拼食三郎 (已結業)

原來新蒲崗都有芝士火鍋食！雙眼發光即刻衝住試！嚟到商場要小心探遊，唔好miss啲轉角位，見到好多明星相果間就係拼食三郎嘞！一見餐牌，全都係cheeseeee! 齋食 double cheese唔夠驚喜，可以隨意配搭吓雙重蟹黃！蕃茄！龍蝦湯底！重點係一人一鍋，今次同3個friend嚟可以一人試一款！我叫咗個雙重芝士雞鍋，見到一堆芝士，心情就好澎湃，芝味好濃，雞又夠大件，不錯！而其他friend就叫咗蟹黃芝士雞鍋、蕃茄虎蝦鍋同龍蝦日本廣島蠔湯鍋！芝士本身夠香濃，但無蓋過啲蟹黃、虎蝦或龍蝦味，反而令成個湯底提鮮咗！ 虎蝦蝦頭仲見到鮮橙蝦膏，驚喜！個人最喜愛蟹黃芝士雞鍋，夠多芝士，又有咸蛋黃嘅味道同香味，邪惡得嚟好令人越來越愛！跟餐可以配出前一丁、烏冬等，後者煙靭彈牙，建議食完配料先放個麵落去，吸收晒整晚嘅湯精華。而配料同樣多選擇，亮點有大大粒嘅海鮮，包括帆立貝，廣島蠔，虎蝦！肉質都好肥美，浸滿湯汁感覺好juicy!除咗海鮮，美國肥牛同西班牙豚肉都係首選，肥瘦適中，夠肉味。另一種配料我係第一次食，亦係必推嘅係流心金瓜炸旦。金瓜係南瓜，打溶放落啲魚蛋度，咬落去軟綿嘅南瓜蓉徐徐地流出，好香南瓜味，

逢星到期一到新蒲崗上堂，都吾知付近原來有間咁好食既芝士鍋完全無改錯名，真係念到頭都爆，樣樣都想試，心大心細，最後𢵧左招牌麻辣芝士雞$79一路等一路流口水，未試過咁想食物即刻上枱，見到咁多芝士滿曬，好緊張正，終於等到溶左，超超超正，麻辣勁香，好彩小辣都吾算太辣，芝士又多又軟又綿，可以拉到好高，d雞大大件，有半隻手掌咁大，雞肉又多又嫩大佬，好味到無朋友，好彩新蒲崗返學，下次一定要叫朋友一齊去，一個人食吾晒，2個人食又開心份量岩岩好，最低消費$60 ,以呢個質素真係抵到喊，贏曬出面d咩一人一鍋打邊爐，完全無得輸

近期韓風襲港，掀起芝士撈既熱潮，岩好今日經過呢頭就打算試下邪惡既芝士火鍋！嗜辣但只限小辣既我點左個芝士麻辣雞煲（小辣）唔知係咪芝士難慶熱，心急地等左好耐芝士最後終於融於湯底！夾起雞件見到絲絲芝士掛住即刻食慾大增！值得一讚既係雞件絕對唔似其它雞煲店淨係比無乜肉既雞肋，可以大啖大啖咁食，由於唔跟青菜，自己外加金針菇同生菜，濃郁芝士配上微辣，最後加埋ㄧ丁做結尾，簡直係大滿足！ 唯一缺點係食完會好頸渴。。。 整體來說值得一試

屋企附近開左一間新餐廳終於有時間去食. 今晚去到見到不用等位, 所以一支箭咁入左去. 打開個餐牌, 有好多唔同既火鍋種類, 今晚叫左兩個火鍋都係一人份量的. 麻辣番茄豚肉烏冬鍋, 湯底幾特別, 好多都係mix & match, 有得辣或唔辣, 我就食小麻辣, 辣味有點麻, 加上番茄湯既味道, 就好似西式既羅宋湯咁, 但係麻麻辣辣, 所以味覺上幾滿意. 豚肉應該係腩部位, 所以入口唔錯.龍蝦蕃茄湯底肥牛烏冬, 都係兩樣mix埋一齊, 最特別就係好多款式湯底都可以mix & match, 可以一次飲到兩種口味, 飲得出在蕃茄湯中帶有龍蝦既香味, 個肥牛好好食, 牛味夠, 唔un, 鍋入面仲有好多配菜, 一個人食, 我其實都已經飽到8,9成. 唔夠可以再點追加.火鍋款式有10幾款, 另外好似仲有芝士雞煲, 見到其他客人好多都係叫雞煲. 覺得今晚食既食物都算唔錯, 係依區都算好有水準. 依家有HEART既小店越黎越少, 所以專登開POST寫下支持下. See u next time!

