成興大排檔

營業中

休息中

椒鹽賴尿蝦（例牌)，一隻賴尿蝦加臭蝦，賴尿蝦冇肉只有炸粉，椒鹽冇味，豉椒炒蟶子，聖子是臭的調味料也是臭的，薑蔥魚腩，應該叫姜魚腩，魚腩無味，白飯，軟飯不特止，好似食緊爛泥。

唸住貪方便隨便嗌咗間聲稱24小時嘅大排擋點知伏到要第一次寫食評😥😥😥😥😥嗌咗三樣嘢 無樣掂1.薑蔥魚腩2.豉椒炒蟶子3.椒鹽賴尿蝦1.魚腩又油又無味2.蟶子有浸臭泥味 食咗一隻即刻好吐 係真係想吐3.賴尿蝦仲大獲 無味 番炸 無味又油又無肉又霉真係嬲到要寫食評😮‍💨😮‍💨😮‍💨😮‍💨😮‍💨真係無一樣搞得掂 飯又軟 痴到一pat pat例湯 重味精到癲 同好咸 又係飲幾啖就唔要唔講住 我要去刷牙辟吓陣味🤦🏻‍♀️

今晚想同幾個朋友想食宵夜先講椒鹽瀬尿蝦 最期待亦係最失望 因為佢最係係黎左海中蝦 加一隻解體左而無肉既瀬尿蝦 裏面啲肉好似腐肉咁爛 零調味 只食到爛肉味薑蔥魚腩我覺得全餐飯最正常係個薑同蔥 魚肉一樣淡而無味 最精彩既係 呢個係套餐 所以跟左湯同飯 個飯黎到淋到好似粥咁 湯(唔知係乜湯) 保證係咸過海水 真心各位睇到我留言 不妨一試 在鬧市中飲海水既感覺豉椒炒蟶子完全顛倒咗 我對蟶子既認知 全餐飯最濃味既就係呢個 蟶子一黎到 臭到不得了 係一種壞左既海鮮味 一世難忘 唔明點解廚房煮既時候聞唔到 點解明知臭都會出俾客食結論 如果想體驗劣食 或者好憎個個人一定要帶佢去食一次

終於去試了成興大排檔，我點了他們的星洲炒米和京都骨湯，但是......我只能說，我真的很後悔。讓我來告訴你為什麼。首先，星洲炒米超油膩的，我都快噎死了。味精味道超濃，讓我完全沒有食欲。京都骨湯也不怎麼好吃，湯底太鹹，肉也不夠嫩。簡直就是毫無特色的平庸菜。然後是服務和環境。服務生的態度差到讓我崩潰，看起來像我在打擾他們一樣。而且他們還不給我足夠的餐具，我得一再要求才能拿到。最糟糕的是，這地方的環境實在是糟糕。桌子太小，座位太擠，我感覺自己像個油炸鵝肝一樣被壓迫。讓人難受到爆。總之，我只能說，如果你在考慮去成興大排檔，那就別去了。食物普普通通，服務不好，環境不舒服，真的不值得你花時間和金錢。去其他地方找找更好的餐廳吧，不要浪費你的胃口和精神在這個地方。

我唔阻止見到嘅人去呢間舖頭食嘢，但係我好希望唔會再有人成為受害者！呢間嘢雖然好有歷史，但係所有蠱惑嘢佢哋都學齊晒。本來滷水鴨當滷水鵝賣已經唔係咩新聞，但係最忍受唔住嘅係$89嘅滷水鵝係噤樣…另外，一間餐廳連飲品都做唔好，好立克、朱古力呢啲冇技術可言只係開粉飲，都拍唔上連鎖快餐店，除咗失望，就剩低憤怒！我希望大家唔好再被騙！講平，佢唔算同區最平！講質素，佢可以排香港第一（倒數）！為咗健康着想，認真不能再光顧

