慕茶 (已搬遷) 新店位置

今日約左一個係觀塘返工既朋友食飯，作為地膽的她帶我來到位於工廈中既「慕茶」。去之前已好奇晚上工廈𥚃既餐廳真係有生意？但原來我既擔憂只係多餘。「慕茶」位於開聯工業中心入面，相信唔係熟人介紹或附近返工既人根本唔會知有間餐廳。好彩我地有訂位，聽侍應哥哥講今日full booking!𥚃面裝修北歐風，店面小但非常舒服relax，係三五知己聚會好地方。menu選擇不算大，但如果好食又何需多呢？我地點左兩個意粉加兩杯飲品。我點既係黑松露煙三文魚天使麵，位置唔算多，對女士應該剛好。忌廉醬汁方面非常濃郁，本來同黑松露就絕配。天使麵麵質不會太軟亦不硬，而且保持咬口，非常惹味！至於友人點既帆立貝墨魚汁意粉亦好好味！本來墨魚汁就無咩味道，但廚師適當既調味，加上洋蔥既香，令到墨汁意粉變得不再單調。帆立貝用蒜香煎，同意粉亦好配合。最令我滿意既係兩杯飲品，我既伯爵茶朱古力充滿伯爵茶既香，但加上朱古力既甜，兩樣毫無關係既材料出奇地合拍，令人驚訝，而且跟餐加$20就飲得到！友人既青檸薄荷葉梳打亦好出色，雖然材料平平無奇而且價錢略貴，但加埋一起非常清新外，加上梳打輕帶甜味，令人一喝難忘。埋單兩人$254，個人認為非常合

觀塘工廠食肆多, 午飯時間又黎到觀塘,BUDDY又係附近, 當然搵埋佢一齊食啦 !我地都係搵間近BUDDY公司的工廠食肆,最後搵左 - 慕茶慕茶係開源道, 一出港鐵站靠右邊直行大約5分鐘就到,上到去時坐滿8成, 餐廳開足冷氣, 啱晒出晒大汗既我,裝修充滿田園風味, 店子不大, 亦有一張大枱可以比10人以上見到中間有個自助茶水區,可以自助調飲品, 有檸茶檸水咖啡....我飲了熱紅茶。BUDDY要了熱咖啡餐牌有午市套餐有7款, 價錢由$55起,我和BUDDY點選了 兩個套餐:黑松露煙三文魚天使麵 $70蟹籽帶子抹菜鮮蝦忌廉意粉 $78另加$8 要了 牛肝菌忌廉湯配蒜蓉包粒牛肝菌忌廉湯配蒜蓉包粒忌廉湯好香牛肝菌味, 而且好熱, 配上蒜蓉包粒好夾, 湯的份量如果大一點更好蟹籽帶子抹茶鮮蝦忌廉意粉上枱時覺得好靚, 抹茶色的意粉加上蟹籽的紅色互相輝映,而意粉亦放了香草, 令到整體視覺味覺大增鮮蝦有4隻, 兩粒帶子, 同樣地煎香過,亦有少許沙律菜拌菜, 是不錯的選擇。黑松露煙三文魚天使麵 很喜歡廚師將煙三文魚卷成花狀, 立即影相食先, 天使麵硬度適中, 除了有煙三文魚做主菜外, 亦有大量洋蔥粒, 洋

約會了在觀塘工作的朋友，問及我在工廈中有沒有特別的地方，想起已有一段日子沒到訪的餐廳，於是帶同朋友前往。在工廈中轉角又再轉角，都是一般的辦公室或貨倉，終於來到店前，門外變得簡單直接，減少了粉飾。推開白色的門進去，仍留有如少女情懷般的擺設，朋友卻很是喜歡。內部裝置大致相若，卻有小許改變，仍是木枱梳化椅，有如家的感覺。茶水間沒太大改變，仍是自助式。坐了一會後，看看餐牌，午餐時段卻有特別優惠。雖然餐牌改了，沒有套餐，可是每一種菜式也有多個選擇，選擇困難症有點作怪，最後點青醬煙鴨胸意大利粉，拿破崙蕃茄醬厚切牛肉漢堡意大利粉。與友人兩個很期待，結定是共同分享，自助的找了兩個小碟作準備。青醬煙鴨胸意大利粉，色彩感覺是清淡，鴨胸入口容易咀嚼，鴨肉味香，這點很是意外，意粉入口較乾身，卻很香滑，很有口感，意粉上的香草味香而清，令意粉更可口。拿破崙蕃茄醬厚切牛肉漢堡意大利粉，色彩是紅色，感覺較熱情，蕃茄醬帶出很香蕃茄味，並不過重，與意粉非常配合，入口相比下較濕潤豐富，牛肉漢堡味因蕃茄醬變得濃而厚，口感軟滑，在口中還帶著肉汁的感覺。品嚐過特別的意粉後，友人說剛才在餐牌中有著花茶，以及由花茶制作的甜品，於是再

