戶井北海道米比薩 (已結業)

第一次到訪落戶香港北海道的米比薩，流浪日本時已經食過不同的米類食品。今晚同朋友藉此機會一試在香港烹調的米比蕯食品！今日餐湯是鮮忌廉白箘磨菇湯配蒜蓉包，湯比較稀身又唔熱、湯料足夠可惜比較多油，飲了一半已經放棄！蒜蓉包夠脆口但蒜及牛油味唔多。千島沙拉牛油果米比蕯，買相都幾好、入口米餅底比較乾身狧到牙肉都痛、沙律菜唔夠新鮮。比薩唔係好夠熱、涼了又比較油！香草辣茄海鮮意粉，採用日式洋風烹調方法，入口有小小辣味、意粉烹調時間剛剛好，最奇怪是沒有海鮮味？可能海鮮唔多，帶子細到差小小睇唔到又完全冇鮮味，有點可惜！柚子蜜餞雞翼是最冇誠意之作，雞翼炸得幾香口但太細隻又廋又乾、企圖用柚子蜜去調味是失敗中失敗！柚子蜜只會使到雞翼外面太甜，完全唔協調！今晚冇點套餐都唔平，平均食物都比較油、服務普通又唔主動幫忙！未食過米比蕯可以一試，晚飯套餐勝價比高點！但米比薩就唔好以此餐廳為標準！

自己係半個日本人，行到尖沙咀見到有間日式西餐餐廳，當然試下午市時段忙，服務一般當然可以體諒，但食物方面真係太離譜，我點左個蛋包飯，餐湯跟麵包，但麵包竟然係我就食完先到，湯是凍的，蛋包飯汁小味道差，蛋超薄片，沙律菜的菜是乾的，米飯未煮熟除了個炸豬扒可以接受外，其他就好似食垃圾一樣！失望

為了趕及看7時半的電影，天還未開始黑，我們已經開始進食。由於用晚餐時間比平常要早，不太餓，加上趕時間，我們2個人只是點了2款菜. 餃子好普通的餃子，外皮軟淋淋，有點油膩；沙律菜尚算新鮮。帶子米比薩即叫即做，等了約30分鐘，賣相不錯， 熱辣辣，大大的原隻帶子配上蛋,芝士和飯，口感香脆，飯蕉有點粘牙。吃兩件剛剛好，吃第三件感覺太多，有點膩。整體素質可以，米比薩的做法新穎，味道也不錯，下次再去要找多些人，可試更多不同種類。

之前係isquare睇完戲經過呢間米比薩, 就比佢門口食物嘅外貌吸引左, 想揾次黎試下... 今次去食, 真係一肚子氣!!!首先, 果晚其實係閒日, 間餐廳係冇咩人, 但係個waitress死都要安排我地兩個人坐正門口位! 我明明見到裡面係完全冇人 好多位! 門口位嘅感覺超差, 每個行人行過都會望入黎!!!!講返野食, 我地叫左一個二人套餐... 頭盤係一d海鮮冷盤, 好多沙,又冇味(連蟹柳都冇味= =)... 跟住有個蘑菇忌廉湯同蒜蓉包, 個蘑菇忌廉湯好難飲, 有陣酸, 仲有成層油係度-_-以為蒜蓉包實冇死, 點知係凍嘅!!!! 第三樣就係白汁龍蝦仔意粉, 個意粉嘅味同忌廉湯一樣嘅=_= 龍蝦仔 一般般, 得d芝士味... 第四款係主打嘅米pizza, 賣相不錯, 個底真係成舊飯咁... 味道都唔錯(因為有千島醬), 食第一塊都唔錯, 到食第二塊開始就覺得好漏好濟>< 飲品用試管上, 雖然幾得意, 不過份量好少, 同埋只係普通嘅有汽巨蜂提子汁... 最後一道係甜品, 服務真係好差, 我地門口有幾格客人都舉手叫waitress, 埋單或者係叫上甜品, 但係兩個waitr

