慕茶 (已搬遷) 新店位置

係觀塘返工, 基本上會發現有好多好有特色, 同又好食既隱世小店係D 不知名既工廠大廈裡面，今日真係要托公司裡既 "女吃貨" 既鴻福 介紹我同另外一個男同事 好 hehe 咁撐台腳 食到一個 超有驚喜既 lunch!!!!  來之前幾日, "女吃貨" 話慕茶既雪糕超好食, 一直問我地有冇時間去試下佢地個 lunch, 因為前幾日工作忙既關係我地拒絕佢, 今日我地撇lut 佢, 自己兩個上來先, 比佢知道實殺死我地兩個 其實慕茶唔易搵, 我地上左工廈入左 lift 都懷疑有冇去錯 building, even 上到 7樓我地要轉左一圈再返去睇 lift 口既水牌先搵到  因為真係唔似會有餐廳係個一層, any 肥, 入題先!!! 到慕茶門口見到一部好靚既雪糕車忍唔住手影底佢 仲有好抵死既黑版係左手面寫左好多雪糕既味道, 令我笑既係 "人情味", "港女咪", 同 "洗左衫味"  好幽默, 心諗?! 係咪真有呢D咪食先 呵呵呵!之後行入多少少就聽到D 優雅既音樂, 同見到小店既環境, 感覺就首先比人覺得好 warm 同埋加分Waiter 哥哥安排左我地兩個入坐後就比左 menu 我地睇, 因

最後發現一間以茶作賣點的食店在外一望已被其裝潢所吸引感覺清淨環境清幽室內環境亦感覺舒服寧靜如果相約朋友聚會呢度係一個不錯的地方由於已吃午餐,又想食下雪糕,所以就點了呢度的人氣茶味雪糕味道好多,有分黑茶,綠茶,紅茶,青茶,白茶,黃茶及花茶味雪糕我選了玄米白茶及功夫茶味雪糕2球 HKD48好香濃茶味但清新先講綠色呢款係功夫茶味味較濃但唔會太甜,口感好滑下面白色呢款係玄米白茶味道更清新及有玄米的香味口感同樣軟滑但味道唔會過甜,味適中,值得一食再食的雪糕

近排on diet, 好少在外食飯. 今日心癢, 好想去tea一tea, 鬆一鬆.跳完舞, 拉了同學去”慕茶”.“慕茶” 在觀塘的工業區內的一小店Café. 室內以綠色為主調, 掛上吊燈點綴, 感覺悠閒舒適.涼伴麻醬雞肉天使麵, 碗內果然輕怡健康, 有青爪絲, 紅蘿蔔絲, 蛋絲, 雞肉絲, 拌勻一同食, 煙韌有口感的天使麵, 咸香雞肉, 及青爪混上麻香味, 清新好味, 最合適悶熱天氣及正在節食的客人.茶味脆皮手卷一樣賣相吸引, 兩個脆甜筒,低層是田園沙律, 加上粟米和吞拿魚, 另一卷也是田園沙律在低層, 加上德國腸. 脆脆的手卷, 搽上好滑, creamy慕茶醬和桂花味蜜糖, 令手巻味道更特出.食物出得較慢, 如趕時間要出聲. 

最近工廠區發現好多樓上餐廳, 當中發現了這間 "Te Momento", 餐廳近觀塘地鐡, 超方便！環境和裝修簡潔浪漫, 門口放置了雪糕三輪車, 愛攝影女士必定影個不停! 看到餐牌, 確是有多種套餐選擇, 最後我和同事各自點了份Set Lunch, 包括了主食、沙律、和慕茶人工雪糕. 和風沙律: 醬汁味道與沙律菜配合起來, 吃多多也不夠, 謂口即時大開! 看到同事的 "抺茶蝦卡邦尼意粉", 引不住試食了一些, 濃濃的抺茶加上了卡邦尼醬汁、鮮蛋黃, 而且配上爽彈鮮美蝦仁和原隻虎蝦, 一食停不了口, 柔滑的意粉, 更是完美之作. 👍🏻 好在我的 "京都牛丼" 一點也不輸蝕, 香味撲鼻的京都醬料, 配備綿密細緻、富有肉汁的牛肉, 加入了惹味的紫菜條, 一吃令人回味! 😍 飯後店長送上自家制茶味雪糕, 除了茶香味之外, 雪糕軟綿、輕盈幼滑, 甜味啱啱好😘整個午餐內（茶吧）更是無限添飲 🍵👍🏻

