港鐵尖沙咀/尖東站 N4 出口, 步行約2分鐘
繼續閱讀
電話號碼
90835149
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
餐廳:捌加廿陸天婦羅居酒屋地點:尖沙咀棉登徑菜式:天婦羅居酒屋餐牌:自選天婦羅定食,丼飯,小食,飲品,期間限定自選天婦羅定食呢度有自選天婦羅丼,好flexible。白飯/冷烏冬/湯烏冬/冷湯蕎麥麵底$30,其他主食加錢,然後就加錢加料自選啦。冷烏冬好大碗,個湯夠清而烏冬有咬口又滑溜,可以揀蔥同日式芥末份量。廣島蠔 加$20 另加一廣島蠔好多汁又大隻。軟殼蟹 加$23 另加一軟殼蟹有半隻,食到少少膏,都有好多肉食。鰻魚 加$20 另加一鰻魚係厚肉鰻魚。原條穴子 加$20 另加一原條穴子真係好大條,雖然肉少少薄。黑虎蝦 加$13 另加一黑虎蝦都好大隻,蝦肉鮮甜。那哥魚片 加$13 另加一那哥魚片好大條,肉質好彈牙,好似魚蛋。鮮帶子 加$20 另加一帶子肉真心鮮美又嫩,好香帶子味。帆立貝 加$13 另加一蓮藕 加$9 另加一成個餐包龍蝦味噌湯一碗,茄子一小件同鮮橙半件。磯燒鮑魚配帶子 $58 另加一我第一次食磯燒鮑魚天婦羅,好特別,外脆內彈牙,仲連個殼上比你。伴有帶子一隻。墊有脆脆上枱。總括而言,天婦羅皮夠脆,入面食物多汁好味,不愧為天婦羅專門店。座位全部都係吧位,好似日本小店。枱上面有七味粉,同多款調味料,連櫻花蝦仔同魚仔都有,跟餐都有天婦羅汁。
繼續閱讀
人氣天婦羅插旗尖沙咀自上次小編在旺角食過後就一路都好掛佢地既天婦羅,今次就到佢地既尖沙咀新分店,點了自選天婦羅套餐。套餐包了基本配菜和龍蝦面豉湯,天氣咁熱,小編就揀了冷喬麥麵,呢個天氣食真系好爽。主角天婦羅保持水準👍小編點了廣島蠔、軟殼蟹、日本蕃薯、平菇、大啡菇和海老天婦羅天婦羅全部即叫即炸,炸衣薄身香脆,當中小編最推薦平菇和黑虎蝦天婦羅。平菇柔軟多汁,黑虎蝦爽口彈牙,沾一沾天婦羅汁,更令天婦羅多了份香甜,少了油膩感。呢到有好多調味料被食客自由發揮,加小小七味粉,天婦羅則會變得香辣惹味。店內裝飾同樣有特色,主題似懐舊漁市場,別緻又有趣,打卡一流。#尖沙咀美食#尖沙咀#天婦羅#捌加廿陸天婦羅居酒屋#foodie#hkfoodie#香港必食#香港美食#香港网红打卡#香港美食探店#moodzfoodie#moodzfoodz
繼續閱讀
[ 捌加廿陸天婦羅居酒屋 ] 呢間天婦羅居酒屋係旺角好有人氣,早幾日經過尖沙咀棉登徑 見到新分店🆕🎊開咗係 一蘭拉麵 隔離!新店同樣有得自選天婦羅定食,仲有天婦羅丼飯、特色小食等。✿ 自選天婦羅定食 主食$30 + 天婦羅$9起Step 1: 選擇定食配搭有白飯、烏冬(冷/熱)或蕎麥麵(冷/熱),全部劃一$30,仲送前菜同埋龍蝦味噌湯🦞🥣。味噌湯有龍蝦鮮味有驚喜!熱麵🥵湯底有鰹魚湯、豚骨湯、味噌海老湯,後者特別比較少見,都幾濃蝦味。冷麵❄️湯底可以+$8升級酢橘湯,似青檸味道酸甜,解天婦羅油膩非常之夾。Step 2: 自選廿多款天婦羅有野菜、肉類、海鮮等天婦羅自由配搭,每件只係$9、$13、$20或$23,想食幾多就點幾多!天婦羅全部新鮮即炸,炸衣好薄,放耐咗依然好脆好鬆化😋。款式方面有出面少有嘅 那哥魚、紫蘇蝦膠,另外推薦原條穴子、黑虎蝦、金菇,沾上天婦羅醬汁更加滋味😋。期間限定天婦羅 ⏰✿ 九肚魚天婦羅 $28✿ 扇貝天婦羅 $48尖沙咀分店先有嘅款式!平時食開港式椒鹽九肚魚,估唔到天婦羅都一樣好味。小食✿ 明太子雞翼(2件) $38有近十款日式小食啱哂同枱share食。飲品🍹✿ 日本提子汽水 $10✿ 白桃果酒 $68有酒精及非酒精飲品選擇。總結🫦 店內裝修佈滿日式燈箱招牌、懷舊燈籠、日本poster貼滿牆上,好有係日本居酒屋食嘢嘅感覺😝!✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿捌加廿陸天婦羅居酒屋地址:尖沙咀棉登徑8號凱譽地下17號舖電話:9083 5149✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