已經是第二次來食芝士雞煲, 鐘意黎依度食既原因除左味道好之外, 因為係一人一鍋, 可以每人都食自己鐘意既味道, 份量足夠, 款式又創新,自己比這裡的香濃芝士味道既雞煲深深吸引, 今次我地又試下新口味.紫薯芝士雞煲, 老實講紫薯係平時甜品店先會見到有得食既野, 但係依度就用黎做芝士火鍋, 咁緊係要試下! 粉紫色既湯底, 感覺美麗, 喝下去紫薯味不重, 反而芝士味出些. 煲內有大大舊紫薯粒, 吃下去甜甜地, 原來兩者配合起來感覺也不錯的.朋友無蟹不歡, 叫了一個蟹黃芝士雞煲, 這個湯的顏色呈金黃色的, 看到表面有蟹肉及芝士, 湯底蟹味好香濃, 喝每口湯也有淡淡的蟹肉, 當芝士溶掉後跟蟹肉一齊食口感更佳, 沒有想到食雞煲都可以吃到蟹味!! 兩個湯底, 我比較喜歡蟹皇那個, 因為蟹黃芝士湯配上飯或面黎食, 真係不得了. 我們點的是一個套餐, 有一個鍋物, 一個面, 這裡價錢由幾拾到佰幾都有, 選擇幾多. 單單是雞煲款式都已經有5款, 這正是我喜歡來這餐廳的原因. 每次都可以食不同既味道. 

呢間位置好偏 都要book位 不過黎到係得一個人做野 又冇人執台 冇人理 每次叫野都要自己行出去搵人 坐位都算逼 同埋好痴林林既感覺 個既火鍋係自己先簡湯低 再簡主菜 另外可以再加餸黎打邊爐 我就叫左芝士龍蝦湯 再要廣島蠔 佢黎到係勁大碗 你見到d芝士多到嚇死左 不過佢開始滾既時候 就要筆走d湯同菜 佢會滾出黎 都幾麻煩下 因為佢塞得好實 又驚倒寫晒d芝士 搞完一輪 開始可以食入面既配菜 有好多豆腐 金菇 不過d芝士太多 多到個湯好痴低 但係因為佢好唔穩陣 又唔可以咁大力去搞 食個陣都幾呢hea 不過個湯係好香 好濃龍蝦味 芝士係多到每食一啖都係芝士包住舊餸 我既主角廣島蠔 佢係雪到硬晒 食到最後先可以落佢 不過就好大陣雪味 麻麻地 再黎食既話得會情原唔係芝士湯低

食左一段時間，今日先記得打返。拼命三郎係新蒲崗廣場一個小舖，位唔多坐得好逼，因為太少位等超過半個鐘係minimum charge。一入到去坐係門口最近張枱，因為我地得2個人所以要搭枱，成間舖得2個負責人，樓面果個女仔都唔係好夠位行，再托住d雞煲真係好牙煙，黎食真係要預左小心d。不過咁無損我對芝士雞煲既熱誠，我就叫左個雙重芝士雞煲，朋友就叫左個芝士龍蝦湯雞煲。講下我個雙重芝士雞煲先，濃濃既芝士湯底再外架面頭既大量芝士碎，滾之前千祈唔好攪佢，要等d芝士碎溶係d雞件上面，咁夾起就有拉絲架啦！雞件本身已經熟架啦，我個煲雞脾肉多，夠晒滑，除左雞件，個煲仲有菜，粟米，金菇，豆腐呢d大路野，唔夠仲可以另外再點。朋友既芝士龍蝦湯飲落唔算重芝士味，可能比龍蝦湯d味蓋過晒，不過單純當龍蝦湯都幾好飲。食晒d配料當然要叫個出前一丁作結啦！d出前一丁索晒剩低既芝士湯，如果再想稠d既可以再加金叫多d芝士，咁就直頭係芝士撈丁啦！

