成發潮州菜館

營業中

休息中

一盒鵝片拼紅腸，盛恵$155元。10片紅腸+ 6片不知所謂的小鵝片，再加豆腐在底。有冇再過份啲，錢唔係咁賺㗎，就算幾好食都唔會再幫襯😤真係好離譜！千祈唔好以為街坊食店就一定抵食，分分鐘貴過你去尖沙咀食，冇下次！

有同事生日，諗住去九龍城食飯，咁啱見到有人介紹呢間潮州菜，就去試下。可能店鋪比較舊，一入門口一陣陣奇怪味道，冷氣亦唔夠。我地一行4人就先叫左5個菜式，諗住好味再加，個個都好期待咁等食物上枱，但食後就只感覺失望。蠔餅~味道不過不失鹵水鵝片三拼~ 只得鹹鼓油味，鵝片都算淋蝦棗~ 味道一般糖醋麵~呢個最想食，可惜個麵唔夠香脆豬紅韭菜~汁較濃，豬紅好入味份量比較細，雖然未飽，但食物實在太唔吸引，所以大家都覺得轉地方食甜品會比較好。

嚟呢度食飯真係要多啲人次次都叫到成枱嘢食，非常滿足生醃螄蚶，滷水鵝肝，滷水鵝片都係必食嘅蠔仔粥，炸蠔餅，糖醋麵，腩肉春菜，炸蝦棗，反沙芋，食極都唔厭舖頭細細，最好book定枱先好嚟啊。

成發潮州菜館食評於2023年食過五次。九龍城，一個人情味很重的市區，你總會找到寶藏。朋友介紹我們到誠發，最後個個像着了魔般，經常掛到嘴邊，幾時再去。前菜 螄蚶一碟潔白色的貝殻海鮮無可否認是我最愛。以前開螄蚶都是靠兩手指甲搏鬥，店員細心替我們準備了鉗，讓我容易把清甜的海洋之寶輕鬆送進我口，鮮美，飽滿的肉身。前菜 滷水鵝肝🪿吃得出老師傳把滷水汁高湯煲了很久，淡淡的藥材味把鵝肝味道昇華，不膩而且新鮮，吃多幾啖脂肪也值得。主角 鵝頸脊🪿 師傅見到我們把鵝肉拼盤火速清盤，就親自切了最珍貴的部份給我們。師傅說鵝頸位置肉身柔嫩，去掉骨頭，能享用的部份較少，肉身鮮甜，柔軟滑身。第一次吃鵝頸脊，被師傅的刀藝和它其有的味道重重打擊我思維，絕對明白為什麼這不在菜單上，一百分好吃。主角 魚兩吃🐟潮州以魚飯為主食，馳名用最簡單做法把魚的鮮帶出。老闆以酸梅做出魚酸酸甜甜，就是一道潮州版的酸菜魚;另一邊魚身則用剁辣椒和豆豉做了輕易版豉汁辣椒魚，兩個做法都很惹味。湯品 生拆蟹皇羹🦀這道菜是必須預定，因為師傅要用上蟹肉、瑤柱、蟹黃、鮮蝦等海鮮配上老抽、生抽、高湯等熬成。師傅說要花很多時間在拆肉上，為免影響客人吃到蟹殼，

見到有羊腩煲就試下啦，428都好大煲跟一碟生菜，2個人可以分兩餐食，我特登帶咗個食物盒去裝起一半。入面羊腩份量令人滿意，及有支竹、馬蹄。最入味係羊腩，同埋好霖。支竹如果再炆耐啲就好啦。主要係柱侯同少少五香味，另有腐乳撈咗沙律醬既醬汁點食3星原因係個煲好鹹，一路食一路要飲好多水。若果唔咁鹹，係可以俾到4星的。另外侍應好細心，唔知係咪咁所以埋單有加一服務費，我地嗌咗一個煲，一碗飯同一支asahi咁就成五舊幾水啦。個煲本身唔係平，唔知係咪因為下面有個爐可以一直滾佢所以收貴啲，咁的確熱辣辣食係好味啲既，但係舊舖頭食咁既價錢就會偏貴。我唔太推介羊腩煲，不過會想試埋其他食物

