摩芽雞蛋仔 (已結業)

一直有食開緊呢間總店嘅摩芽雞蛋仔，當時只係得一間店，食到而家就算已經好多地方有分店，都係鍾意翻返嚟呢一間食，而且雖然一直有出好多唔同嘅新口味，但係水準依然保持得好好，最鍾意佢嘅雞蛋仔係因為外脆內軟，而剛剛整好嘅時候放涼左會比較挺身，感覺佢落的蛋漿份量亦都會比其他的多，之前試過朱古力香芋嘅其他味道亦都同雞蛋仔好夾，夾餅亦都一樣，會塗滿滿的花生醬，煉奶，店員感覺係家庭式作業，但係非常之親切友善，帶囡囡嚟食雞蛋仔自己再買一份夾餅，大家都好滿足！

果日知道好晏先有晚飯食，就去買底雞蛋仔試下。果日有啲雨，無咩人排隊，幾分鐘就有得攞。佢宜家做緊$40兩底，其實好抵，但無人同我分享邊食得曬，所以叫咗一底啫。見到有咁多款口味都有啲選擇困難症，淨係知道自己想食甜野，就喺甜嘅味道篩選，最後揀咗抹茶紅豆味($23)。一拎上手熱辣辣脆卜卜。顏色唔算太綠，咬落去唔係成粒超多粉漿超飽滿嗰隻，不過粒粒都有紅豆係事實。紅豆嘅甜味亦啱啱好，要慢慢咬先食到淡淡抹茶味。總結係，呢款港式甜品都襯得唔錯，下次會試埋其他味。

飯後送女友回家，老遠已經聞到陣陣香味，追尋之下，發現了這間雞蛋仔。在黑夜寧靜的工廠區，這間雞蛋仔顯得份外熱鬧，因為一到已經有6，7人等緊了。我們叫了個紫菜肉鬆格仔餅，初頭是後悔叫這口味的，因為怕太乾，但咬落後，餅內的花生醬和煉奶從嘴角滲透出黎，一點也不乾。味道香而且蘇軟，完全不是我以往認識的味道。我們的格仔餅28蚊，一個人吃的話會有點過飽，兩個人食就剛剛好。

今日突然有個想食雞蛋仔既妹妹一齊,佢想食就陪下佢啦,去到就知呢間係連鎖雞蛋仔鋪,係路上見過不下10次,但令我驚訝既係佢有好多味可以揀,又有台灣腸仲有飯同野飲賣,心諗佢挽囇啦,ㄧ日三餐係到都食到,我諗要唔要試奶黃雞蛋仔時,妹妹就買好,佢買左雙重芝士雞蛋仔同朱古力味格仔餅,宜家做緊優惠40蚊2個,人有D多反正佢叫既都大路,就唔加單,人多關係都等左好耐先有,格餅泥先,所以就食先,但我後悔啦,佢個朱古力味濃,加埋料好好食,但之後雞蛋仔泥就覺得雞蛋仔好淡,食耐左就覺膩,要飲野🙈食ㄧ次就夠

係新蒲崗賣特色既雞蛋仔鋪頭並不多，呢間價錢合理，味道也不錯👍🏽即叫即整，外脆內軟，好味道！而家有優惠，買兩底雞蛋仔或者格仔餅(任何口味，每樣一款都得)只係$40! 相比其他賣特色雞蛋仔/格仔餅既連所鋪頭黎講，價格吸引！今次我同朋友叫左紫薯星星雞蛋仔同朱古力星星雞蛋仔。紫薯星星雞蛋仔: 有驚喜！有紫薯味道而且不假，不重砂糖味，有濃濃既紫薯香味，甜度亦岩岩好。朱古力星星雞蛋仔: 每粒裏面除左有蜜糖星星之外，仲有少少溶既朱古力粒，很吸引，甜度亦很好，不錯！

