扒王之王 (已結業)

我係第一次發表食評，但估唔到就咁奉獻咗比扒王之王。一向會去娛樂城呢間分店，因為價錢唔貴，幾十蚊可食扒食到飽，但最近去過，發覺已抽起所有平價套餐，變咗最平都要$98，我見套餐內有頭盤、餐湯、主菜、甜品和餐茶，都算合理咪叫囉！點知係咁難食，肉眼扒完全無牛味，用勁辣的黑椒汁來加味，頭盤田螺好少，甜品是雪糕球加罐頭雜果，龍蝦湯好稀唔夠味。以為我朋友個$118套餐會好食ｄ，但都一樣咁衰，仲要等咗好耐至上主菜，佢個甜品更係我從未食過咁難食的芝士蛋糕，好似用濕咗麵粉搓埋一舊，我唔會再去幫襯！

同女朋友食宵夜, 佢點左一個黑椒西冷扒, 我點左一個茄汁焗海鮮寬條麵, 埋單$260。如此價錢, 食物質素卻比快餐連鎖店還要差。女朋友的西冷扒我只吃了少許, 卻感到其黑椒汁比魚蛋麵檔的秘製辣椒醬更辣, 將本已不太可以感受到的肉味, 執釘截鐵地「去無存菁」。高潮位是我點的海鮮寬條麵, 真的沒想過裡面連一塊雪藏魚柳或小墨魚也找不到, 只得幾隻蝦仔及兩條蟹柳. 茄汁得個「鹹」字, 寬條麵似普通意粉, 完全冇咬感......扒王之王......質素再是這樣的話, 應該做多半年就全線執得.

雖然係學生眼中lunch食扒王=豪氣不過我真係麻麻地buy佢野食就一般啦~三十幾蚊有餐湯+蒜蓉包+主菜+野飲不過d湯真係飲到厭永遠都係2樣包就唔話佢咁多,間間都係咁主菜既choice幾多個人中意食雞扒意粉!野飲一般不過一定要講下佢d service,真係差到冇人有我食過咁多次呢間野未見過個經理笑有一個waiter就好少少,你追佢佢會幫你跟(因為佢經常遲黎,你知啦學生lunch time唔長)追order果時,個經理真係,黑口黑面,你叫佢佢會行過黎,不過佢行過黎唔會停你要係佢行過你面前果一個moment講低你要咩,講得切就有機會幫你跟如果唔係就繼續叫啦呢間野話晒都中級餐廳d服務竟然差到咁見到學生客就黑口黑面,冇d禮貌特別係個男經理,完全做唔到好模樣比下屬睇!唔係佢d野食ok我一定唔會黎.

今天同同事一行8人去食lunch, 約12:30到餐廳,唔夠人就唔好做咁大個場,成場起碼有10多台人舉手等侍應來落單. 我們最後要去拉侍應過來才成功落單及餐飲. 食完主餐遲遲都未出餐飲,我們想埋住單等,點知等了20分鐘餐飲也沒有來,完全沒有人理睬我們. 我們找數後打算唔等走人.....點知眼見近門口有兩個學生沒有埋單便走了. 再看一看另外一台共4-5個女學生又是望一望埋邊便起身走人. 我估計呢間餐廳年中都唔知走幾多單數, 重有一台3個男人的,唔知係唔係等得唔耐煩,拿起水杯掉落地發脾氣,好無品!以上種種也因為餐廳不夠人手.如果是出突然餐廳應作出應變或開少D位.個個趕住返工返學,等唔切餐飲便走了,餐廳以為好So,點知不夠侍應沒人守門口走了的數及人客發脾氣打爛杯的數,佢地咁做法, 做幾多生意都假, 一定蝕本...最慘係廚房忙到死原來收唔到錢的! 集團是否應同呢分店再訓練呢?餐廳經理在那?

今日會係最後一次去食因為好難食佢地既服務係無問題嫁不過佢地賣ＢＥＥＦ嫁嘛係張ＭＥＮＵ到係好多ＢＥＥＦ都寫停售逼人食豬同雞呀？而且個飲品我飲ＩＣＥＤ　ＬＥＭＯＮ　ＴＥＥＨＥＬＰ～～～～～完全唔係ＬＥＭＯＮ　ＴＥＥ個紅茶完全唔知變左咩茶好難頂而且我要炸雞佢比煎雞Ｄ雞又好淡～～～～無味精唔代表淡所以只有個ＳＯＵＰ同個包好食其他就～～～～唉．．．．．

我間唔中都會黎呢間扒王，呢一間扒王既服務我覺得真係幾好，所以每次去都會比貼士，不過佢地D食物既水準就唔太穩定，時好時差咁LA。今次2個人宵夜時間去食左巴西西泠扒、巴西肉眼扒同埋焗田螺，味道都幾好，服務都唔錯。得閒會再去~

在上星期六(即2月25日)晚上8時, 剛好個仔做完功課又有些肚餓, 所以我們特地坐車到娛樂城試試這間扒王之王, 由於我們有二位大人加一位小朋友, 所以餐廳侍應推介我們食二人套餐說最合我們食量, 有餐湯,餐包,頭盆二個,西冷扒一客,飯一客,甜品及餐飲, 合共$168 (未計加一), 味道尚可接受. 但如果西冷扒份量加多小許就更好了!!