拾味正宗刀削麵館 (渣甸街)

營業中

休息中

#MC帶你去銅鑼灣.喺銅鑼灣唔知食咩好？！近近哋銅鑼灣站F1出口，渣甸街已經勁多嘢食啦！➖✨ 拾味正宗刀削麵館.餐廳主打新鮮即削刀削麵，有多款配料及口味搭配刀削麵，有冷熱拌麵、湯麵，仲有上海菜飯及滋味小食等；店內裝潢簡潔不花巧，用餐環境寬敞乾淨。➖🥢 麻辣牛筋腩刀削麵｜$62 ✨人氣之選✨.刀削麵與配料分開另上，超貼心！牛筋腩超軟腍入味，輕輕一夾就斷開，而且麻中帶辣，好惹味；唔食辣嘅，亦可以走麻辣！➖🥢 口水金錢肚刀削麵｜$64.口水汁比麻辣汁會無咁辣，辣中帶香，牛肚切成一絲絲，坑紋賣相吸引，質地夠曬軟腍；加上新鮮即削刀削麵，質地煙韌口感彈牙，口感一流！➖🥢 麻辣雞腎（小）｜$48 ✨推介✨.雞腎大約15至18片，厚薄適中，爽口唔韌，加上微微辣味和麻感，十分惹味開胃。➖🥢 熱豆漿｜$10（跟餐加配$6）.凍熱同價，淡淡豆香味，又唔會太甜，幾抵飲！！➖✨ 服務.餐廳採取自助形式，用QR code落單，方便快捷。➖➖➖➖➖➖➖➖➖➖➖➖➖➖#Ming_Course #灣仔區美食 #銅鑼灣美食 #香港美食 #香港探店 #銅鑼灣 #拾味正宗刀削麵館 #刀削麵 #香港刀削麵

2025年1月8日 星期三今晚放工專登出咗去同銅鑼灣行街，準備開始添置賀年物品行到渣甸街見餓餓地就諗住搵嘢醫肚，發現呢間餐廳除咗喺灣仔有開，連銅鑼灣都有分店，之前喺灣仔住成日都會去食，依家搬走咗就冇乜機會，突然間懷念佢嘅刀削麵，因為真係人手整出嚟，所以即刻入去懷緬一下以前嘅味道餐牌除咗刀削麵之外，仲有菜飯可以選擇，刀削麵可以揀熱拌、湯食或者凍撈，呢個天氣當然係湯食就最好啦，配料都有好多款選擇，價錢唔算太貴，諗得出嘅配料都有，於是我哋就每人要咗一碗刀削麵，點咗唔同嘅配料可以share嚟食一點完餐就已經見到師傅好落力咁削面，真係落足心機、一絲不苟，要每日都削到咁多面都真係唔容易，睇見都覺得辛苦等左一陣間食物就慢慢送上，首先係我要既豬扒刀削麵加上海雲吞同魚腐，刀削麵真係每條既大小都唔同，完全係食緊師傅用心削既麵，有咬口唔會好淋，同一般麵條無得比，豬扒已經剪開左一舊舊，炸到外皮脆卜卜，但裡面既肉質仍然保持幼嫩，仲食到肉汁添，而魚腐都炸得好香口又夠大塊，上海雲吞都好大粒，真係做到皮薄餡靚老婆就要左牛展刀削麵加金錢肚，無諗過配料既份量會咁多，金錢肚同牛展都整得好腍，一咬就斷開，而且好入味，最後我要

位於銅鑼灣渣甸街Lunch set非常平民抵食 QR code落單餐牌都算多選擇 可以轉米線/拉麵/年糕 好多元化 仲有得選擇冷拌/熱拌/湯刀削麵🍜揀左個口水雞🐓刀削麵 大大碗 口感非常煙靭湯底清淡 加$10試埋上海水餃🥟 皮薄係我鍾意既水餃麻辣手撕雞菜飯 勁多飯 熱豆漿套餐加$6有杯熱奶茶無加一服務費 值得一試🌟Cp值:🌟🌟🌟🌟👩🏻 回頭指數:👩🏻👩🏻👩🏻👩🏻📸打卡比分:📸📸 📸📸

今日去左食刀削麵叫左：口水雞刀削麵（少辣）這道菜的口水雞肉質鮮嫩，搭配特製醬汁，味道香辣可口，要求少辣，仍然能感受到雞肉的原汁原味。刀削麵滑潤有彈性，與雞肉的鮮美互相配合。上海雲吞溫泉蛋木耳刀削麵上海雲吞皮薄而富有彈性，內餡新鮮多汁，搭配清爽高湯。溫泉蛋蛋黃流心，增添了整體的滑順感。木耳脆爽口感提係最好嘅配搭，增添了口感層次。刀削麵寬度適中，麵條彈牙，吸附湯汁能力強，每一口都能品味到湯頭的濃郁。熱杏霜熱杏霜的口感滑順，甜而不膩，杏仁的香味十分濃郁，給人一種溫暖的感覺。Sliced noodle with Steamed Chicken w/chili sauce (Mild Spice)This dish features tender chicken paired with a special sauce that is aromatic and spicy. Requesting it with less spice still allows you to appreciate the chicken's natural flavor. The knife-cut noodles

