敏華冰廳 (已結業)

今晚九點半左右 踏入 呢間 金魚街 文華冰廳 早餐就去(新世紀 )嗰間食 ，因為要搭地鐵返工今晚收工啦;諗下大連鎖分店應該差别不大;坐下叫野食;叫左沙爹牛肉麵炒蛋香肠多士;凍奶茶食物味道不錯;不過D員工似等收工……特别有個高大肥胖哥哥仔;头發扎起條辫(似黑社會大佬)禁電話似打機……不夠敬業！

今晚想食簡單點，去左平時排哂隊的文華。可能夜晚關係，唔算太多人，所以唔洗等位。餐廳不大，但環境舒適，枱上的餐具也擺放整齊。我同男朋友都點左常餐，豬潤牛肉米粉餐！好難得有齊我喜歡吃的豬潤和牛肉，平時茶記通常二揀一，有豬潤冇牛肉，有牛肉冇豬潤。炒蛋厚多士炒蛋份量算多，炒得很滑，仲有蛋汁！剛烘好的厚多士口感外脆內軟，走牛油都食到麵包香。濃湯豬潤牛肉米粉豬潤薄切，煮得剛好，食落仲有d爽口。牛肉唔韌，但唔算好嫩。米粉是滑身的，又吸受哂個湯底，幾好味。感覺人手不足，落單、送餐、收銀都是同一個員工!

見到樓下嗰間文華冰廳早餐假日成日都好多人排隊，想試佢嘅早餐好耐，今日終於的起心肝排咗10分鐘就入得。我本身主要想試佢嘅炒滑蛋同埋熱奶茶，湯粉麵都係其次，於是我就揀咗個B5號早餐($33)忌廉雞湯湯底火腿通粉轉米粉，配炒滑蛋多士再配熱奶茶。上菜有啲慢，大概等左10分鐘先至嚟杯熱奶茶同炒滑蛋多士，不過杯熱奶茶唔夠熱同唔夠香滑，扣分。炒滑蛋亦都唔夠滑，好似炒定咁樣， 令我好懷念港大canteen的新鮮炒滑蛋。反而佢嘅厚多士好有驚喜，方包去邊微烘，烘得啱啱好，做到外脆內軟，實屬難得👍👍反而佢嘅溫度仲高過炒蛋，可能等咁耐就係為咗等烘呢塊厚多士😂。再過多5分鐘個雞湯火腿米粉就到，咦？佢的忌廉雞湯真係唔錯，都幾香濃，加上配米粉又夠掛湯，出面嘅餐廳早餐湯底唔會咁揼本用清雞湯，不過火腿絲就唔多得十幾條😅同埋值得一提係服務態度真係麻麻，有個感覺大粒的阿姐，喺你仲未食完時佢就想收你嘢，收走我啲嘢完全唔使問，我飲緊奶茶時撞到我又唔會講唔好意思，得個趕字，呢個真係扣分😟。總括然而更嘅早餐算唔錯，不過服務態度就麻麻，不過呢個都係佢個人嘅問題，希望大家去嘅時候唔好遇到呢個阿姐就OK，我幫襯嘅是太子分店😅——————

今日去食文華冰室，其實旺角有幾間茶記想食，特別系有菠蘿油食個d茶餐廳，但最後都系食呢間。其實差唔多5點45分左右，問個職員有冇下午茶，佢都好好，話俾埋下午茶我叫。肉丁麵 $35佢個炒蛋好好味，想落dd鹽，但係我見佢D鹽有D濕濕地，個樽仔塞住左, 但其實入面得返好少,無人refill, (去隔離台拎都系一樣)。😨個蛋好好味，好滑👍🏻👍🏻👍🏻個五香肉丁,好硬。😰奶茶好好味，好香好濃。🍹豬扒蛋飯$452隻煎蛋煎埋一齊，塊豬扒幾大塊又厚身, 之後叫佢再俾多d薑蔥油俾我，撈飯食真係唔錯。不過我覺得D款好似少左D, 餐牌一眼睇哂。

