成發海鮮小廚

營業中

休息中

作為一封投訴既食評，只可以話食左大概個半鐘既晚飯，佢D廚師煮既野少鹹但好食，員工態度殷勤友善。但！只系短短3分鐘，埋單個下對老板，總數系$3xx，佢直接收我$400，我問佢，佢就話個幾廿蚊系茶錢。喂，冇一個位寫話要收茶錢，我之後問伙記，佢地好尷尬甘望住老板講，「尼D老板決定」，我心諗乜鬼野老板決定？有計開人茶錢既話，伙記會吾知幾錢？個「茶錢」仲要系除吾開人頭數架。其實openrice都有人講過，本來$492收佢$500，叫老板比返$8，老板就叫佢以後吾好黎食，所以我先冇面對面同佢爭執。 尼間成發衛生系無問題，但食食下有人吸煙，都冇人理，乜可以室內吸煙架咩？有成10幾人都吸緊，情況好誇張。食評黎講，我食左3樣野，椒鹽鮮魷、蒜香骨、沙嗲肥牛煲。椒鹽鮮魷: 都算大大份，食極都仲有既感覺。但吾知點解食落有陣杏仁味，本人系吾中意杏仁味，所以尼點有D扣分。當時我冇查問，因為我以為每間大排檔都有自己既特色。蒜香骨: 佢D蒜系真系佈滿比你，好岩撈飯。但偏鹹，冇飯撈既話，應該好難頂到。沙嗲肥牛煲: 系普通既沙嗲肥牛，都系沙嗲味吾重。但就好大兜，相信5個人都夠食。

不知所謂的地方。一個人做完運動，拿著大個運動袋去到，想吃午餐碟頭飯。下午一時許，佢成個場好淡靜，9成都係吉枱。找了張靠近收銀位的兩人枱，方便工作人員招呼。於是放好運動袋，正想坐下，伙記不准，要我去另一張已有客佔著大半的小小二人枱坐。我想，我拿著這樣多東西怎好放下安樂吃餐飯？於是就離開了，平靜地去找同一個熟食中心內其他高朋滿座的店家。當路過收銀處時，豈料遭收銀的阿叔配以猙獰的臉孔單打指責：「去酒樓食囉！」我都係飲食業老闆，呢位所謂業界同行，祝你檔咁嘅嘢捱到落去🙏

上菜半個鍾其實叫幾小菜 佢都要半個鍾 已影響你整餐飯既心情垃圾食物未試過咕嚕肉是冧的, 味道等同蕃茄炒豬肉; 椒鹽九肚魚,骨多過蒸魚 ; 炒通菜得個鹹字招呼零分未食完又收野， 大把吉枱，吾好咁趕啦 四圍食煙8 點幾到餐廳， 已周圍食煙， 吾好咁啦嘈過酒吧D 人玩骰盅, 係到猛尖叫 街巿好應聲 坐附近會好辛苦投訴無門同佢講咕嚕肉冧. 佢話口味問題 口氣同你講 係咁架啦 吾食算自討苦吃浪費金錢價昂物廢明智勿嘗其實街巿大排檔係有氣氛 但氣氛 不能抵銷其他負評 之前東寶 有正常招呼 都有味道 且有招牌小菜 上菜又快 如果只貪小小氣氛去試 你最後只會肚氣

【中西區】【成發海鮮小廚】情人節嘅夜晚，每個人諗住嘅嘢都唔同，我就唱住「情人節，氣魄更壯」咁坦然面對一個冇女同事陪伴嘅情人節。然而，適逢老友威船長都冇人陪，而佢又咁啱喺香港，就一齊食飯啦。我都真係好耐冇見佢，要促膝長談吓。佢對飲食都係有極高要求，聽講佢試過因為食物質素而喺家庭聚會都拂袖而去，真勇士嚟，所以跟住佢實冇錯。可惜本身想食嘅煲仔飯，當日就冇供應，聽返個原因原來係話新春期間食煲仔飯係唔吉利喎，第一次聽，長知識了。威船長極力推薦呢度嘅墨魚餅，所以叫咗 $128 嘅「香煎雙寶」，有鯪魚餅同墨魚餅，聽講都係店家自行製作，口感特別而味道豐盈，係真係好味，難怪舊幾水先得幾塊。跟住食 $128 嘅「豉油皇鵝腸」，做到大牌檔水準，正。之後，情人節點都要食咕嚕嘢致敬女同事，食 $116 嘅「咕嚕雞球」，可惜味道非常一般，而且太濕，彷如我嘅情淚一樣。最後食 $68 嘅「蝦醬叉燒粒炒飯」，幾香蝦醬味同幾有鑊氣。埋單兩位夾埋 $440，唔知點計出嚟嘅價錢。。。（地址：西環石塘咀皇后大道西470號石塘咀市政大廈2樓熟食中心CF5-6號舖）#1amfoodie #foodie #hkfoodie #tha

