影片
以上資料只供參考, 請與餐廳確認詳情
食評 (23)
其實食物質素不算差,如果以$30-40元有一個set dinner 已經是很豐富。不過令人最失望的, 是有一位女侍應 (相信做了7年以上)的黑面態度真的不要得, 例子: 1.永遠沒笑容,只有不想做的態度 2.沒反應,沒對話 3.客人入門口就會目瞪口呆黑面 4.放食品時發脾氣 5. 經常等d 年輕的同事waiter去忙,自己坐落收銀處. 6.當人收回找贖時問是否有特價,就面黑黑回應: 特左啦!! 平左啦 !! 計左啦 !! 永遠不會有 “多謝” 。一星期都總會有時有新朋友及同事來這裡, 都不約而同地指 真的好沒禮貌… 不過,其他男waiter 就很好…完全沒想到這女侍應可以長期坐鎮這店,,,, why why
繼續閱讀
好耐冇食過扒王了~~!!!可能對上一次係mk冇啦啦想食扒去左mk o個一間食個經驗唔係太好....搞到有個扒王陰影~!!岩岩幫小妹妹去將軍澳呢頭補完習...發現原來呢頭都有一間扒王...決定補完習同男朋友去食下~~~!!!呢個扒王既裝修光猛過mk o個一間好多~~地下都好干淨~~~難得冇咩人!!!(可能都係因為係住宅區.)好快就有位~~都唔知係唔係因為冇咩人冇咩野做 d staff好似好得閒平時好多計傾~~~!!!d staff 個個都好似好fd底咁!!!!不過見到佢地個個玩得黎都好肯去做野仲個個都好好笑容~~!!!我最鐘意食羊~叫左個羊扒配蒜香汁!!!7成熟~~加上羅宋湯~~男朋友叫左黑椒牛扒~~!!!都係叫7成熟~佢飲白湯~~一向都知扒王會有包跟埋上~~!!!我話唔要個包~~!!!個姐姐話,"哎呀唔好晒啦~包左架嘛個餐...男朋友食埋去啦!!!"哈哈~~~好fdly呀佢地~但係我地最後都係冇要個包..!!!好快就有湯飲~今日個羅宋湯有d油~~~冇飲晒~~!!!羊扒唔似係7成熟...!!!!好似8成熟~不過d汁好好味!!!!至於男朋友的牛扒好大份~~~連佢都食唔晒~!!!!如果講個扒就係牛扒好味d!!!但係d汁個人覺得黑椒汁有點怪怪...順帶一提~呢到既華田幾好飲~~~沖得唔係太甜...d奶既份量又岩岩好!!!食完傾下計到走o個陣d 姐姐仔仲好好人咁話"走啦???得閒再黎啦~"咁~哈哈真係好開心呀!!!補習時俾個小妹妹激到上心口,食完個飯成個人舒服晒!!!!!
繼續閱讀
生日既關系 又因為訓死既關系 21:30左右醒左 好想食牛排 就泥左 鐵板肉眼排餐$64: 有大大塊扒 有薯菜 有配菜(翠肉瓜 甘荀 栗米) 有餐湯 有餐包 有餐飲另加意粉$8肉眼扒:夠牛味有口感 但是根很多薯菜: 好油不脆加冇茄汁 只吃了一口意粉:份量剛好不多不少for男士 骨碟上的小山丘 冇汁比凍啡:味啖 不香 像甜奶水 餐湯:紅湯有點咸但是可以接受 餐包:竹籃上暖暖地 不過花底紙重用有點可怕 服務OK 上菜超快(因為唔多客得1台) 整體OK
繼續閱讀
遠離煩囂既一間扒王之王, 一個落地玻璃, 可享受出面的日光...正正是下午3點下午茶- 白汁海鮮天使麵($3x)汁濃, 料夠, 有蟹柳.. 蝦.. 個汁唔算多到叫, 撈一撈d麵就岩岩好 黑椒雞柳炒烏冬幾入味, 雞柳都大件, 不過un左小小炒得又未夠干身.... 還可以吧侍應真係好得閒, 見到佢地傾下計...四圍都係得幾張台有人..其實下午茶 唔食扒既話都okay不過去扒王之王 唔食扒就真係失色左d 哈哈
繼續閱讀
琴日一場嚟到將軍澳聽講座，午餐當然要响呢度附近食，因為食完我仲要番公司做嘢！都唔知有咩好餐廳，唯有嚟呢度試下個set lunch。我同我同事都係點咗 "吉列豬扒配雜果沙津"餐，飲 檸檬茶。可能係lunch關係，上菜都幾快ge，個侍應仲安排我哋坐喺窗口位，都算係咁。不過，啲嘢食就麻麻地︰ 忌簾湯—好奇怪點解個湯係紅色呢... 個侍應話，今日個湯係用番茄煲ge... 番茄味ge忌簾湯，我都係第一次飲。上面有啲周打魚, 都幾好ge，不過個湯真係salty 得很，我同事飲咗兩三啖就飲唔落，我都覺得好salty，不過唔飲湯就冇嘢飲，所以都飲咗半碗，其中係用咗嚟點麵包食。 麵包—係驚喜ge，因為個包暖暖地，仲要軟淋淋，而家好少餐廳啲包會係暖！ 不過我覺得隻包冇咩香味，唔算好有麵包味。 主菜—真係好麻麻。兩塊豬扒炸到乾哂，仲要勁薄，我好似咬緊豬肉乾咁。而且啲吉列皮真係唔係好香脆，扣哂分！ 跟住，個雜果沙津得個樣，佢上面有兩三塊青瓜同埋番茄，然後下面係雜果加沙津醬，有菠蘿、粟米、蘿蔔、"舉藥" 等等。事實上，啲青瓜同埋番茄都係乾哂，一啲都唔fresh，同埋啲沙津醬太多同好杰，我食ge時候都係潑開啲醬，只係食雜果。啲醬唯一有用的地方，就係用嚟點嗰兩塊乾哂ge豬扒。 真係寧願叫扒配薯菜好過。 檸檬茶—我叫咗杯熱檸茶，通常一間餐廳有冇heart就係睇佢啲茶係咩茶。嘩！我已經預先加咗一包糖落去，但一飲啲茶，好似 '梢' 水咁！ 好苦，一啲茶味都冇，而且檸檬係好薄好薄咁加咗三塊落去。我飲咗三啖度都飲唔落去，唯有飲嗰碗好salty的番茄忌簾湯！總括嚟講，雖然將軍澳冇咩人，而且呢個餐係平平34蚊ge set lunch，但係由此可見扒王之王係做餐求求其其，但求將貨就價，真係寧願食大家樂就唔食呢度。而且，就算佢啲百幾蚊一塊扒做得有幾好都冇用，因為喺呢個經濟社會入面，如果一間餐廳係想用低價吸引客人嚟食lunch，質素都要做到至少物有所值先有人會再嚟。我會寧願去其他餐廳食扒都唔會lunch再嚟。我幫襯個一次，以後都應該唔會再嚟，咁樣做生意，咁點得架！
繼續閱讀