拿督星馬大飯店 (已結業)

餐廳只開平日 仲要3點3就收鋪想食就真係要夾下時間😆———————————————🔻新加坡咖喱牛筋腩黑豉油乾撈麵 $51 (💡6.5/10)牛筋腩炆得非常淋同入味👍🏻咖哩唔會好辣 都幾惹味黑豉油乾撈麵食落就甜甜地咁不過整體又冇太大驚喜**🔻燒豬頸肉喇沙 $51 (💡7.5/10)濃郁嘅蝦湯令人十分驚喜！而且有淡淡椰香咪 都幾特別豬頸肉燒得焦香 充滿蜜汁香味😋不過麵食就冇米線揀我印象中喇沙好似係配米線🤨By M

喺度search先見到個全名睇到個名嚇親 笑死我 原來咁威水食咗第二次啦近排先醒起寫食評上次就食喇沙滲滲今次食肉骨茶幾好食喎但係同我以往食肉骨茶好唔同我自己就鍾意食新加坡嘅胡椒湯佢呢個冇馬來西亞嗰隻咁乾嘅藥材味但係就似滋補嘅藥膳湯味同事話以前仲好食啲喎但我食完成個人㷫恰恰啊hahha我今次飲緊薑汁白咖啡但我想講上次飲嗰個薑汁奶茶真係好q好飲大家要試！

喺咖哩group聽人講話呢度啲咖哩好正梗係要去試吓啦！以熟食中心嚟講 佢唔算太dirty 而且都坐得舒服我哋幫襯當日 咁啱有隱形美食（菜單上面搵唔到嘅）肉骨茶咁我哋就點咗佢同咖哩牛筋腩做主食再加個白灼蚵仔結果竟然妹仔大過主人婆個蚵仔好味到不得了唔單止勁有蠔味兼零腥味而且仲爆晒漿 配埋佢哋特調 甜甜地嘅wasabi 魚生豉油真係鮮到難以置信難怪座上食客 8成都有點呢味小食至於主食 就有少少失望兩味都唔夠熱 令成個味道大打折扣十分可惜先講個咖哩 佢辣得嚟好爽口 唔漏筋腩都炆得好稔 至於肉骨茶亦都唔錯有好香嘅蒜香肉香之餘又唔會太重藥材味本人覺得味道更勝另一間以肉骨茶做主打嘅四個字人氣食店至於用料係足嘅 有排骨，豬水，豬雜，龍眼，枸杞等等但唔止我哋 就連鄰座食客都覺得只有兩小塊排骨實在說不過去 亦與一般人心目中的肉骨茶甚有出入飲料方面 雖然唔係跟餐有啲貴但都叫有驚喜我老公杯桔仔冰又甜又爽又開胃而我杯白咖啡就夠晒甜味同奶香味都算合格不過 咁嘅環境食個晏要成差不多200蚊就真係貴咗少少絕對唔係超值 試過一次就算

經朋友推介觀塘有好野食，今日專程來試，係熟食市場一樓叫(拿督星馬冰室)因為下午3:15就closed,所以避開lunch時間來食；但下午2:00來到已經有啲食物已沽清，所以下次都係lunch前早些來食環境嘗算乾淨，員工都好有禮貌，見我同老公叫好多野食🤣幫我移開塊板等我地2張枱合埋坐得舒服啲。我地叫咗好多野咖喱牛筋腩飯燒香芧豬扒黑鼓油乾撈粗麵忟燒豬皮炸釀豆卜星加坡黑胡椒煎魚餅炸魚多士椰子冰，凍奶茶原本叫白灼沙巴鲜蠔仔，但可惜沽清，唯有下次再來試真心好多野好好食，好想食其它🤣要來多幾次先得

一直都好鍾意食喇沙🍜，黎到觀塘就搵到呢間淨係開平日嘅餐廳，啱時間就一定要試吓佢，兩點幾去到，依然咁多人，令到我有啲期待，叫咗個蠔仔喇沙滲滲加多杯拉荼茶☕。最值得一讚嘅係個湯底係分開，拎走嘅時候唔會驚淋晒，一打開個湯底，嗰陣喇沙味撲鼻而來，令到我都忍唔住即刻飲番啖湯，一飲之後，就覺得有啲失望，可能係期望太大，個湯底比較普通，一般水準，冇咩驚喜，亦都唔會好濃；個蠔仔都幾鮮甜，唔錯，但拉茶就真係麻麻哋，好稀好淡味。整體來講，不過不失，但價錢來講就有啲貴，加埋杯嘢飲都要60幾蚊，但係見到佢個餐牌仲有好多其他嘅嘢食，都會令我想返嚟再試😶。🍴拿督星馬大飯店🚗 地址：觀塘海濱道190號觀塘碼頭熟食市場1樓20號舖 抵食指數：🌕🌕🌗🌑🌑Encore指數：🌕🌕🌗🌑🌑

