敘興粥粉麵茶餐廳

營業中

休息中

自從屯馬線通車後，過嚟九龍城區已方便咗好多。我哋喺宋皇臺站落車，用真善美村出口，行3分鐘嚟到呢間好有懷舊風嘅小店。店裡有簡單裝潢，有曬歲月嘅痕跡。用餐時播放著鄧麗君嘅歌曲，感覺更是時光倒流。我哋間中都會嚟呢度食最馳名嘅牛筋河。牛筋炆得好腍好入味，入口即溶，就算牙力唔夠都能輕鬆咀嚼。河粉爽滑彈牙，唔會俾湯浸淋，一碗美味牛筋河食得非常滋味😋除咗粉麵係呢度嘅名物之外，小菜套餐價格相宜亦有很多選擇。呢類舊式小店喺今時今日已經買少見少，要多多幫襯吓

今日有事同家人出土瓜灣，然後下午茶順便起土瓜灣食，經過見到就入去依間野。咁我就叫左個下午茶餐，雞翼加薯條，等左成15分鐘先有，然後個女侍應dum低左兩包茄汁，個茄汁包裝已經好舊，望落去似係好多年歷史但因為太肚餓，所以就冇理，照打開唧出嚟，點知啲茄汁係菸黑色，我咁多年都冇見過咁嘅色嘅茄汁。我即刻睇個包裝，原來食用期限係2022年5月，即已經過期7個月，我睇埋第二包茄汁，都係過期7個月。我即刻叫我女侍應，係個呀姨嚟，我同佢講過左期，佢就態度好差咁講：「咁我轉沙律醬比你囉，要唔要」我即刻扯火，話你一句道歉都冇，你比過期野食我喎，佢就話：「咁唔好意思」我就話唔好意思係道歉？你係咪知過左期照比人？佢話：「入面所有蕃茄醬都過哂期，我對冇哂未過期，對唔住，咁你想點」佢咁講，即係佢知係過期但照比人，我就同佢講，你dum哂啲過期茄汁啦，咪再害人。跟住佢就行開左。總括而言，佢1）比過期茄汁2）遲出餐3）態度惡劣4）不知悔改大家要小心依間乞店！

老婆一向都唔中意食燒味飯，而我就好中意食。所以我平時食到既機會都好微，咁岩今日等到老婆約左朋友去食好西，我緊係即係約個朋友陪我出去食燒味飯。我中意黎土瓜灣呢間茶記食燒味既原因係，佢有燻蹄食。因為通常出面食既燒味飯都係得叉燒、油雞、燒鴨、燒肉等等選擇。我叫左個雙拼燒味飯，叉燒配燻蹄，仲有碗例湯送。燒味份量非常多。叉燒係半肥瘦，非常腍嫩。燻蹄唔厚亦唔薄，點埋汁食，酸酸地，非常開胃。而飯加了一點鼓油，岩哂撈飯。這就是男例的浪漫了

今日路過土瓜灣，諗住食lunch，無意發現這間“敘興粉面茶餐廳”心大心細，因為側邊有幾間餐廳，感覺呢一間最靠譜，所以入去坐底，看有咁多人應該都唔會好差，叫咗個芙蓉蛋飯，估唔到有驚喜！芙蓉蛋飯，叉燒，雞蛋比例都岩岩好，入邊嘅鮮蝦，竟然係食唔出係雪藏，而且仲要非常彈牙，冇黑色既蝦腸，而且芙蓉蛋飯夠足料，同時叫一杯凍咖啡，凍咖啡為正常水準，味道不錯，見其他食客，唔同嘅餐樣子非常之不錯，屬於價廉物美嘅小菜，有機會一定會再幫襯！！

食個鹹蛋肉餅快餐加杯凍奶茶，基本嘢應該無得輸啦。點知中伏。個餐一到，碟餸。。。兒童餐碟上，碟的內圈圈唔到舊直徑7-8厘米的肉，而舊肉斷開兩部份唔完整的，肉餅厚度一厘米以內，肉上只有四分一粒鹹蛋黃，鹹蛋白。。。可能入咗肉掛。盡晒力連肉碎都撈埋，都食唔到半碗飯。卡位對面的情侶望住碟肉餅都陪我呆一呆，繼而有少少傻笑又唔好意思笑出黎。我知，我笨實咗。但縱不想掉假，都要夾晒啲肉碎以食埋那口飯。但我無用，食得半碗，剩下一半碗飯真係梗唔落

遊走於真善美村一帶找早餐吃。粥店、茶記、麥當勞一類的快餐等無一缺乏。雖然選擇眾多，但就是沒有一間能吸引自己走進去。卒之來來回回走了十分鐘。望一望手錶，要回去上班了於是隨便走到一處叫"敘興"的茶記，速食了一份雙併米粉，吃完後馬上鬆人....配料中沙嗲牛肉是主角之一。沙嗲味很重很濃，感覺上是甜味多過辣味的；牛肉沒大味道，自然是化學物充斥底下之犧牲品；煙肉大大片的，只是用滾水略略拖熟便算。在沒有徹底煎香之下，吃落自不然失去那又脆又帶脂香之味覺；米粉用的是口感有點QQ相類於新竹米粉的貨色，比普通碎濕濕的確是更勝一籌....凍檸茶味淡如水，紅茶味一點也沒有。去喝加冰的白開水倒還好一些....水準如此，看來已沒有再來之道理了....

　星期六晚，我和公司同事番完教會之後，就到附近既真善美村食晚飯，我們選擇了多人光顧的一間，希望享用到一些價廉物美既小菜，果然不負所托．我們點了兩個小菜套餐～粟米班塊+中式牛柳+～生菜+菜芯～+兩個白飯～+兩杯涷飲．粟米汁和洋蔥汁既味道恰到好處，魚塊同牛柳食起來很香口～令人開胃～食慾大增．我們下次一定會試埋其他小菜既水準如何～

0黎過幾次lunch, 整體雖然唔算超級好食, 但真係要試0下佢d 水餃, 當然唔及九龍城街市"馬仔", 不過味道唔錯的, 餡料夠爽口!環境up dup, 招呼算唔錯, d 阿姐幾有禮貌.唔好睇小佢0係後街up up dup dup 咁, 幾食得過的.

早餐很好我日日都去因為好低食Waiter and Waitress招呼一流地方清潔值得一去再去