我們是火鍋愛好者, 所以決定去試下一間好有特色既火鍋店. 餐廳座落人流不多的細型商場! 看看四周, 整個商場只有幾間餐廳. 我們去的是位於一樓那間.餐廳分別有兩個鋪位, 一邊較細但光猛, 一邊較大但幽暗. 強烈既對比, 鐘意去邊度就各有喜好, 而我地冇咩所謂, 有位坐就得果種, 所以好快就有位. 最後, 安排坐係bar枱位置.餐廳有幾種主題食物, 有芝士的, 有麻辣的, 我地因為唔想太重口味, 但係又想食一些濃味既湯底, 所以叫左龍蝦湯底, 一個配肩胛肥牛, 一個配廣島蠔. 食物好快到了. 先講龍蝦湯底肩胛肥牛鍋, 湯底好濃郁龍蝦味, 幾香, 有少少creamy感覺, 少少似西式龍蝦湯咁, 收貨! 成個火鍋套餐是一人份量, 肥牛大約有6,7片, 由於是肩胛部位, 吃落口感及牛味都不錯. 跟餐送了一個手打烏冬, 彈牙的, 一些一些放入龍蝦湯底裡吃更正!至於廣島蠔, 有3 隻, size有2,3,吋大吧, 因為不是新鮮生蠔, 所以味道都是跟普通火鍋生蠔一樣. 火鍋本身裡面有菜, 金菇, 豆腐, 蘿蔔條, 粟米, 冬菇, 日式魚蛋(平時吃拉面成日見到的), 其實對於我來說份量是足夠的.但見到

今晚女朋友生日, 帶左佢去一間特色火鍋餐廳. 餐廳係新蒲崗一個隱蔽既商場內, 唔係好起眼, 要搵左一會先搵到. 唔通真係要食好野要付出下先得?餐廳主要提供一人一鍋打邊爐, 有主菜, 配菜及麵食. 另外, 還有主打一人一鍋獨食雞鍋, 款式有辣有唔辣, 芝士, 麻辣, 麻辣芝士, 紫薯味道四款.女朋友喜歡吃紫薯, 而我就吃麻辣芝士. 等左一陣先上了女朋友的紫薯鍋, 顏色~幾吸引, 沒有見過粉紫色的湯底, 不知道味道如何? 先等待我的鍋到了才一起品嚐.不久我的麻辣芝士也到了, 又是另外一種顏色的, 今次是紅紅橙橙的. 但是紫薯雞鍋的雞還沒有到, 侍應說是一會另上的. 所以我們也開始我們的生日晚餐了.先說紫薯的, 湯底紫色卻是芝士味道的, 但紫薯味道不太重. 湯內有五六舊紫薯, 紫薯幾甜, 入口軟淋, 侍應教說不要一口氣把紫薯吃掉, 留下少許待加清湯時可令清湯帶點味道. 兩個鍋都在面上鋪滿很多芝士.整體上紫薯鍋味道可以, 食法頗特別, 有特色的. 所以建議真的留少許薯仔吃到湯底濃縮時加清湯用, 那麼整個紫薯湯不至於變化成紫薯漿了.到我的麻辣芝士了, 我的就十分簡潔了, 就是麻辣加芝士, 都是一

