招牌手撕雞 (已搬遷) 新店位置

食物：手撕雞大份又好食已經encore過幾次👌🏼店員態度：我見有d評論話店員態度差但我買過幾次又唔覺喎🤔大家講嘢直接 但從來無對我無禮貌呢😊反而覺得大家相處幾客氣 有人情味食物準備時間：有時的確就算嗌自取去到都要等下先有得攞如果趕時間可以提早多d落單或者無咁趕時間先嗌👍🏻

呢個外賣超抵，用app訂左去攞只係$28 ，walk in 買都要$38圖中🐖🐷🐓🍗🍚🤤泰式豬脾飯 $28招牌手撕雞 $28total $56大份唔存在唔夠飽🤣🤣

灣仔區少有嘅性價比高外賣午餐，雖然舖頭外觀其貌不揚，附近環境有點不太理想，不過佢嘅外賣手撕雞午餐真係幾好食又大份。揀咗手撕雞冷麵，麵量絕對充足！手撕雞嘅份量令人滿意，口感都唔錯，唔會煮得過火咁。除此之外，仲會配搭青瓜絲同木耳碎，唔驚要剩食雞同麵會好寡👍佢嘅微辣(最少辣)係比10小辣再辣啲，建議唔食得辣嘅人千祈唔好要辣。可以選擇加錢再多加一款配料，試過加海蜇，不過反而令整體減分，因為佢嘅量偏少同味道一般，所以都係嗌返佢嘅招牌款好啲啦。

今日國慶公眾假期 好多店唔開♨️ 我就Openrice外賣試佐哩間 嗌佐手撕雞半隻+泰式豬肘返到屋企都總係熱辣辣 豬肘好好食🥹條邊唔係肥肉 係皮下肥膏 腍中有膠質感 調味都唔錯 好食過嗰個水門🐔😅手撕雞都係唔錯👍🏻 有陣麻油香 青瓜同木耳都係唔少 食完唔口渴在我哩度就已經係OK「手撕雞真係味精重災區😅唔係講笑」味道我覺得同北角炯記差唔多味道唔錯👍🏻總要CP值超高 除佐白飯太濕之外都可以講係高質 今次好似巴東牛肉賣塞下次試埋其他嘢

見openrice外賣自取有優惠所以試下豬脾同飯分開上，份量好多女仔可能兩個人share都夠老闆話為左食物保持溫度，老闆會係你到左之後先夾餸出黎其實都好快就拎到，完全唔存在要等同態度問題

店名: 招牌手撕雞地址: 灣仔石水渠街1號地下11號舖灣仔站A3出口，行2分鐘環境: 外賣價錢:5/5味道: 3/5馬來西亞傳統去骨海南雞飯配包裝飲品$33今時今日係物價咁高嘅情況下，灣仔近地鐵站附近仲可以三十幾蚊買到個外賣飯盒真係好難得😎👍🏻佢海南雞份量好多，好似食極都食唔完咁，不過就無話特別好食同入味🫢油飯都係，有少少油香，但飯身偏硬偏乾總括嚟講，一分錢一分貨，不過30幾蚊的確好抵🙈#stitchfoodie灣仔

嗰個老闆唔知係唔係躁狂症。早咗攞外賣又鬧人，遲咗攞外賣又鬧人。唔知係唔係唔想做生意😡。完全態度欠佳。這間小店應該很快關門大吉。完全係想趕走晒啲客。其他客人見到感到嚇親

收工順路，見個價錢都幾平下，就黎收檔即刻係openrice度落單， 嗌個豬手飯試試，翻到屋企先發現俾咗豬軟骨飯。雖然豬軟骨都好食既，量足，肉又大塊，俾咗四舊！都系想試返豬手飯。手撕雞都有興趣試試！值得一食。

本來又想叫手撕雞食，但都係睇下有什麼其他選擇。這次見到限時優惠-豬手飯$28咁平？！？！標準手撕雞飯都係$28點解可以咁平、咁抵食？？？有無伏架今次我去到店，佢已整好咗，唔使排隊我諗要視乎那天多唔多單，多單佢做唔切就未必整好，要有心理準備。用openrice app訂，最開心係可以用 boc pay入面既消費券即政府請用埋openrice cash (訂座賺錢）,有$5,。嘩，呢盒飯$23！好感恩。 雖然係月頭，使錢可以鬆手點。依家d飯盒下下都要$50。除非食兩餸飯就可以$30（最平，遲下寫篇食評介紹）。食後感：好多花生，豬手唔算多肉，我食剩一舊，覺得好飽好滿足。自備飲品。

