排頭餐廳

營業中

休息中

第一次幫襯排頭茶餐廳，下午茶時段，叫咗個炸雞髀薯條，估唔到有驚喜，個雞髀幾好食，薯條略嫌淋咗少少，另外同行友人叫咗個雞扒沙律，反而個雞扒就一般般，有少少雪味。今次我哋坐出邊，衛生環境都尚可，每一台人走咗姐姐都會抹枱拖地👍🏻

近日路過沙田第一次去排頭餐廳，真係令我大開眼界，但唔係好嘅嗰種。入到去，環境已經唔太理想，地下有啲污糟，枱面都唔乾淨。坐低之後，侍應態度極差，好似我哋欠佢錢咁。落單時問咗幾個問題，佢都唔耐煩咁答。等咗成半個鐘，個餐仲未上。最後上咗嚟，碟頭炒飯竟然係凍嘅，仲有陣唔知乜嘢味。叫咗杯凍鴛鴦，淡到好似水咁。一定唔會再嚟。希望佢哋可以改善下服務態度同食物質素。

我最近品嚐了一份鹹魚雞粒炒飯，現在想和大家分享我的食評。這道菜給我留下了深刻的印象，因為它充滿了美味和獨特的風味。首先，這道鹹魚雞粒炒飯的味道令人驚艷。鹹魚的鮮鹹味和雞粒的嫩滑口感完美結合在一起。每一口都帶來了豐富的口感和濃郁的味道。炒飯本身也煮得剛好，顆粒分明且不油膩，讓我感到滿足和享受。此外，配料的選擇也十分出色。鹹魚和雞粒提供了豐富的蛋白質，同時加入了一些蔬菜和香料，增添了菜餚的層次感和口味。這些配料的組合使得這道炒飯更加豐富多樣，讓我愛不釋手。最後，份量十足，價格合理。這道鹹魚雞粒炒飯的份量十分慷慨，足以滿足我對美食的渴望。同時，價格也十分合理，物超所值。總的來說，我對這道鹹魚雞粒炒飯的食評非常正面。它結合了鮮鹹的風味和豐富的口感，令人回味無窮。我強烈推薦這道菜，希望大家也能品嚐到這美味的炒飯，享受其中的饗宴。👍🏻👍🏻👍🏻👍🏻

📍排頭餐廳 (沙田)沙田排頭村15號地舖近沙田站A出口旁邊有間港式茶餐廳，餐廳有兩層，可以坐露天位置，食物款式多，扺食又大份，侍應哥哥好快手幫我地下單，食物大約10mins 就到，效率高🌸乾炒豬扒意粉$43第一次食炒意粉，豬扒切件，有鑊氣，醬汁惹味，價錢實惠🌸乾炒牛河$43即叫即炒，河粉乾身，不會太油，入面有芽菜，牛肉大片，好好食🥤凍茶蜜，凍奶茶，大大杯，解渴下次再黎食😀大家經過沙田都可以試下呢間

食物已經唔係好食，打去叫外賣好似問佢借錢咁，講講吓放低電話走去收錢唔理你，你未講完佢已經收咗你線，如果唔係喺附近番工根本唔會幫襯呢間嘢，態度極之惡劣，好似唔願意做生意咁樣，我以後都唔會再幫襯！

街坊餐廳沙田的又平又好食小炒，位於排頭村近IKEA嗰邊的村屋，位置很易搵，附近有另一間但係都沒有這一間的好味及價錢平。由幾位後生仔打理有良心的餐廳多年來也沒有加價，但最近說人手很緊張要改時間早收希望我哋知道，所以每一次去到佢都會重複給我們講一次。希望這些特色的餐廳可以一直經營下去這樣香港才會有希望嗎？ 夜繽紛都需要有餐廳支持啦#沙田美食 #排頭餐廳 #hkfoodie #foodie #foodkol #foodie@hk #foodie@hongkong #hkfoodie #hongkongfoodie #試菜 #試菜員 #試食員 #上環美食#中環美食 #香港探店 #潮州獅頭鵝 #潮州美食 #香港探店 #香港探店

今日30/4去完寶福山，經過見到有客人係戶外食多士常餐，眼見好似都唔錯，於是入去打算食個快Lunch。喺門口見到入面明明有好多位，就同白色衫的哥哥仔講六位，但佢不停大叫人唔好入去，入邊冇位，好奇怪，之後不停表現不耐煩。跟住佢送餐上咗樓上，我哋冇理佢，照坐低。我哋三個叫常餐，其中我叫嗰個炸雞翼，浸咗落啲湯度，最憎啲炸雞翼係咁樣上枱，啲通粉同埋公仔麵都完全冇味，唔知係咪要讚佢冇味精⋯另外我哋有兩個叫鴨腿湯飯，蒸水蛋，個樣就似樣啲，不過呢兩個就冇影相。

