文興酒家 (曾昭灝大廈)

營業中

休息中

今年團年飯决定唔再幫襯大洒樓，一於支持小店，但又去邊間好呢？在Open Rice刷到一間叫"文興洒家“，見到口碑唔錯，為了確保餐團年飯食得開心，於是在訂枱前試一試它的出品，餐厅是一間小型菜館，雖然地方细细，但枱與枱也有距離，唔會太迫，今次試它的叉燒及幾款點心，叉燒是厚切，真的好食，我點了雞包仔，麵粉發得好好，好鬆軟，至於餐廰服務也很好，價錢好合理，這餐中午飯食得好愉快，所以即時决定今年團年飯就在文興食

同屋企人食飯當然要選擇食好啲！🍽️文興酒家以正宗粵菜和出色的燒味而聞名，用料講究、手法傳統。餐廳餐廳裝修雅潔，佈置以淺色調為主，店內空間寬敞明亮。文興泰國櫻桃鴨以鮮嫩的櫻桃鴨肉而聞名，鴨皮脆酥可口，肉質鮮嫩多汁，被譽為世上最好吃的燒鴨之一！文興叉燒皇肥瘦均勻，肉質柔軟,帶有微微焦香，加上蜜汁更顯美味。熱情果黑豚肉選用黑豚肉搭配多款熱帶水果，水果和肉均分量十足，酸甜鹹味融合，開胃可口，帶來清新的口感。蟹黃脆蝦球外脆內嫩，蝦肉大粒且新鮮，蟹黃帶鹹帶香很誘人，上層綴以金箔，賣相誘人。海佬脆河粉非常有趣，以脆嫩的炸河粉，佐以香濃惹味的海鮮湯，以大塊海鮮如帶子、魷魚和蝦肉烹調，湯底鮮甜。注重養生的我們當然每人都點了一盅燉雪梨川貝猴頭菇湯，湯底香甜，湯料極其豐富，滋補養顏。還有點了蝦餃燒賣！黃金千層糕的層層軟糯煙韌有咬勁，奶香濃郁，為飯席劃上甜美句號。

喺英國有近30年歷史嘅呢一間酒樓，開咗喺香港一直都未試過，是日英國回流嘅朋友邀約，走過來一試究竟。餐牌選擇好多，首先叫咗食港式嘢一定要食嘅燒味，文興叉燒皇7分瘦3分肥，入口柔嫩，仲有少少微微嘅膿邊，好香口。櫻桃鴨質感緊實，鴨味濃郁。然後再叫咗個熱情果黑豚肉同蟹黃脆蝦球，前者水果同肉嘅份量都非常多，水果包括有火龍果菠蘿士多啤梨等等加上三色椒炒腰果同沙律菜等等，令嫩口嘅黑豚肉，帶自然果香，識落酸酸甜甜中帶點鹹，好開胃。蟹黃脆蝦球就非常適合宴客，上面有比得毫不留手嘅金箔，蝦肉新鮮彈牙，加上美味鹹香嘅鹹蛋黃，入口邪惡卻令人不能自拔。最後嘅甜品係類似毛巾原子嘅卷狀千層糕，口感煙煙韌韌，熱辣辣加上微微甜味，作為收結很飽足。

同屋企人食飯，揀咗呢一間喺中環幾出名嘅中菜廳，12點幾左右黎到，都已經幾飽滿，好彩我地有提早訂位。餐廳服務態度好好，耐心為我地介紹佢哋嘅signature，同埋成個用餐過程都主動幫我哋經常換碗碟。首先上嘅係佢哋嘅燒味，泰國櫻桃鴨及文興叉燒皇，兩款各有千秋，櫻桃鴨質感比平時嘅鴨肉嫩口，叉燒王就肥瘦適中，加上甜蜜蜜嘅蜜糖，好下飯。經理大力推介佢哋個燉湯，所以我們一人叫了一盅。結果燉湯的味道確實蠻驚艷的，裡面好足料，雞肉嫩滑，螺頭彈牙，加埋香甜雪梨味，好清潤，家中長輩表示喜歡。另外叫了兩籠點心一家人一起分享，蟹籽燒賣咬落好多肉汁，QQ彈彈的。晶瑩蝦餃則如其名，外皮晶瑩，幾薄身，蝦肉爽彈鮮味，兩樣都很不錯。主食本身想叫佢地嘅招牌文興炒飯，不過見到餐牌有個好特別嘅海佬脆河粉，由於咁大個女都未食過脆嘅河粉，決定一試究竟，結果黎到非常吸睛，而且係脆河粉同湯分開上，儀式感滿滿的。脆河粉炸得酥脆唔油膩，加上大大隻帶子、鮮蝦球作配料，泡進有好多番茄、菇菌、瑤柱和芹菜的濃湯中，入口鮮甜鮮甜的，口感亦很有趣，意想不到地係好好食。文興酒家 (曾昭灝大廈) (中環)中環威靈頓街160-164號曾昭灝大廈2樓