之前係bee crazy 見到有甜品自助餐團購,重會送haagen dazs 家庭裝雪糕連埋保溫袋加埋服務費都係$127就諗住同朋友試下啦,入面環境係幾好既,但一見到張甜品紙就有點嬲啦,最普通既芝士蛋糕果欄刪剩一個最普通既焗芝士蛋糕,不如唔好話有芝士蛋糕啦,芝士蛋糕重唔係一件件,係咁既,圖白色果舊係就係有芝士味,但可惜一啲都唔滑,淨係好散既糊狀物咁,冇硬度同口感可言。但最難食都莫過於呢個心形既朱古力慕斯,食落口冇咩朱古力味,口感好水,入口好似好沙咁,超難食而最令人發指既莫過於店舖聲稱既北海道牛乳製成既甜品 ,以下既草莓芭菲的確係超普通既軟雪糕,好似m 記軟雪糕咁,肯定唔係用特選北海道牛乳,呢個雪糕一啲牛奶味都冇!再食就係呢個貌相都好嚇人既宇治金時玉子,亦即係綠茶紅豆燉蛋呢隻綠茶既顏色未免太假吧!!!根本就唔係醬料,綠茶水而已,而燉蛋都一樣失望,唔滑唔 creamy唉,真係超級失望,買果陣見佢話有60多款甜品,實質來來去去都係得幾款,好似芭菲咁,只係有唔同醬混唔同生果,再加同一款普通軟雪糕,佢咁就當自己有4款甜品,咁即係將十款生果分別放係同一個軟雪糕到佢就話自己有十款甜品啦,咁同呃人有咩

見到yahoo 團購有呢个甜品 buffet, 諗住試下la. 點知係失望之作。1) 北海道鮮忌廉泡芙, 超難食。個泡芙軟淋淋。好似放左幾日咁耐。2)燒蕃薯霜淇林, D蕃薯同D雪糕一D都唔夾。3) (熱)酥皮牛乳玉子, 味道都還可以。4) 北海道鮮忌廉法式簿餅, 認真麻麻地。有去过茶木食过厚多士雪糕的人, 就会知道咩係好味和認真麻麻地嘅分别。真係去茶木食甜品都無咁嬲。5) 焗牛乳芝士蛋糕, 唔夠滑, 食到有d粒粒。6) 宇治金時牛乳玉子,賣相唔靚仔之餘, 又無乜綠茶味。失敗之作。總之係我平生食过最唔掂嘅甜品。真係嬲爆。好彩男友和d friends, 無怪我選擇買今次的甜品。仲話我都唔知D甜品質素係咁差, 所以今次中招無計。

和小朋友到尖沙咀參觀太空館行至肚餓到iSQUARE找地方吃晚餐當行過這店時兒子看到該店的彷食物飾櫃說很得意所以一家三口就決定吃這日式米pizza專門店，當時沒有太多人可能因為是六時左右所以有很多桌可揀我們選了窗邊的座位但沒有甚麼景色只是看到其他大厦的天台。當時我們選了:小食：柚子汁雞翼和炸雞軟骨～味道一般湯：雜菌忌廉湯跟蒜蓉法包～湯很濃和滑但蒜蓉包沒有蒜蓉香三文魚大板燒～買相不錯煎得很香但很似街頭買的小丸子焗龍蝦鮮茄意粉～龍蝦肉也算新鮮意粉的鮮茄汁也夠香韓式柚子雞米pizza～期代因從未吃過送來時買相很好到吃的時候就有些失望底是用飯煎或焗成有些邊位煎得香脆面有些芝士和一件柚子味的雞扒但味道只是一般可能飯較硬而且没有甚麼味所以每人吃了一件就沒有再吃了飲品：黃粉金時奶昔～很香濃有紅荳粒夠滑霖降冰淇淋朱古力拿鐵～好香招牌士多啤梨冰營～酸酸甜甜甜品：士多啤梨醬伴軟雪糕刨冰～雪糕很滑藍莓布甸～一般、芝士蛋糕～夠香濃。今餐總括來說很一般但飲品和甜品較熱盤出色所以想信下午茶行到累來這裡吃甜品和喝東西會比晚餐好。