這間CAFE 的佈置很美1830 去到唔洗等位店內座位數目不多 若晚一點可能要等位食物選擇不算多但甜品 主食 沙津 小食都有由於晚飯時間 今次就係食左意粉同ALL DAY BREAKFAST無試到甜品抺茶卡邦尼意粉由於被餐牌圖片吸引 又覺得個味應該幾特別而點賣相亦非常吸引可是抹茶味太重 有少許澀如果抺茶味唔太濃會好好多同埋如果卡邦尼個汁再出多D 會好食好多而另一個全日早餐就完全係我口味有薯餅 蕃茄 兩個太陽蛋 菇 牛肉包特別係個窩夫 伯爵茶味 好特別 最愛呢個$86總括黎講 價錢親民  Dinner $80 左右呢間CAFE 應該係雪糕甜品出名下次黎試下佢D甜品

一向都知觀塘有很多有特食既CAFE,今次就揀左慕茶,點解呢?因為有多款茶味既雪糕同埋抹茶意粉,,所以就慕名而來啦打開門,緑色既牆身加上音樂,令人十分放鬆,,,,打開MENU,茶味雪糕有很多,,,有功夫茶、、桂花黃茶、蜜糖苿莉花茶,普洱茶,玄米白茶等我地2人決定搽茶卡邦尼鮮蝦意粉同3球雪糕,雪糕叫左佢後上,等左一陣抹茶卡邦尼鮮蝦意粉黎到,已經聞到好香,,一試之下,果然好食,個汁濃濃地,又唔會蓋左抹茶既味道,但係又唔會太"流"配合得很好,,跟著食完就叫佢上埋個雪糕其實個色差不多,好難分丫><先試左手個個,原來係蜜糖苿莉花茶,我最初以為係功夫茶...因個味好似差太多..但係好有茶既味道,右手就係桂花黃茶,呢個係雪芭既,桂花味好香,,咬到有少許桂花,最下面就係功夫茶,其實係試左功夫茶先分到個個係蜜糖苿莉..因為呢個甘味突出,重茶味D..總括來說,我最功夫茶,朋友就愛桂花黃茶..如果可以用碟上就更加好啦下次要試三文魚黑松露意粉再加花茶,,因為聞到隔離枱個意粉好香丫,同埋個茶花茶D茶包好似係自家制

觀塘工廠區近期人氣旺盛的特色茶雪糕 CAFÉ, 而吸引我來食的是不同款式的中國茶雪糕。CAFÉ 門前好夢幻, 相信女孩子應該會喜歡。一入門口位放了公主檯及雪糕車, 王子與公主 FEEL, 巧浪漫。茶雪糕有普洱茶、抹茶、玫瑰花茶、伯爵茶、功夫茶、玄米白茶、桂花茶、蜜糖苿利花茶, 果然很多選擇。玫瑰心太軟配普洱茶雪糕 ($72)朱古力心太軟常吃, 玫瑰心太軟還是第一次, 切開心太軟, 玫瑰花糖漿緩緩流出, 很清香幼滑, 個人嫌略甜了少許, 皮還是熱的, 香軟好味。而那個普洱茶雪糕才是極品, 普洱茶味很香濃出色, 雪糕亦做得幼滑, 甜度適中, 不太甜, like 爆。伯爵茶窩夫配功夫茶.桂花茶雪糕 ($80)2個心心窩夫未食見到心己甜了, 功夫茶雪糕比普洱茶味道更突出, 味道跟飲功夫茶無異, 我好奇問老板娘; 茶味咁濃是否落了很茶粉? 她說是用茶葉煲茶, 取茶加奶制成雪糕的, 怪不得茶味咁出, 一點化學茶的感覺也沒有, 誠意可嘉, 而桂花茶雪糕也很幽香。這裡的雪糕及窩夫最出色還是按茶品種調較甜度, 甜度恰到好處, 甜而不膩, 食多幾球也沒問題。伯爵茶窩夫一入口以為吃緊香蕉蛋糕, 窩夫皮微脆,

