敏華冰廳 (德福廣場1期)

營業中

休息中

You go out to eat to have a good time and chill. Not always the case when you have to fuss over the food quality and cleaning everything.I would not go to a HK style tea house expecting extraordinary service but please do the basic!!Taste 👍🏻👍🏻👍🏻Tried their feature, the deeply grieved rice, which is basically bbq pork and pan fried egg. It was not particularly enjoyable as there were tones of egg shells crumbles... the bbq pork was tendre but not much taste. Cleanliness 👍🏻👍🏻I don’t even want to s

本來想去池記，點知摺左，之前嚟德褔都見過呢間中檔茶記，今晚就試下。港鐵商場入面，預左唔平。一個常餐：沙爹牛麵，雙腸炒蛋厚多士，熱飲52, 凍飲$55, 超貴！雙腸可以，炒蛋都滑，多士麻麻地想食（呢個個人口味問題）。然後到個麵：個麵正常，軟硬度適中，讚！但個湯偏鹹，啲牛肉，係勁勁勁勁勁鹹！到凍檸茶，飲落好淡口，但幾秒後感覺好清新，一共有四片半檸檬添，杯茶不俗！不過下次唔會專登再嚟了，因為總體唔算係好食，要食寧願行遠啲去龍城，感覺無咁掠水。

年初四開工，同同事簡單食開年午飯，難得公司好清閒，初四另收加一服務費，排隊都要食。等咗15分鐘終於有位，同事極力推界黯然銷魂飯，話叉燒無得頂，另叫咗厚豬扒煎蛋飯(因為過年食雞食到好厭)。叉燒果然無得頂厚切好juicy肉質好嫩又滑，小小肥但好香好正，煎雙蛋又係我童年最愛，整穿半熟蛋黃撈飯食一流，飯都熱既，但叉燒得4塊，如果多2塊就好啦，汁都適中。豬扒果然厚切，配葱油食還可以，始終無叉燒咁正，飯份量好多，食剩咗啲。

每次返黎香港，都會搵一日早啲起身，食返個靚靚早餐🤪好在係平日，避免打蛇餅，唔洗等到花兒也謝了都無🉐️食😂😂😂 一個人等位，永遠都最快，等左5分鐘就有位坐😋😋忌廉雞湯火腿米粉拼炒蛋牛油厚多士，野食好快就有得食啦，炒蛋好滑呀😋😋😋個雞湯夠濃郁，先飲左幾啖湯，再吃米粉，好正👍👍👍 食埋件多士，最後飲杯熱奶茶，嘩....杯奶茶真係好掂，夠滑，清香的茶味，重點係唔會有澀味💯份量剛剛好☺️最後仲買左2個菠蘿包俾屋企人食😌😌我無食，所以唔知咩味，不過好多人排隊買，肯定好好食啦😄每次坐係餐廳食早餐，餐廳都會播放《菠蘿包仲有__分鐘就出爐啦》😂😂😂😂搞笑🤪🤪😂😂😂

叫左個叉燒包同炒蛋腸仔配厚多士. 加埋先$30. 都叫好抵食.叉燒包係雪山叉燒包. 熱辣辣, 個皮好脆，好甜. 以雪山叉燒包黎講的確唔錯. 叉燒都真材實料, 唔會話好肥, 汁又唔會話太多. 都叫做有驚喜. (不過個人始終都係鐘意食傳統蒸既叉燒包. 我覺得雪山叉燒包個皮太甜)炒蛋的確好滑. 不過我個人覺得雞蛋味唔夠濃. 如果係合埋眼食, 應該會食唔出係炒蛋黎. 方包就香口鬆軟. 同樣熱辣辣。上菜好快. 服務都ok. 仲要$30 only. 值得再去.

今午行開德福廣場要醫醫肚仔,見到依間人山人海。初時以為等緊(出爐面包),但原來食晏一樣要等;最終係兩條人龍攪埋一齊啫唸住膽粗粗行入去試試喇,兩人位要等十分鐘左右有位。入內被安排坐一個四人座位靠走道嘅同一邊,對面有一對長者夫婦。其實係俾門口大大個promotion board嘅標題"黯然消魂飯"所吸引嘅果然見有唔少檯食客都係食緊"叉燒煎蛋飯"對面亞伯就話依度最出名就係叉燒喎聽佢講叫咗黯然消魂飯餐同埋餐肉煎蛋飯餐,兩者相差$14。餐肉嘅用料都唔錯,厚厚嘅;飯底都OK好食。不過唔算有特別過人之處。黯然消魂飯就真係唔同喇,正如亞伯所講佢哋嘅自家叉燒有大大舊嘅四舊。屬於梅頭果隻,好腍好夠豉味。顏色外表相當吸引,唔會死乾身死橙紅色咁樣入口之後除咗肉香仲有豉味,蜜糖味,油脂。雙蛋煎得啱啱好,唔乾身。蛋亦屬於靚蛋,蛋汁好夠蛋香整體水準好高。餐卓都有少少新意餐茶試咗咖啡同奶茶。個人口味覺得咖啡比較濃厚帶一點點苦味,not my cup of coffee ☕比較喜歡奶香,所以佢嘅奶茶交到貨。熱騰騰,同樣茶味濃過快餐店好多。怪不得門口人龍打晒蛇餅,有廿幾人等位喇。希望下次嚟食,少啲啲人等位喇