一直想試試這間正宗星馬菜，網上好評如潮，但它只開平日lunch，好難就時間來試。今日途經附近，終於可一試。•馬來福建雞扒蝦湯麵(摻摻) $53 在laksa和馬來福建麵之間心大心細，最後怕辣就選了這麵。看似頗大碗但份量其實不算多。摻摻是油麵加米粉，有粗有幼雙重口感。蝦湯濃郁不稠，即使有豬油渣但不算油膩。配上蛋和叉燒，但這兩樣普普通通沒什麼特別。不吃豬紅所以沒有comment😂 雞扒有驚喜雞皮燒得又香又脆，浸在湯中一段時間依然可口，雞肉嫩滑，雞味濃郁，一讚！•燒香茅雞扒黑豉油乾撈粗麵 $49見個個大讚這乾撈麵，友人也點了一碗試試。份量十足大大份，吃落不咸，麵中帶芽菜增層次，但一個人食全碟有少少寡口，友人最欣賞也是燒雞扒，相當出色。•Drinks: 腐竹薏米冰(+$12) + 星馬拉茶(+$10)Snack: 黑胡椒煎魚餅 $26 腐竹薏米冰麻麻地BUT, 星馬拉茶一級棒茶味濃郁，稍嫌太甜但overall好滿足！小食黑胡椒煎魚餅對我們吃不了辣的來說，黑胡椒味太濃太辣，煎得稍為太燶，試一次就夠。•環境比想像中乾淨，屬於快食快閃的餐廳。終於試到這間餐廳，滿足！•餐廳只有簡單一大頁，見到open

知道哩到有撈粗就好想試 對撈粗嘅情意結揀左牛筋腩原來有咖哩汁 等我仲叫咗咖喱雞扒飯 本身係想食海南雞 俾個咖哩吸引左😆唔緊要 哩間可以再黎黑胡椒煎魚餅 燶左少少 不過魚餅夠彈 加返分 重胡椒味店員推介炸魚多士 好似蝦多士咁但係就換咗魚肉 炸得香口唔油檳城五香肉卷 餐牌寫住蝦肉蟹肉豬肉馬蹄腐皮 但係唔知點解我食到有芋頭嘅感覺 我幾鍾意呢個腐皮 好脆 食晒三樣其實都有啲熱氣呢個普通啲 粒丸冇乜特別 蘿蔔都淋入味腐竹薏米冰 唔會好甜 都幾多薏米咬下

中午終於嘗到了需要電話早1日預訂的肉骨茶飯＄70肉骨茶湯藥膳味好濃烈 材料好多入面有豬手 杞子 豬腸 豬潤 排骨...怕食內臟既人 要留意喔！ 另外飲品都十分出色凍白咖啡-咖啡味好濃好香好好飲 套餐＋＄8凍椰子冰-唔會太淡味 套餐＋＄10

平日有野做要請平日假諗諗去食乜突然諗起呢間只開平日既拿督餐廳！我同男朋友搭船過去一落船就係熟食中心！入到去行去幾層就已經到，係正門口唔洗左搵右搵去到成間餐廳坐滿人門口有一堆人叫外賣亦有兩個人排緊隊事不宜遲，我地都排隊先等左10分鐘都唔洗就入得雞腳豬腳黑醬油撈粗麵好夠飽，雞腳夠林又唔會冇咬口成個麵既咸度岩岩好不過就食完好漏海南雞飯，有骨既雞夠滑，油飯唔係平時食開戈種珍珠米黎，有薑味湯有驚喜，濃味，味道係我中意既！白灼蠔仔超中意食蠔，入面唔係全熟個膽仲係juicy既！個醬點埋，完美！仲加左腐竹薏米冰同山楂冰飲慣半糖珍奶黎講，兩杯飲品偏甜不過溶下啲冰就岩岩好腐竹薏米冰就=腐竹薏米糖水咁～好飲山楂冰=酸啲既酸梅湯濃郁版～醒胃！加多一樣：員工係友善有禮貌埋單$159我一定會再黎架！不過又要放大假先黎得lu~如果開埋星期六就好啦！