去上樓café傾計並唔係中學女生的專利, 我們OL也要時不時約朋友仔傾下計,過一個有質素的假期一向都是茶味雪糕的粉絲, 數年前茶味雪糕不太普及時, 曾為了品嚐茶雪糕, 飛到新加坡去!現在不用搭飛機, 只需搭巴士到觀塘就可以一親茶味雪糕的香澤來到此特色café, 門外已特別佈置, 很有田園氣息室內環境也很適合女生們是一種少女森林系的感覺另一樣對女生聚會很重要的是這裡沒有用餐時間限制呢餐牌最重要的部份, 是足足有8種味道的茶味雪糕上方還很仔細的將普洱茶、功夫茶、蜜糖茉莉花茶、伯爵茶朱古力、抹茶、玫瑰花茶、玄米白茶和桂花黃茶的茶種做了分類, 到你去的時候, 也可以認識一下太想吃雪糕了, 先點甜品吧!貴族伯爵茶窩夫繽紛樂園配兩款雪糕(玄米白茶、普洱茶) 雪糕口味當然可以任選, 我們都選平常少機會食到的普洱味濃, 所以先吃, 他茶味香濃, 跟朱古力味的雪糕底味混和, 互相配合而玄米白茶, 的獨特玄米香味能保存於雪糕中, 亦於口腔中久久不散美中不足的是在我們嘆完雪糕後, 心形窩夫已軟掉了可幸的是裡面的伯爵茶味已足夠令我們醉倒玫瑰心太軟配雪糕(伯爵茶朱古力)玫瑰味從來都十分難處理, 因太濃的話, 味

第一次黎，環境優雅，靜靜地，好岩兩個女仔黎聚下。 叫左個搽茶卡邦尼鮮蝦意粉，聽講係呢度最出名嘅～果然唔差！有淡淡嘅搽茶味，啲汁嘅濃度岩岩好，唔會太"流"然後仲叫左個玫瑰心太軟，淡淡嘅玫瑰香，都唔錯！最後黎個茶味雪糕，呢個係玄米味(好似係)，好好味！ 我自己比較仲意食不太濃嘅食物，呢度淡得黎又好味！不過兩個女仔share個意粉同心太軟已經夠飽，仲有小小滯...仲有個侍應哥哥好好人，我地轉菜式，佢都好好態度

看食評說這兒的抹茶不錯，一早已預先卜了Easter 去試，1時正，正好餐廳開門。沒想到早了10分鐘到，待應說還未開門，叫我們稍後再來，令我感到非常失望……好的，10分鐘後回來座下，匆忙點了菜才有空欣賞環境。原來只一間以園林為主題的餐廳景緻，椅桌以木為主，配以綠色牆身，感覺休閒。抹茶卡邦尼鮮蝦意粉 (Kim子推介指數5/10)餐廳力推菜式之一，可是賣相不太討好，跟餐牌有點出入。卡邦尼意粉混入了抹茶粉，有小許苦味且漿口，鮮蝦還可以，但整體配搭有點奇怪。香蒜煙鴨胸意粉 (Kim子推介指數6/10)香蒜味香濃，煙鴨胸肉質算鮮嫰，配點菜感覺很fresh。

今天心血來潮，很想靜靜的休息一下，就立刻想到了這一間餐廳。隨餐有湯和雪糕。老實說，湯很普通，只是磨菇忌廉湯，也算不上是十分出色的。但雪糕卻是一流。淡淡的玄米茶味，十分清香，甜而不膩，吃很多也沒有不健康的想法。煙三文魚黑松露天使麵。松露味道濃郁突出，醬汁杰身不會呈水狀，醬汁控制得剛剛好。天使麵掛汁力極高，非常惹味。煙三文魚不會太咸，不帶筋而保持嫩口，厚厚的增加其口感。慕茶全日早餐。香腸窩夫是最欣賞食物之一。窩夫茶味濃郁突出，配上香腸的咸香，帶有香脆的外層。雞蛋嫩滑，蛋黃半生熟，蛋味濃香。炸饅頭伴洋蔥肥牛，炸饅頭香口香脆，味道咸香豐富，略微牛肉醬汁不夠，但味道仍然香口。全日早餐有燒蕃茄、炒磨菇、薯餅，份量足夠，賣相美美的。

