整餅人烘焙

營業中

休息中

特意過來吃豬柳熱香餅 ，剛好四點過來，已經出爐了，香噴噴熱辣辣嘅香餅，非常有手感而且非常足料，外觀已經吸引至極。口感豐富，而且熱香餅不算太甜，剛剛好口感鬆軟，值得再回購。

原來呢間係以前響粉嶺牽情間嘅樂怡餅屋，搬咗過嚟吊腳咗。但質素一樣好好食。而且都唔算貴。最近新出McGriddle，個樣睇落好靚仔。無買。因為有件更吸引嘅食物，就係朱古力鮮忌廉卷蛋。一件先13,14蚊，平。但質素係好高。忌廉勁滑，件蛋糕好幼細，食落去個texture好襯到滑嘅鮮忌廉。唔會好甜，但好重朱古力味。下次一定要試埋麵包同切餅！超正！#隱世街坊小店

第二次幫襯Andy Bakery整餅人，今次整造型什果生日蛋糕，家中小朋友非常鐘意Mario，所以同文師傅溝通好後就交圖制造，大人小朋友見到個蛋糕都非常開心，因為實在太靚太靚太似樣，公仔100%神還原，公仔完全無走樣，流線位非常順暢亦無話斷斷續續，蛋糕又好食，唔太甜，迎接到香港人健康口味，會繼續推介比親戚朋友，同繼續幫襯，當然臨走前買左幾個麵包啦，其中一個藍莓忌廉芝士Bagel，超超超好食，Bagel唔會好似出面啲鋪頭甘硬骨骨，又多藍莓醬及多忌廉芝士，蛋糕及麵包真心好食，絕對推薦

蛋糕真的很漂亮，是買給媽媽慶祝生日的，媽媽很喜歡！！！！💕師傅很細心，畫工真的十分精美，蛋糕又鬆軟，價錢相宜，實在難得，真係冇諗過二百幾蚊可以買到一個咁高質量的蛋糕！！！😋😋現在這些有心思又價廉物美的店舖，買少見少，一定要多多支持～💪🏻💪🏻💪🏻希望日後這間小店繼續努力加油💪🏻💪🏻，keep住水準，我一定會多多幫襯的，我仲好期待下一次訂製蛋糕時，餅店師傅的畫工，再次為我和家人朋友帶來驚喜～～～～😀😀🙏🏻

由於家裡有小朋友想食榴槤蛋糕，網上搵了幾間專做榴槤蛋糕店鋪，最後選擇了Andy整餅人，由落單到店鋪取餅，師傅及店鋪職員服務態度好好，訂做了一個榴槤造型蛋糕，D24榴槤錎，蛋糕鬆軟，好新鮮，足料榴槤餡，忌廉散發好輕好輕既咖啡味，整個榴槤蛋糕造型有光暗位有線條美，同真的十足一樣，睇得出師傅落足心機去做好個蛋糕，取餅時，順道買個麵包醫肚，麵包同樣足料，唔似大集團麵包一陣風，整體上值得我由屯門追捧到上水，值得推介比朋友👍

媽咪生日訂左咖啡忌廉蛋糕.本身諗住普通訂個懷舊忌廉蛋糕.因為住個區全部都係連鎖式餅店.媽咪想食返以前海綿蛋糕.老細好好幫我設計芒果花外形.綠色葉用朱古力做，加埋芒果肉做餡，好好心思蛋糕好重手.落足料.唔似出面輕飄飄.傳統面包店 買少見少.好值得支持

乳酪包$12咁啱經過石湖墟，就嚟買個面包試下。呢個包個人大推！好驚艷！出面食開都係有啲空心然後個餡又勁少。但呢個一來，個包都幾大！！二來，佢咬一啖未咬到中間個餡位都已經好唔錯，面頭嘅芝士粉同佢面包口感好夾。跟住中間嘅餡真係好大舊，食到後面仲有啲提子！面包個底都係脆脆地，整體好夾。之前試過ig推薦嘅蒜蓉磚同埋拉絲芝士包，但個人最鐘意呢隻包！拉絲芝士個餡同想像中有啲出入，反而五重芝士>>拉絲。$12 呢個質素好滿意！

係粉嶺追到上水都要買！ 雜果蛋糕餅底鬆軟唔太甜黑森林蛋糕有啫喱夠懷舊榴連蛋糕有果肉夠香甜仲有好蛋好好食既麵包、西餅芝士棒、蒜蓉磚、蛋撻、冬甩🍩仲有芝士餐肉包都好正！

上水開左間新麵包舖，睇落 d包幾靚又特別😍，於是就買左個返屋企試～拉絲芝士包本身 expect 係用水牛芝士🤣，但撕開左個包發現唔係，入面 d芝士餡係淺黃色，比水牛芝士稀😶，所以第一眼望落去覺得似流心芝士包多 d😂～但食落去發現原來真係有拉絲效果🤩！！芝士亦好有芝士味，咸度適中🙂，加上個麵包鬆軟，整體幾好食👍！

自從遷入北區以來，已經開始光顧樂怡餅屋，尤其是有家人生日，總喜歡送上一個3D蛋糕，留下不少美好回憶。但自上個月收到風，原業主瘋狂加租，根本想趕絕小店，唯有另覓新舖，而最近就係上水新祥街另闖新天地。可能是新開關係，暫時未見有3D蛋糕現身，不過店內依然瀰漫熟悉的麵包香氣。作為老主顧，點都要幫趁下。4片白麵包($9)正好做明天早餐，再加一個法蘭克福熱狗包($12)做下午茶。雖然未能好似以前一樣方便，但還是會再來的。祝生意仲好過以前。