拼食三郎 (已結業)

辛苦了2天，難道得完成工作，今日悶悶地去好友居住附近既新蒲崗區覓食，夜晚9點幾，得2個人，真係唔知食咩好！左諗又諗，天氣冷不如來個一人一鍋，早前看到FB飲食男女短片推介既紫薯芝士火鍋，應該係附近，再查下open rice見到新蒲崗廣場1樓，即刻上去睇睇！ 好好彩，又未收工，又冇人排隊，甘啱又未滿座，即時座低，選擇了2個近期大熱紫薯芝士炸雞鍋($89)，辣味芝士炸雞鍋($79)一人一鍋已經包括大量芝士，紫薯鍋之炸雞是分開上，內有紫薯4~5件，炸雞應該有8-10件，另外再加一個日式烏冬/出前一丁麻油味一個/拉麵/白飯，份量十足，飲品另外需要特價加購，可口可樂，+C檸檬汽水，雪碧等需+$8/罐，道地蜂蜜綠茶+$9/罐！ 雖然舖面位置不大，但因為非繁忙時間坐得十分舒適，食品方面，選擇不太多但勝在特別及價格非常親民，有10款配料，如芽菜，唐生菜，木耳，金菇等，只是+$7/碟，如果女仔食，應該單點一鍋，已經可以吃得十分滿足！味道方面，紫薯味出奇地與芝士味很夾，原本應該是甜品用料既紫薯，配合芝士炸雞，感覺新鮮有趣！辣芝士炸雞鍋較紫薯味濃厚，建議選擇小辣至中辣，避免搶走芝士味道！此價位，味道，環境，服

友人喜愛吃紫薯，早前見到網友食，所以帶友人試試。出地鐵後慢行15-20分鐘，到新蒲崗廣場。店舖細細，有啲擔心，會否是伏。始終伏已中太多了。紫薯芝士鍋，雞是另上的。紫薯鍋底顏色較淺色，以為個味會好稀甚至無味，又唔係喎，有啲紫薯味。入面真係有一件件既紫薯，數量都算多。芝士溶化，令個鍋底有啲傑，開始好好玩，啲芝士理不了，理還亂，多次拉扯才斷。加入雞件後，沾過芝士及紫薯，係又甜又咸的情況下味道不俗，想不到是夾的。麻辣雙重芝士雞鍋（中辣）（價錢好似係89或98）這個有驚喜，真係有辣味，不過嗜辣的者，可以揀大辣。芝士份量比紫薯的多。溶化後，卻無得像紫薯咁玩，再加埋辣味已掩蓋芝士味。不過只計食辣雞煲，以呢個價，呢個味係中上的。後加配料：肩胛肥牛$25好食啲，美國肥牛$9好韌。芝士豆腐$12兩粒，上枱時已熟。響玲$12兩條，無後期加工，下次可以用焗爐焗一焗。我喺屋企打邊爐，都會咁做，脆好多。服務：侍應姐姐好好人，解釋我地聽，要等芝士溶化，才可放雞。同我地講解時，鄰枱係咁叫唔該，姐姐都無面有難色，叫佢等等。

早排睇完新假期介招芝士雞煲鍾情芝士既我當然要黎潮聖下😄😄一黎到已經勁多人等位咁服務員派左籌比我等左大概半小時就入到去啦👏👏咁入到去個店員就悉心講解個鍋點落啦當然我叫左呢到最出名既芝士雞煲芝士雞煲$69隨左雞仲可以配烏冬 出前一丁 拉面 同飯食落去個芝士味都好濃烈當食完雞既時候，湯底愈黎愈濃跟住當我擺個烏冬落去既時候好似芝士撈烏冬咁好正但如果再多d芝士就好啦同埋各位去食既時候最好book左位先同埋本人覺得勁抵食

記得一年前係大型披薩連鎖店食過又貴又唔好食之後，一直都無再試過其他既芝士火鍋。今次有朋友見到新假期介紹依間既芝士火鍋同雞煲，就決定再試。由於前一晚訂左位，基本上唔洗等就入得 打開Menu，見到可以自選湯底配料，幾乎全部都是平民價，而且湯底有好多款e.g.芝士、龍蝦、麻辣、蕃茄，又可以一次過滿足兩個願望 。我揀左芝士龍蝦湯配三文魚火鍋，另外兩個朋友分別揀左雙重芝士配肥牛火鍋＆雙重芝士雞煲。最後可以揀飯、出前一丁、手打烏冬、拉麵，由於芝士配出前一丁太邪惡既關係，我揀左手打烏冬。等左10-15分鐘後，我期待的芝士火鍋出現了。一睇個貌相已經好吸引，好多芝士！芝士會慢慢溶落龍蝦湯到，當初會擔心夠唔夠芝士味，不過食既時候芝士掛哂落啲餸到，會食到濃濃既芝士味。個火鍋一人分量女仔食岩岩好，可以唔洗追加，雖然配料比較少，得菜、冬菇、日本魚蛋、豆腐、粟米等，但因為芝士始終有啲膩，食食下就會覺得飽，當然如果想食平時打邊爐打開既配料就另計啦。另一位男仔朋友嗌既雙重芝士雞煲，雖然芝士味好出，但啲雞無咩味，主要靠個湯底。一開始他都覺得之後會追加，驚唔飽，但食食下落埋個出前一丁後就飽左。所以如果要追加，可以食食下

