摩豆 (已結業)

上次來吃過土鳳梨雞蛋仔, 好味, 所以今次特別走過來望有翻尋味的機會, 可惜偏是土鳳梨餡已售完, 在失望之際太座說可能這次是吃新味道的時候 ~這是別注版Modos雞蛋仔的推廣, 說什麽買任何雞蛋仔送護膚用品, 不過店員是什麼也沒有送給我 ~和護膚品牌合作的金盞花雞蛋仔, $ 28 一底, 在即叫即製的情况下誕生, 我們要企在街上等數分鐘 ~新鮮出爐雞蛋仔的顏色偏深, 拿上手是熱辣辣, 聞到雞蛋香, 觸摸雞蛋仔外層是硬, 把一粒雞蛋仔脫開是脆身的 ~ 把一粒雞蛋仔瓣開可見, 殼內填滿了像蛋糕般鬆軟的內層及有數片金盞花瓣, 雞蛋仔的甜度稍高, 有蛋香兼且隱約地可以吃到金盞花的甘澀及花香 ~ 算是一次吃雞蛋仔的特別經驗 ~本篇完 ~

我本身很喜歡吃雞蛋仔，去銅鑼灣行街時，經過見到Modos比平時多了很多創新口味，就已經極度想試！第一次吃就選了流心蜂蜜雞蛋仔，銅鑼灣店人流多，所以差不多等了15分鐘，不過很明顯地雞蛋仔吹得不夠耐，吹不走雞蛋仔的水份，以致很快就變淋，不夠脆身，但勝在裏面質感尚算鬆軟，蛋漿亦足，只是沒有外脆內軟的口感 所謂的流心蜂蜜也只不過是吃froyo常見的爆珠，老實說味道有點假，而且吃得多會覺得甜膩，和真蜜糖是兩回事吧... 

又去食雞蛋仔，發現呢間分店開得愈來愈多。味道總結其他嘅店嚟講算係好多的指式，而且價錢都可以。今次無食到最鍾意食嘅肉鬆味。試下另一種口味--芝士味。芝士味嘅雞蛋仔個外型比起普通雞蛋仔個面唔同之處係佢會多咗一啲啡嘅顏色。我覺得呢個顏色好可能係芝士烤濃嘅焦。所以食落去會有咸咸的芝士味之外，吃到底會有點硬身的芝士渣感覺。說真的，不太喜歡這種口感。所以芝士味不太喜歡。如果能夠做到是軟身的拉絲芝士，可能會好一點。

聽朋友話哩間系其他分店唔錯，所以黎試下! 叫左個流心蜂蜜 同 綠茶紅豆雞蛋仔。 其實兩個個味都唔錯，唯一最大缺點系完全唔脆，可能我地唔好彩，佢地攤的時間唔夠耐，完全系林的，佢本身比較厚，又非常林，所以連分開每一粒雞蛋仔都成問題，但其實味道唔錯。流心個個裡面有個d似平時食froyo可以加落去個d一咬就bit d汁出黎個樣野，每一粒雞蛋仔都有，蜂蜜甜甜的，雖然甜左小小，但我感覺到他們的用心，同感覺落足料，中意蜂蜜的朋友可以試下。 另外個綠茶紅豆都唔錯，綠茶味都幾重，幾香，紅豆系入面，都幾夾，但都係偏甜，同樣地感覺到佢地用心同料多，希望下次黎會系脆脆的!

是日同朋友路過銅鑼灣，老遠就見到呢間野鋪面大排長龍，一堆人唔知喺度等梗乜。好奇嘅我同朋友立即上前一看，哦，原來係雞蛋仔！見到一底雞蛋仔只係＄20左右，抱住綿羊心態嘅我亦都上前幫襯左一底。款式有好多（如圖），初時都有選擇困難， 本來諗住揀簡單嘅朱古力味，但朋友話佢有咁多特別嘅款式，揀啲咁簡單嘅好似好吾值， 就說服左我買積及橙朱古力味。事實證明佢嘅選擇係啱嘅！佢係即叫即整，等左5至10分鐘左右就有得食，一攞到上手就聞到好香橙味，又有粒粒嘅朱古力， 真係好正啊！＄23都算係好抵食， 遲啲會再幫襯！