在灣仔街市的小店。幫襯了五年，快靚正睇完上面兩張餐牌照，有無人同我一樣有個大問號？點解同樣半隻雞，飯盒$49加飲品；淨叫半隻雞要$55？？？好奇問店員，原來淨雞𠴱隻雞係大隻過飯盒雞同埋唔知大家有無發現這個外賣的亮點？俾5秒大家諗下54321開估：有兩個外賣飯盒？？？原來店主想青瓜和手撕雞的口感保持最佳狀態，所以一盒是凍的，而另一盒飯是熱氣冒升的看得出店主也有細密的心思，希望食客覺得好味而繼續幫襯。我一開始覺得我食唔哂，因為兩盒食物看上去好多，但那些香氣和爽口青瓜令我停唔到口！！！一次過食哂另外，也可選擇大、中、小辣，我是不太能食辣的人，我通常選不辣。也試過叫小辣，很惹味！即使是小辣，我都會辣到流鼻水，失去三成右左味覺，飯就比較快食哂。都係好好味，清哂！

此街市小店店員全部非常無禮貌，用網上外賣自取點餐的唯一目的是省下排隊時間，但App明明表示可取餐，店員卻喝稱「訂咗都要排隊，唔係大晒，你話要乜先即刻整，個個都係咁排！」店內排隊的人也注視以為個客打尖！估唔到香港黃金地方竟然仲有如此橫蠻無理、惡劣態度嘅服務！唔單止要預訂嘅人同其他人一齊排隊等，仲要承受無理嘅羞辱。最後等到個餐準備好，個店員就一下飛個盒上枱，話「嗱，你㗎！」好似我得罪佢咁！如此受氣，呢間店根本冇資格用「外賣自取」功能！

💫招牌手撕雞💫 🍱手撕雞冷麵+豬耳(香辣) 💰55🍱手撕雞冷麵+海蜇(原味) 💰55🍱手撕雞飯+豬耳(麻辣) 💰46 朋友介紹呢間專門食手撕雞嘅外賣店 都有幾多款式可以配搭全部都嗌咗手撕雞🤣跟冷麵嘅話會有超多汁 多到成碗湯咁😅跟飯就冇乜汁 冇得點撈飯食😅但重點係 飯同麵都一樣好大盒!! 包你一定飽🤣原味會係比較重芝麻醬味 食得多都會幾滯🙊香辣麻辣其實都唔係好辣 相信大家都食到🤭豬耳同海蜇都好爽 雞都ok滑😉

同肥髀去灣仔覆診，午餐後順道買埋晚餐，見度呢間手撕雞幾靚，店內無堂食，只有一條小走道，睇晒玻璃間板嘅廚房，我買半隻海南雞（$65）加一份海蜇（$40）店員都係啲姨姨，無收據收現金，廚房嘅姨姨就負責撈海蜇，可以揀辣/唔辣，肥髀食所以揀唔辣，撈好入發泡膠盒，海南南就已預先包好，直接在雪櫃取出，入膠袋比我取走回家要食時取出，海南雞盒內已有三款醬，我將起骨雞肉用微波爐加熱至唔凍，再沾醬食，我雞肉沾橙色辣醬，辣醬吊出雞味，我用黑醬油撈白飯食，配雞肉好味！海蜇我無食！肥髀話好味店員姨姨爽快唔多說話，外賣選擇都幾多，想幾時食就幾時食

App雙拼係貴過門市買㗎。以為小食雞腎係另上結果變雙拼。有個女人態度都唔係好，我拎外賣，當時唯一得一個app落單嘅外賣都叫我排隊拎😑 世界上最遠嘅距離就係明明已經係我前面ready好，我卻要排隊同其他即場落單嘅人一齊排，排完叫我自己拎，個態度仲好似好愕然點解我要排隊咁。😑手撕雞好凍我已經遲落去拎㗎啦，都未變常溫。個雞腎千祈唔好叫，冇醃過，一陣生雞腥味，食落中間仲有啲粉紅，好驚之後撩走曬冇食啦。至於手撕雞麵就好大兜，但好似唔捨得落汁咁導致個麵冇乜味又乾。啲雞肉都係有啲腥味，仿似每食一啖我都置身於雞檔咁😂

提到灣仔名物，少不了招牌手撕雞，人手拆肉，以淮鹽、秘製辣油調味，配合爽脆青瓜絲和木耳，惹味而不膩，口感集夾、脆和軟嫩，十分豐富。而且價錢公道，撈冷麵$40即可，配白飯只需$33，難怪街坊喜歡。