摩登堂 (荃灣廣場)

營業中

休息中

泰茶控嘅我喺香港搵咗好耐，終於比我搵到一間好正宗嘅食泰式奶茶刨冰🍨， 呢幾日真係熱到不得了成30幾度🥵， 食刨冰🍧係最啱而且🇹🇭泰式奶茶嘅口味最啱我， 我覺得香港版本更加好味比較起泰國冇咁甜， 而且再加埋小芋圓同小珍珠⭐️煙煙韌韌口感好好，裏面仲有西米同埋燒仙草，呢幾個配搭真係好鬼正✌🏻鍾意食泰菜嘅我點會少得食埋佢哋嘅泰菜呢， 佢lunch set🥘🍜🍲好抵幾十蚊有交易，份量超大兩個女仔真係都夠食🙌🏻估唔到佢哋個泰北雞腿🍗🍜金麵同泰國一模一樣味道而且我覺得呢度更加好食添， 佢哋比泰國可能冇咁辣🌶配合返香港人口味椰香味好重， 呢個面同呢個質素喺香港都好難搵到😬佢哋仲有好多種唔同嘢飲🍹☕️🍵同甜品, 而且環境相當舒適又大又坐得舒服服務又勁好🤗

之前成日見到呢間野要等位又冇得book，而家星期日晏就一點幾黎到唔洗等，直接入得。摩天輪小食拼盤$188，有5款小食、每樣三件（記得有炸榴槤、咖喱角、雞翼、越南春卷、庶蝦），樣樣都普普通通。冬陰功海鮮湯河$108，冬陰功偏淡、不過不失。半隻海南雞$128，雞幾滑幾好食。泰式奶茶雪山刨冰船$98，呢個泰式刨冰真係麻麻哋，尤其是個刨冰底啲刨冰有苦澀味、食左一半唔想再食落去👎👎👎鮮奶油蜂蜜丹麥厚吐司$48，睇落去平平無奇，但覺得呢個係呢餐最好食😹😹😹同埋晏晝一點幾嚟到已經好多嘢賣晒，但間鋪唔算好多人。

呢間開左無幾耐, 但lunch時間好多時都要等位嫁今日約左朋友, 朋友可以早d黎拎位, 所以就再戰呢個啦依家個menu同新開張個排既menu有唔同選擇都唔少嫁, 熱辣辣既天氣, 食d辣野醒下神就最岩啦今日試左呢個泰北咖哩雞肉金面~$88 (微微辣)有原隻雞鎚放上面到 雞身已經冧哂,一夾肉已經散哂, 可以優雅咁慢慢食 未試過金面, 原來面身偏滑, 好易入口湯底濃郁 食得好滋味重口味地加埋生洋蔥食,雖然口臭, 但真係好好食嫁跟lunch套餐都有飲品 款式都多 抵食

之後經過荃灣廣場， 成日見摩登堂排長龍， 今日終於有機會同朋友試下一入門口已通俾餐廳既甜品display吸引住餐廳座位闊落， 適合同朋友傾計聚會菜式都有好多選擇， 而且價錢都唔貴手打月亮炸蝦餅蝦餅外皮香脆，蝦肉好彈牙， 而且仲配上幾塊蝦片， 又多一款口味椰子香茅奶油蜆湯我同朋友一致都覺得呢個湯做得好出色， 有冬陰功既香味， 又有奶香， 食落唔會辣， 小朋友都食得， 而且蜆肉都冇沙， 好乾淨和牛泰式炒河河粉好有咬口，好煙韌， 比平時食開既港式牛河更上一層樓海南雞雞配油飯雞肉嫩滑， 一啲都唔老， 搭配上餐廳既醬料， 幾惹味芒果糯米飯雪糕食落口真係好似食緊芒果糯米飯， 雪糕係椰子味， 食落甜甜去， 幾清新， 值得推介！

