批&撻專門店

營業中

休息中

鮮奶tart $6.5雖然升價都幾厲害..之前記得5元only...不過與素仍舊很好就算啦嗅到香噴噴的pie & tart 味道,所以就去買返個食喇,個紙袋又好硬,扲果陣有返個(手提式的洞)會更好濃香鮮奶味~而且個表面係似鮮奶有少少凝固,但中間就有好多鮮奶的餡流出來~香滑~真係1試難忘,所以呢個款式的tart有好多人買我多數都係食左少少個tart邊位,再慢慢食中間最甜美的部份~用小匙慢慢食~enjoyable 趁熱食口感更佳

繼上回嚐過芝士鮮奶撻後, 已守侯機會要試朱古力鮮奶撻。 一心去到批&撻, 赫見只賣剩一個朱古力味, 二話不說便買下來。剩下未試的就只有木瓜味, 但小妹一向不愛吃木瓜, 所以可說是完成了任務。 撻皮不算太鬆脆, 底部有點稔, 幾乎只吃得出奶味, 依舊很滑溜, 像燉奶一樣, 但偏甜。吃到尾聲時才發現有一點朱古力漿, 才醒覺是朱古力味。試勻三種口味後, 還是鍾情於原味。

一踏入地鐵站範圍, 撲鼻而來的是一陣牛油的羶香味, 很易就認出是pie & tart, 今次酥皮、批和撻各買一件。 芝士鮮奶撻$7: 是鮮奶撻的變奏版, 另有朱古力味呢! 撻皮仍是這樣鬆脆富牛油香, 甜甜的, 面頭一點點該是芝士粉, 尚算吃得出有芝士味, 但口味有點怪怪的, 一粒粒頗鞋口。下層都是和原味一樣, 奶味濃又夠滑, 像燉奶, 唯偏甜但可接受。試過後還是喜歡原味多些。 香葱雞角$6: 並非像肉卷或者吞拿魚酥那種質感, 而是有點像牛角包,有吃麵包的感覺, 加了葱花和芝麻更加香口, 餡料和雞批差不多, 但無咁漏。 雞批$9.5: 十分巨型, 比普通的約大一半, 撻底焗到金黃色確很吸引, 頂層的撻皮較為厚身, 但咬落鬆脆,牛油味香, 可是底層的皮卻很薄, 根本承托不到餡料, 較為濕和稔身。白汁夾雜份量十足的雞肉、火腿和洋葱甚為惹味, 但嫌醬有點稠身, 感覺頗漏。

今日買左磨菇撻+鮮奶撻食,好好食!!!磨菇撻個撻皮好香好有牛油味,好多芝士!!good鮮奶撻夠滑,正!!!D鮮奶好滑呀,真係好似燉奶咁!!正!!!正!!!正!!!

買了迷你雞批和咖哩牛肉批回家作下午茶拎到番屋企都仲幾熱,算係咁!哎落去幾鬆脆,兩款批既皮都一樣味道而言,我覺得咖哩牛肉批較為好吃雞批的味道怪怪的...有一塊有一大舊雞肉在內,很古怪-_-咖哩牛肉批咖哩味不重,但吃下去感覺不錯!有味不會淡巴巴的!以$12有4塊的價錢可以接受~

批&撻的分店好似少左了~以前樂富地鐵站口有~好方便~依家冇咁方便了~一見到嗰d脹卜卜的雞批~就好想食了~偶然食到一次雞批內有火腿~磨菇同埋雞~本人很討厭磨菇~會了晒出嚟但個批皮真係好好好脆~又香又好味呢個雞批~真係好味~好多其他的店係冇得比的呢~

今晚(15-5-2009 Fri)男友o黎我屋企食飯,佢又靜雞雞買o野上o黎.今次係甜品,而竟然係Pie & Tart,打開o黎睇,係芒果布甸同西米布甸.食完飯就攞出o黎影相同食lu.西米布甸賣相唔靚,食落,西米好似熔晒,冇口感;而布甸都有啲啲蛋味,之後加’淡奶’食,冇分別o既?而芒果布甸個樣好滑,食落,冇味o既?芒果肉又得幾粒,亦唔甜,加’淡奶’又係冇分別,真係好唔掂呀!而!佢o既’淡奶’原來係忌廉奶.呢兩樣o野每樣都係$9.00.

尋日(24-4-2009 Fri)放工後,同男友o係長沙灣攞完o野,o岩o岩返到荃灣地鐵,爸爸就call我,話全家人又返o黎食飯.喧 o岩我口痕,又想搵o野食,睇吓呢o度有乜先.有迷你撻喎,$12.00三件,我就揀3件栗子,3件藍莓芝士同一件$12.00o既意大利芝士返去畀佢o地食.返到去,男友食藍莓芝士,大嫂二嫂都食栗子,咁我食意大利芝士.大嫂話栗子唔太甜,OK.男友覺得藍莓芝士好食,但就唔鍾意啫喱加撻o既組合.而我o既意大利芝士撻,我只食到芝士味,裡面o既蛋糕一般.最後,食剩3件,原來要雪住佢,因為藍莓啫喱開始熔,食完飯後,二哥就食栗子撻,我黐啲栗子蓉食,雪硬o左,係有栗子味,唔太甜,不過都食得出係加工.二哥食埋一件藍莓芝士撻,食完重有一件,啊,咁我食埋o個件藍莓芝士啦.食唔到藍莓味o既,芝士o係晒底,一般啦.

連續2個星期六~都係食雞批做早餐keep住都係幾好味~脆又唔會太燶不過呢...比起以前~雞用少左dd~~~但係味道又依然wo~~~加多$5.5 有利賓納light~~ok啦~~不過依家佢係用雞蛋仔嗰d薄袋~~要拎到返公司先食就辛苦d啦............

原來還有芝士餅。買了一個焗芝士蛋糕試試($16)。蛋糕不算很大，芝士味也不算太濃郁，還好不是太散。面層有一層藍莓醬，可以中和一下甜膩的感覺，不過份量也是太少。雖然還是鮮奶撻好吃，不過加價的頻率都頗高。

呢間店.我除左d有牛肉既批未試過之外.其他都食過晒..全部都好好味..我自己本人最鍾意蘋果批.南瓜批同鮮奶撻.特別係熱辣辣新鮮出爐果陣食就最好味..

had a chicken pie and pumpkin pie and shared with a friend. both are ok with this low price.

(4/8/07)繼續發掘好味既早餐,點知在這星期六的早上,店員掛住o係小工場工作o羅,等了一會才出來。蘑菇球酥皮難得仍然脆!蘑菇就...應該係草菇碎o黎,洋蔥又過多,有粟米增加口感,挽回少許分數。p.s.食過鮮奶撻,勁勁勁羶....

今次第一次試粟米批好足料呀.有粟米、火腿、同好多薯蓉一個8蚊.真係幾抵食完感覺幾full拿來當lunch食應該都可以飽飽地~下次.再試下其他批

次次都係試佢既鮮奶tart or 螺絲粉tart..今次終於試下佢個芝士鮮奶tart...原來麻麻地架咋...都係鮮奶tart好味d..