿潤，有啲似豆腐花。加入檸檬汁製成，味道微酸且帶清香檸檬味。
繼續閱讀