為了迎合潮流，時下連傳統地道小食雞蛋仔也不斷推出創新獨特的口味。這間人氣小食店位於銅鑼灣Sogo的後街，與隔壁的台式飲品店相連，每次經過定必要輪候一番，上網搜尋下才得知開設了數間分店。餐牌上雖只售賣雞蛋仔和格仔餅，卻共有十多款口味選擇，看來還要多光顧幾次才行呢！<宇治金時雞蛋仔>抹茶系列一向是我的最愛。雞蛋仔即叫即造，粒粒烘得外脆內軟，蛋香四溢，亦非常足料。中間夾著豐富的抹茶餡，加上大大粒香甜紅豆，吃得滋味無窮。<玫瑰白朱古力格仔餅>這款格仔餅和玫瑰花茶雞蛋仔同是情人節限定口味。格仔餅口感較為軟身，外層鋪著玫瑰花瓣碎，賣相吸引。內餡夾著白朱古力醬加脆脆，惟味道極甜，甚至蓋過了幽香的玫瑰味，吃了半塊已覺膩。

把面積已經不是大的貢茶小店, 再(((一分為二))), 這就是(((地少人多)))的香港!!! 因為它的青蔥顏色而買下的... 斑蘭雞蛋仔: 等了約五分鐘, 取得實物後, 明顯與圖片 80% 不符!!! 幸好夾心都是綠色的, 但味道卻連一點點斑蘭的清淡香味也沒有... 值得一讚的是: 外層也有脆邊, 夾心也沒有偷工減料, 但賣相和味道絕對有進步空間!!!

約左朋友食飯, 6PM肚餓又未夠鐘食飯, 行經附近睇下有咩小食,之前都有幫襯開, 最LIKE 積及橙味, 不過見佢有限定野就試下.可能岩岩6點, 好多人未放工, 竟然唔使排隊, 之前幫襯呢間同太子果間都要排, 所以等左5分鐘左右就有得食~~平時食玫瑰花茶呢類既食物會覺得個味會好化學同假, 但呢款又ok, 起碼聞同食都覺得佢朕玫瑰味都係天然,唔係香精味,內裡仲有d茶碎, 但食落又唔係好食到,  而且佢亦做到外脆內軟~講真28蚊食底雞蛋仔真係好貴下, 不過摩豆既質素不嬲有番咁上下, 耐唔耐食都可以接受~~留左d比朋友試, 嘴刁既佢都覺得唔錯~~

銅鑼灣番工的我最中意去食下午茶。早排好多特色小店進駐，我就日日試一間，modos係最值得推介！單係揀味已令我頭痕！！！之前試過班蘭味，覺得味道唔夠香。本來從來唔食橙同橙味食物嘅我，晤知果日邊度黎嘅勇氣，揀左積及橙味。因為見好多客人都買呢款，而且顏色好靚，決定博一博一到手就覺得朱古力多到好似個蟻巢咁橙味清香，不會似香精的假。好快，怕橙的我已經ko左成底！雖然$23一底，但佢勝在即叫即做，而且用料十足，值得推薦

忙裏偷閒, 下午四時多走到了這家"摩豆".雞蛋仔的味道種類很多, 有一個受歡迎排名表, 我選了排第一名的蜜糖雞蛋仔.要等約10分鐘, 因為是"忙裏偷閒", 時間又有點緊張.算吧, 心情要輕鬆, 今天是星期五呢.到叫我的號了, 我拿上手, 溫熱的雞蛋仔.試第一口, 真的是流心的蜜糖雞蛋仔.吃到第20粒, 我突然知道那詭計 - 把會爆漿的蜜糖珠放進雞蛋仔漿裏一起烤.有些珠烤得不太熱, 我吃得到原粒的珠.吃到一半, 雞蛋仔的兩層開始散開, 是連接位的問題. 從期待到失望. 這店創新是好的, 但基本功不扎實, 有點本末倒置了.

肥髀攞成績表唔使返學，約了朋友食下午茶，但又少少肚餓，所以買底雞蛋仔同肥髀分享，呢間雞蛋仔在一條街，附近都係小食店，只做外賣，店面細細！不過呢個位置好繁忙，條街又唔太乾淨！條街衛生一般！只有兩個店員，食物都係不同味道嘅雞蛋仔同夾餅，先去櫃臺落單，攞飛等叫號碼，即叫即做，5分鐘左右就出到！伯爵雞蛋仔（$23）好香伯爵茶味，見到雞蛋仔上黑色一粒粒茶粉，紙袋袋好！雞蛋仔香脆，唔太甜！好香！味道唔錯，不過每粒雞蛋仔邊嘅位置唔夠鬆脆，比較硬！雞蛋仔內鬆軟但無空間（靚嘅係一半空氣一半煙韌蛋漿）所以只有煙韌！整體好味！店員有禮勤快，落好單即入廚房幫手，好快手！變奏版港式小食

