拉麵凪 (已結業)

《製》#凪拉麵 @ramennagi《號》#赤骨拉麵（濃鹹度+超濃厚+勁多蒜泥+超硬麵）《貝》$88（+1服務費）《案》【湯頭·辣度】．溫而不嗆，濃而不尖銳——．未到出汗，但難逃流少少鼻水；．稍一不慎，辣味卡在喉嚨，會咳，Jeng．雖不能與川菜相提並論，勝在香氣濃郁，十分出彩。．炎之醬甜辣惹味，今回不知底細，下回挑戰8倍辣。————————————————————————【湯頭·味道】．招牌豚骨湯底，入大蒜、辣油、唐辛子提味；．本已濃郁香辣，拌勻免治豬肉球後更添鮮美。．鹹中帶香辣之勁，炎之醬甘韻殿後，混合肉之鮮美、蔥之清辛，蒜味收結，不能停箸。—————————————————————————【其他】▪️每次必點超硬麵，頭幾啖，斷口有聲，爽！▪️叉燒似比其他口味更入味，香辣盡入肌理▪️不過今回老了丁點，只丁丁點。▪️木耳絲同樣清新爽口，沾上湯汁，不是味道，正！—————————————————————————🔎#老饕鑑鹹_上中品🗂#老饕品_日本菜；#老饕喫_拉麵📍#老饕赴_銅鑼灣🗺️銅鑼灣渣甸坊48號採怡閣地下5號舖

銅鑼灣嘅拉麵店🍜👦🏻👧🏻就算冇食得七七八八都有六六七七，今次👦🏻👧🏻就決定試下有唔少好評嘅拉麵凪。店舖位置遠離大多拉麵店，裝飾就比較簡陋，行過都唔知佢係拉麵店，👧🏻仲以為係雲吞麵檔😵‍💫。今次就叫咗兩款拉麵🤩🌟豚骨 (咸度、濃厚度、蒜泥🧄、麵軟硬度正常）+ 溏心蛋試原味湯底就緊係要叫返最普通嘅選擇。豬骨湯底呈奶白色，非常濃厚唔算太杰身，飲完碗湯麵唔會太膩。叉燒只有一個選擇，薄薄兩片嘅豬肩肉略帶點脂肪，肉質尚算柔軟。溏心蛋質素比預期高，滷得入味，蛋黃係橙黃色晶瑩剔透嘅溏心😍🌟黑骨(咸度、濃厚度、蒜泥🧄：正常，麵軟硬度：硬）黑骨嘅湯底以墨魚汁🦑、黑蒜、秘制黑醬配上豚骨湯底，可以明顯飲到墨魚鮮甜味。湯上嘅黑色球係袐制豬肉球 - 黑醬，混入半肥瘦豬肉碎，就咁食/撈勻都幾好味充滿鮮味。麵條只有幼麵一款，即使叫咗硬麵，上菜立即食亦覺得麵煮得過久變軟😕口感唔理想。🌟食物份量不多，連👧🏻食完都覺得唔夠飽，飯後要再搵其他小食。以呢個價位再加一，就真係當食咗風落肚算💨可一不可再

在大坑消失了一段時間之後, Ngai終於在附近的渣甸坊重開, 不管它和豚王的恩怨現在是否已經煙消雲散, 能吃到豚王最初的原味, 這點已足夠. 點了赤骨, 也就是豚王的赤王, 重點當然是辣油, 熟成味噌和肉碎而成的赤玉, 先吃到是辣勁, 然後是味噌的咸鮮豆香, 當然還有肥瘦均勻, 肉香與脂香都有的肉碎, 味道和口感的層次是某些連鎖店不能給予的. 湯底夠鮮夠黏口, 結合了赤玉後味道當然更豐富.麵身偏幼偏直, 掛湯力一般, 但煮得夠爽硬, 連同木耳絲一樣口感爽脆, 吃起來就是爽. 拉麵麥香不錯, 而且浸湯久了也能保持挺身. 叉燒脂肉層次分明, 肉質夠嫩滑, 略嫌少了些炙燒味, 但由於湯和麵本身的高質, 所以還是完食了.