路經見店內都多人食，又唔知食乜好，就入去試下，由於太多人，需要搭枱先有位。小店主打刀削麵，但我想食米線，於是order左上海雲吞米線🍜上菜速度幾快，食物熱度充足，但餐廳環境狹窄，坐得唔太舒服，特別係張枱既枱腳頂住😓湯底偏咸，食完都幾口渴，相信落左唔少味精，雲吞五大粒，外皮略厚，咬落有D位太厚粉好實，其中一隻可能煮太耐外皮爛左，雲吞皮口感有待改善😅菜肉餡料調味適中，不過不失米線量偏多，口感軟硬適中。整體都算抵食，但餸同湯底調味仲有好大進步空間。

聽過刀削麵但冇食過就諗住去試下😎呢到其實仲有湯麵/麻辣/菜飯/冷拌/熱拌。如果唔食刀削麵仲可以免費轉拉麵/米線，我地兩個就嗌左熱伴。拌麵係配擔擔醬，有得揀走醬/多醬/少醬/分上，我自己就揀左多醬，有少少辣但可接受😋佢麵都有得揀淋啲爽啲，我初頭以為呢啲麵係一早整定，直到佢係我面前整😳肥牛熱拌好有驚喜，其實食落有啲似年糕嘅texture, 而且份量超大(女仔真係唔好再額外嗌小食)😂佢啲肥牛仲要勁多勁大塊，肉多油少👍🏻仲有佢地個凍豆漿都幾好飲，冇咩渣又唔甜😋

久不久就想吃刀削麵，銅鑼灣這一間既正宗又便宜，是會重訪的麵館。今天點了麻辣牛筋腩湯麵（$62）加上海雲吞（+$10），還有豬軟骨熱拌麵（$65），當然也不能錯過麻辣手撕雞（$48）。刀削麵是現場削的，那種刀工俐落，看著就覺得專業。麵條滑而彈牙，每一口都有嚼勁，湯頭清甜，牛筋腩入味，麵餸分開，麻辣醬放面，自己可調節辣度。上海雲吞皮薄，整碗吃起來非常舒服。熱拌麵也不遜色，豬軟骨燉得極為軟糯，輕輕一咬就化開，拌麵的醬料濃郁得來不膩，辣度剛好，吃完感覺很滿足。至於麻辣手撕雞，肉質鮮嫩，辣味絲絲入扣，還帶點微酸的口感，非常開胃。

喜歡吃人手做的刀削麵，所以來這店點了兩個熱拌刀削麵吃，選了配菜為猪頸肉、牛根腩、猪軟骨、鷄腎。從廚師麵團手工削出來的刀削麵，保証是手做，不是機械做的，這才算得上是刀削麵，麵條食落有韌性和彈牙，配上麻醬，中式炸醬一齊食，味道酸酸辣辣外，還有芝麻香味，好味。猪頸肉是先炸了，才放在麵上，所以外皮香脆，好特別。猪軟骨肉質軟腍，軟骨脆口。鷄腎爽脆，牛腩也好味。食物和餸菜都好味，份量充足，就算胃口大的人也會吃飽。

銅鑼灣有間專食山西刀削麵，平時都好鍾意食有質感嘅麵條，所以行街經過一於試吓，坐得近廚房，見到師傅接咗訂單就削麵條。平時多數食湯，今次叫熱拌刀削麵又是另一種風味，一夾起刀削麵屬煙韌與軟糯之間，口感一流，好鐘意咁煙韌嘅麵麵條，經過一番攪拌，四川擔擔醬同碗底仲有豉油同醋，同青瓜花生黏滿麵條上，帶微微熱度，豬頸肉好食在邊位有少許焦香感，豬軟骨既骨係比較硬身嗰隻，好有質感，牛筋入味之餘夠煙韌，而牛腩則軟淋，絕對係必點。

公司清假，今日放假約朋友去銅鑼灣行街睇戲， 睇完之後有啲肚餓，想搵個地方坐低食個下午茶.行下行下離遠見到有一間舖頭食刀削麵，平時唔係周圍有得食， 剛剛開始下午茶時段，好抵食, 最平$28 已有一個下午茶餐，而家都幾難搵到咁平， 仲要係銅鑼灣，下午茶仲送1 杯餐飲.我叫咗個$38 茶餐， 豬軟骨刀削麵+ 餐飲， 都算大碗， 我自己無食午餐， 食完d 碗麵都已經飽， 豬軟骨入味， 同埋夠淋,刀削麵煙煙銀銀， 口感唔錯.D 間都算平靚正， 扺食

