摩豆 (已結業)

每次經過雞蛋仔檔總會有股衝動去買黎食今次經過紅磡呢間雞蛋仔檔真係比佢咁有創意的Menu吸引住當中有斑蘭雞蛋仔、積及橙朱古力雞蛋仔、宇治金時雞蛋仔等等而我地就叫左佢人氣第一的流心蜂蜜雞蛋仔($23)香噴噴即叫即整，外脆內軟，呢個蜂蜜雞蛋仔無我想像中的流心其實是用了一粒粒蜂蜜爆炸糖那樣的原理，雖然唔夠流，但勝在用料足又用心製作每口雞蛋仔都有很香的蜂蜜味，挺喜歡，下次定會試其他款式呢間雞蛋仔分店都挺多的，不妨試下喔！

本來今天下午去完飲茶之後已經飽但是經過見到有雞蛋仔 忍不住買了一底綠茶紅豆味雞蛋仔 雖然好飽只能吃三份一底但都覺得好味又足料👍雖然我自己都會整雞蛋仔又有家用雞蛋仔機但是我下次想再試肉鬆蝦乾味

一向都鐘意食雞蛋仔呢d傳統小食，今日約咗人傾嘢早咗到，見到呢間小食店，雞蛋仔有好多選擇，有原味、朱古力、宇治抹茶、凰梨、斑蘭等等，order咗一份芝士雞蛋仔，店員説可以加半價有特飲，所以就order咗杯白桃魔豆冰（$7）試下，等咗大約五分鐘左右，d雞蛋仔係即叫即做的，一攞上手好香好脆，食落口外脆內軟，d芝士味濃郁👍🏻，又唔會太甜，而杯魔豆冰原來即係沙冰，幾清甜解渴😋又夠白桃味，期待下次試埋個流心蜜糖雞蛋仔😋😋

我一向喜歡吃雞蛋仔，也以原味為主。 記得有一次在看戲前，朋友買了一客芝士味雞蛋仔，當我拿上手及咬了一口後，我很不開心，因為雞蛋仔是涼的，也不是外脆內軟。 自那之後，我對非傳統味道的雞蛋仔有所保留。可是沒想到在我乘巴士到黃埔附近下車的地方，發現在小巷內有間門面光鮮賣雞蛋仔的店子。除了旁邊有一把大大的太陽傘外，還有一幅大大而又精美的圖片牌。當看過那多款不同味道的雞蛋仔及格仔餅照片後，我對自己說：我要食“宇治金時“!由於是平日下午的關係，在我光顧時未有其他客人排隊或等候，所以我跟店員落單時提出要求，希望能做到外脆內軟的雞蛋仔。當時男店員回報以微笑及說了一聲ok。大慨 8至10 分鐘後，熱烘烘又脆卜卜的雞蛋仔做好了!※ 宇治金時味道 ~ 這是以綠茶麵漿加紅豆而成。 粒粒飽滿的雞蛋仔表面顏色帶點啡黃， 搣開後內裡顏色有紅有綠好鮮明。如店員所說的 ok, 雞蛋仔新鮮熱辣辣做得外脆內軟。 整體味道不會太甜，有紅豆粒之餘也帶點綠茶及香濃的雞蛋味，能令我一個接一個吃不停。在我工作及住處附近並沒有摩豆。這次能有機會遇上及品嘗這麼好吃的非原味雞蛋仔，確實令我難忘。也要謝謝男店員的用心製作，才能做出好吃的街頭

喺黃埔番工，如果唔行出黃埔新村，基本上無啖好食。 有日食完LUNCH後，見到新開了Modos，而且無咩人排！即夾同事買雞蛋仔食～ 咸甜款都好吸引，最後叫了一底「肉鬆蝦乾雞蛋仔」及「伯爵雞蛋仔」share食~ 雞蛋仔即叫即製，所以喺黃埔新村及差不多過哂 lunch hour 呢d比較少人嘅時間先唔駛等咁耐。製作時已聞到好香嘅雞蛋仔味~~~「伯爵雞蛋仔」 入口有好淡、好淡嘅伯爵茶香，但真係好淡。要連續食２粒，落到喉嚨先食到茶香。 我自己麻麻地。但同事話「食食下都ok」 「肉鬆蝦乾雞蛋仔」 外層脆口，肉鬆配蝦乾本身已是絕配，但原來意外地帶點微辣，令味道更豐富。我勁鍾意食，一條友食咗半底。 總括都幾好食，下次要試羅宋湯味！

第一次到黃埔地鐵站 望下附近有咩食 有雞蛋仔modos 原來好近地鐵站雖然好人氣 但從來都未食過 就買左幾個同班朋友試下肉鬆蝦乾雞蛋仔 好食呀 有少辣同大辣揀左超辣 真係好正 好過癮 真係好辣的 出奇地夾 好快俾friends 清曬Honey味雞蛋仔係蜜糖珠珠係裡面 珠珠唔係太多 不過食落都幾得意夾餅 好難分來食 汁流曬出黎 好豐富既餡結果一個人食曬 似蘋果批既餡平時我好喜歡吃筲箕灣的低調高手一直都覺得原味最正 食過依個之後 對特式的雞蛋仔改觀左