係觀塘出完job, 一個人都唔知食乜好, 又勁肚餓喎, 肚餓既時候個腦真係轉唔到ga~~即時打比係觀塘返工既朋友八下有乜好介紹, 佢問我鍾唔鍾情茶, 嘩, 而家甘肚餓,乜都鍾情啦!! 即叫佢比間餐廳資料我, 原來就係離街甘近0者, 即刻一支箭飛過去啦!! 去到一入門口已經覺得好靚, 好少女風格同有種浪漫既感覺, 原來部雪糕車係店主結婚當日用作提供雪糕給賓客之用, 聽說可出租給客人, 還可訂造不同雪糕口味, 甘又好似幾得意喎~~    Cafe 不是太大, 約可以容納三十人左右, 簡約既枱凳配上不平凡既燈飾, 係呢個環境食野真係唔錯!! 我真的幾喜歡呢度既吊燈,  但又唔好意思問在那裡買... 不能小看呢間舖頭仔, 呢度既選擇分分鐘多過好多大餐廳呀~~花多眼亂又肚餓下, 我選擇係宵夜時段食早餐,哈哈~~  慕茶全日早餐都的確非常豐富, 有兩隻太陽蛋,番茄, 薯餅, 腸仔Waffle, 肥牛炸饅頭同伴菜, 原來Waffle 夾腸仔食都幾好食,  脆脆既Waffle外層, 暖笠笠既香草腸仔,食落都幾特別!! 另外個肥牛炸饅頭都唔錯, 肥牛係用日式醬汁煮的,好多汁不會乾身,

一個人行完街, 就上網search 下工廈區既cafe, 見到呢度sell 茶味雪糕,就一丁友獨自tea 了。下午茶set, 由於唔太餓, 但又口痕,就揀左紅豆湯紅豆湯配一球雪糕(自選)$52紅豆湯係自己倒,幾得意呢。紅豆湯味道較甜，淨湯冇乜紅豆料，味道普通。雪糕最有特色，玫瑰花茶味食到茶香,甜度剛好，非常吸引。另點了茱莉花茶味雪糕$28超重茶味，茱莉就唔係幾食得出，反而甘中帶苦。價錢中上,最大賣點當然係唔同茶類口味既雪糕。呢度環境裝潢幾別緻，同埸都有一班後生仔女傾計嘆下午茶。

馨香之祭($120)以茶作為主打既小店，位於觀塘工廈。因為司令一早鎖定左要去食雪糕，所以直接叫左個有五球雪糕既甜品，雪糕味道揀左玄米白茶、伯爵茶朱古力、抹茶、功夫茶、蜜糖茉莉花。 司令覺得最好食係玄米白茶，既有玄米香，又幾清新👍🏻。功夫茶同茉莉花亦唔錯，不過略嫌唔夠濃。抹茶味偏奶，冰感重。伯爵茶朱古力司令就唔太中意啦，兩者唔多夾😂。配埋窩夫餅乾食，都唔錯既。雖然等待時間長左啲，不過小店好有心，碟有雪過，令雪糕冇咁易融，抵讚。

茶有幾千年文化，最初其實是當作草藥使用，後來才作為飲料並普及至今。至於以茶葉入饌，其實同樣源遠流長，當中最常見於中菜或日本菜，到近年才出現在西式甜品，如蛋糕、布丁、雪糕等等，其中絕大部份是用綠茶，不單西式和日式的餐廳能見到它的蹤影，甚至有專售綠茶食品的餐廳。而今次拜訪的餐廳就是以茶味雪糕作主打，當然選擇不止於綠茶，還有較少見的功夫茶、普洱茶、玄米白茶......等等口味的雪糕。雖然我本身對茶沒特別偏好，但女生在甜食面前總不能抗拒，遇有特別口味的總會心思思想試，再加上茶給人印象都是健康的，所以吃個茶味雪糕罪惡感也不會那麼大。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊慕茶位於觀塘開源道的一楝工廈，由觀塘港鐵站步行約五分鐘，入夜後的工廈人煙稀少(離開時工廈大堂大部份的電燈已燱去)，出電梯後都要轉兩個彎才到，氣氛神秘中帶點恐怖，但一來到餐廳門口，就見到以白色為主調的門面，彷彿進入了另一個空間一樣。推開玻璃木門，映人眼簾的是帶田園風的碎花壁紙，前面是一架以不同花卉作點綴的雪糕車。左手邊白色屏風前是另一架雪糕車，上面同樣以各種鮮花點綴，再放上兩個白色雕花鳥籠，給人非常清新的感覺。