而家賣雞蛋仔同格仔餅都要夠創新先吸引到客人。就咁睇Modos賣既口味都好吸引！選擇困難症又出現！最後決定試流心蜂蜜雞蛋，價錢方面我覺得唔算太貴。俾完錢都唔係即刻有得食，要等大約5分鐘。拎上手暖暖地既，粒粒都漲卜卜。一食落有驚喜！最初以為會係中間就咁有啲蜂蜜，但原來係一粒粒珠，又幾得意喎，一咬開蜂蜜就係口入面爆出黎！下次我會再試下其他口味，伯爵雞蛋仔、玉桂蘋果格仔餅、金莎朱古力格仔餅同宇治金時格仔餅全部都想食！

斑蘭雞蛋仔 $19.記得上次係旺中好想食斑蘭偏偏賣晒 今次係銅鑼灣終於食到🤔.賣相不錯 外層真係得香脆 有斑蘭香 但食落得個甜字 而且冇斑蘭味 反而我食到橙味😓但係聞落真係斑蘭蛋糕味 究竟是那裡出了錯😑相對於蜂蜜味哩個明顯乾爭爭 冇乜特別 

終於黎到潮聖啦自從oddiefoodies 出左新口味既香港雞蛋仔 同埋出左配雪糕既雞蛋仔之後 加上好多餐廳都有加到waffles配雪糕落去menu到之後香港漸漸出左唔少賣雞蛋仔既專門店 或者自家小店 而且款式仲愈來愈多😍除左之前試過街頭既朱古力雞蛋仔外 仲試過太安樓既芝士味雞蛋仔❤️今次終於黎試下modos既雞蛋仔事前有問過住開modos隔離既朋友 佢地都係話橙味朱古力唔錯好難忘 但我唔太好朱古力 見到佢有茶既產品當然一定要試下💕伯爵茶近排係香港好hit 因為佢有一陣獨特既茶香味係所有紅綠黑茶都唔會有同樣既氣味☕️超羣都有用伯爵茶做主題出左伯爵茶系列既芝士蛋糕 大福同蛋撻！ 所以一於就試下modos😍要等7個號碼 但可能因為前排既客人都叫新開既金莎格仔餅 宇治抹茶格仔餅等等 所以我叫既earl grey egg puff好快有 假期既緣故銅鑼灣都比較多人😋一拎上手係暖身既 拎一粒出黎發現內餡都係茶葉既感覺 有啲實淨一入口咬會好實在 無想像中咁硬反而軟軟地伯爵茶味都重 而且唔會好似朱古力咁甜 岩既茶控既朋友！而且成底雞蛋仔都好大☺️食完真係可以當一餐或者支持到一日 而且好滿足

生日飯局据扒後，老朋友當然要食埋甜品，行2條街，5個人叫4份野，試晒佢最好銷路的。9:30,沒有太長人龍，即叫即整，等了3-10分鐘到，可以接受，而且店員極好禮貌，抵讚。平均來看，雞旦仔約3分鐘起貨，夾餅稍耐，多Dエ序，等約5-8分鐘。Earl Grey雞蛋仔，驚為天仁，我一向討厭飲Earl Grey, 試了朋友幾粒，實在太意外太好味，我簡直愛上。外表微脆，不會太乾食柴般，內裡軟綿綿有彷彿香蕉蛋糕般咬口，不會空心得個殼，咬落味道清新，除了有茶味，有小小旦香烤味，當然仲有小小香蕉丶香草丶檸檬味，味道恰到好處互相平衡，感覺清新健康，完全令我對Earl Grey改觀。肉桂蘋果夾餅，另一超好味好食之選，餅底鬆軟，外表小小脆，吾會硬或乾，夠承托內裡的蘋果蓉，果蓉微甜，多蘋果肉，有咬口，多汁，豐富肉桂味及蘋果香味，冬天食呢個超高溫暖幸福感。抹茶紅豆夾餅，抹茶味末見特出，裡面的紅豆大大粒，勁林勁多，微甜超正。呢度夾餅超大份，女仔可考慮share,絕對可當正餐。