係荃灣廣場新開無耐嘅摩登堂，絕對係我近期最愛嘅泰國餐廳！除咗食物質素高之外，店員嘅良好服務以及寬敞舒適嘅空間都為呢間餐廳大大加分。椰子香茅奶油蜆湯 (2位用)椰奶的濃郁配上香茅的清香，喝起來既有南洋風味又不失清爽。蜆肉非常肥美，每一粒都吸滿濃湯，鮮嫩多汁。曼谷蟹肉蟹黃炒飯蟹肉新鮮，米飯吸收左蟹黃的鮮味，口感豐富。配上青蔥同蛋絲，令口味更加立體。米網蝦春卷 (4件)外皮炸得金黃酥脆，內餡是鮮甜的蝦仁，味道鮮美。手打月亮炸蝦餅 (6件)內餡係滿滿的蝦仁，每一口都咬到大塊的蝦肉。配上泰式辣醬，味道更上一層樓。提子菠蘿梳打水提子的甜味，菠蘿的酸味，再加上梳打水的氣泡感，非常解渴。手作十勝紅豆丸子雪糕糯米糍健康甜品。丸子串同雪糕都唔太甜，配上綿密的紅豆泥，適合鍾意甜品而又唔想太有罪惡感嘅人。

同friend約咗喺荃灣見面聚下舊，就揀咗呢一間睇落去好好食嘅泰國餐廳。我哋兩個人叫咗四個餸，食得好飽又開心。食泰國餐廳就一定要食咖喱，我哋叫咗一個泰式青咖喱無骨雞柳，青咖喱濃郁惹味，椰香好足，雞柳份量亦都好多。跟住我哋嗌咗一個炭燒蜜糖醬烤豬頸肉，豬頸肉肉質外脆內軟，出邊仲有一層甜甜嘅蜜汁，好啱送飯食。跟住我哋再叫咗一個曼谷醉貓炒金邊粉，金邊粉炒得好有鑊氣，仲有大蝦好抵食！重點就係我哋叫嘅甜品，焦糖嘉年華丹麥厚吐司，賣相好靚可以打卡，吐司上面一層cream再加焦糖超級邪惡，仲有我最鍾意食嘅Lotus餅，10分推介。

今日同朋友黎到依度食泰國菜，聽聞佢嘅甜品比主菜更加出名~事不宜遲，我地點咗2個午市套餐，摩登手工海南雞飯，必食榜No 1，海南雞非常嫩滑，一啲都唔鞋，點埋醬食就更加突出佢嘅鮮甜味，白飯轉咗做雞油飯，香味十足。蝦頭油大蝦炒金邊粉，金邊粉配料好多，除咗大蝦之外，仲有雞蛋絲、豆干，蒜片等等，炒得好有鑊氣。套餐可以追加小食，我地加咗沙嗲豬肉同雞肉串，沙嗲醬十分香口，豬肉同雞肉一樣燒得焦脆焦脆。D24榴槤酥球，酥脆嘅外皮包住流心嘅榴槤蓉，榴槤控一定要叫呀！緊係唔少得再追加甜品，網上見到厚吐司好吸引，一於點咗依個流金歲月丹麥厚吐司，哇一上到黎要即刻打卡，賣相超靚。厚吐司酥酥脆脆，配上朱古力雪糕同朱古力醬簡直係perfect match。十勝紅豆雪糕，雪糕綿滑，紅豆軟糯。最後緊係升級飲品，爆打玉柚柑，加咗西米，玉柚柑同青檸好清甜。烤杏仁生椰，生椰好濃郁，加上烘烤嘅杏仁片，令味道升華。

前幾天，我同朋友收工一齊去左到荃灣泰國餐廳--摩登堂用餐。呢間餐廳的裝修非常用心，採用了大量木質元素，營造出一種自然舒適嘅氛圍。座位寬敞，適合大小聚會。🔶郎薩招火山骨🌶️一睇個餐牌就比火山骨幅圖吸引，大大條骨擺成火山形狀，非常吸晴👀 有青蔥、大蒜、辣椒等佐料調配嘅醬汁，酸酸地微辣，排骨吸收晒湯汁嘅醬香，肉質軟嫩多汁，喺一道非常開胃嘅菜式！🔶 蝦頭油大蝦炒金邊粉金邊粉炒得夠乾身，質感帶點彈牙，酸酸甜甜，加上多種配料如香菜同鮮蝦等一起炒，蝦肉飽滿可口，仲有蛋絲豆乾搭配，口感豐富。旁邊有青檸及花生碎伴碟，可按個人喜好自行加上。🔶生椰楊枝金露楊枝甘露配搭上椰奶，口感更香滑，甜而不膩,清新宜人。🔶班蘭生椰冰涼爽口的椰奶完美地中和了泰菜的辣度，帶上淡淡的斑斕香味，最抵仲有一層斑斕味嘅忌廉，超級邪惡😋🔶 泰式糖水鍋（紫薯X3.6牛乳）呢個糖水超級打卡able，一上枱乾冰嘅效果噴出陣陣仙氣，好似火鍋一樣，湯底有三種選擇，今次我哋揀咗紫薯加3.6牛乳，紫薯味香濃，奶味十足，唔會太甜，配料亦超級多，有時令鮮果、仙草、椰果、西米、芋圓、珍珠、白玉丸子、紫米，兩個人食真係超級飽，建議三至四個人食都得。

