摩芽雞蛋仔 (已結業)

經過好多次但次次都食到好飽，所以一直無試到今次同媽咪食完晚飯經過，雖然飽飽地但太想試啦今次有媽咪同我share唔怕太飽！一於去馬gogogo!!!買左紫薯星星雞蛋仔 $20價錢來講唔算貴最緊要係好食紫薯味道好香!雞蛋仔食落口感脆卜卜入面d星星都keep到脆，食到星星有蜜糖香味好正!整體食落唔太甜，唔錯!如果想食埋雪糕，可以加$15有兩球，相當抵食!不過我地都飽飽地，唔太想食咁多，所以無加雪糕。呢度有好多香港特色小食，同埋有多款飲品買，店舖雖然細細，但選擇多多!如果未食飯，來「掃街」係個好選擇!

早前見有網上報導星星雞蛋仔，身為雞蛋仔迷的我9秒9要試一下！星期日下午，其實人不算多大概有四五人等緊，星星系列有朱古力及紫薯味，今次揀左朱古力味雖然人少少但即叫即整，等左三個字終於出爐！星星係蜜糖星星，幾得意既，朱古力味香濃，內裡仲有少少未融化的朱古力，好正！雖然$20有少少貴下次要試埋個紫薯味Ps 店家派左張印花卡，但得半個月期，點儲呀

早前好友介紹太子那間摩芽的芝士雞蛋仔好正！吃過之後覺得不錯！$2x不過就係有啲貴!?今日經過新蒲崗，原來新蒲崗都有一間喎夜晚食完飯就唔好再食芝士啦！所以叫咗一個朱古力($17)，朱古力粒唔係好多，老實講我覺得媽咪雞蛋仔仲好食！不過呢間都ok

路經新蒲崗，突然想起之前喺fb有人介紹過有間名字好特別嘅“More雞蛋仔”，一直想試試，難得順道經過緊係幫襯下啦！紫星雞蛋仔外表已經好吸引，食落外脆內軟，每粒雞蛋仔中間都有粒星星，兩個小朋友見到已經好開心雪糕雞蛋仔簡直係fusion野，好有窩夫嘅feel，食落超夾雪糕仲有幾款比你揀 十分

食完飯經過，聞倒好香雞蛋仔味, 雖然食到好飽，但都忍唔住要試下。口味有好多種，對於選擇困難嘅我的確有d難揀，係度諗食朱古力味，綠茶定肉鬆好呢，到決定左口味又諗緊食雞蛋仔定夾餅好呢。諗左好耐，最後買左綠茶紅豆夾餅，想試下綠茶嘅外皮加夾餅餡料會係點呢！等左十分鐘左右，終於到手啦，當然要襯熱食啦，外層脆脆地，仲有好濃嘅綠茶味，岩哂我呢個綠茶控，加埋餡料，真係好正呀！明明食飽飯都成底食哂，幾時都話甜品係另一個胃～下次一定要試下個星星雞蛋仔，個樣好吸引，而且有朱古力味，再加埋朱古力粒應該唔錯，最鍾意多重口感嘅野！原來仲有腸粉魚蛋賣，下次可以唔食飯黎"掃街"lu