我特登開返個會員上黎打呢篇食評，係因為真係好差，我叫外賣叫左啫啫雞煲，椒鹽骨，仲有豬扒炒公仔麵，啫啫雞一打開好似成堆垃圾堆左係個兜到咁，竟然仲俾我發現有條無肉既雞骨混埋入面，味道好一般，d雞件完全係頭尾人地唔要果d下欄野黎，跟餐果個飯仲要有生米，硬過我條命，椒鹽骨油到一打開蓋就聞到陣油味混合埋蒜味，d肉基本上就係無咬感，無咗肉類應該要有既彈性，鬆弛到好恐怖，豬扒炒公仔麵d麵乾到一餅野，味道同色都唔均勻，d配料（蔥，洋蔥，九黃）同d麵都係分開，無炒埋一碟，呢間野令我好失望，以前都無咁差，都叫做過得去放到入口，以後都唔會再幫襯，貼錢買難受！！

今日我哋三個人去食左五個餸，椒鹽魷魚、蠔餅、聖子、雞煲、炒油麥菜。除咗炒菜係正常啲外，其他全部都係垃圾！！ 個雞煲原本我哋係叫田雞煲既，跟住比錯咗所以我哋都算啦。但係真係好垃圾！食到真係今日冇晒心情了！我就唔會再去食㗎啦大家去唔去就自己決定啦！以大排檔嘅質素來講，我都係第一次食到咁差。我兩個朋友都話好難食！

因附近吾愛的金山酒家全家休館消毒，在吳松街晃來晃去，誤入这半大排檔的菜館。疑似店主說此店有三十多年歷史，真箇是看得出來三十多年沒怎清潔，冷氣封塵有漬、擋風的透明布帘油膩。全店就吾家一枱客，以為6點叫尚早，吃至7點幾還是無變樣，就知今勻伏味濃。隨便點了幾個菜：椒鹽瀨尿蝦、魚香茄子煲、臘腸排骨煲仔飯，瀨尿蝦雖小，還好沒有一隻肉是霉爛；魚香茄子就沒啥魚香，不難食就算；煲仔飯就做不出那種焦香。整間店看不出存在感。印象其中一差是啤酒比人家的店賣的更貴十元左右每支，埋單食幾味餸2支啤酒已5幾...

原本想話去對面金海灣食晚飯, 行到去原來已經關門大吉!連旁邊間酒店都停業!唉......於是去成興大排檔, 貪佢門口可以食煙.點咗油鹽水煮蜆, 西蘭花牛柳粒同臘腸掛骨煲仔飯.油鹽水煮蜆 - 自己一向唔識欣賞油鹽水煮法, 另外好奇怪, 成興煮哩碟油鹽水蜆冷冰冰, 蜆肉有少少沙，總之 : 原全唔夾自己口味...西蘭花牛柳粒 - 西蘭花新鮮, 炒得夠冧, 但牛柳口感比例特別, 首先點牛柳粒變成牛柳條, 牛柳條好似用咗肉鬆粉, 所以味道有D怪.臘腸掛骨煲仔飯 - 極滿意一環, 飯煲底有大量飯焦, 成個底都係! 吸收哂臘腸同排骨油香, 超正, 唔洗落豉油都好好味!今次幫襯快快食急急走, 餐廳突然嚟咗十幾人幫襯, 個個凶神惡煞! 成興大排檔變成洪興大排檔.快閃....