今日係長假期的最後一天, 沒有特別事情需要做. 一個人周圍去食下野.由於之前聽過朋友介紹係新蒲崗有一間出名食芝士雞煲的, 而係旺角我又可以乘van仔直接去到. 所以決定去試下.餐廳係商場的一樓, 商場沒太多人, 心想在這個商場內都會有出名的餐廳嗎? 到達時大約7點幾, 門口有些人正在等待.餐廳分了兩個鋪位, 大約等了10多份鐘便有位了, 餐牌上有很多不同類型的芝士火鍋, 但是由於一開始已經是為了想吃芝士雞煲來的我, 最後也是選了雙重芝士雞煲.雞煲不同平時吃的, 是一人份量, 所以最好的情況就是不需要約朋友也可以一個人自私地吃吧! 雞煲熱辣辣的上枱了, 煲面有很多我最愛的芝士. 很吸引! 服務員很小心地給我點火, 並介紹雞煲的食法.最重要就是芝士溶掉後要一起跟雞件吃才好味. 我有小許肚餓, 所以偷偷先渴一口湯. 是芝士湯來的, 很香芝士味, 也帶有少少洋蔥和青椒味道. 這個雞煲不同以往吃過的. 以往平時吃過的都是濃汁上的,而這裡是濃湯上的, 別有一番風味. 好奇心查問一下, 發現原來侍應解釋說由於是方便客人吃麵食或泡飯. 看得出廚師很有心思!!芝士溶掉了, 便把雞件一起伴著吃. 芝士和雞

新蒲崗這個地方對我們十分陌生，無非必要是根本不會到的地方。1.要轉車2.不熟悉位置需要找路最重要的是麻煩，我這個人十分怕麻煩，但為了吃，麻煩點我也能接受la~~~我們在黃大仙站下車，再乘搭20M小巴，因為不知道在那兒下車，所以上車時已經跟司機說了目的地，再叫我們下車，最後與新蒲崗廣場很近的地方下了，所以也算是相當容易到達。要不是為了我心愛的"芝士"食品，我也不會山長水遠到此地方。到達後，廣場很冷清，店內雖小，但幸好我們剛到達就有位置，不然就要坐外面了。餐牌上的食物，包括芝士火鍋均十分吸引我在等候期間，發現也滿多明星來此光顧。也發現有全單九折？但後來聽到其他客人於結帳時問，店主卻回答：因為新年期間是公眾假期，是不包括全單九折，於是……不過其實原本也沒有想過有折，所以也不會有太大失望，當然有就更好啦，對不對？我的牛肉芝士鍋到達啦！！！第一眼，好似咁少野食禁既？ (最後也額外加了點東西吃)第二眼 ，失望，這樣的話，吃吉XX的一人鍋還飽肚、美味 (雖然沒有芝士)第三眼，d菜好唔新鮮，見到想把它摘掉，但還是本著大菌食細菌、不要浪費食物的心意把菜放進肚內。 我叫的是芝士龍蝦湯底，味道不錯，而且吃到

經朋友介紹這間吃芝士雞火煱，於是我便想試一下，我已打電話訂了位，可是去到已經要排隊等候了。等了20多分鐘，職員安排我入座，由於知道這間餐廳是出名食一人一鍋芝士雞煲的, 所以喜歡吃辣的我便點了麻辣芝士雞煲(少辣)，等了十多分鐘就上菜了。食物來到眼前都十分吸引, 上面放了很多一粒粒芝士，職員告訴我可以用芝士來拉花，可惜我拉得不夠藝術感，芝士浸滿了湯的顏色, 吸收了湯的麻辣味道, 很特別, 在別處也沒有吃過這樣複雜的味道. 而湯底也給我驚喜, 因為真的食到芝士和麻辣的味道. 因為湯味道有啲辣又有啲芝士咸香味，將湯汁淋落白飯到味道恰到好處，用黎送飯一流。我還追加多一碗飯. 雞肉不太肥，加上有芝士味入左雞肉到好好味，湯入面有些基本雞煲配料, 洋蔥, 青椒, 所以整體上成個雞煲都吃得十分飽滿. 如果覺得不夠還可以點追加，我點了金針菇，放落去唔夠一陣啲芝士溶時會連金針菇連埋一起，口感十分豐富, 相對以前只是單把金菇放落湯來吃, 實在滿足得多.。埋單時大概要100元左右，我覺得都算抵食，最後我十分推介這個鍋，尤其是一定要配上白飯 至於味道方面已經真的好味過我之前吃過的其他呢.