午時叫左一碗冬陰功海鮮湯河，本身望顏色已經覺得好淡色，食落去成碗都冇味，冬陰公只有好淡好淡既酸，裏面既有蜆、青口、魷魚同埋蘑菇，材料份量唔算太少，但係全部都冇味😓河粉更加係完全冇冬陰功湯味😓

今日接朋友收工喺荃灣食飯，試試呢間好出名嘅摩登堂前菜叫咗個魚子蟹肉菜，我覺得係成餐飯最好食嘅菜！因為擺日頭成啖蟹肉，啲汁多到流出嚟，加埋魚子喺上面超正呀 不過個甜筒入邊有朱古力就略嫌奇怪 不過唔影響味道叫咗個雞同牛串燒各三串，燒得好香，配埋沙嗲汁都幾好食冬陰功湯好大兜，同埋一路熱住嚟飲，入邊有好多菇同埋魷魚，正中我心意呀！嗌左個脆紙卷，因為啱啱乍起，所以食落辣嘴😂😂我覺得味道剛剛好，勝在夠脆之後嗌咗個客入炒飯，不過我覺得呢個就爭啲啦，因為比較清淡，比起頭先嘅菜式就變相平淡咗啲最後就買咗一個榴槤吐司！10分驚喜嘅係麵包日本都有榴槤醬，仲有粒榴槤炸彈添！味道嚟講簡直一流，超超超級好食，榴槤迷一定要試嘢飲方面，嗌咗百香果芭樂茶同埋芒果沙冰，苞樂綠茶底層有好多苞樂，好甜，好飲好飲！食到好飽啊，如果有機會就想試吓佢嘅刨冰！

每次經過荃灣廣場都想食呢一間但係次次都俾佢排隊嘅人卻步咗難得早下班等後數張就可以入座安排了門口位置餐牌每款都好吸引我同閨蜜都很想試甜品又非常吸椰子香茅奶油蜆湯好creamy. 蜆既份量仲好多兩個人食極都食唔完最緊要係乾淨冇沙和牛泰式炒河牛肉好腍炒河唔油佢嗰個醬汁以為辣平時唔食得辣嘅我都接受到香茅烤豬頸肉豬頸肉勁大塊醬汁好惹味仲有啲配菜都好好味生椰楊枝甘露同埋芋泥椰乳都好好味朋友話芋泥椰乳好飽肚最後仲叫咗個芒果糯米飯雪糕雪糕係好重椰奶開埋糯米飯同芒果又好夾