我地一枱叫左7個餸等左兩個鐘先得3碟，份量仲要少過正常大排擋一半，完全冇expect 過一間大排擋可以差到咁，野食好難食，完全唔值得幫襯，希望老闆見到自己改善下。

呢間大排檔幫襯超過10年 今晚如常2個人去食飯點咗一個炒菜 椒鹽鮮魷同埋煲仔飯 佢今晚比較多客知道會等得耐 但當煲仔飯上咗枱食完（煲仔飯製作需時） 啤酒汽水亦都飲完 兩個小菜都未到 心知不妙叫咗個阿姐幫手睇吓 佢哦完之後依舊做返佢嘅執枱工作 之後再搵個男人幫手跟 佢應該入咗廚房睇過漏咗單重新幫我落過 但又冇返嚟問我要唔要 我前後等咗差唔多一個鐘兩個小菜都未到 一肚氣之下就出去埋單 當時8:32 我同個乸型老細講話兩個小菜成個鐘都未到 佢話冇可能 係佢帶我哋入去坐 點解我咁肯定係一個鐘 因為我落完單先諗住買場波 場波踢7:30都未開波😅😅佢走咗入廚房望一望 跟住同我講兩個餸整好晒問我食唔食 都等到成肚氣點食得落 跟住佢話你唔想食咪出聲囉 但係唔好話等咗成個鐘 好似講到我有心玩嘢咁 我心知再拗落去都冇意思 佢實話自己啱 之後我擺低錢就走 落到樓下仲要去對面買燒賣格仔餅食啊陰公…呢間嘢自從拆咗伙之後越做越衰 一定唔會再有下次 希望乸型老細睇到呢篇嘢之後自己檢討吓

Lunch想食個快飯, 就去左成發。 間唔中都有幫襯, 都覺得唔錯, lunch有大排檔野食覺得好正, 份量就見仁見智。話說野飲要喺雪櫃自己拎, 咁拎左罐王老吉, 原來要加錢。有個老職員提我要加錢, 咁我唔要, 想轉熱飲。 點知問題嚟喇, 我唔要凍飲, 要熱飲, 個老職員好多籍口, 一時話要等好耐, 一時就話$6, 哦左我勁耐; 我唔係因為$6問題, 係因為唔想飲有氣野、唔想飲凍野; 個老職員係唔係都要我地加$6, 要我地嗌野飲, 勁恐怖！ 點解要屈人隔硬要雪櫃野, 唔叫得熱野, 怕左佢, 汽水都豪比佢喇, 唔要喇, 竟然咩野飲都唔要又唔比？！係咁喺度嘈？到野食上枱, 叫左蠔餅, 本身炸蠔餅嚟, 唔係第一次食, 點知上到枱係蛋餅, 仲要食食下有殼？ ok fine, 我忍食剩3分1, 個老職員吹收錢, 其實又發生咩事呢？ 平時食完, 拎單出去比錢, 而家驚因為野飲問題我走數呀？ 真係好抱歉, 多謝你令我呢個熟客唔會再嚟幫襯, 呢次食嘢體驗真係好恐怖。

10月22日星期日同家人去成發食晚飯,食物都可以,自己計算共$492,去老阪枱俾錢,收我$500。我話：應該$492佢話：尾數收埋我話：乜尾數收埋佢好不願意俾番$8我,並話：以後唔好嚟食。如此收錢方法, 實是大問題, 尾數是屬於客人, 所以一定要問過客人。希望其他食客要小心。

呢間之前食過幾次, 通常都收工一個人去, 一個煲仔菜一碟炒菜一支大啤, 通常200左右落樓, 已經發覺埋單時跟餐牌價錢總有啲出入, 不過相差不遠就算啦, 咪當比加一咯。前晚如常一個人去, 大鱔煲餐牌寫時價, 所以今次已經醒目專登問了店員幾錢, 店員回覆幫我問老細, 之後回覆蒜子大鱔煲收$198, 其實我都覺得大排檔嚟講都算貴, 不過問咗價唔要又好似好衰, 咁最後叫咗一個蒜子大鱔煲, 一碟蒜蓉菜心加一支大啤。最後埋單時竟然收我$380, 我問老細點解咁貴, 佢話呢個價冇錯, 我要求睇單, 原來蒜子大鱔煲收咗$288, 菜心$60, 大啤$32, 我就問佢唔係$198咩？佢話一路都係$288, 仲話我食嘢唔知價, 我就話係嗰個店員覆價$198我先會點, 後來嗰個店員都埋嚟同老細講話係佢自己(即收我錢嗰個)覆$198, 但老細竟然反口話成晚都冇人問過佢價, 企梗唔肯減, 個店員表情都好無耐, 我最後冇同佢嘈, 掟低300問佢要唔要, 唔要就報警, 佢就跟住趕我走, 仲叫我行路睇車小心比雷劈喎！如果大家想親身體驗成發劏客經歷的話, 成發海鮮小廚絕對唔會令大家失望！推介！