三點三，又係時候 tea 一 tea。經過文華冰室又有位，速速嗌個下午茶。沙爹牛出前一丁，配炒滑蛋奶油脆豬，凍檸茶。味道不過不失，炒蛋算滑但油左丁點，奶油脆豬一向係我至❤️。不過服務每放越下，值得改善。

夜晚十點幾仲未食飯，見到呢間冰室仲未close, 就入去食個頹飯醫飽個肚。冰室來來去去都係食常餐果d, 就試下佢個超大雞扒飯，點知真係勁大塊，成塊面咁大，咁當然佢將塊扒揼扁左。塊雞扒顏色煎到好金黃，個皮好薄好脆身，肉質好juicy 好嫩滑，味道好重蒜味，估計佢係半煎炸，因為叫左10分鐘左右就到左，配上甜豉油加疆蓉撈飯真係一流！飲多杯凍檸茶小甜，茶底濃郁，飲完即刻解油膩。因為餐廳就黎close, 所以d員工都坐係度玩電話等收工，港式茶記黎講態度還可以接受。

平日晚餐7點幾來到呢間茶記，係門口見到無咩人，啲晚餐又40幾，50幾，即刻入閘食好西啦。其實啲餐都係普通野，都係啲腸蛋扒飯咁啦，點知有驚喜。我個雜扒飯腸仔，雞扒，豬扒，午餐肉，件件都煎得好到位，油香到溜又唔會干。件豬極厚，極軟，極彈牙。估佢唔到普通野咁有心機處理。另外一提啲服務幾好，個個都好 nice ，食得好 enjoy 。

原本想點既餐無曬，咁就改為雪菜肉絲雞翼米粉。食左一啖，好鹹，男朋友食左啖都覺得鹹，就叫侍應換個個。佢態度都幾好，換完之後問o ng ok，味道係淡左好多，雖然有影響到食慾，但算啦，當係啊媽煮既早餐繼續食。食完男朋友話佢杯奶茶好奇怪，我飲左一啖，即刻吐返出黎。我頂，未飲過一杯咁難飲既奶茶，d茶澀到一個點，d奶又濃到一個點，完全水火不容。食物素質一個字：伏。唔知個廚師搞乜嘢，我好少比劣評，但真係不可一不可再。

剛在金魚街購物後，肚子有點餓，便閒逛附近的餐廳看看有沒東西吃。途中看見文華冰廳餐牌上有雞排飯，便進入店內嘗嘗。是次晚餐點了特餐中的超大雞排飯加配熱奶茶。先說說奶茶吧，茶香足夠，入口回甘，奶茶的口感也很順滑，加入少量砂糖再攪拌一下。奶茶的味道便變得更可口。 大概等候了五分鐘，那個超大雞排飯便送上了。雞排應是使用了雞腿肉，外皮煎煎得金黃香脆，肉質嫩滑。配上蔥油後，味道更上一層樓。一口白飯一口雞排，整個飯也不用十分鐘便已給我吃光了。份量足夠，飽肚感十足，相信男士吃完這飯後便不需要再吃其他東西。

有晚行完金魚街經過呢間文華，就入去醫下肚。聽講佢係老字號翻新裝修再開業，而餐牌好多都係唔同既常餐選擇，即係粉麵炒蛋多士之類，而我想食得邪惡少少，就叫咗個煎蛋豬扒飯。好有驚喜，煎蛋打孖上有兩隻，都係流心既，撈飯一流。而塊豬扒大大塊，不過整得好tender完全唔會攝牙同咬唔開，值得一讚。而個蔥油更係錦上添花，根本佢就係配咩都好食，可以撈曬成個飯。四十零蚊配埋野飲，一個人係旺角食到質素咁上下既晚餐都真係好難得。

