挽肉と米

營業中

休息中

上網book真係要快手，都幾難book! 咩時間都狂按，生日正生book唔到！第二日先book到！最後按到3點3.當日早到見到都好多人排冇book位！我們預約左職員都好快比到位我地！環境幾好，夠光猛，不過比較熱，如夜晚可能唔錯！見到啲職員整肉都見到辛苦，對住個火爐咁熱.其實食3舊肉已經好飽，食左2碗飯，啲肉夠淋，但食到第3舊肉有啲筋！唔記得蛋白同蛋黃分開直接打左落去😂整體都還可以接受！還有款綠色醬都幾好食！

🇭🇰嚟自日本炭燒漢堡扒專門店@hikiniku.to.come_hongkong< 挽肉と米 >#mochicouple中環揾食團1️⃣ 挽肉と米套餐 $138 (包括以下食物)🥩現烤牛肉漢堡扒（最多三件，每件90克）🍚現煮白飯（免費添加）🍵味噌湯🥚雞蛋一隻Online Book咗好多次, 終於book到嚟試吓呢間係咪真係咁好味😋😋 坐位係圍住個廚師同炭爐嚟坐, 邊個位都可以睇到廚師燒漢堡扒, 而且咁坐廚師燒完可以即刻放上枱 夠晒新鮮滾熱辣😜😜 枱底櫃桶入面有張紙講解啲配料同三件牛肉漢堡扒嘅食用方法：(一)直接大口咬一啖 即燒漢堡扒能夠鎖住肉汁而且有夠熱, 加上炭燒香味, 每一啖都超級好食🤤🤤(二)蘿蔔泥加自家製柚子醋帶有清新嘅味度, 又唔會話好酸, 而且感覺上冇咁熱氣, 都係一個唔錯嘅食法👍🏼👍🏼(三) 配搭生雞蛋食用將生蛋加入醬油撈勻佢, 再倒入去吸咗肉汁嘅白飯, 超級好味😍😍 我哋差唔多食飽嗰碗飯先咁撈, 餸唔晒啲蛋汁🥲🥲 建議第一/二碗飯可以撈咗先, 反正白飯任加講到白飯, 職員同我哋講話用秋田小町米(冇聽錯嘅話😝😝) 啲飯食落有少少粘粘地 而且粒粒彈牙 好好食😍😍

上個禮拜男朋友無啦啦話book到挽肉と米，雖然本身冇乜大興趣，但話晒都叫過江龍，打吓卡都要嘅😁先講一講我平時嘅食量，lunch係我食得最多嘅一餐，一碟雙拼燒味飯如果我食晒啲燒味啲飯最多食一啖⋯⋯所以通常都會直接分一半俾人。晚餐更加唔使講。男朋友一早提我晏晝唔好食咁飽，因為晚餐有三舊漢堡扒同白飯任裝🫨所以我lunch淨係食咗一個細麵包，放工嗰陣係有d餓既。由於我哋訂咗位，去到門口一企預約嗰邊，已經有個女仔開門俾我哋入去點餐，過程超快，超順利，點完餐就可以埋位。一埋到位即刻上咗麵豉湯同白飯，有人會同你講解食法同埋啲調味係乜，雖然佢都有張紙可以自己睇。跟住相都未影完就上埋嘢飲，飲咗兩啖湯就已經上第一嚿肉。舊肉冇想像中咁大咁恐怖，咬落比起我喺日本食嘅一般漢堡扒比較實淨，表面燒得啱啱好鎖住裏面嘅肉汁。睇之前啲食評有人話舊肉好鹹，我平時都食開淡口，所以唔敢落調味就咁食，係濃味嘅，但未至於好鹹，我覺得唔落調味就咁食個味啱啱好，送飯一流👍🏻然後侍應有留意我食完第一舊先比第二舊，我覺得好貼心，又會介紹第二舊可以點食。到我食完第二舊，其實已經有啲飽，但都食咗三份一碗飯，正當我食緊醃菜清下個口嘅時候，第三舊

餐廳限時1小時，未夠一個鐘已經趕人走，約左6:30，早5分鐘6:25到了，6:27落單比錢入座，6:40分先上第一個漢堡扒(仲要我問佢先比)，佢夠膽死7:20個女職員同我哋講用餐時間完左，價錢已經唔平，嘢食係唔錯，但係冇理由未夠一個鐘就趕人走啲嘢幾好食都冇用認真係女仔食慢少少都唔建議去，40分鐘要食晒走人，食麥當勞都冇咁趕時間，好少比評價，今次真係嬲嬲地，建議餐廳比多15分鐘人，山長水遠去到，真係bad trip🙏🏻