沙嗲牛河果然名不虛傳🥳🥳滷水鵝也好味😋淋得來也有口感，炸蠔餅夠脆👍🏻👍🏻不點汁也好味，滷水拼盤合二人前，值得再食😋😚韭菜豬紅入晒味，用筷子可夾起……

滷水鵝肉有驚喜 大部份鵝肉去骨 肉質嫩滑 滷水底汁非常惹味 入晒鵝肉🤪🤪 總括而然超正!!!!滷水鵝肝好軟熟 入口即溶 一定要趁熱食☺️☺️ 完全冇腥味 豬耳我覺得都好好食 爽口彈牙 加上滷水香味炸蝦棗啖啖鮮蝦肉味🥹 炸粉適中 唔會成口粉 一定要點佢哋秘制桔油 酸酸甜甜 異常哋夾！🤤🤤另外豆豉鯪魚油麥菜👀👀 啲菜好新鮮 好似煮嘅時候落咗腐乳釣味😍 食落口嘅時候好惹味 😛😛 個人非常鍾意食豆豉鯪魚油麥菜！一定會推介其他親朋戚友嚟一齊食！

一般星期五六日都唔敢去打搞呢間店，基於舖面得一層冇閣仔，就得地下嗰五六張4人枱，郁吓就爆。係見今日平日加前後唔係咩假期，透過門口見難得7點都仲有一張4人枱剩。一般潮州打冷侍應都粗氣似行走漿糊歷盡風浪造型，呢間啲侍應反而成個文職樣，陰聲細氣又細心。嚟得打冷定必整碟鵝乜鵝物。揀咗碟三拼：鵝片、鵝腸、墨魚。頗失望，鵝片真係唔夠鹵水味，鵝肉味亦偏淡，鵝腸好少少，用咗瘦鵝腸，反正本身都冇咩味容易索汁，吸收完啲唔夠味鹵水叫做剛好。牆壁上嘅「沙嗲牛肉炒河（加蛋兜亂）」，吃感反而似瑞士汁炒，同照片還原度極高，係其中有條菜心發黃都照揼落去炒有啲煞風景。好耐之前都有講過街市已好難搵到筍殼魚嘅蹤影，而且係本人對母親之回憶（n年前佢間中就鍾意買條返家薑蔥豉油蒸而令到對蒸魚耍手嘅我居然趨之若鶩），所以一見到有中菜館有，哪怕係油浸油炸，都會自動盲目去點。今鋪筍殼係炸到炸魚皮嘅脆度，連魚唇、下巴都可咬碎。筍殼魚本身味淡，勝在肉細嫩，細皮白肉、小巧，唔會差得過洋人嘅炸魚。N年前會膽粗粗喺路邊大排檔拆螄蚶食，多數都係煮水燙過幾十秒。依家類似韓式生醃實屬首次。網上搜過，整法似乎屬於「醉螄蚶」，侍應遞完螄蚶同一個紅色鉗就立

極度推介佢哋嘅豬紅好入味，又唔腥！呢間餐廳好似都有唔少明星來支持幫襯呢！！餐牌都好多野食，我同朋友仔三個人真係有好多嘢想叫都叫唔到老闆同老闆娘好好人❤️❤️ 不停比野我同朋友試，仲有水吹吓添嫁 😚😚下次幫襯一定會試吓佢哋嘅胡椒豬肚湯同埋好似好正嘅乳鴿Lovely restaurant with some authentic Chiuchow food😍😍!!!!!Highly recommend!!!!!!

九龍城基本上係泰國菜同潮州菜嘅天下，依家香港地嘅潮州菜做得越嚟越精緻，反而呢類街坊格局嘅潮州菜，變得越嚟越買少見少。1. 韭菜豬紅潮州菜館有個特色，就係每一個冷檔都會放一紮韭菜喺跟前，雖然唔知有乜嘢特別意思，但事實上，韭菜的確係潮州菜嘅一個重要元素。韭菜豬紅口味偏辣，豬紅入口結實，唔會鬆鬆散散，口感非常好，而且十分入味。2. 滷水三併滷水鵝、鵝腸、墨魚滷水食得出淡淡的藥材味，入口唔喊，幾清爽。滷水鵝滷得非常入味，而且肉質非常嫩滑，美中不足係切得太薄，唔係太滿足。鵝腸同墨魚十分爽脆，送酒一流。3. 沙薑雞腳雞腳炆得十分淋，沙薑味好香，而且每隻雞腳都好大隻，入口非常滿足。4. 炸大腸全晚比較驚喜嘅一道菜，大腸固然有肥油脂肪，但外皮炸得十分鬆脆，而且大小切得剛好，食落唔會覺得肥膩。而最大功臣係醬汁，估計廚師用咗山楂之類嘅食材做醬，酸酸甜甜，非常解膩。5. 獅蚶第一次食獅蚶，抱住食生蠔嘅感覺去試，但味道同口感同生蠔當然完全唔同。獅蚶口感非常細嫩幼滑，入口咸、甘，有海水鮮味。傳統小店喺香港越來越少，呢間潮州菜館絕對值得一試！