之前特登去左大坑諗住朝聖，點知去到先發現原來佢搬左去銅鑼灣，地點當然比大坑方便好多，係起渣甸坊入面，至於去到是有小小失望，唔係個拉麵唔好食、係我對佢期望太高，因為網上很多人一直神化佢，入到餐廳，裝潢....em...有點簡陋，好似低成本創業下租了間店用回上手裝潢的感覺...不過環境乾淨既，內部空間唔大，最多坐到十幾個人今次試左佢既名物豚骨拉麵，揀左濃湯濃味，個豬骨湯味道非常濃厚，唔會好油，叉燒好淋身，其實整體感覺係好食既，起馬唔會好似霸那拉麵果d集團式經營咁交行貨，佢絕對係對得住喱個價錢既，係有佢自家既特式，只係...我太鐘情一蘭和座銀😂

限定凪牛小排拌麵特制麥麵煙韌有咬口，加入秘制醬汁，先試一口淨麵，微微辛辣甘香好開胃，再加入日本蛋黃，青蔥，紫洋蔥拌勻一齊食又係另一層次，濃郁蛋香而且麵條口感更順滑，牛肉選用美國牛小排部分，肉質嫩滑鬆軟一啲都唔韌，師傅燒嘅時間亦掌握得好好，除左保留本身肉汁外師傅再加入適量調味，真係做得唔錯。但店家唯一美中不足係比客人用嘅水杯，仲係用緊即棄嘅軟膠水杯，既唔環保外觀亦一啲都唔好睇，希望店家可以留意一下。

第一次幫襯，當然係要試試原味豚骨拉麵。湯咸度（醬油量）、濃厚度（油量）、蒜泥量、自家製炎之醬都可以自己揀，麵基本跟兩塊薄叉燒、木耳、蔥/椰菜（可選）、炎之醬，其他配菜要top up。我今次加咗隻溏心蛋。總括豬骨湯味濃厚，麵係幼麵，溏心蛋真溏心又浸得剛好入味，一個女人仔唔使三個字完食成碗麵，湯都清埋，係好好味的指標😋。日本凪らメン味道重現度基本滿分。但環境/氣氛重現度就要繼續努力喇-雖然店員都會講greetings日文同播放j-pop（我幫襯當日播了金爆、卡莉怪妞etc的歌），但店鋪內在裝潢感覺好低成本，燈光偏白，氣氛呢方面期待再提升就接近完美真日本拉麵。

📍我本身就好喜歡食拉麵，現在疫情無得去日本唯有係香港揾拉麵食下，食拉麵我個人喜歡食小店，比起連鎖更有親切感和心機，今日就去左一間係銅鑼灣都幾隱蔽ga小店拉麵凪 ，一入去到店員好有耐心咁介紹店的拉麵和選擇，我揀左黑骨湯，稍後先介紹，不過最值得讚係店員知我食黑骨湯怕我整污糟件白衫，會提供圍巾客人，十分貼心📍黑骨湯拉麵 追加叉燒，糖心蛋，紫菜 $ 88 + 35 加 1服務費 = 144📍拉麵有豚骨，黑骨，赤骨，綠骨湯揀，個人比較喜歡濃味和黑蒜所以揀左黑骨，仲可以揀油度，濃度，軟硬度，入口加上濃湯口感不錯，叉燒和糖心蛋就正常合格，總合各方面其實真的𣎴錯，如果不追加都係$88加一，100蚊內，比起連鎖店質素高，服務態度好，性價比高，當然同日本無得比，不過係香港用一般價錢食到咁ga質素我都好介紹比大家

今日同朋友嚟咗銅鑼灣嘅拉麵凪。我哋都覺得呢間野質素幾好，值得同大家推薦！我哋嗌左：綠骨拉麵🍜$96呢個就係一道結合意大利同埋日本嘅料理：用上日式嘅豚骨湯頭，加埋意大利嘅橄欖油同埋羅勒，意外嘅match!上面仲要灑上好多芝士粉，好似食緊pizza，又好似食緊拉麵，好混亂呀！黑骨拉麵🍜$96黑骨嘅base 係墨魚汁混和黑蒜油，再加埋豚骨，唔好睇佢黑色咁樣，其實非常之惹味同埋香口，都好有層次感！而且佢嘅麵質非常之爽口彈牙，就算擺咗一陣都唔會朔晒啲水，我朋友大力讚好凪豚餃🥟$23係唔錯嘅日式滋味餃子🥟，皮脆肉嫩，餃子裏面仲有肉汁，點埋佢嘅日式醋，咁就Perfect！阿波尾雞翼🍗$33原來呢啲雞翼係採用來自日本德島嘅阿波尾雞翼，$33呢個價錢真係非常之抵！外皮非常之香脆，芝麻令到味道提升一個層次，咬落去雞肉仍然嫩滑多汁，一級棒！——————為食分界線——————📍 拉麵凪 (銅鑼灣)銅鑼灣渣甸坊48號采怡閣地下5號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $120#mariofatfat #hkfoodi