今早约左同事係九龍湾傾些工作事情，見到麥記無乜人，於是入去揾張枱坐下，因已食了早餐，所以大家祇買了杯咖啡。我們不經不覺傾左好一會，同事要先走返公司。當我行出商場，見到己到午飯時間，刚啱行到文華冰室，雖然是中午十二點，但己有十幾人排隊。因我一個人，祇排幾分鐘就有一位入座。黯然銷魂飯(义燒蛋飯) 三件厚切义燒，肉質好軟滑，肥瘦適中，好有咬口，三件义燒份量十足。這三件义燒肯定比一般燒臘店正好多，加上厚切，食落更豐滿。荷包蛋半熟，食落好流心。大家中意食义燒一定耍去試下。

星期六早左返工 見到文華冇咩人排隊 即刻去食下個早餐先 話說平時見到文華都肯定大排長龍早餐時間都要起碼等20分鐘先入到去今日見到冇乜人 就決定入去試下坐低左 都係叫個沙爹牛麵跟多士炒蛋個麵唔使2分鐘就已經到咗 一啖咬落去就知出事 個面好硬 好似未整熟咁樣 個沙嗲牛肉亦都食到有少少粉漿嘅感覺沙嗲味都算出 有濃濃嘅花生味但整體來講唔好食之後等左成15分鐘個炒蛋同多士先上雖然個麵唔好食 但個炒蛋真係非常之滑同有蛋香味 多士焗得啱啱好 外脆內軟整體感覺都係中規中矩 但唔值得排成十幾20分鐘入嚟食 如果有時間 我寧願食翠華算

朋友最近需要搵人傾訴所以約左我去食早餐..但其實約成11:30都應該冇早餐食友人話想試文華~一於就陪下佢啦11:00去到經已排哂隊..心諗係咪真係咁好食啊等緊期間, 一盤熱辣辣嘅菠蘿包新鮮出爐老實說~係幾香嘅令我突然有啲期待叫左個A2同A3常餐我要叉燒湯意粉..個湯底看似好濃..但飲唔出有咩味道..亦唔覺得啲叉燒特別好食朋友話佢個沙嗲牛都係一般雙腸炒蛋厚多士說好的雙腸呢？問左職員原來番唔到貨..個蛋係炒得好滑嘅杯奶茶..朋友話茶味唔濃又唔夠滑..其實呢個價錢有好多選擇..如果唔係朋友話想試..真心唔會想去尤其係要排隊的話

呢間冰室初初開嘅時候長期排隊，仲要係好多同胞拖住喼慕名而黎，應該係內地blogger推介！ 好彩而家耐咗算少啲人，平日晚飯時間黎都算快有位！兩個人黎，搭枱是常識吧？！ 對比平時食開果啲茶記，餐牌上唔算多選擇，雖然佢地推介黯然銷魂飯(即叉燒煎蛋飯), 但我地都係叫咗茶記常見嘅野食，分別係厚切餐肉煎蛋飯同埋沙嗲牛肉麵拼雙腸炒蛋牛油厚多士。兩個都係有得跟飲品嘅餐！沙嗲牛肉麵個麵底幾好，雖然唔係一丁，但係都夠彈牙煙韌，唔似平價劣質貨！牛肉份量都算合理，而且都夠味，亦唔會話太鹹。至於餐蛋飯係合格嘅，好難唔好味，但就唔可以話抵食囉。。。 佢地標榜係厚切嘅午餐肉，但如果同hungrypig之前食過嘅某連鎖茶記就有啲比下去喇。。。 但整體上係

早餐都有不少於七款選擇 但係每一個餐入面嘅食物都係指定左冇得改 只可以選擇要咩粉麵我最鍾意食文華嘅沙嗲牛肉同熱奶茶都好味，比起其他茶餐廳或冰廳嘅好 牛肉唔似比梳打粉那到淋晒 又唔會好un好鞋 奶茶茶味夠不過個煎蛋真係唔係好得 因為太燶 我之後都試過叫太陽蛋 希望唔洗食咁燶 可惜都係燶🙄雖然煎蛋係好普通嘅野食 但去茶記就係食普通嘅野 我有同侍應講太燶想換過碟 侍應嘅態度唔多好 好似覺得我玩野咁 佢係有換俾我 但大大力咁放落枱 再加多句哩隻燶唔燶呀 轉身就走 我明白係廚房嘅問題