係美國住左6年，每次番黎香港都必定會黎九龍城成發食。最掛住係份人情味，老闆老闆娘都好有heart，佢地兩個俾到人一種好溫暖既感覺。睡親熟客嗌外賣都笑容滿面。我每次必嗌糖醋麵，簡單得黎好脆口。佢地既蠔餅都十分開餵，可以選擇煙韌或生非煙韌。如果我住九龍城相信可以每日都去😚

今日同朋友行完山，友人話好耐冇食潮州嘢，想起之前到過嘅「成發」，就帶佢從獅子山公園行路過黎試吓。因為天氣凍，剛入座就先點一碗細嘅「鹹菜胡椒豬肚湯」，湯底好青胡椒味剛好，鹹菜同豬肚都好入味，飲完覺得成身暖哂好有幸福感😂成發喺間小店，只有五六張枱左右，服務員雖然只有三四人，但每個都好親切好客氣去招呼客人，例如我哋一路飲啤酒一路食花生時，佢哋會主動幫我地加添兩次花生，而每當我哋對菜式有任何疑問，都會盡力解答，總給你好舒服，好有親切感覺👍因為有啤酒，所以點個「炸蝦棗」送酒，一碟8大家粒，即叫即炸味道亦可以，最特別有個桔仔油黎配食，少少甜味都幾夾。跟住上枱係滷水三併，有鵝片、鴨腎及墨魚，滷水味好香唔會只得鹹豉油味，鵝肉軟冧，墨魚鴨腎都好入味，墨魚片如果切大件有咬口相信更正😂食潮州菜好多時會食蠔餅，一般都係炸嘅，但係呢度可以點煎蠔餅，朋友怕熱氣所以試吓煎嘅，食落走以煎蛋餅差唔多，裡面好多蠔仔肉，清清香香咁，不過我個人都係較為喜歡食炸果種，野味啲嘛。「糖醋麵」係呢度我其中一個最愛嘅食物，好多時食呢個麵唔係炸到個麵過火，食落太乾，就係外表太冧，呢度廚房做呢個麵真心出色，不但做個心形得意，麵餅煎得剛好，

今次朋友話帶我地去食正嘢... 嚟到呢間潮州菜館雖然外表平平無奇... 但係d菜式令我地感受到店主幾咁有heart!✳ 生拆蟹皇羹... 朋友預先訂定... 當店主捧出一大鍋蟹皇羹... 我地個個嘩嘩聲... 因為見到用料非常足... 店主話佢用咗好多時間拆蟹肉... 所以完全係心機之作... 真係要俾個讚!👍👍👍✳ 滷水鵝拼盤... 又係超讚... 除咗鵝肉... 仲有鵝肝、鵝心... 推介!👍👍👍✳ 椒鹽蠔仔... 本身我麻麻地中意食蠔... 但係嚟到潮州菜館無可能唔食蠔la... 今次椒鹽蠔仔炸出嚟係一粒粒... 好味程度足以令我一粒一粒放入口... 真係超正!👍👍👍✳ 韭菜豬紅... 軟滑有咬口... 都唔錯!整體上... 我幾鍾意呢間菜館... 有heart... 有人情味... 有水準! 下次再幫襯!

九龍城係美食的集中地... 要响呢度突圍而出真係需要花點心思!今次朋友話帶我地去食正嘢... 嚟到呢間潮州菜館雖然外表平平無奇... 但係d菜式令我地感受到店主幾咁有heart!✳ 生拆蟹皇羹... 朋友預先訂定... 當店主捧出一大鍋蟹皇羹... 我地個個嘩嘩聲... 因為見到用料非常足... 店主話佢用咗好多時間拆蟹肉... 所以完全係心機之作... 真係要俾個讚!👍👍👍✳ 滷水鵝拼盤... 又係超讚... 除咗鵝肉... 仲有鵝肝、鵝心... 推介!👍👍👍✳ 椒鹽蠔仔... 本身我麻麻地中意食蠔... 但係嚟到潮州菜館無可能唔食蠔la... 今次椒鹽蠔仔炸出嚟係一粒粒... 好味程度足以令我一粒一粒放入口... 真係超正!👍👍👍✳ 韭菜豬紅... 軟滑有咬口... 都唔錯!整體上... 我幾鍾意呢間菜館... 有heart... 有人情味... 有水準! 下次再幫襯!😋😋😋

打完風散步至九龍城晚飯，行經小店，見到老闆正在手拆蟹黃，好新鮮，遂嘗試老闆推薦的蟹黃羹，另叫炸蠔和韮菜豬紅。份量十足，滋味地道。每一道菜都有特色。服務都好親切周到。之後朋友聚會如果想食潮州菜，會推介。餐廳內部裝修有些年代感，如果翻新下，加上廚師的好手藝，應該會更上一層樓。