手作功夫茶 (修頓中心)

營業中

休息中

之前喺觀塘試咗手作功夫已經一試愛上咁啱經過灣仔竟然一出地鐵站見到開咗手作功夫😍即刻點咗杯仙草奶茶試吓，茶味好夠，叫微甜啱啱好😊下次再試吓其他先佢既黑糖珍珠都好想試

本人系功夫茶嘅超級fans，但呢間的珍珠超級硬，完全咬唔到。仲好早關門，好似8點鐘左右，夜晚完全買唔到飲，只好去支持隔離Coco。都系黃埔分店產品好，動作快服務又好。

有些茶好飲，可惜店欠缺彈性，客人不能走或小配料為何硬性規定要? 走愛玉或珍珠很簡單，唔放落去便可，不打算再光顧了，免得浪費了配料，又或者唔想食配料都避免了飲埋。

呢幾日天氣凍到傻，又想飲杯奶茶食吓珍珠，所以order 咗杯熱嘅38奶霸比自己，薑汁奶茶就同事搭單，一杯熱騰騰嘅珍珠奶茶實在是太讚了！訂單迅速確認後，等大概5-10mins 已經ready。當然即刻飲，暖暖嘅鐵觀音奶茶配上黑糖珍珠，瞬間就融化了我冰冷嘅心同手。成個人暖哂又滿足，甜度嗌咗微蜜，恰到好處，不會過於甜膩。 啱哂冬天凍又口痕嘅人。 同事話杯薑汁奶茶有驚喜，諗住求其嗌，點知異常好飲，搞到我都想飲。有時天氣凍，手中有杯野飲揸喺手嗰人都暖啲，有時飲得多咖啡，轉下口味都唔錯

放lunch行過，難得見到公司附近有分店，即刻過去嗌杯飲諗緊嗌咩好，平時飲開伯爵珍珠奶茶/3Q奶茶/愛玉檸檬鐵觀音最後嗌咗杯3Q奶茶 微糖 少冰 會員9折雖然離遠都見到有條龍，不過排哂隊照嗌店員幾nice，同我講繁忙時段會耐d無計，見佢10杯、10杯咁出單 幾好生意即管睇下值唔值我等等咗幾分鐘，店員拎比我，見到有抹杯，有紙巾比味道無落差 繁忙時段跟足嚟沖，都算係咁 (試過貢X繁忙時段沖到好差，飲水咁)麻煩保持質素，下次再幫襯

之前飲過功夫茶，而家灣仔終於開左啦，可以日日飲🤟🏼放工行去食龍津，原來功夫茶開左係隔離，今次點左紅茶拿鐵同抹茶拿鐵，味道依然好好，茶味夠濃🧡❤️💜店員好nice，有耐性推介其他飲品😛下次再試38奶霸同百香QQ先，會員有9折好抵啊👍

奉勸想幫襯嘅人幫襯前要考慮下出嘢飲時間要睇店員心情佢心情唔好慢慢做你都吹佢唔脹OpenRice落單明明話15分鐘可以做起去到見到個店員同其他新客講要等30分鐘你問吓嘢飲出到未又會鬧你OpenRice程式明明有得調整等候時間又唔改錢就比咗就逼住要等等佢哋慢條斯理咁逐杯嘢飲慢慢沖佢哋吹完水先開始沖嘢飲你都唔可以有意見想打電話聯絡商家投訴點知連電話都冇做唔切咁多order就唔好開咁多條line(Whatsapp、OpenRice、Deliverxxx⋯⋯)比人落單啦