今日跟朋友聚會，選擇來了這間摩登堂，這間餐廳有多款新派泰國菜，款式又多，而且環境和位置也相當舒適和寬敞。跟朋友一同看餐牌，決定了點數款食材互相分享。我們點了一人一杯的特色飲品，提子菠蘿梳打冰，青青甜甜的提子和菠蘿香氣，充滿夏日色彩，果味清甜十分解渴。柚子蜜桃四季春，四季春茶味香濃，混入了柚子和蜜桃的果香，這杯特飲不錯。吃泰國菜，又點可以不點選香茅豬頸肉呢？這餐廳的香茅豬頸肉份量充足，香氣四溢，十分豐盛，豬頸肉一片一片的放置到精美的碟上，十分美麗。而且豬頸肉又香又濃，肉質腍腍的又有咬口，相當惹味。仲可以配埋泰式醬又有另一番風味。椰子香茅奶油蜆湯，這個湯相當足料，一整鍋都是又白又清甜的奶油蜆湯，然後鍋內仲有滿滿的蜆肉。賣相相當吸引，而且仲香噴噴，超級鮮甜。一鍋湯已這麼多的蜆炮製，所以湯真的很鮮。這個蜆湯足夠兩人分享，份量充足，每人都吃到無數的蜆，大滿足。蝦頭油大蝦炒金邊粉，大蝦爽口彈牙，啖啖肉好味。金邊粉炒得又香又好味。配埋碟上的配料，如花生碎等等拌勻來吃，金邊粉啖啖都十分出色，而且炒得相當乾身，又有濃濃的蝦香氣，正。吃飽飽正餐，當然少不了吃甜品，這間餐廳的甜品，而且選擇又多。今次我跟朋友

今晚收工遇上落大雨，就同同事去附近荃灣廣場行街食埋飯再返屋企。有一段時間冇嚟，發覺開咗好多新食肆，就好似呢間「摩登堂」，看裝修就跟傳統泰國菜館有大分別，不但沒有艷麗繽紛的裝修，連傳統泰國跳舞公仔也沒有掛牆上，裝潢就以簡潔木系風格，以機械人送餐，我哋就比新派吸引了😂 入座後，見餐牌有些傳統菜式都給予新名字，幾有趣👍之後用QRcode order左幾款至愛餸菜。1-青咖喱雞 $88 咖喱香濃微辣，雞肉嫩滑帶椰香，另有蔬菜配合🥕2-印度烤餅 $38/2件 係即叫即烤，上到枱仲熱辣辣，點埋咖喱汁食超正。餐廳好貼心將烤餅切細片，好方便👍👍3-手打月亮炸蝦餅 $88/6件 6大件，香脆，口感彈牙，還跟幾塊脆蝦片，抵食4-青木瓜海鮮沙律 $98 份量足，海鮮有大蝦🦐鮮魷🦑和青口，味道酸辣適中，刺激味蕾更加開胃🤤5-打拋豬肉生菜包 $88 肉碎咬落唔鞋，有紅蔥頭、辣椒🌶️洋蔥及香料味，炒得香口惹味，用生菜🥬包住一齊食，絕配。6-斑蘭香茅雞油飯 $22 大大碗，充滿香茅香味，說是雞油飯，但一啲都唔油，好好食🍚7-榴槤糯米飯雪糕 $388-十勝紅豆雪糕 $28最

比甜品吸引左我眼球嘅泰國菜！價錢係荃灣廣場黎講都叫親民，晚餐人均$200。開胃菜柚子沙律有清新爽口嘅口感，柚子微酸，加埋脆口米餅一齊食，可以解膩～招牌菜和牛船湯河嘅湯底香氣濃郁帶有八角味，加上彈牙嘅牛肉加牛丸，層次感滿滿😋秘製豬手份量超大，加埋應該有一隻手臂咁多 味道偏甜，唔需要點佢d醬食都得都夠好味～豬手好軟囉入味！ 最後一定要點埋佢地個泰式奶茶刨冰👍呢個係今餐嘅Highlight ⭐刨冰細滑好似雪花咁，而且有好濃郁味嘅奶茶香氣。仲有豐富的配料西米、芋圓同麵包塊！一定要同人Share，都好夠食！煉奶可以按個人喜好隨心加，好Like 💕📍摩登堂荃灣大壩街4-30號荃灣廣場3樓350-352號舖

入座時同我講限時個半鐘，講左三次😨可能見我哋帶住bb，門口嗰位肥先生講限時限時限時，驚我地食唔切，即時感覺好大壓力，食餐飯啫⋯⋯香港食肆再咁落去真無得救了！間中見到門口排隊等位，但試完無第二次！價錢貴，但對唔住個質素！食物質素一般到無得一般，同出邊$78一碟金邊粉差不多，但呢間要$128，榴連冰沙榴連味淡到呢，全部係水味，無下次！串燒係燒定，落單唔洗3分鐘送到，啲肉又乾又硬，仲要$15串，蝦餅正常