敏華冰廳 (德福廣場1期)

營業中

休息中

餐室的內部環境狹窄，枱面的面積較小，勉強足夠可以擺放兩份早餐。早餐有十多款，價格介乎於34元至42元之間。歐式軟多士是厚多士，外脆內軟。牛油是獨立包裝，清潔衛生。炒滑蛋是半熟的，口感滑溜，美味。煎荷包蛋兩隻，蛋大隻，蛋白味道正常，蛋黃半熟流心。潮式沙茶牛肉公仔麵，沙茶惹味，牛肉不太硬，公仔麵軟硬適中。惹味五香肉丁公仔麵，五香肉丁味道微辣。飲品熱奶茶，茶味濃，口感滑。熱鴛鴦多奶，是我的喜愛。總結：早餐保持水準，美味。

阿囡想食菠蘿油,咁啱去德福驗眼,就陪佢去敏華食,平日嘅時間去食個下午茶唔洗等位入到去叫我用QR code 落單, 但係入到去係好多嘢都冇得落單,都係叫侍應落,攞嚟攪菠蘿油嚟到菠蘿包都係叫熱同脆嘅,但係好奶酥味咁我就叫咗個蘇皮蛋撻,皮唔蘇蛋唔香,唔知想點再加個下午茶餐,我最會嘅西多士,但西多士超失敗,冇花生醬,同埋超油,食完直頭想講粗口,嘥我quota 總之就難食,根本就係貴到一個點同埋唔值呢個價錢,冇乜嘢都唔會再去

話說2022年1月5日於九龍灣德福敏華分店食中午飯，平時每次經過都見好多人排長龍等位，因為番工響九龍灣番13:45咁啱今次經過見有位又唔駛等咁就入去試吓，坐低時間中午12:45，用手機掃枱面QR code落單，揀好晒之後就按確定點餐，落單後12:50，點知坐到13:10都未有嘢食到發覺唔對路就睇吓落單有無問題，見”處理中”就問侍應，侍應用佢部手提落單機查完話我無落單，令我足足白坐20分鐘，浪費我嘅食午餐飯時間，無耐無時間再重新叫過又再等，就算再叫嚟到都差唔多夠鐘番工，搞到求其響附近食個包就算！！！估唔到咁多分店嘅敏華個落單系統咁垃圾！！！以後都唔駛旨意再去食午餐！！！無下次！！！

從來冇食過咁多油同咁難食嘅西多叉燒飯D叉燒好瘦好瘦，最大問題係燶吖嘛……今日食呢兩樣嘢真係不知所謂！價錢又貴，嘢又唔係話十分之好食，入面D樓面態度又唔好，下次都唔會再去囉！

經常黎到九龍灣敏華食，未有qr code 果陣叫店主落單都叫好多次先應，回應左轉頭黎，轉頭又唔記得。落左單之後 一係杯野好早黎到 ，食完啲多士蛋個麵都仲未黎，總之每食兩次就會發生一次，要不停咁催。催啲呀姐就正如另一個評論咁啲呀姐會嫌棄。到轉左用qr code 之後，有時電話響接緊電話，示意姐姐幫忙落單，佢地又好惡咁要人用手機落，（如果我唔係講緊電話就唔會叫姐姐落啦）之後姐姐又會好嫌棄阻住佢咁..如遇到啲大叔 佢地又會好主動咁落單。對後生既就大大聲聲。其實貴公司整喱個qr code 落單都係哂鬼氣，整完啲姐姐亦唔會得閒左咁，就算轉左code 叫呀姐比杯熱水每次最少都要叫兩次先攞到杯水，總係好似好忙咁.把聲又嘈，既然貴公司咁多人幫襯不如請多個人手最實際啦！

每逢星期六日去德福到食早餐就會見到呢間茶餐廳都大排長龍，呢度最大嘅賣點就係佢會即製麵包🥯有時間唔中都會企喺度睇吓師傅整麵包。今次我就食咗佢哋嘅菠蘿包，外皮夠晒脆，入邊又唔算係空心包，最重要係佢嘅味道唔算太甜同埋新鮮出爐，真係幾好食，下次可以再試吓多啲嘅菠蘿油，越邪惡嘅嘢真係越好食。另一款就係佢哋嘅沙嗲牛肉出前一丁，沙嗲味非常香濃， 花生味重，牛肉份量麵算多嘅撈埋一齊食味道啱啱好嘅。奶茶就不過不失。

提提大家，這裡是qr code 落單，自己落單好啦！ 唔好搵亞姐！ 否則未食就會有氣其實食過多次，次次都是食同一樣 - A7餐 - 豬膶牛湯米 + 炒蛋多士。豬膶好食，大塊、又有厚度又爽，牛肉ok, 個湯有薑味（但可以再重些薑味），而且個湯好有細個嫲嫲煮豬膶水的味道，所以都喜愛久不久去食一碗回味下兒時。所以湯係必會飲晒的。炒蛋中規中矩啦，多士可以的。而這裡的杏仁霜係唔錯的，又係濃味的。因無諗住出post, 所以開頭無影相，就俾食完的相大家睇啦咁做咩最後要寫呢？ 係因為這裡的亞姐，由帶位就開始晦氣，我自動波未叫入坐就掃定安心又在佢面前do 溫度，但佢就當客係佢心內條蟲，語氣係嫌棄我哋行得慢、唔配合的感覺，所以作為客一開始就會有點不是味兒！所以勸大家自己do枱的qr code 落單，轉咩都得，免叫極都唔幫你落單，或回一句qr code 落單，或幫你落單時嫌棄你煩。搭枱2-3組在4人枱，有時亞姐上菜會是但放低，要客人自己領回，客人變傳菜。所以食物ok, service就唔好有期望。管理層見到post就搵人微服下就知㗎啦！