聽過慕茶的大名好多次, 之前未有時間來, 今天趁著AL, 來了這裡歎一歎下午茶有私房菜的樣子, 門面非常見得人, 餐廳也很有悠閒舒適的感覺, 坐下來已經有放鬆的FEEL熱朱古力大大杯, 比一般的甜香, 喝下去更加舒適更放鬆神經煙三文魚芝士意大利麵, 味道濃郁, 芝士香味一流意大利麵不會太稔, 口感適中, 煙三文魚不是太咸幾FRESH!抹茶雪糕窩夫非常好吃, 口感鬆軟彈牙, 還加了點藍莓, 甜中有點酸味平衡, 非常好吃!

朋友就o黎搬去法國，同佢食餐飯。呢間工廈cafe d 裝潢，一睇就知係田園風啦。淺綠色o既牆身、木造檯凳，跟住有一邊牆上有排竹製裝飾，然後天花板又有d 樹枝綠葉咁，環境清幽，氣氛悠閒。先o黎個「凱撒沙律」($56)，可以加火雞肉(加$12)。好大o既一兜，麵包粒扑扑脆，火雞肉鮮嫩得o黎唔鹹。「卡邦尼意大利粉」($72) 可配煙肉或者蘑菇，叫o左蘑菇。意份幼身，漿汁非常之惹味，比出面好食好多，呢度d 忌廉或者芝士配方應該好特別。餐廳供應兩款All day breakfast，一款係普通一款係招牌，咁爭幾蚊o者，梗係試下佢個招牌啦(「慕茶全日早餐」，$96)。果然有驚喜，首先想講條香腸，其實佢係一款台式肉腸o黎o既，本身已經靈舍好食，而且佢仲係用一個窩夫包住o既設計，層次更加豐富。細心咀嚼，會發現d 窩夫帶一d 伯爵茶味添，與餐廳主題以茶入饡互相呼應。另外有一份類似中式炸饅頭o既麵包，但係呢整到好似夾餅咁o既，上面蘸上煉奶，然後中間夾o左d 肥牛，d 肥牛好入味。仲有o個兩片蛋，係類似溫泉蛋咁半熟o架，相信幾考功夫。茶味手作雪糕係佢地o既主打之一，當然要試番下。可以單叫幾多球咁樣，或者lu

郁悶的周日下午同蜜友們約定到慕茶相聚。兩位蜜友已經來過慕茶，覺得很讚。之前係開飯見慕茶正評都算多，但因地點唔就腳一直無緣光顧。今日試完後覺得好適合女生們gathering 燈光柔和，走自然風，環境舒適不會局促點了忌廉黑松露三文魚意粉&卡邦尼意粉食物的味道係無可挑剔的，意粉軟熟有口感，配料份量平均剛剛好，汁料的味道濃郁且稀稠度恰當，唯伴碟的沙律菜較乾不太新鮮。因為點了主食，可+$20享用指定甜品，選了簡簡單單的抹茶芝士蛋糕。可能係加配關係，蛋糕份量比想像中細，味道還好抹茶味可再加重一點，質感夠結實。點了主食也可以半價優惠選擇飲料，我們選了四季花茶，用茶包沖泡&紙杯承載誠意欠奉，味道未見突出，但飲落係舒服嘅。店家可以係杯裝花茶系列上花點心思。另外也可推出套餐優惠給予食客選擇!整體而言對慕茶非常滿意，職員們都友善&熱心，係假日同好友來共渡平靜時光的好選擇