 小妹已經沒吃這家『米比薩』很多年, 差不多十年時間了。有天, 剛經過isquare的分店, 談論起米比薩。回家看到了團購,就隨即購下了兩張「一人前套餐」, $99元一張 (每位另加$30手續費)。蕃茄湯及蒜蓉包: 蕃茄湯好多茄膏味, 味道尚可。蒜蓉包夠脆, 味道尚可。由於四選一, 我倆二人選了以下兩款:1.白菌牛油果青醬牛柳粒意大利粉: 牛柳醃得夠味, 青醬味道濃, 味道可以。2.北海道千島菠蘿米比薩: 米比薩本是店舖招牌菜, 但味道竟是令人失望。我看其他劣評, 都主要因為米比薩。米比薩確實難做到飯焦效果, 米很散, 要用上叉或匙才能吃, 做出來的效果只像把米擠壓成餅形。本身飯是沒有味道, 只有靠比薩上面的千島醬汁。如果光臨這店, 建議選擇意粉較為上策。日本燒蕃薯霜淇淋:熱的蕃薯味道夠甜, 上面加上軟雪糕, 雪糕很快開始溶, 但味道不俗。另外, 套餐還包括Häagen-Dazs家庭裝雪糕473ml, 附送冰袋及一包乾冰。本身應該是焦糖流心雪糕, 但店員說只有曲奇口味。

到i-square閒逛，到中午時份，最好就是來一個tea time，豬頭人很想吃一些冰凍的甜品，所以我們便到toi hokkaido rice pizza。中午時份，顧客不多…數來都不過兩枱，可選的甜品實在太多，我們有點舉旗不定。最後我點了一客芒果芭菲，不單止外表吸引，內裏香濃的牛奶雪糕更是引人入勝，一杯份量，令人心滿意足的甜美。豬頭人則點了一各芒果芝士旦糕，旦糕的口感很滑CREAMY，有芝士香，餅底香脆，很好吃。一頓悠閒豐富的下午茶，足令人心滿意足~~

之前同食過呢間嘅晚市火鍋，D食物稱唔上美味，但服務態度好好！所以喺Groupon見到有呢間嘅$99 tea buffet就滿心歡喜想同老公去試吓！點知去到會差成咁，非常失望由於佢限定每次毎人只可以點2樣食品，所以一開始我同老公兩人一共點4樣嘢，等咗好耐終於上咗一個草莓芝士蛋糕，另外嗰3樣其中一個就話無晒，其餘2樣就失蹤無上過！於是我地就再點第二次，又係等左好耐 ，而且結果都係一樣唔係無晒就漏單.....最嬲嘅係難得等到佢上一個草莓泡芙，裡面竟然一粒草莓都無個buffet由15：00到16：30，但我地全程每人都只係食到3款甜品，等食物上枱嘅時間仲多過食，未到16：00就話last order！食完好似無食過咁總之以後都唔會再幫襯

放工出尖咀搵野食，唔想排隊又見到isquare人流比較少，諗住啲餐廳唔洗等位就見到北海道米比薩，印象中喺沙田分店食過覺得ok就入去試多次。分別點左一份煙三文魚雞肉凱撒沙律，一份粟米牛乳蛋包飯配牛柳粒再加一份regular size既芒果黑椒雞柳米pizza...失望而回！唔！會！再！去！