食物同份量都唔錯👍🏻 地方算整潔不過全樣暴光嘅野蠻收錢阿叔令我無法比好評比錢嗰陣望住佢特登每味餸加十幾蚊，之前嚟咗三次都係佢收錢，方式一樣。頭兩次見其他職員都幾好，明白工作辛苦就容忍吓當比tips算啦。今日終於忍夠決定好好哋同佢計menu上面個正價佢就突然大聲喊 “咁你有冇食飯！” 態度非常惡劣。當然都唔小得攻擊性的説話。安全永遠係第一，冇謂喊交。唔會再去有拍下全面照片以防萬一，但考慮到大家都應該有second chance就冇謂拿出來公審 其他職員就幾好大家都斯斯文文嘅👏🏻

熟食中心黎講，衛生情況十分好不過價錢同性價比先係令我不斷回頭既原因豉椒炒蜆/花甲好有獲氣椒鹽鮮魷粉一啲都唔厚魚香茄子好送飯係每次必點其他就食乜都一樣咁好食成發世一！

有一晚實在不知道吃什麼好，附近的都是連鎖店，吃到口都淡晒了。突然在街上看到很sharp醒的燈箱，就毅然一試😂。點了蒜香燒靚雞，日本清酒煮蜆和煎蠔餅，兩碗白飯，（後來又加了一碗😂），最重要仲有支啤酒。蒜香雞皮和味道也很不錯，很香但肉有一點散，這個有一點可惜。但我也用來送了兩碗大飯😋。日本清酒煮蜆略嫌淡味，蠔餅也不夠香口也有點淡味。但座位很闊落，側邊也有其他桌的人在愉快地吃晚飯，氣氛很好。侍應也有禮貌。大排檔的浪漫，一個愉快的晚上😄

2019年3月20日（星期三）市政大廈食肆格局，比九龍城街市舖環境好得多。通風、光猛、衞生企理，枱與枱距離闊落。欖菜炒涼瓜茄子麵醬蒸豬板筋有相為證，小菜賣相靚仔，大大碟，份量十足。涼瓜唔係一般軟淋淋嗰種，而係採取清、脆、爽，回甘路線，成功開闢涼瓜新煮法。有鑊氣，清新可喜、與眾不同！麵豉醬咸味適中，好惹味，茄子索滿麵豉肉末香昧，有層次，豐腴可口！本來夜媽媽冇諗過要食咁飽，但小菜出色想KO淸碟，結果叫咗兩飯一粥，埋單唔駛160蚊，認真抵食！

今日接女朋友放學，見就嚟糧尾，諗住食平少少，膽粗粗問下女朋友食唔食大檔， 點知女朋友一口應承，係緣份令我哋認識成發！叫咗三個餸：椒鹽九肚魚新鮮，炸得剛好，份量唔少，好味，送酒一流！豉椒炒生菜因為冇晒通菜所以轉左生菜，夠鑊氣不過略嫌多油同咸左啲！蠔仔粥本身想食煲仔飯但又想試蠔仔粥，最後都無後悔，啲蠔仔好多同埋好新鮮，份量好足，兩個人食唔晒！飲埋朝日啤酒，飲飽食醉埋單先$200，期待下次叫埋d朋友，多啲人可以試多啲唔同小菜！

好掛住羊腩煲，入冬後就好想食。坊間好多份量小又唔足料。難得搵到間好野，要分享下。通常傳統火喉功夫粵菜，除了看鼎爺嘅「阿爺廚房」外，便是我們集體回憶嘅大排擋。地產霸權，昔日大排擋冬菇亭都唔易搵。街市熟食檔係食地道粵菜的不二選。雖然係街市熟食檔，但格局好企理整齊，地下乾淨，每張枱都有乾淨枱布，同酒樓差唔多。兩個人要中煲啦。試過係出面茶餐廳食羊腩煲，羊腩少唔在講，唔入味。。。煲煲嚟到，好難得搵到咁多羊腩既煲👍。我地開心到要叫多份枝竹同生菜來配食。羊腩多肉少骨，埋單3舊水有找！下次一定再嚟試其他菜！