每逢假期的日子, 我家大少與我都會尋找一些特色或沒試過的食店去試試! 剛過去的星期天便上網找尋, 而當時我本想找吃窩夫的食店, 無意間找到位於觀塘區的慕茶! 細看不少有關它的食評及食物相片後, 也覺得蠻吸引的, 才決定跟大少來試試! 食店位於工廠大廈內, 如不是一早做好功課, 得知門面是白色及記下門號, 其實挺難知道這間店就是我要找的餐廳, 因為門面並沒有招牌名的! 我本來是想點甜點吃的, 但看過不少食評也是推意粉類, 加上我倆來到時也差不多是下午5點, 索性改點咸食!我點了很少人介紹的一款冷麵- 涼拌麻醬天使麵(併火雞肉) $72食物送來時, 以碗盛載, 其賣相感覺一般, 但沒想到味道不錯, 火雞肉入口很嫩, 不會感到肉質很乾, 加上很少以天使麵作為涼拌, 這個配搭組合有驚喜! 另一款點了很多食評都推介吃的招牌菜-茶助抹茶帶子鮮蝦蟹籽意大利粉 ($95)老實說, 賣相相當差, 尤其是意粉上的7隻小蝦, 賣相差之餘, 其肉質也全變成通透色澤, 很明顯用了梳打粉只令其爽口, 但其新鮮度及蝦味全失!意粉軟硬度尚可, 味道則令我感覺雙重, 前段會嘗到白汁的意粉味, 後段再透出一種苦澀味, 相

我對all day breakfast 總有著先入為主的印象，來來去去不過煎蛋、腸仔、煙肉、薯餅，番不了天。日前在慕茶點了all day breakfast, 才發現原來固有的印象不過來源於以往吃過的all day breakfast 都缺了些心思。心思顯見在包裹著司華力腸的肉桂窩夫上，鹹甜的配搭，硬軟的反差，都嘗出了全新的口感味道。值得一提的還有蘸了煉奶的炸肉膜，饅頭變了薄餅，炸得金黃通透，對摺夾了鹹肉，淋上絕配的甜奶，同樣是一甜一醎，一脆一嫰，慕茶獨有的口味。

觀塘區以茶為主題的cafe平常到工廈的餐廳食物質素通常都不錯但是今次卻大失所望既然以茶為主題當然要試一下它的抹茶意粉意粉的抹茶味很濃濃得有點苦我覺得這也不是大問題因為這是抹茶的原味然而更大的問題是調味太咸整碟意粉的味道變成又甜又咸頗為怪異而且配料只有三小粒蝦和一小粒帶子想分享也不知可從何入手慕茶 all day breakfast 不過不失窩夫腸仔頗有特色但切割上卻有點偏差一半有大半條腸另一半只有一小口腸希望可以改善一下普洱雪糕配紫薯心太軟普洱雪糕沒甚普洱味太甜太軟身心太軟的紫薯味與朱古力流心頗為合拍反而是驚喜可惜流心不夠熱，皮卻太軟功夫似乎還未到家慕茶要在工廈cafe界中站得住腳食物水準似乎還有一段距離

觀塘工業區近年愈開愈多樓上cafe, 這天來了一家以茶為主的慕茶。點了一個小食拼盤, 有薯餅, 薯角, 脆雞翼, 蜜糖雞翼, 牛油粟米及台灣腸。最特色是配上的抺茶芝士醬及桂花蜜! 抹茶芝士醬有淡淡的芝士味, 茶味反倒不突岀, 桂花蜜則非常岀色, 淡淡桂花清香加上香甜蜜糖, 配上台灣腸及薯角, 一絕!另外點了一個抹茶卡邦尼意粉, 比起一般的卡邦尼意粉多了一陣抹茶的清香, 亦為卡邦尼意粉帶來清爽的口感。店舖正在做推廣, 只要於facebook或instagram上傳食物照片及打卡便可免費得到一杯是日手工雪糕, 當然要打卡啦! 是日口味為功夫茶味雪糕, 吃得岀是自家製, 有茶味又不會甜, 實在好吃!吃完雪糕太飽了未能試其他甜品, 看見隔壁桌的好像很不錯, 下次再來主攻甜品!