紫薯雞蛋仔、抹茶雞蛋仔，就連年宵都出埋肥叉燒雞蛋仔，今次見到比較少見的伯爵茶味即刻買黎試下! 大大粒雞蛋仔外脆内軟，咬開之後口感軟綿綿，雞蛋仔加入伯爵茶葉碎味道清香，個人覺得比抹茶味更易入口，果然有新鮮感〜如果甜度可以稍為減少會更好呢~~

由紅磡站行去黃埔搵朋友~~為食既我 緊係又出動喇~~今次既target就係雞蛋仔!!!其實之前都試過哂 芝士味 綠茶紅豆榛子朱古力味但今次呢間Modos係夠哂創新而且多款~~ 我諗我要試哂每一隻味都需要d時間今次揀左羅宋湯雞蛋仔~真係諗定下次試埋鳳梨酥、積及橙、玫瑰花茶、金莎格仔餅⋯因為鹹嘅雞蛋仔真係岩我口味加上唔算真係好貴 又飽肚間唔中下午茶 當獎勵自己~今次試呢個羅宋湯味雞蛋仔 咸咸地都似既 驚喜既 而且新鮮夠熱總括黎講~~讚呀

好脆好好味，好少店會有斑蘭味，買過好幾次，連同事都讚好價錢相宜，有好多特別味道，連羅宋湯味都有！下次會想試埋金莎榛子味，希望可以keep住水準，同埋出多d新味道！

約了朋友食晚飯經過這裡看到有雞蛋仔同格仔餅好誘人！很多口味選擇，最後要了金沙朱古力格仔餅，朱古力醬好好味，格仔餅也香甜，配在一起很match，下次試下玫瑰口味雞蛋仔

之前行過見到幾多新口味揀 都幾吸引 今日專登走返黎試 好多口味都想試 好似蜂蜜 芝士 班蘭 同 羅宋湯 都好似好正但由於岩岩食完晚餐 比較飽都想揀個清清地 甜甜地既口味 唔好咁濟 於是揀左伯爵茶味 食左2啖先記得影相聞落都幾香但食落就唔脆 有小小1 pat 野咁感覺 伯爵茶味係有既 都幾好 略嫌差咁d蛋味 另外再加小小甜味就好喇 當下食完係覺得有點失望 口味係創新 但冇左雞蛋仔既神隨 試一次就算

同女朋友食飽晚餐冇野做就0係黃埔周圍行~~行下行下就行到去德民街呢頭, 行到小巷入面新開左呢間, 就行去八掛下啦哈哈哈原來係Modos! 我地之前已經幫襯過花園街分店, 當時係幫襯飲品老實講, 飲品方面就覺得麻麻地, 不過由於佢的用料 (班蘭) 幾特別, 所以試過一次就記得呢間0野了! 見到佢呢間鋪好似幾力推d 小食 -- 雞蛋仔 & 格仔餅, 反而飲品好似冇咁力推, 唔知係咪因為冬天的關係呢~(其實隻隻味都好吸引好特別, 好想試哂佢地呀!!!!!!!!)anyway, 飲品我地唔會再試架啦! 反而d 雞蛋仔/ 格仔餅都幾吸引喎  又係全因d 用料, 幾特別我地千揀萬揀, 最後揀左no.1 人氣的流心蜂蛋雞蛋仔!你話好流心就唔係架啦...不過味道係幾好的! 呢間0野幾有heart! 好明顯用料上係有落過心思, 同出面普通的小食店係有所不同的

個日行經附近，聞到陣陣雞蛋仔香，加上同事介紹過呢到ga朱古力雞蛋仔唔錯，心思思就買左底特色芝士雞蛋仔，見佢英文譯名係red chadder cheese(紅車打芝士)，斷估佢都應該差極都應該有個譜大約等左10分鐘，熱辣辣帶有陣陣芝士香ga雞蛋仔到手搣出黎脆仆仆好有手感，手指沾上了芝士油香，大口一咬，！說好了的芝士味呢？芝士味比想像中淡有d失望或許下次應該試返佢熱賣ga產品

現在啲雞蛋仔店開到周街都係。啲味越來越多，其實都幾好既。本人就好中意伯爵茶earl grey隻味，見到雞蛋仔都有就試一試。個雞蛋仔一攞上手，好似膠玩具咁既樣😂個表面光滑到呢，識反光嫁😂個皮係脆既，都有啲內涵既，起碼唔似北角雞蛋仔咁空心😑伯爵茶味淡淡都幾香，但唯一既問題係無雞香味。但現在食小食，好多時都唔會理咁多，見有新野就試。我都係想食個外脆內軟，帶有8成蛋香涵既雞蛋仔姐，現在越來越少有得

I am so glad I can get the MTR to Whampoa now because it used to be a no go area.There are so many eateries to try.Tried Modos which is currently on trial operations and I feel that the waffles can be improved because they do not taste or look anything like the ones I had in CWB.The colour is a lot paler and the texture is too light and brittle that it breaks with pressure and clearly the waffle base is not the same as the CWB one because after it is heated the structure is different and does no