手作功夫茶 (南昌薈)

營業中

休息中

今日經過南昌 見到有功夫茶 叫左杯柚香晶球綠茶$33 佢有更平既野飲 價位算係平既路線～有紅柚子味 但係似用紅柚糖漿沖 唔係真係柚子汁叫左小甜 冇左以前個隻清香清涼咁好飲但味道都ok!晶球qq 彈彈 係白色透明 唔係芋圓煙靭質感幾欣賞佢個晶球 ， 咬口得黎唔會好似芋圓珍珠個d咁飽肚 好似jelly咁 🤣 總結： 成杯都好飲 可能小左冰 冇左以前飲個種清爽感 但都好飲既！ 下次試下唔小冰 環境都幾大有位置比人企係入面飲 員工做到冇停手好多人排隊 呢間算係平平地又多種類既一間茶飲！

買咗兩杯嘢飲，其中一杯整錯咗，唔道歉不特止，仲話你唔即刻攞返嚟，你俾隻黑色杯我，我一定知道你整錯啦！呢間真係好伏！有咩問題出錯，消費者都真係好無奈！想聯絡負責人，但職員說沒有經理及不願提供姓名及聯絡，只是說你自己看門口張紙啦🙄同社交平台 網頁反映卻已讀不回！好差👎👎

如果講飲珍珠奶茶，我真係只會諗起手作功夫茶！因為佢地個38奶霸唔會好多珍珠（其實我自己唔係太鍾意珍珠），入面再加咗仙草及蒟蒻！囗感好，而且個茶底好濃厚！不過我會叫少冰，感覺唔會太耐唔飲，啲冰融咗而淡咗！

之前一直有飲開手作功夫茶(⁎⁍̴̛ᴗ⁍̴̛⁎)覺得佢嘅奶茶好好飲!!今次經過，就試吓佢其他系列~叫咗☁️黃金芒果綠整體感覺清新，芒果味唔會好假!!但比較甜~~~綠茶都好清爽~

整體Service 超差，手機下訂單前，已註明取貨時間，明明是pre-order,都夠膽死3分鐘之內完成，落單前已註明九個字後才取貨，落單後不到3分鐘已完成，我買的是飲品你叫我該如何是好，提貨的時候冰已全溶，熱的飲料已變涼了，沒有肚痛是幸運的。

Openrice落單有7折，用平咗嘅錢加料，抵飲👍🏻飲仙草冬瓜茶，加咗紅豆同咖啡凍，紅豆好味😋 夠腍又好有紅豆味，完全搶哂fo👍🏻👍🏻 咖啡凍正常，強烈建議係唔係都加紅豆試吓～～

行過深水埗南昌薈附近時見到手作功夫茶，店舖環境都幾靚，中式設計，望落好舒服。第一次飲功夫茶，每款都好似幾吸引，我揀左黃金芒果綠茶，走冰少甜，茶味啱啱好，芒果令綠茶更覺鮮味，好特別。 另外係新年期間買野會送擦擦咭，只係擦一格就睇下中唔中獎。

因為個friend住呢度附近成日都會經過，次次行過都見到呢度勁多人喺度排緊隊🤔。今日突然心血來潮想試下，想睇下係咪真係咁好飲。🤪我呢就叫咗杯:芝士奶蓋鐵觀音-少糖少冰咁我本身都幾鍾意飲奶蓋嘅關係😍，所以一嚟就叫咗杯奶蓋系列。喺講呢杯嘢之前，首先有樣嘢一定要講，通常我喝奶蓋嗰陣，奶蓋硬係冚過茶的味道，淨低喺嘴入面都係D淡淡的鹹味。BTW呢杯芝士奶蓋鐵觀音，第一啖就飲到奶蓋濃厚嘅奶香，佢哋仲要係呢個咸奶蓋，簡直開正我嗰瓣。其次仲可以飲到茶香嘅韻味，做到呢樣嘢嘅舖頭真係少之又少而功夫茶就係其中一間。不過有啲美中不足嘅就係，叫咗少甜，但係飲落去嗰下嘅感覺都係偏甜🤷🏻‍♂️，不過可能係我自己問題，但係如果我下次再嗌呢杯可能叫微糖咁就應該啱啱好。

第一次飲手作功夫茶，之前常日見到好多人買，經過聽到播緊五月天的歌，忍唔住入左去，試試佢！Order左鐵觀音珍珠奶茶同埋芝士奶蓋藍莓。鐵觀音珍珠奶茶 - 微蜜/去冰鐵觀音嘅茶味都還ok，一般般，叫左3分甜就岩岩好，因為我自己唔係好飲得太甜。珍珠咬落去煙煙韌韌，珍珠嘅心唔會有d硬硬嘅，感覺都新鮮。整杯茶黎講都唔錯，但我自己會比較鐘意茶味再濃d，因為我係超級鐘意茶味濃嘅奶茶！ 評分：3/5芝士奶蓋藍莓 – 甜味&冰量(固定)個奶蓋都幾正，飲完會想再飲，芝士味夠唔會好咸，但可以再多d奶蓋，飲唔夠。藍莓味嘅底就一般般，普通味野飲，飲完最後會有小小藍莓肉碎，食落去好奇怪，唔似新鮮藍莓。會因為個奶蓋，再試下其他茶底嘅奶蓋野飲！評分：3/5

奶茶類推薦: 我個人覺得38奶霸都好好飲。黑糖珍珠、蒟蒻、仙草，再加上鐵觀音奶茶的配搭好match。不過飲開冇咁甜嘅朋友可以試下微甜or走甜，配料的甜度再加上全糖，個人會覺得甜到有D甜到漏。茶類推薦: 柚香晶球綠茶 清新柚子味加上綠茶 夏天飲佢 涼涼地清清地 解渴一流 相比黑糖珍珠 寒天晶球都比較爽口彈牙 而珍珠口感較煙韌另外，佢地嘅糖喺用蜂蜜糖漿。蜂蜜是蜂蜜從開花植物的花中採得的花蜜在蜂巢中經過充分釀造而成的天然甜物質。

Openrice又有做外賣自取有折😆😆不過只限黑糖波霸鮮奶同埋烏龍珍珠奶茶我嗌左黑糖波霸鮮奶 珍珠煙韌軟糯 份量多👍🏻黑糖加鮮奶呢個配搭梗係冇得彈 黑糖仲係暖暖地