服務態度非常差！有一枱客非常嘈吵！多次向員工反映也不理會！食龍肉都無味！餐廳非常嘈。要非常大聲才能傾計！大排檔的感受！高級餐廳價錢！食物質素一般！慘痛的進食經驗！永不再來！

話咁快就已經去到6月中，迎接呢個炎炎夏日，最好就係開行冷氣嘆住雪糕。雪糕有咁多種口味，你又會鍾意邊款呢？朱古力味、士多啤梨味，雲呢拿味，咖啡味，拖肥味，綠茶味等等等等......呢幾種我相信大家都一定食過，想食d新口味，不坊黎到呢間我無意中係網上見到既cafe。呢間cafe係係觀塘開聯工業中心，由apm行去大概5分鐘路程，地點方便易搵。不過，上到去好易by pass左，因為佢門口係冇招牌架。呢度係以白色同湖水綠色做主調，裝修簡約，環境舒服感覺柔和。係正中間埋牆位仲有個自助茶水區tim。Menu呢度主打係手作茶味雪糕，店主將中國茶同埋花茶融入雪糕以至甜品同意粉。貴族伯爵茶窩夫繽紛樂園配2款雪糕$80呢個窩夫散發出香濃既伯爵茶香，窩夫外脆內軟，味道微甜唔膩。至於雪糕，我揀左功夫茶味同玄米白茶味。兩個雪糕球都係茶味香濃，功夫茶味仲入口回甘tim，而玄米白茶味就真係食出獨特既米香味，仲有米粒口感2球雪糕$50另外我再叫多左兩個雪糕球，分別係伯爵茶朱古力味同蜜糖茉莉花茶味，呢個伯爵茶味蓋過左個朱古力味，但係味道唔錯而且食落好香滑又唔會過甜。至於個蜜糖茉莉花茶就超級香茉莉花味，食落蜜糖味重又有茉莉

出客lift後要在工廠大廠走半個大圈，又無指示點行，門面名都無，真係以為自己好隱世好型咩。我親眼見有其他食客搵到盪失路。聽個名同睇門面以為好文青，原來大錯特錯，只是一間很擠迫的普通餐廳。全場九成半係女，或多或少反映香港男女失衡的情況。枱與枱之間只有10cm的距離，被迫成為最熟悉的陌生人。餐廳超級嘈超彈聲，同朋友吹完一晚水真係會失聲。廚房不在鋪內，由另一個單位拿過來。算是招牌的抹茶意粉，約$90，分量有點少，旁邊的海鮮一看就知是平價的急凍貨，只有一粒很霉的帶子，蝦無蝦味帶子無帶子味，達到食咗咩都唔知嘅境界。抹茶意粉，很易又會被標籤成『很港女』，點之前也很怕中伏。意粉軟硬度適中，算是一個好吃的白汁意粉，至於那淡淡的抹茶味，似有還無，沒有為意粉加分，你同我講那是波菜意粉我都會信。新品軟殼蟹墨魚汁飯，約$95，是全餐廳唯一個飯類。飯的份量好多，但餸很少，軟殼蟹好鹹而且炸到淋pat pat，蟹同啲配菜嘅味道同個飯完全分離，完全唔關事。飯味道不錯，帶芝士鹹味，但整體食味口感非常單調，就是一碗偏乾的淨飯，多點醬汁、洋蔥碎或加點墨魚粒會比較好。還是懷念西班牙多汁版的black rice。甜品抹菜心太軟

本身自己很喜歡吃雪糕，之前有見過這間有很多不同味道的雪糕吃，所以今天特地到訪試試。我要了3球，玄米白茶、功夫茶、桂花黃茶，三款味道均散發各自的茶味，有時清淡甜美，有時清淡冷靜，只是桂花黃茶稍比其他2款甜些，可能因為是雪葩吧！友人要了這款，除了雪糕，其他均不推介，那些底層的裝飾，應該已經弄了很久，叉子碰到的時候是硬的，而且那塊蛋糕，餅跟餅底是分離的，不知道放了多少天的蛋糕……雪糕是伯爵茶朱古力，伯爵茶太搶了朱古力風頭了，如果可以平均些會較好。經過這次，才知道這兒有午餐吃，可是，我下次應該也不會特地到這吃。

很久以前已有來過這裡，那時價錢相宜一點最大敗筆是少了很多與抹茶有關的DISH,點了桂花雪糕以前一試驚豔，現在是普通桂花味帶點甜的雪糕而已。另外點了抹茶CHEESECAKE,CHEESE味夠濃但抹茶味不夠軟殼蟹墨魚汁飯味道不差，略嫌軟殼蟹有點油，其實作為一般CAFE來說味道及格，只是$90元一個飯然後下午茶時段也限定只可以入坐個半鐘來說…真的不太討好可能我來這裡一心想吃抹茶小吃和欣賞用抹茶/茶類入饌的茶色，現在覺得這裡只是普通CAFE，不會再來了