講明先，呢間餐廳座位好少，但流動算快👍🏻.昨日我帶啊爸去食野，我啊爸出名好挑食，本來佢話想去吃點心，但我弄亂左文華冰廳同文華餐廳，仲要同一條街到💁🏻🤔總之，幾經波折來左呢間無點心食既茶餐廳。本來他已經很不爽，而我很無奈，點知佢吃果刻雙眼發光，有讚無彈，由佢既沙茶牛米線讚到果蛋、同佢既鴛鴦😂💁🏻佢話每一個細節都做得好好，（佢成日食茶餐廳）而且另外最值得讚是員工服務態度101分啊！我爸要食藥所以叫佢俾杯暖水，佢放落台果陣會提客人小心熱，而且本身我地都食吾落果包都吾打算打包走，佢竟然主動過黎話：我幫你打包啦！留返下午返家整熱佢都好好食嫁！結果下午食都好正💁🏻總之沒有加一服務費，但比加一服務費既餐廳仲好😘😘😘❤️.推薦：沙茶牛、豬潤面/常餐/飲料：奶茶、鴛鴦、咖啡.

呢個芙蓉蛋飯總體上講，算是可以過關。但有些地方真的要特別說一說。第一， 飯煮得太軟， 水放得有點多，不夠香第二， 太少醬油，不夠咸第三，如果可以加點菜甫，這會更完美第四，等位時候太長

以前喺太子返工嘅時候一定好想食文華餐廳嘅懷舊色常餐同特餐～*其實係叉燒意粉炒蛋多士或者沙嗲牛肉湯麵等等一些港式常餐～*自從佢執笠左之後⋯一直都好掛住佢哋沙嗲牛麵*今日喺太子突然間見到文華餐廳重現我9秒九即刻衝左入去～*雖然冇咗懷舊嘅感覺但係依然文華嘅感覺存在～*好可惜嘅就係冇咗沙嗲牛麵啦變咗沙茶牛面～*但係最吸引我嘅～～～我見到佢有「濃湯豬潤湯米」omg ~~~* 好想食*本身我好鍾意去深水埗食某一間嘅豬潤湯麵～*如果呢度有嘅話我就唔使去深水埗啦以後～*⋯⋯⋯⋯⋯⋯⋯好好味都～*我最鍾意就係豬潤煲薑嘅味道*yummy yummy .*仲有佢嘅豬潤煮得唔老、岩岩好呀⋯*好好味呀我下次你會再食😍

在2011年7月18日，曾對位於紅磡的文華咖啡冰㕔寫了一篇名為「絕對有懷舊情懷及唔錯的食物質素」的寫評，想不到今天在差不多七之後為搬遷到太子的文華冰㕔寫食評，來個懷舊「懷舊」之旅。紅磡的文華咖啡冰㕔已結業了一段時間，咁啱今天在太子逛街時竟發現「文華冰廳」，在一股衝動下入了它嘆個下午茶。一進到店內坐下，望望四周的環境及佈置，為我帶來七年前在舊舖食早餐的片段。我們三個人點咗兩個下午茶餐，食物及飲品的質素仍不俗。沒有深究這間跟紅磡文華咖啡冰廳是否同一老闆及原班人馬，但肯定的是向已結業的紅磡文華咖啡冰廳致敬。

一向抗拒不了茶餐廳的「蔥油乜乜乜系列」😍 這家的蔥油豬扒飯果然沒有令我失望, 蔥油香口惹味, 豬扒鬆軟入味! 最令我驚喜的是燶邊脆口的太陽蛋 (識食一定食太陽蛋)! 🤤 蛋汁和蔥油再配上茶餐廳特製的甜豉油汁, 開胃美味, 吃完一口一口又一口! 😋😋😋單點$42, 連飲品$48, 旺角來說 價錢可謂十分親民, cp值極高! 👍🏻👍🏻👍🏻雖然座位有點擠迫, 勝在服務搭救! 發現餐廳內的侍應普遍年紀較大, 可是笑容跟服務都很好! 👍🏻👍🏻👍🏻