次次經過德福都總會見到一大堆人係到排排排到底香港人係咪真係咁鍾意排隊?真係百思不得其解..而咁岩有一晚夜晚8點果陣經過出面條隊終!於!係!空!既!!!!我就決定要入去試下佢到底有咩魅力令到長期有人排隊食!入到去坐低 常餐都差不多$50起跳呢個價真係不太平民未試過就當然要試下d佢既推薦嘢行入座前我而加突登望下附近d人會叫咩餐食咁我見好多人都叫豬潤米咁我就決定要試呢個$58既豬潤米常餐!一開波就上左厚多士同埋炒蛋炒蛋係出色既 好香滑 !!!而厚多士都唔錯 切到咁厚好有咬口 又夠軟熟!跟住就試下朋友杯熱奶茶我地冇落糖 都唔會覺得好澀 幾香滑 唔錯既接下黎我既豬潤牛米都來啦米粉唔會煮到好碎爛 仍然係有咬口既而豬潤份量都好多 味幾濃下不過牛既份量好少 好似得2-3塊入面會有埋薑塊 但我發現佢有d薑係冇去皮的我覺得係唔錯既 但未去到驚為天人朋友叫既沙茶牛麵個人認為呢個口味比較岩我沙茶既味好濃郁麵都煮得岩岩好 仲好彈牙但我食完之後都係唔明點解會咁多人排隊去食..係算出色既常餐但要我排隊食? 不了.

「文華冰廳」早係2016年已經結業，但隨後又再重開，不過完全改頭換面，昔日既舊冰室設計變成以紅藍色作主調既新派裝修，原來為左等一班FANS可以再見到「文華冰廳」，舊老闆現移左民生活，但就同連鎖大集團「太興」合作重開店鋪，無緣嚐試舊店，究竟全新既「文華冰廳」會係點？環境本身好驚要排隊，因為次次經過都排長龍，好彩係18:00前來，仲有位，但其實都FULL哂咁制。有一樣野好特別，佢會有廣播同埋電視話你知下一次菠蘿包出爐時間同埋出左爐未，幾得意，唔知舊果間係咪又係咁？食物選擇模仿返舊式茶餐廳，要你係枱面自己睇餐牌。脆皮叉燒包拼自家製菠蘿包　$13/2個　脆皮叉燒包好細隻一個，原來係酒樓既雪山叉燒包，個皮烘得唔夠脆，叉燒料都算多既，但就好普通，冇「添XX 」令人食落口果種驚喜。而我期待已久既菠蘿包都令我失望，我中意食脹卜卜大大個既包，次次經過「文華冰廳」門口既麵包總係吸引我既目光，尤其是大大個既菠蘿包，所以我一定要黎試下，點知，外層唔夠香唔夠脆，咬落去空氣感強，原來又係酵母粉作怪，有啲失望，不過$13有2個都可以接受啦～凍奶茶　$19本身唔諗住飲野，但同行既同事係奶茶迷，佢叫左一杯熱奶茶試，然後

在九龍灣德福廣場食肆非常多，但想不到很多餐廳都需要排隊，好似“文華冰廳”都唔例外，lunch 同dinner時段都大排長龍。今晚差不多9點多，幸好排隊的人潮以退，很輕易咁能入餐廳就坐。香港茶餐廳不論早晚，他們的常餐都是一樣吸引，今次就點沙茶牛肉通，點知9點已sold out ，唯有食五香肉丁通粉，配煎蛋腸仔多士熱奶茶。通粉是優質彈牙的，口感似快熟通心粉；五香肉丁腍鬆，大大舊的； 腸仔蛋多士正常；奶茶是滑口香濃，茶溫適中，沖得很好是我喜歡的奶茶。 價錢方面，就貴了一點，常餐連熱飲由50蚊起，性格比就比較一般，不算抵食。

呢間冰廳開咗咁耐 一直都冇試過 但今日放假 諗住食返個早餐 就排下啦 雖然都等咗十幾分鐘 兩個人都ok呀 讚嘅係個 帶位嗰個 好有笑容問我哋幾多位 感覺幾好👍🏻 入咗去坐低一陣 就有位侍應自動 過嚟問我哋食乜嘢 落單時好有禮貌 好親切 等咗唔夠五分鐘 嘢食就嚟啦 個沙茶牛肉麵🍲好似細個食嘅茶餐廳嘅味道 滑蛋炒得好滑好juicy 我覺得最好味係塊厚多士🍞 面頭夠脆 入面好 鬆軟 杯奶茶呢☕ 夠濃滑 好香😋 但係出面 真係有好多人排隊 侍應嚟收嘢嘅時候 都會 講聲( hello小姐呢個仲要唔要㗎 ) 呢個 值得一 唔會好似出面其他餐廳感覺好似趕你走咁雖然我平時返工好忙好少食早餐但係我有時間一定會再嚟食