我同好多香港人都係一樣嫁.....鐘意食雞煲火鍋, (仲要係芝士) 所以今次去左係新蒲崗一間火鍋店. 因為果度有我鐘意食既芝士火鍋, 同埋芝士雞煲!!因為係星期一, 同埋可能今晚落雨關係啦, 唔使等就入得....yeah!! 因為小妹好肚餓呀!! 打開餐牌佢地分左芝士火鍋同埋芝士雞煲類.....湯底有11款咁多......有龍蝦芝士, 蕃茄芝士......@@.....真係心大心細.....最後小妹試左個剌激麻辣芝士雞煲呢.....佢地分小, 中, 大 辣......店員話小辣幾好味, 因為唔會因為太辣而蓋過左芝士味喎.好啦! 就試依個啦.等..左一陣, 到了, 橙紅色既湯底好搶眼, 上面鋪左好多小妹至愛既芝士碎.....個樣好吸引, 都幾香....試下好唔好食先....?!先渴一淡湯....辣辣地, 麻味不太重, 有少許咸咸香香的, 應該係芝士味.....果然名乎其實麻辣芝士喎.....$79....這個價錢...我覺得不貴呢...睇番其他食評果然係平民價餐廳, 高質素既食物...食到一陣芝士開始溶啦.....之前店員小姐都講過, 當芝士開始溶既時候就係拉芝士既時候, 果然係拉拉拉拉

做完project啦 緊係去E肚啦咁聽朋友講拼食三郎呢度湯底唔錯所以即刻book位啦😄😄😄好彩book左位 但係都要等15分鐘先入得因為勁多人等位😥😥😥入到去見到餐牌有個紫薯雞煲個心諗唔知咩味呢 就叫左個試下啦哇真係紫色嫁 勁靚隻色個侍應話個雞已經熟嫁啦等d芝士溶左之後就將雞擺落去廿秒都就食得，咁新奇都係第1次見拉d芝士都係紫色嫁😱😱😱咁食完呢個紫薯雞我覺得好特別味道一d都唔怪既 紫薯同芝士味都好夾食落去芝士味帶小甜 感覺很特別一定會再黎試多次啦同埋份量都唔小 都好飽下最緊要係冇收加一價錢好合理但覺得個環境就逼左小小如果下次一大班黎食可能要分枱😄😄😄

星期四辛苦工作了一整天, 更係要食好東西. 於是去左近期好hit既芝士雞煲--位於新蒲崗既<拼食三郎>因為可以一人一鍋, 自己一個人都可以食, hehe!!差不多9點鐘去到餐廳, 其實餐廳位置都算幾偏僻, 係一個舊舊地既新蒲崗廣場入面1樓......以為依個時間去到應該冇咩人,但係都有6,7個人係度等緊. 等左大約15份鐘, 可以入去lu. 我叫左個紫薯芝士雞鍋, 因為個侍應介紹話紫薯係好健康既食物!等左大概15份鐘, 我的雞鍋到了, 是紫色的, 好得意咁, hehe, 因為本人未見過紫色既湯, 仲要係黎打邊爐, 真係第一次!! 所以想係度share比大家知道, 而d 雞係分開既!個女侍應點火時好有禮貌地介紹話d雞已經煮熟左, 只要個紫色芝士湯溶左之後, 就咁放落去連埋d芝士一齊食就得ok嫁啦!!最後我都係有跟佢講既咁食既法. 首先試左一啖湯, 飲得出係芝士味既, 紫薯味就唔係太重, 有少少, 味道都幾好味, 入面有大約5,6舊紫薯, 薯仔口感唔錯, 甜甜地, 成個鍋配起來幾特別, 好新奇, 只可以話之前都未食過咁樣配搭既湯底, 而湯入面有好多芝士, 溶左之後, 真係好