呢間嘢嚟香港之後一直都book到爆曬，要上網預約先預約到，等佢開咗接近差唔多兩三個月先終於book到，平時Walk in嘅話要好早去到攞飛，甚至需要等一至兩個鐘先有得食。今次我哋就係上網book咗先嘅，中午時段去到仲要同店員登記再等大概15分鐘先至有得入去食入到去之後呢件事你揀咗個Menu先Standard嘅Menu就係每人3個漢堡扒加多一個飯同埋一碗湯，飯就可以任添嘅，今次我哋就要咗一個set再加多一個嘢飲。漢堡扒啲肉質非常之好食，同埋好多汁喺入邊絕對會encore

東京人氣過江龍開左嚟香港中環IFC都好一段時間，太受歡迎嘅關係一直都唔係咁易book到🥹為食嘅我終於的起心肝預早一星期準時網上搶位，終於成功品嚐到😳一個餐包咗三件現絞即烤嘅漢堡扒，加上白飯任添，份量都幾足夠👍枱上有好多款自家製特色配料，可以食出各種不同風味，仲有埋攻略教你三部曲咁品嚐😳最簡單嘅生雞蛋配法，我覺得喺最好味嘅食法，鮮甜蛋汁加埋漢堡扒肉汁～冇得輸✨三次上枱嘅漢堡扒口感味道都稍微有分別，最後一輪嘅熱度同生熟度控制得最好，juicy又軟熟🤤漢堡扒帶有炭烤出嚟嘅香味，絕對係呢間過江龍嘅優勝之處👍雖然未有吸引到會短期內再二訪，但唔駛搭飛機就可以享受到「家鄉」嘅美味，都係值得一試嘅😋

這間餐廳開業至今仍然是一位難求。要成功預約，就一定要每日準時上午十點到預約網站預約7日後的時段。經過3次嘗試後，我終於預約到星期一的晚上7時半時段。再期待了7日後終於能一嘗這塊風頭一時無兩的漢堡扒。———————————————————————套餐附有三件漢堡扒，一碗味增湯，一隻生雞蛋和白飯任添。由於有師傅現場不斷燒烤漢堡扒，每一件漢堡扒都是以最新鮮出爐的狀態送到食客面前的。根據建議食法，第一件漢堡我們沒有添加任何配料調味。漢堡扒肉汁豐富，充滿炭燒香味和油香，但本身調味稍重，即使沒有外加調味料，漢堡扒本身也偏鹹了一點。同時肉質方面亦比較多筋，影響了口感。根據食法，第二件漢堡扒可以配搭桌上提供的醬料和配料一起食用，當中我比較欣賞椒麻醬和豆拌醬油，風味較為特別。但由於漢堡扒本身已經偏鹹，我建議調味醬也不要加太多。最後一塊拌入生雞蛋一起食用，更具日式風味，牛肉的油膩感亦得以舒緩。———————————————————————套餐價格$138再加一，雖然味道方面沒有太大驚喜，但有三大塊即燒漢堡扒其實已經值回票價，如果不是那麼難預約的話我都覺得可以不妨一試。

校定鬧鐘， 10時上網訂枱，終於訂到了！記得要準時，看到有一對情侶遲到了約十分鐘，就要等到有人埋單才可入座！入座前有店員協助在自助點餐機先點餐。餐廳內的座位不算多，全都要吧枱形式，中間就是燒漢堡扒的地方。店員有禮，因為我們是第一次幫襯，他就細心講解各種建議食法，又介紹各種汁醬的配搭。燒好的肉會放在面前的鐵架上，白飯可以無限添加。真的好味！有炭燒的香味，外面微焦，但內裡勁多肉汁，最好用來佐飯。加了日本蛋來食又是另一種滋味。百多元一份定食絕對物有所值，最難的只是訂枱！

事緣喺東京book唔到🥹反而香港book到就決定嚟試一試🥰🥰準時10:00入網，一take passლ(´Д`ლ)挽肉と米只提供一款套餐：以炭火現烤的牛肉漢堡扒三件，配搭無料續添現煮白飯、味噌湯、🥚生雞蛋一隻、蘿蔔泥及自家製柚子醋。三件漢堡扒都分別有三款的建議食法：第一件，直接大口咬下，吃它的原汁原味。第二件，店員會拿出蘿蔔泥及自家製柚子醋，清新的味道，一解油膩。第三件，可以配搭生雞蛋享用，或自製美味多汁的生蛋拌飯整體嚟講，如果book到可以一事無妨，如果要Walk in排隊嘅話，都係建議book到先去啦😎