今日要喺新蒲崗附近做嘢，順便嚟食個雞蛋仔。附近有其他選擇，但因為佢嘅紫菜肉鬆雞蛋仔，令我一次又一次搵返佢。舖頭門口有好多人俾咗錢攞完飛都頂住個收銀位，以為企前啲就可以攞快啲，但其實係跟號碼攞嘅囉唔該! 唔好阻人落單啦香港人~紫菜肉鬆雞蛋仔($25)因為係小店，所以落單之後要15分鐘後先有得食。一攞上手熱辣辣，等佢涼一陣個皮會更脆卜卜。咬落去有好香蛋味。紫菜碎同肉鬆鋪滿成底雞蛋仔，好足料。其實鹹鹹哋嘅雞蛋仔都好好味呀。雖然見佢有其他新味，但我諗下次都會要返呢隻味。

我平時已經幫襯開呢間雞蛋仔, 上次叫左奶黃雞蛋仔, 買完就即走, 邊行邊食, 但食極都覺得隻味怪怪地, 絕對唔係奶黃味, 而係鳳梨味, 但我已經走左, 諗住算啦 上次已經中伏左一次, 今次再黎俾多次機會佢, 要奶茶奶黃味, 我俾錢時已同阿姐講: 唔好俾錯我, 你上次俾左鳳梨味我, 阿姐笑笑口表示知道出爐後, 第一粒都幾脆, 同屋企人都一齊即食, 大家都話唔係奶黃味, 似鳳梨味多D屋企人認為既然我已提醒左阿姐係要奶黃味, 所以再同阿姐講都無用, 即係我又要中伏多一次個Lipton奶茶奶黃雞蛋仔, 我再食第二粒時,已經極速變淋, 唔知關奶茶定D 餡既事, 再加上唔好食既鳳梨粒粒, 更加難食奶黃雞蛋仔, 究竟係阿姐出錯, 定係個奶黃真係咁難食!??

見仲有廿分鐘先返工，經過見到雞蛋仔又口痕，所以就嗌左底特濃朱古力雞蛋仔試下😗。本身喺我前面得一位客人等緊拎野食，咁我都覺得應該唔會等好耐。等左10-15分鐘，我前面嗰位客人都仲未拎得，而我都等到好心急，問下老闆 (/staff) 仲要等幾耐，佢話3分鐘。最後喺又熱又燥底嘅情況下，終於拎到底熱辣辣嘅雞蛋仔😵👏🏿。比較欣慰嘅係，俾雞蛋仔嗰位姐姐都有同我講聲唔好意思要等咁耐。試得個雞蛋仔喇，想mit粒落黎食，結果mit左幾粒連住嘅，因為成底雞蛋仔好似overcooked左，太硬太脆喇，入面一啲軟熟感都冇😪，唔會再試呢間店嘅其他野食喇😩。

lunch見大有街食開意粉間店無開，醒起之前經過呢到有意粉賣，就去咗呢到。叫咗卡邦尼，本身以為$22，應該好似燒賣兜細細碗，唔夠食晏啲再食tea。但出到黎見咁大兜，都心感不妙。返到去一食，覺得咸到就黎洗腎，其次有陣怪味。啊！係罐頭湯陣味呀～金寶湯！其實如果係用醬撈，可以用日本嗰隻即食醬，大概$10.9，都係加熱就可以，好食既無人介意加多$20去食，但難食既會毀咗一個人既心情。p.s. 另外買咗杯咖啡（$18）... 同樣精彩... 3合1都好飲過佢

星期日12:30, 同一條街有3間雞旦仔，各有特色，但只有呢度開，門口幾個人排隊塞住門口卻又吾落單，有時D客怪怪的。小朋友當然要星星雞旦仔，造形得意呀嘛，其實是早餐ト脆，冇乜味道，卻增加口感層次，卜卜脆幾人討好小朋友一定like.朱古カ味就冇得輸，內裡旦糕軟綿綿，又有朱古力醬和朱古力碎，濃濃的朱古力三重享受，like爆。抹茶紅豆夾餅，同是like 爆。 抹茶餅底顏色吸睛，抹茶味卻欠奉，卻勝在非常軟綿，不會死硬或乾到界口，紅豆大粒夠林，不死甜份量夠多。整體色香味俱備。4O元2份，抵！