外買叫左沙牛面拼雙腸，腸不見了，變左米粉！還給我配個雞湯底！什麼鬼餐廳，樣樣都是錯的！打去問，又説再拎落去給她看，又來又回都吾洗食啦！這種服務態度，一定無下次。

之前有買過冰火菠蘿油, 菠蘿油係熱的, 牛油係凍的, 雖然個菠蘿包普普通通, 但熱包加凍牛油係無得輸的。但今次買, 個包好明顯無整熱到, 只係加左舊牛油落去。個包凍食已經麻麻地, 仲要成個凍的比我, 唔明點解叫冰火菠蘿油。𣎴如就咁叫菠蘿油, 等我唔使有期望。 超失望

好耐冇去過敏華，今日早上去食，入到去落單，店員叫我們用QR落單，起初我覺得進步咗，但係點餐的時候，我發覺係找不到麵包選項，後來我叫了個沙茶牛肉麵早餐，我朋友叫咗一個沙茶牛肉米粉早餐，鹹牛肉蛋三文治，到上餐的時候，我發覺牛肉非常少，只有四細片，我好奇問店員，點解份量少咗咁多，店員好識做人，立即在廚房俾多少少沙茶牛肉我，但係個鹹牛肉蛋三文治，非常失色，用隔夜麵包都不凸止，佢只係用蛋包住鹹牛肉，不是溝埋一起煮，味道相當之怪，好老實，如果你張服務質素提升了，然後把食物質素下降，這樣會令間餐廳口啤變壞，這間餐廳係我眼中，是一間好有潛力的餐廳，希望你們能夠改善一下!。

叫左3個常餐同2個菠蘿油，菠蘿包好脆，夾埋牛油食好正，好邪惡🤤五香肉丁麵同沙爹牛肉麵就正正常常，我比較鍾意佢個五香肉丁，辣辣地，而且都幾欣賞佢個炒蛋，蛋味都幾香同炒得幾滑🤩

敏華嘅早餐去到12點，啱晒平時晏左又想食早餐嘅我！呢日嗌咗忌廉雞湯火腿通粉拼炒滑蛋烘多士，跟餐包熱飲一杯。▪️忌廉雞湯火腿通粉拼炒滑蛋烘多士套餐 $39因為我係嗌外賣，通粉同火腿會分開上，唔會浸到淋哂👍🏻湯底係用上香濃忌廉雞湯，通粉索晒雞湯嘅味道，食完一口接一口😋略嫌通粉嘅份量有啲少，食完都係唔夠飽。炒滑蛋非常嫩滑有蛋汁，而且有濃郁嘅蛋香，一流👍🏻烘多士好特別，係厚身嘅白麵包，面頭烘到脆一脆，入面非常鬆軟，搽埋牛油食非常香口！📍敏華冰廳Men Wah Bing Teng九龍灣偉業街33號德福廣場一期1樓F28號舖

敏華係九龍灣初開張嘅時候長期大排長龍，無論係早餐、中午定下午茶時間，想食要有返唔少時間排下隊先食到。最近人潮少左，中午時間見排隊嘅人龍唔算好長，一於去試下睇下有咩吸引到咁多人排長龍都食。▪️黯然銷魂飯無可否認，敏華以茶記既質素同水準黎講係超班。食物嘅味道，擺碟都係企企理理，有別於一般茶餐廳嘅求奇拿西。「黯然銷魂飯」個名好特別，其實說穿了就係叉燒煎太陽蛋飯。聽講叉燒係自家燒嘅，屬於肥叉，而肥嘅部份都佔幾多，略嫌有啲太肥。不過味道非常好，蜜味超重，而且燒到有燶邊但又唔係乾爭爭柴皮，保持到叉燒既肉汁，高質！不得不提，煎太陽蛋生熟度剛剛好，篤開蛋黃蛋汁掛飯，連埋落左落飯到嘅醬油一齊食，非常惹味！唔好飯嘅我都成碗飯隊哂🤣📍敏華冰廳九龍灣偉業街33號德福廣場一期1樓F28號舖

叫左個特餐：豬膶牛肉公仔麵，滑蛋多士，凍奶茶最快上枱係滑蛋多士，滑蛋幾滑 唔會過老 但係唔明佢點解會比一舊凍冰冰既牛油比你搽多士 凍奶茶，奶茶係雪過 但上枱既時候係冇冰跟比你首先佢既用意係好 唔想比冰溶咗溝淡杯奶茶，但係雪得唔夠凍，出面廿幾三十度 你比一杯微凍既凍奶茶我 完全冇意思第二，杯奶茶太多奶 完全飲唔到茶味 衰啲講個杯叫做奶水豬膶牛肉公仔麵，上到枱已經即刻食 結果個麵係淋既 完全冇左公仔麵彈牙 爽口既感覺湯，薑味夠 但味道偏淡 好似滾水咁 牛肉一般冇乜特別，唯一係個豬膶可以讚下 夠厚身，夠嫩 最尾 埋單比錢 唔知道以為個收銀係聾啞人士，收錢到找錢一句野都冇講，連一句基本既多謝都冇 完.

愛上暗然銷魂飯💛💛敏華冰廳推介指數: 💛💛💛💛💛~~~~~~~~~~~~~今日唔使排隊，之前喺呢度食過早餐，覺得好好食，所以今日都去咗呢度食lunch！💛💛暗然銷魂飯呢個真係好好食嘅叉燒蛋飯，呢個但係留心，而且叉燒笑得非常香口💛上面仲有好甜嘅糖漿，再加埋叉燒嘅肥瘦適中，仲係好Juice！將隻蛋黃撈埋啲飯一齊食再加埋叉燒汁同埋豉油💛真係諗到都仲係流晒口水！