之前GROUPON有團購火鍋，我地用99蚊買左，上到去食，就覺得唔係幾好味，唔夠多野揀，食完果次之後，男友又見到GROUPON有一人前既團購喎，佢話俾多次機會間野，好喇，又試多次喇~~點知今次反而有驚喜，又唔錯喎~~是日晚餐﹕餐湯 - 飲完都唔知係咩湯，有D似薯仔蓉，不過幾好味~~芒果奶昔 - 本人覺得除左個雪糕之外，杯野唔太掂芝麻奶昔 - 好過芒果奶昔，不過偏甜香草蕃茄白菌大蝦意粉 - 呢個除左個蝦老左少少之外，真係唔錯，意粉煮得岩岩好，汁夠味，好香溫泉蛋雞肉煙三文魚凱撒沙律 - 呢個我覺得唔錯，但係男友話少左D酸味，者係唔係好似沙律北海道菠蘿三文魚米比薩 - 雖然我知道呢間野最出名係米比薩，但係真係唔好意思，因為本人D牙唔係好食得飯焦，所以覺得冇飯焦會好味D，下次可以試下另一種味(但係團購得兩種揀，因為我唔食牛油果，所以揀呢個)，因為焗完之後，個三文魚硬到媽媽都唔認得宇治金時燒蕃薯 - 呢個係我地食完晒所有野之後，真係飽到食得唔多，不過都係雪糕好味，個燒蕃薯就麻麻地~~因為係團購關係，所以食完之後，有兩個家庭裝既Häagen-Dazs雪糕送~~~上次係紅莓味，今次就係流心法式燉蛋雪

I square 有好多優秀的食肆，但我一直都好想食北海道米pizza，用飯來做pizza底這種做法我覺得好新穎，新fusion 菜！用餐為星期六晚，我同2位朋友專誠來試試，可惜餐廳規定只有一個半鐘食，我極度不喜歡有時間限制的餐廳，我覺得食是享受，不應該有時間限制。我們叫咗4個菜- 餃子，蛋包飯，鐡板燒同米pizza，個個都好好食。在這4個菜之中蛋包飯真係好好食，個咖喱汁好香，只是唔夠辣。而然每樣菜的賣相都別具心思，十分吸引，鐡板燒都好好食，可惜有好多薑。我們最其待的主菜都是個米pizza，我們叫咗個大芒果雞肉米pizza，個pizza真是好大個，分咗8大份，可惜個pizza米飯底過焦（有些人會喜歡食飯焦，但是我本人唔鐘意）芒果搭雞肉的pizza好fresh，好新鮮。個pizza大到好似食極都食唔完。最後我們3人埋單共$411，一個合理的價錢。一般人會覺得今餐好好食，但可惜我本人唔鍾意食飯焦同薑，所以這一個食平不會太高分。我一直都對這家餐廳好高其望，可惜唔太啱我口味

Practically empty on a Sunday afternoon...should be a cautionary tale.Anyway, the boys insisted that we should give it a try. Japanese curry with burger and a beetroot-flavoured omelette...it's pink, that's all I would say.We ordered two rice pizzas...one with kimchi and bacon toppings, the other one was bacon and cheese (or something like that). The rice pizza base was very chewy and tough, more like burnt rice then a pizza base. The kimchi topping was very spicy with a couple pieces of really

之前買左團購甜品放題,$99,加一$28,再送Häagen-Dazs™家庭裝雪糕一盒 (473ml),幾抵!因為一早book左位,所以唔洗等位^^門口位置比較黑,但好彩入面有外面嘅光易入黎,而且d裝潢幾令,幾舒服~~都好多野食^^每次只可點2樣><士多啤利吐司--幾脆口^^好味,聽到隔離枱話e個最好味芒果雨寒天/icecream甜點--d雨寒天好正,有咬口,加埋d芒果汁,正!朱古力香蕉薄餅--好中意d cream咁岩飽飽地,好彩佢唔大舊^^朱古力同香蕉好夾士多啤利沖繩水雲海藻珠icecream甜點--個d水雲海藻珠係愛玉同透明珠,有得咬下,唔係得icecream,幾有新鮮感朱古力香蕉芭菲--又係朱古力香蕉^^好味呀>v<d icecream下面有d布丁,5唔係only icecream,但無d脆片之類,有d失望@@宇治金時布丁--有d搞笑,only林d宇治金時汁上去布丁到,我仲食左個黑胡麻味,怪怪地@@今次又食又拎,抱住個肚番屋企係有一次要追單,整體真係唔錯