呢間小店既火鍋好平民價，揀湯底再揀餸，然後揀麵/飯。嗌左個麻吉燒蟹柳鍋湯麵($49)有菜、菇、蘿蔔、金菇、蟹柳、豆腐、年糕魚蛋、粟米，湯底揀左雙重口感芝士湯(+$5)，有兩款芝士雖然見d食評話食落無咩芝士味，但今次去食又唔覺真係咁差，反而食到芝士味既鹹香食完再落個超正既出前一丁落去，芝士掛哂落每一條麵度，好鬼正，係食多左有d膩！仲有其他揀架，有三文魚、翡翠螺、肥牛、虎蝦⋯⋯既火鍋料比大家揀(價錢由$45-$80)，任君選擇。湯底有豚骨、鮮茄、龍蝦、麻辣⋯⋯想點拼就點拼，唔夠餸仲再添加($5-$20)，想加就加！之後有白飯、出前一丁、手打烏冬、拉麵同米線揀，識揀就梗係揀原包出前一丁！夜晚仲有$69既雙重芝士雞鍋！好抵食！平日晏就去食等左10分鐘到，個店員姐姐服務好好。窮遊指數：8/10好味指數：7.5/10

平時做開CD rom,但今次有d不太愉快經歷，所以想寫出黎。今次上網見到有芝士火銅，又唔係好貴喎，所以吸引左我去試。果日收工去到都8點，所以都幾多人係到等緊。但心諗一場黎到。原來果日有班年輕人(我想信係d大專學生)，應該都十幾個，搞到好多人等等下都走左。咁我見由前面有好多張台等到得番兩張都照等啦，咁就出事啦。一等等左我兩粒鐘呀，仲要臨到我的時候，原來有張book左的台，俾佢入左先，果下真係嬲。終於等到入去啦，我叫左個芝士龍蝦湯底，廣島蠔鍋，配烏冬。我覺得一般，龍蝦湯就真係幾有龍蝦味，但我又唔覺好有芝士味。咁同淨叫龍蝦湯冇乜分別，咁我就唔洗加6蚊加芝士啦...友人叫左雙重芝士湯，肥牛鍋，配公仔麵。或者我同友人都食得濃味啦，感覺上個湯底冇乜芝士味，所以有d失望。同埋其實個鍋入面冇乜餸，得少少菜，一舊冬菇，一d金菇，兩舊好細的豆腐，完。所以其實主要係個麵飽，或者要叫餸。所以感覺上，佢收到吉x家的價錢，但d配料少咁多，所以覺得唔係想像中咁抵。而我同友人都冇加野，因為一來等到都嬲嬲地，二來入面都好細坐得唔係太舒服，我食到出晒汗好熱，所以我地決定快d食完快d走。總括覺得，服務一般，係安排入座方面有

呢篇係好耐之後寫番，因為搵唔到間野，而家見到就第一時間寫，因為呢道好值得黎👍睇到飲食男女介紹，估計應該比左錢，如果唔係應該好難飲食男女會咁勁搵到，不過比飲食男女賣一賣，第二次去果時已經排晒隊😂👍我黎既原因第一當然係因為響新蒲崗啦😂見到「雙重芝士」呢d標題更加好難唔黎食，重點重點重點係只係$69就食到!!! 睇完之後第二日就去試，位置就係「新蒲崗廣場」，一上2樓電梯就會見到banner指示，轉左再轉左就見到，裝修好得意，細細間，好多圖好醒目，一睇就見到。湯底好多款，自由配搭，可以加自己想要既野，一個窩會跟一個麵，我呢，就揀左中辣雞煲😋，男人呢就揀左雙重芝士肥牛。先講下男人果份，落單黎，等左一陣店員就送上煲，響你面前點火，即係好似大家樂咁，睇落芝士唔多「雙重」稀稀地咁既湯，我試過淥肥牛，肥牛係普通質素果種（以咁既價錢正常）得2/3塊，唔覺得重芝士味，的確有d失望，男人都話其實麻麻。我去2次都叫雞煲（第二次男人都跟我叫😂）第一次叫中辣，第二次叫小辣，覺得中辣食到最後太辣，但小辣又唔夠辣😂真係麻煩港女😁第一次去湯比較濃，雞比較大舊，第二次去就好多湯，雞都比較少，但係2次都好滑，多湯都好，第一次

見到新假期介紹呢間的芝士火鍋同埋芝士雞煲，諗住去試下啦，打去book位就full左，一係就book 9 點，咁就walk in 啦。 7點鐘去到等到9點先入得去😥，都算，入面勁細勁迫，我地3人，有張4人枱，諗住係我地坐啦，點知佢話張4人枱係俾訂左位果d人，果時9點，等2個人訂左位，其他都係walk-in. 佢就叫我地坐bar枱，迫到根本坐唔到，90磅的女仔坐都迫到貼住，可想而之有幾逼，果張4人枱最尾又係有兩個walk in客坐。咁佢又話訂左位先坐得😑 講返野食，我地叫左個雙重芝士雞煲，一個芝士龍蝦火鍋，一個雙重芝士火鍋，無乜芝士味，龍蝦果個直頭食唔出有芝士味。個雞煲d雞已經少，得幾舊，都算，但俾返d正常部位呀唔該，雞翼尖，仲有個唔知咩位係成舊筋都咬唔開。係69蚊唔應該要求咁高，但主打芝士都無乜芝士味就唔得囉。火鍋配料，仲少過大家樂一哥火鍋，係靠個烏冬食飽。得2個鐘食呢餐，真係唔值到係得再唔值！