喺附近辦完事，近近地過嚟觀塘碼頭熟食市場食晏！“拿督冰室”、上次落空而回！今日好彩、人龍唔算長、等咗5分鐘鬆啲就涉到位🥳一條冷真係食唔到幾多嘢🤔 所以只係叫咗“檳城炆豬皮”、“海南雞飯”、再加杯“桔仔冰”。炆豬皮冇令我失望、炆得軟滑、膠原滿滿、細細碟唔會覺得好膩👍🏻海南雞飯嘛…我冇咩補充、淨係知道未夠1點已沽清。跟飯嗰碗蕃茄薯仔湯幾好飲、雞湯味濃👍🏻 最後杯桔仔冰我都好鍾意、可能今日熱熱哋、咁啱又口渴掛🤣 有機會再嚟的話我想試下其他小食😌#星馬菜 #食在觀塘 #觀塘碼頭熟食市場 #海南雞飯 #炆豬皮 #食晏 #Lunch #Foodie2046

拿督個朵喺觀塘區已經出晒名，其實好耐之前已經食過，當時叫咗佢鎮店之寶海南雞飯，但係我呢啲小小鬼仔性格，唔鍾意食有骨嘅雞。今次再食佢另一樣鎮店之寶-黑豉油撈麵見佢餐牌第一樣寫住雞腳黑豉油撈麵，不過我呢啲少少鬼仔性格，對雞腳冇乜好感。所以叫左香茅豬扒黑豉油撈粗麵。下午2:30，等咗5分鐘左右就有啦。期間見到人特登去買雞雜，鍾意食雞雜嘅朋友可以試吓當時唔係好多人，但係見到啲食完嘅食物就咁擺喺條走廊中間，不過去得熟食市場呢啲地方就預咗污糟。中午多人嘅時候，衛生環境應該會再差D。建議腸胃唔好或者有潔癖嘅朋友諗清楚先去。見到咁深色以為會好鹹，點知食落又OK. 香茅雞扒啱啱好中間好Juice，如果現場食，塊皮應該更脆，個汁係海南雞飯個酸辣汁，可落好唔落。成個package都好夾，果然人不可以貌相。份量望落好少，但係食完好飽。$49食撈麵可能唔係平，但係佢嘅味道絕對值呢個價錢

街市𥚃面搵拿督11點去到等左幾個字先有得食，但係樣樣出品都有誠意，第二次去為咗可以試多幾樣，帶定飯盒打包😆。必試豬皮(堅似花膠)、蠔仔、山楂冰、黑豉油撈面。個人覺得海南雞一般，油飯麻麻哋。

幫襯過拿督唔少次𠵱度唔就腳、坐得迫、上菜慢、落單混亂係常態，當日隔離台哥哥等咗半粒鐘都無嘢食，得杯奶茶頂肚，夠鐘無奈放棄走人，收銀姐姐亦識做唔收茶錢伙記們會互相對罵，火氣十足，由其老闆娘（但對客態度完全無問題）已司空見慣嚟親要有心理準備但每次都會屈服喺依度啲嘢食今次食黑豉油叉燒豬皮撈粗，無出咩意外好快食得同平時見開嘅叉燒豬皮唔同，好重膠質叉燒似啲好渣嘅燒味檔剩低嘅貨，難食麵夠乾爽，豉油都調得好依度係唔做星期六日同平日晚市，如果放六日出嚟搵食嘅朋友小心

老婆一直想試呢間🇸🇬🇲🇾餐廳，但因為有啲吊🦵🏻所以遲遲未成團。咁啱今日去開觀塘，就還佢❤️願啦🤗。最近好多人WFH，又限聚✌🏻人，再加上位置🍑源，所以諗住lunch hour唔會太多人，但我🕐到，full house要等位😵⋯其實觀塘🐴頭熟食市場入面都好冷清，間間舖都冇乜人，除左拿督個👌🏻間舖，全院🈵座。但好好彩，我地只等左幾分鐘就有位，坐最入個間舖。入面爆場，全部✌🏻人位，啲位好窄，動作大啲都🙅🏻‍♂️。星馬菜黎講佢地💲算貼地，味道都唔錯，但未至於好。綜合地點，環境，服務，價格同食物質素，試過就好🤔。

一向觀塘都出名多美食得知有個熟食中心內的星馬菜遲起身嘅我就決定趕係收工前去食個下午茶係行嘅途中先發現原來地點好偏僻搵左下路行到過去都已經係2點幾、3點鐘所以好多出名嘅菜式都已經賣哂相信lunch time 一定會排哂長龍建議要比觀塘OL更早去到！先可以order到想食想飲嘅但我咁辛苦黎到緊係都有照試啦果然好驚喜！- 黑醬油豬扒撈麵份量超大 係偏甜嘅醬油但始終撈麵都會比較油膩 所以食到半碟都覺得好夠- 牛筋腩咖哩湯麵味道濃烈而不膩 湯底直接飲都無問題- 白咖啡 & 凍檸茶