而間野平都算平，但外賣真係好需要改善！10點45分打去叫2個外賣，講到明，12點鐘送到！點知，到12點打去問送到邊，佢話已經出左，等多陣！好喇，等多10分鐘，再打去，佢話要多半個鐘！都痴線，已經唔係一次係甘，幾次都係甘，以後都唔會再比機會！明明話已經出左，點知都係假，大佬，叫外賣就係貪方便同準時食到姐，甘樣，不如取消個外賣服務好過喇！！野食價錢係平，但服務真係麻麻地！唔落單都唔係第一次，次次都係甘！！

舖頭話要盡早叫早到11:20叫外賣，話要12:30到到1:00都未到打去問又會hea人首先話就到跟住話行到唔知去左邊度再之後就話12:30先出完全唔知邊句係真！到底係咪要一開舖就叫定外賣呀？態度又差！點做生意呢？

今日假期, 午餐一個人食, 膽粗粗咁嘗試搵一間平時一定唔會食嘅餐館, 冒一冒險。呢度好耐歷史, 夜晚黑多數見佢都好多人食晚飯, 食海鮮, 大排檔模式。經見到佢哋個午市餐牌都好抵食, 最平30蚊有交易(飲品需要另加$5)。而且選擇好多($30-$45不等)。我就叫咗個<乾炒豬扒公仔麵>及<熱奶茶>。 好意外地, 個<乾炒豬扒公仔麵> 味道唔錯喎! 首先夠鑊氣, 造型靚, 份量足, 大大碟咁樣。有韭菜、芽菜、洋蔥及蔥段(蔥段略嫌多咗啲), 完全冇揸流灘。豬扒大約一塊嘅份量(切條上), 冇醃肉粉嘅味道, 正常, 調味適中, 幾好味。公仔麵係屬於普通茶餐廳嘢, 都ok。碟底唔會太多油。<熱奶茶> 都ok, 透明玻璃杯, 好有大排檔嘅感覺。招呼唔錯, 有親切感, 有禮貌。衛生就自己要留意, 始終係大排檔。記住要洗下啲筷子、匙羹、杯、碗。

刚开始路过见到依间店啲花甲几大只几新鲜，里面有啲人似当地人，又好麻甩噶装修。唔睇食评就入咗去啦！咁系唔岩噶！血的教训！睇嘢真系唔可以睇表面。三个菜，加收服务费，一共243hkd。我唔觉得有几好服务囖。最坑的宵夜。得人惊。花甲好咸，一啲都唔鲜，88！？干炒牛河？唔干囖，痴腻腻咁，啲粉炒到断噻，牛肉唔似牛肉咁，38！？最离谱系个上汤豆苗！88！！！？又油。好恶心。真系好过分！问佢系咩豆噶豆苗，居然答我系广东产噶。呵呵忠告大家千万不要去依间店。同埋要睇完食评先好作出决定。

朋友經常都光顧這間店舖，我也終於有時間跟他去吃一趟呢間店舖除咗大排檔菜式之外還有煲仔飯，以我第一眼最吸引的是價錢。從早餐、常餐、晚餐菜式到煲仔飯，價錢勁合理！$24-40碟頭飯,而臘味煲仔飯都是$40-$50左右！蟹煲仔飯更是呢間店舖嘅精髓$100左右，煲仔飯裏面嘅汁正正是平是炒蟹嘅薑蔥汁，原來同飯一齊煮係好正因為我哋係食邪惡宵夜嘅關係，仲要叫咗椒鹽雞軟骨食，熱辣辣超香口！粉唔厚又多粒下次一定會再嚟！

尖咀睇完戲，我地決定行去廟街搵好食！ 天氣真係好熱，我愈行愈攰，去到廟街一句說話都吾想講。由男朋友發板，叫左海鮮炒飯同薑蔥魚腩飯。聽落都夠佬味，人太攰，都吾理得甘多，何況我同佢口味差吾多，所以信得過佢。先嘗海鮮炒飯，鑊氣呢樣嘢真係一試就知真假！飯好香，海鮮包括蝦、魷魚都好嫩，加左吾少菜落去炒，感覺吾會太口乾。薑蔥魚腩香口，薑、魚腩有炸過，所以有焦香味，加上蔥快炒，令肉質吾會太老，吾錯。當然，去到甘夜，人地吾會拎新鮮魚去炸，所以欠缺左嫰滑口感，但整體接受到。