上次試左赤骨，今次試埋黑骨～ 黑骨是墨魚汁加黑蒜油的結合，香味四溢！見到鄰座加椰菜，感覺上也很match~ 每次來吃都好滿意，每款常駐味道都各有特色～ 下次要試埋綠色！

今日本身諗住黎Ramen Nagi試佢個黑骨拉麵，點知原來適逢佢地做緊8週年活動，全店只售特別版喜多方拉麵，當然都要試試啦。醬油湯底搭叉燒、筍同蔥花，味道清清地幾好食～ 今日全場爆滿～

好多朋友介紹呢間，摸左幾次門釘終於食到～ 位置其實好方便係銅鑼灣站F出口附近，不過如果唔係特登搵好少行到呢個位。一個人入到去嗌碗辣味既赤骨，好欣賞點餐紙可以揀鹹度同油度，啱曬我呢啲少鹽人。拉麵的確好食，秘製豉油加濃厚湯底十分match~ 會再返來試其他味～

呢間人氣拉麵店由大坑搬到銅鑼灣 ,我地襯閒日下午人少少試下。🍜限定今次既限定係山椒拉麵，老闆話原本限定已經完左，因為受歡迎，所以extend 多一個禮拜，我地有幸食到真好彩🤩一食真係驚為天人。無論麵，湯底，配料都係誠意之作。低溫慢煮牛舌，入口即溶，好似食緊和牛咁～相當幸福😌炸蓮藕片美觀得黎香脆。山椒湯底味道幾清新，加配中太全粒粉麥麵，睇到麵條一粒粒，每一樣，每方面既配搭都好出色👍👍👍🌶赤骨根據介紹，湯底係以豚骨做基底，再加上大蒜，辣油，唐辛子等香味提料。我選左2辣，辣度唔算高，但餘韻幾強～離開餐廳都feel 到陣辣味🥟餃子餃子上面係蘿蔔蓉，帶著清甜既味道～相對之下餃子既本體較為失色。餃子略油～碟底下已有一層油餐廳收加一服務費，但我認為相當抵俾👍由等位開始，職員既態度已經顯示誠懇既態度，上菜時會簡單介紹拉麵，食完主廚仲會問你好唔好食，好似去左fine dining 咁，成個用餐體驗相當好。我地絕對會回頭，試下其他限定口味🤤

以前經常到訪的ラメン凪，由大坑搬鋪到銅鑼灣後第一次試，只嘆今不如昔。黑骨 (總分: 7.5/10) ⚫️湯頭(8/10)：豚骨湯底，加上墨魚汁黑蒜油，味道濃鮮，真材實料，無味精不口渴。⚫️肉碎球(8.25/10)半肥瘦豬肉碎製成的肉球，質感出色，味道濃香 👍🏼🐖 叉燒(5.5/10): 叉燒太瘦太熟，質感粗糙鞋口，失望。🍜 麵質(7.5/10)：麵質彈牙有咬感。不過，點了硬身，質感卻像普通。———————————————————————————⭕️ 總結：今不如昔，叉燒成敗筆，同一價位有更好選擇，甚至不及中環豚王總店。希望將來會回復大坑時的水平，暫不翻食 ❌💵Budget: $110 pp 📍 拉麵凪 (銅鑼灣)銅鑼灣渣甸坊48號采怡閣地下5號舖

之前開係大坑既時候冇機會試，而家係銅鑼灣重開，今日就去試一試豚骨 $91份量偏少但比一蘭多少少濃厚度揀左濃厚而咸度揀左普通，但我覺得如果下次再食，可以揀超濃厚同濃煎餃子 $23

💛Probably my fav ramen place in hk for now, at least for the island side! Impressed by their limited Sous Vide Beef Tongue Sansho Ramen, this time me and 🐼 came here for an early dinner, we had one of the beef tongue one as well as their Black Ramen plus their Gyoza and soft boiled egg!The soup base with sansho for the beef tongue one is super yummy, medium noodle was used and the texture is pretty chewy , the beef tongue is so good that I wanna just order a few portion just by itself lol! The b