香港越來越多唔同類型的fusion雞蛋仔雞蛋仔已經唔似以前咁，正係得麵粉同蛋賣呢種雞蛋仔嘅舖頭亦開得成行成市摩芽同媽咪就係其中之二-鳳梨蘇雞蛋仔🍍🥚（HKD25）即叫即做攞上手仲係熱辣辣 脆卜卜嘅😍佢哋前面嘅係星星雞蛋仔但係因為佢唔食朱古力🍫同埋紫薯🍠所以就叫咗鳳梨蘇口味😢-原來鳳梨蘇好味，特別上面係雞蛋仔原來鳳梨蘇好味都好特別😳每粒雞蛋仔入面都有一絲絲嘅鳳梨乾！😳食落去有d野好有嚼勁好過癮🤯-雞蛋仔用嘅麵粉都幾彈牙 另外可以選擇$40/2底都幾抵呀！-另外仲有好多格仔餅同飲品嘅選擇！不過妳會揀傳統定係花款雞蛋仔？🌟Rate:7/10

新蒲崗 摩牙雞蛋仔期間限定—奶皇雞蛋仔 $25係中秋佳節🌕限定架，雖然過左中秋，趁著仲有就梗係要試下啦😎果然高質！！我覺得佢d雞蛋仔進步左好多👍🏻外脆內軟，外表靚到似模型🤣饀料十足！奶皇餡好好味，似食緊奶皇月餅❤️🤤💕#reneespk💕 評分：😈😈😈😈

記得之前食過佢地既格仔餅都唔錯，所以有排一入開新蒲崗都會心思思想買黎食不過近呢半年小左入嗰頭，都好耐無食嚕~~咁岩上星期孖住入開個頭搵埋啲朋友食飯，我地早到左又見有啲口痕，所以就諗住買返底格仔餅食....雖然自己中意食原味既格仔餅，不過男朋友話食過佢地既雙重朱古力都好正，咁就一於俾佢話事叫左底“雙重朱古力格仔餅”，之後仲以半價優惠10蚊加左杯巨峰多多！-等左大概5-10分鐘就拎整杯飲品同格仔餅啦格仔餅拎上手都好重手，係熱辣辣架！咬落去的確好濃朱古力味，但致命既做唔外脆既效果，加上紙袋無通風位又吹得唔夠時間，食左兩啖就已經淋曬而杯手調飲品更加令人失望，完全係無味架飲落就好似飲緊一杯凍凍地既色素咁

是日中午的自家飯盒比較細份，所以到左3點3有點肚餓，所以落開街順道覓食康強街以往多是餐廳為主，近一兩年多了幾檔小食檔，3間都有做雞蛋仔及格仔餅，不過對摩芽比較有興趣，因為他們主打特色雞蛋仔但對於又想嚐鮮但又怕中伏的我來說，所以初次試食，還是先選原味吧~~即叫即製，不過幸好當時是非繁忙時間，等5分鐘左右就有了格仔餅 餅底頗厚，中間夾著 牛油、花生醬、砂糖及煉奶餅底滲着蛋香，對於嗜甜的我則覺得可以多一點的醬，因為唔夠醬便會覺得餅底較乾細個時格仔餅是用啡色雞皮紙袋，我最鍾意是D 醬要多到會滴落個袋底，食到最後可以用餅底點埋來食那種雖然會食到成手都黐笠笠，但這就是我的兒時回憶PS: 細個係用明火烘，兼可以叫半底，其實半底對女生是剛剛好，全底食到最後會有點滯

今日放工有經過呢間摩芽雞蛋仔，又試左佢個原味格仔餅。個格仔餅真係好厚，應該最少都有兩吋。初頭以為個格仔餅會好硬，但食落個外皮好脆裏面好軟熟，裏面啲花生醬同埋練奶嘅比例都好好，唔會太多或者太少。因為有啲鋪頭裏面嘅將有時會好少，只係食到嗰陣餅嘅味，而食唔到醬嘅味，呢個係格仔餅整得最失敗嘅例子。但係佢呢個女點知張就啱啱好，好夠花生醬味亦都好夠甜。同埋成個食晒都唔會覺得好漏。有啲格仔餅食咗半個已經覺得好漏，呢個就唔會喇。佢嘅格仔餅同埋雞蛋仔都做得好出色。