價廉物美的手打刀削麵與餃子的搭配，讓人垂涎欲滴。每一顆餃子都是用心製作，餡料鮮美，皮薄而有嚼勁，咬下去時，內餡的汁液瞬間爆發，令人感到無比滿足。手打的刀削麵則是另一種風味，麵條光滑細緻，彈性十足，與餃子相輔相成。在這道美食中，加上一些新鮮生菜，增添了清新的口感，讓整體味道更加層次分明。生菜的脆爽與餃子的鮮嫩形成了美妙的對比，讓每一口都充滿驚喜。這樣的組合，不僅是味蕾的享受，更是一場視覺與口感的盛宴，讓人忍不住想要一再品嚐。一經過銅鑼灣，一定忍不住飽吃一頓。

今日去咗銅鑼灣買泳衣之後，去左食刀削麵填下肚先返屋企我哋每人叫咗一個刀削麵餐，一個菜麵再加一個熱撈，兩樣都試吓麻辣牛展刀削麵$62麻辣牛腱可以叫少辣，個牛腱都幾彈牙刀削麵個湯底幾清淡，刀削麵非常之煙靭，系大食妹鍾意食嘅口感豬扒熱撈刀削麵$64另外叫咗一個熱撈刀削麵，個醬係擔擔麵嘅醬，好惹味但係唔會好辣撈落去非常之彈牙嘅刀削麵係好好食嘅炸豬扒脆卜卜，切碎咗更加容易食，炸完之後非常之香口凍菜蜜$8 & 凍豆漿$6嘢飲要另外加錢，不過大大杯都合理

位於渣甸街有間刀削麵，另外一個性價比高嘅選擇。選擇非常之多會有啲選擇困難症🙈由配料到冷熱刀削麵到湯麵還是係撈麵都可以任君選擇🙋🏻‍♀️見到師傅親手準備緊刀削麵，今次試咗呢啲麵食😋🐤手撕雞熱拌刀削麵($65) 撈刀削麵原來都好好味，有豆瓣醬係底同埋麻醬手撕雞，加埋少少青瓜絲食落好好味🥹🐮口水肥牛刀削麵 ($65) 口水肥牛份量超足，湯麵係最傳統嘅食法，湯底都係自己熬出嚟，第一次試呢間建議食湯麵💯🥗涼拌海帶絲 ($25) 海帶絲比較重口味如果一個人喺銅鑼灣又想快食嘅話，呢間唔錯，又近地鐵站

喺渣甸街返咗差唔多兩年工，拾味係我少數會回頭幫襯嘅餐廳，不過今次先係我第一次食拾味嘅食評。其實我係無意中睇到下面留言話餃子有酸味，我心諗「我幾乎每次叫刀削麵都會食餃子，未試過出事喎？」，所以今次就特登咩都唔食住，整走醬汁試咗粒餃子，結果都係冇酸味，味道冇問題甚至幾好食嘅。餃子皮確實比較薄，不過我食開冇湯嘅熱拌刀削麵就冇問題，水餃跟湯麵嘅話我都要試過先知。我一直都食開佢嘅豬脷同牛𦟌，今次冇點牛𦟌改食豬肚。包括刀削麵在內，味道同咬口都係唔錯嘅，唔會淋過頭或者硬過頭。樓下好似話冷麵會唔熟？我食開熱拌所以唔清楚，下次會試下佢熟唔熟。銅鑼灣食飯，呢個價錢有呢種級數嘅份量同味道，我覺得合格有餘。補充：我自己真金白銀俾錢嗌外賣，從來都冇收過錢幫人寫食評㗎喎.... 外賣會有9折優惠，唔係當咗做我收人錢寫食評啩？？？

大佬，見你開咗咁耐，仲屹立不倒，諗住唔差得去邊。。服務態度唔特別講，因為預咗無乜，結果。。。真係無乜食緊個心已經小小聲，上嚟望吓d人嘅commentOh no 早知睇咗先，伏到喊天氣熱嗌個冷刀削麵，條麵硬過我條命個心煮唔透，呢啲唔叫煙韌，呢啲係叫唔熟呀ok?!我都無謂叫佢煮過，以免幫我加料配菜叫手撕雞。。無味兼鞋過我腳板底，我最終全部雞都無食，麵都只係食咗一半，好un 胃。。涷飲嗰幾粒冰仔極速溶化，我未開始食麵，d冰都已經唔見晒。。。唔緊要，我同自己講，飲太多涷飲無益。。。。埋單盛惠$77