影片
以上資料只供參考, 請與餐廳確認詳情
衛生環境 - 完全係惡劣。一入餐廳已經見到5-6隻蚊係度嬲黎嬲去，嬲完嘢食嬲人，爬上手嗰隻，趕極都趕唔走。臨走嗰陣見到櫃檯有張滅蟲公司既單據，慘啦，搵完人搞都係咁多蚊，證明真係好污糟。🤢食物質素 - 唔算入唔到口，但真係好難食。刀削麵既麵條過厚過硬，以為自己食緊生既麵粉；湯底係味精湯，重要係淡到似水嗰種；口水雞皮肥肉少，肉質似過夜肉，唔入味、嗰醬唔算係正宗口水汁。😮💨食呢間嘢完全曬錢曬時間，食完嬲到癲😂
繼續閱讀
我最近去咗拾味刀削麵，叫咗醉雞生菜刀削麵，整體黎講性價比算幾高。刀削麵嘅口感好彈好Q，係即叫即削，有粗有細係最好食嘅。我配菜叫左生菜同醉雞肉，味道好豐富。醉雞肉非常多，應該係一隻雞比嘅肉。唯獨係餐廳環境比較差，好似長期唔夠人手咁，侍應長期著住對水鞋，斬雞又係佢，落單又係佢，水吧又係佢，收錢都係佢😂所以d台你預左佢抹得唔係好乾淨。而佢都係好趕行黎行去未必可以即刻理你。不過無辦法 中環附近刀削麵真係唔多。
繼續閱讀
嚟到中環覓食，唔知食咩好，見到有一間刀削麵都幾出名，就想來試試呢一間係位於歌賦街既小店，可能因為要一條長樓梯啦，又過左午餐時間，所以就得返我一枱客啦佢呢度有唔同既餸就有唔同價錢，可以揀湯既冷拌熱拌，或者唔想食刀削麵既可以揀菜飯，拉麵米線好難得見到冷拌刀削麵就試下，我揀左麻辣拌牛肉絲，佢既麻辣唔係醬係辣椒碎，所以主要味道來源係擔擔醬，味道唔錯，但可能刀削麵唔索味，自己拌又唔匀，就會一啖有味一啖無味，刀削麵好彈牙，好煙韌，好食。仲配有大量青瓜絲，食落清爽，佢既牛肉絲係牛展，好有牛味好彈牙友人就叫左擔擔醬拉麵，整碗野偏清淡，但湯頭幾清，加埋都幾好食不得不提兩碗麵份量勁多，女士都應該食唔哂口水雞同豬頸肉都係推薦既就試下口水雞唔係好辣好刺激，微辣，雞好嫩，正豬頸肉熱，脆，嫩，份量多可能地方唔就腳，以致唔多人，但黃店小店值得大家支持呀
繼續閱讀
刀削麵平時主要都係湯麵為主，比較少係拌嘅刀削麵，而且仲有分熱拌刀削麵和冷刀削麵，款式都幾多，除此之外，餸嘅款式都好多，選擇困難症嘅我揀咗好耐先諗好要啲咩留意番，佢哋麵係唔包野飲架，野飲要額外收錢麻辣東坡肉刀削麵 $58餸跟麵是分開的，不用擔心東坡肉嘅辣會滲透到麵之中，而且東坡肉都好肥好大一嚿，表面有超多蒜蓉和辣椒，未食都已經聞到好香，不過食落都唔係好辣，肉質都好淋，唔會死實實咁，算幾好食，另外麵嘅份量好多，但係湯底味道比較清淡，食到後期會有少少悶（因為餸已經食完）而且太過單調，所以最後食剩咗少少豬頸肉熱拌刀削麵 $62豬頸肉嘅份量比東坡肉多，而且感覺上拌嘅刀削麵冇湯刀削麵咁飽肚，所以依個食得晒；豬頸肉雖然油脂好豐富，但係佢燒過，將啲油分迫咗出嚟，所以食落口都係肥，但係唔會好油膩，食多幾件都可以，四川擔擔醬食落唔係好重花生醬，所以食落唔係好滯，有少少肉碎撈勻一齊食都唔錯野飲個人覺得一般，可以唔叫都得🔆整體來講，食物方面都唔錯嘅，但係佢嘅環境令我覺得佢唔太值得咁嘅價錢以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
繼續閱讀
早前，媽咪約了一班朋友晚飯飯局；所以，我放工便找地方食嘢當晚餐！行到中環歌賦街，有間刀削麵店 <拾味正宗刀削麵館>！店內不論師傅抑或店員，都是全男班！桌上備有餐具、調味料、還有，消毒搓手液，相當周到！店方以桌上 QR code 落單，不過，我買了新手機，已裝了 QR code app，卻是 load 了一陣仍然打不開；於是，我即時 Download 另一個 QR code app 都於事無補！ (心想不是那麼死板 Stupid 一定要求食客用 QR code 落單呀嘛？！如果硬性要求這做法，而恰巧，我部手機又做不到的話，我索性離開了！)可能店員見我遲遲都未落單，於是好醒目走過來，問我想食咩？店內播放飲食節目，介紹此店，師傅拿著5~6磅拉麵粉糰以手起刀落削麵！餐牌上海水餃刀削麵 $46店內播放飲食節目才得知刀削麵選用低筋麵粉， 麵條粗度均勻，口感煙韌又掛湯，水餃有4粒，肉多而清爽的椰菜少！熱豆漿 $10 跟餐+$6質感濃稠，豆味濃郁，甜度恰到好處！
繼續閱讀