多得朋友幫手搶位，終於試到呢間大熱漢堡扒😋見到門口都有人會walk in排隊，但就唔知等得耐唔耐🙈🐂 挽肉と米套餐套餐包括三件漢堡扒、味噌湯同埋隻生雞蛋🥚第一件建議原味品嘗，第二件就建議加上蘿蔔泥同柚子醋，第三件就可以配生雞蛋😆檯面有張紙介紹食用建議，而職員上菜時都會再講一次，所以入到去跟住一步行步做，就可以試足佢咁多種食法啦🤪🐂檯面上有多款醬汁，可以隨意配搭，最鐘意就係豆拌醬油，醬油食落好香濃，淨係醬油都可以食到好碗飯，最開心係白飯任裝，一舊肉一碗飯完全無難度🤣另外要稱讚嘅負責我地個邊嘅廚師好有笑容，令呢餐飯加分再加分😆如果可以最貼近窗邊嘅位，咁就會更perfect啦

今日午餐終於試到「挽肉」多🉐️老闆1015去到排隊攞即日walk-in 籌（selected @1200）到1030已經好多人排隊聽老闆講前面幾個都揀1100，可能唔想等咁耐我哋好佩服人哋一早胃口咁好入座後即場喺售票機揀餐只能夠點餐一次冇補單😔每件漢煲🐮肉即場炭烤🔥睇住佢由生變熟師傅睇住客人食嘅進度逐件放面前每件都建議最佳享用方法全部職員都好nice又有禮貌🍚+🥚任添，一碗湯面前調味料9⃣️款，另外職員另上一小碟每日即磨蘿蔔蓉配以柚子醋一齊食😋醋漬大白菜可能有開胃配菜同調味，所以一啲都唔覺膩👍🏼

東京人氣「挽肉と米」已登陸香港，主打新鮮現絞、現烤、現煮的漢堡扒，開店兩個月仍然人氣高企，趁熱潮未退快試試！餐廳座位有限，所以記得先於網上預約！餐廳每日亦提供少量即日名額，大家預約無緣都可以到現場碰碰運氣！餐廳的主菜只有一個選擇—現烤牛肉漢堡扒，包括三件漢堡扒，而味噌湯及白飯均是任添，絕對可以食到飽，性價比極高！🥩現烤牛肉漢堡扒第一件：建議原汁原味品嚐，肉汁爆滿，味濃出眾！第二件：可配搭柚子醬及蘿蔔蓉品嚐，味道酸甜又特別！第三件：可配搭日本生蛋黃，製成生蛋拌飯；加入各種自家配料，調出個人的漢堡扒食譜！

近期大熱既挽肉と米黎到香港🇭🇰你哋又食過未呢？我哋最近就去食左個晚飯入面全部枱都可以望住職員燒肉😋同時又可以睇住香港既夜景🌃-🥢挽肉と米套餐餐廳得一款套餐，每個套餐包含3塊肉排，都可以另外加錢追加肉排🥩 另外秋田小町米飯仼食，米粒軟硬適中，粒粒分明🍚第一塊可以先食原汁原味，肉排既肉都幾結實，飽滿又多汁，另外可以加佢哋專屬既調味一齊食第二塊加埋佢哋既蘿蔔蓉同柚子醋一齊食，食落比較清新，可以將前一舊既膩消一消，減少油膩感😋第三塊可以同蛋一齊食，蛋黃打係漢堡排上面，再撈埋啲飯一齊食，蛋味好濃好香，我就中意加埋佢哋嘅豆拌醬油就更加好食😋不過食到最後一塊就有啲漏-整體上係可以試翻次既！但至於排隊排幾個鐘食就有啲唔太需要🤣宜家都可以上網預約！大家想試既記得提早預約左先🤩

喱間餐廳本身已經好難訂枱要逢星期五朝早9:00起身搶位原本訂咗今日紀念日嚟食（已full paid)而家無得食！仲要勁大雨係出面排後補！因為原來佢台灣都有分店我係GOOGLE打挽肉と米佢即刻顯示咗個預訂網址而個網址完全無顯示地區係台灣連個網址都無顯示所以我就比錢雖然比錢係台幣 但我無在意因為有意有啲日本餐廳係香港都會收YEN嚟到無得食已經好唔開心個接待男職員仲要串我見到台幣就知唔啱啦有好多人都中招！咁點解你哋見到咁多客中招你哋唔同公司反映？仲要笑個客？！

排左5分鐘 walk-in有得入6:38pm 買左個餐6:56pm 有第一塊扒7:40pm 食到最後半塊扒加蛋撈飯時，2分鐘內先後有兩位職員同我講用餐時間就到。其實由入座到離座都無人同我講過所謂用餐時間係幾耐。再者，如果有，應該入座前要同人客試講。我反問第二位提我用餐時間到的職員，你想我點？佢叫我食快d。可能想張餐廳做到澳牛、茶記呢d速食餐廳。價錢唔係平民化。$138 + 10%, 如果用app book 再貴d。Walk-in 好過用 website book。咁你唔早講幾時有用餐時間限制？搞到我食唔哂野食？請餐廳改善。