自從返呢份工開始，日日朝早都係沙田排頭村呢邊出現，偶然都會係排頭餐廳食下早餐，你要話排頭餐廳真係好好好好食，又講唔出，不過真係一直都維持到佢嘅質素，同埋真係咁耐以黎都未見到出現過狀況，同埋真係黎多左，食多左，係會有人情味嘅出現，平時都食開麵餐，今日試下其他野，食下個吉列魚柳餐先賣相相當之唔錯，食落都幾好食😬醒起食左咁耐，都可以接近0負評，入黎幫佢寫返篇先！讚👍👍不過呢。。。偶然個爐會壞左，攪到淨係可以餵烚蛋🤣🤣

去沙田中央廣場睇完傢俬家電，怕新城市廣場多人，於是近近地去茶餐廳醫肚就算。餐廳有兩層，下層面積較細，而且當日已坐滿人。侍應叫我上二樓，地方大啲，坐得無咁迫。星期日下晝啱啱兩點到餐廳，可以有埋下午茶餐揀。叫咗干炒豬扒意粉配熱啡，$39，價錢都算係咁。我睇份量似乎比正餐細少少，不過夠食嘅。豬扒切件上，唔夠一塊，大概有3-4條，味道唔錯。炒意粉比較濕，食完碟底仲有鼓油(?)，但又出奇地有鑊氣，可能係炒完一輪後落醬汁時重手咗。咖啡有舊式茶餐廳風味，但味道較苦。平時一般落半包糖就夠，但今次就要落晒成包砂糖。

放工後去沙田行完Ikea, 見咁夜應該好多餐廳都last order,所以就腳夠近就決定食哩間，一入到去樓下冇位，就叫左我地上樓，上到去勁熱，冇開冷氣，我地搵個朋友落去請問佢開唔開得個冷氣，當然可以啦，落單都係茶記式落單，完全唔洗寫，就咁背到出黎，佩服我地5個人，咁就一人叫左一個餐，一飯一餸一湯一野飲（凍飲加錢），落單後好快上菜，餸嘅份量比較少，但勝在味道幾好，又可以一路食飯一路睇下貓仔。

相約朋友收工去打麻雀，打麻雀之前食晚餐。餐廳位於沙田站小巴站附近，交通方便，餐廳室内空調少少涼。例湯熱辣辣，材料足夠。蝦米粉絲蒸水蛋57元，蛋和水比例很好，豉油少少甜少少咸味道很好，粉絲太長稍硬。海味雜菜煲62元，湯底清甜，雜菜新鮮翠綠，蝦米有鯹味。咕嚕肉67元，肉質軟，酸味和甜味很配合，好味道。豆腐斑腩煲62元，豆腐內層很滑，炸魚外層惹味内層肉軟，好味道。白飯太硬。汽水夠凍。總括而言，街坊小菜抵食。

話說今日返工前要去沙田政府合署拎國際牌拎完順手喺側邊嘅排頭餐廳食埋午餐先返工坐露天位員工友善 唔會西口西面叫左個午餐 尖椒回鍋肉飯等左五分鐘就送到嚟 效率非常之高第一眼見 就係同平時嘅尖椒回鍋肉唔同呢度係有汁 唔係全乾身的肉係有炸過先再煮 青椒都入晒味 啲飯軟硬度啱啱好唔會太多水煲太耐腍晒 亦都唔會乾得濟頂住胃食飯其實最重要都係嗰飯食得出係有誠意嘅可惜濕得滯啲皮腍晒而且完全一啲辣都冇不過不失啦 埋單48蚊下次再試下其他嘢食

Went for afternoon tea after visiting the 10,000 buddha monastery. We had french toast, toast, condensed milk butter buns and a beef instant noodle.The french toast was great - peanut butter included inside which gives it a great flavour.The condensed milk buns were made using traditional sesame topped burger buns which meant they werent as toasted as crunchy as expected. The toast and instant noodle tasted average, as per your local chinese restaurant

來到沙田Home Square,發現平民的大快活已經搬遷了，想找找平價食物，尋找途中，竟然比我發現平價好味的茶餐廳，就係呢間叫「排頭餐廳」！我地叫了餐牌上星期六的餐：1。豉汁鳳瓜蒸排骨呢碟是另碟上的，好多排骨，唔錯，幾好食？2。鮮茄蛋牛肉飯呢碟個芡汁有點甜午餐送：冬瓜薏米排骨湯呢個湯好好飲，大大煲，任飲，自己倒的，仲可以食到好多肉，飲左兩大碗！午餐每位都係$44， 抵吃喔！

就在火車站旁邊，環境旺中帶靜，坐在門外的坐位還可以抽煙，環境也不錯，別有一番風味，跟朋友聊聊天今次叫了個小菜金銀蛋炒時菜和楊州炒飯，菜不太咸，湯很鮮甜沒味精，炒飯份量剛好材料也很足經過沙田可以過來一試