星期六同屋企人一齊去中環呢間食中菜，食物同服務都非常好👍🏻燒味嗌咗泰國櫻桃鴨，份量啱啱好，鴨肉好香好淋，一啲都唔油膩，配埋泰式甜酸醬好夾😍是日燉湯係猴頭菇豬骨燉湯，好足料，味道清甜，飲落好健康。另外佢嘅碗碟餐具都好靚同精緻，好有中式特色😍點心有蝦餃同燒賣。蝦餃皮好薄，蝦又大又新鮮，燒賣都好香好大粒👍🏻主菜有蟹黃脆蝦球，非常多膏!配埋好脆嘅多士，加大蝦，真係好滿足😍😍好推薦試呢個!另外佢嘅叉燒皇同炒飯都好似好出名，下次要再試下。

好耐冇食中菜，今日放假就同屋企人嚟中環試下文興酒家，樓面闊落乾淨，坐得好舒服。猴頭菇螺頭燉雞湯好足料，飲落好清甜好香，一啲都唔油膩，鍾意飲湯嘅一定要試吓。泰國櫻桃鴨份量都幾多，鴨肉好香，就咁食又得，點埋醬汁都好夾。蝦餃同燒賣大大粒，入面好足料，啲蝦都好彈牙爽口。蟹黃脆蝦球係今餐最鍾意嘅菜式，賣相超靚，每隻蝦球上面都有好多蟹黃同埋金箔，下面仲有多士，外脆內熱，好好食。香濃牛尾煲真係好香濃，牛尾份量多，啲肉好腍，醬汁稠得嚟唔咸，用嚟送飯應該好正。海佬脆河粉好特別，店員幫我哋將炸咗嘅河粉浸入湯入面，口感好特別。湯底有蕃茄，加埋海鮮，都幾清甜。甜品要咗暖心千層糕，甜而不膩，暖暖哋咁唔小心就成件食哂。下次再嚟就想試吓片皮鴨同其他煲仔菜啦。

今次去嘅文興酒家喺蓮香樓後面，喺轉角位轉入先見到～ 我哋4個人，叫咗8樣嘢～首先係每人一個燉盅，都幾足料，有猴頭菇，螺肉，元貝等，飲落都幾清甜！跟住就上蝦餃、燒賣、叉燒、櫻桃鴨、熱情果黑豚肉及蟹皇豆腐蒸帶子～櫻桃鴨蘸上醬料，幾好味～～熱情果配黑豚肉十分合適，仲其他蔬果一齊煮，食落清爽～蟹皇豆腐口感嫩滑，蟹黃味都幾出～比較有驚喜係海佬脆河粉，本身河粉無味，但配上湯汁，口感似泡飯，又脆又可口！最後食埋暖心千層糕，外表平凡，但椰香幾出～

朋友介紹，英國 China Town 好出名的文興酒家在中環有一間，在九如坊附近，傳統中式飯店佈置，中午有點心。吃了晶瑩蝦餃及外婆家鄕粉果，做得對辦，皮薄多汁。是日例湯是猴頭菇雞湯，夠火候。招牌泰國櫻桃鴨及文興叉燒皇雙拼，叉燒肉質好，醬汁濃郁帶甜很夾。櫻桃鴨皮夠脆，胸肉唔嚡。熱情果黑豚肉最好，肉帶果香，份外鬆軟；仲有荔枝及腰果。蟹黃脆蝦球面頭有金箔，漂亮美味。海老脆河粉很有特色，配蕃茄湯底，幼身河粉很脆。千層糕亦做得非常好。

店舖位於蓮香茶樓舊址附近，一般酒樓格局，但地方整潔，店員服務勤快🥰。川貝雪梨燉豬展 $118/位燉湯小盅上非常熱，味道清甜鮮味，材料豐富，有川貝、雪梨、瘦肉、雞肉及雞腳。泰國櫻桃鴨拼文興叉燒皇 $288鴨皮燒至乾身香脆，肉質嫩滑，肉味鮮香，油脂香味滿滿，果然係王牌。叉燒不遑多讓，肉質軟嫩，肉味香甜，燒焦邊位尤其好食。蟹籽燒賣 $46燒賣蝦肉同猪肉比例剛好，肉味香濃，面層鋪滿蟹籽，增添鹹鮮味。晶瑩蝦餃 $46蝦餃皮薄蝦肉餡料足，蝦肉爽口彈牙，味道鮮香。香澴牛尾煲 $298牛尾大大件，炆得十分入味，牛肉味道香濃，質感較腍，骨連肉的筋邊部份零舍香口。牛尾煮到入哂味，口感軟腍。蟹黃脆蝦球 $328香脆嘅多士上配上一隻大蝦仁，蝦肉爽滑彈牙，混入香濃嘅蟹黃醬，香味倍升，口感豐富。海佬脆河粉 $188河粉炸得非常香脆，海鮮配料十分新鮮，有魷魚、大蝦、帶子。另上湯底，湯料豐富有蕃茄、木耳、菇及瑤柱等，味道非常清甜鮮味。湯底被炸過嘅河粉吸收後，口感微脆，鮮甜無比。暖心千層糕 $38千層糕口感彈牙煙韌，濕潤又鬆軟，富有雞蛋、香料和椰香味。

雖然距離地鐵站不太近, 但又帶出舊中環的風味, 更貼合這所聞名英國中菜館, 特別一提侍應的服務質素是近期本地餐廳要重新學習的。不但細心有禮, 每次都會主動替客人換碟添茶, 更會詳細解說每道菜的制法, 這天與友人棒場, 除了首本名菜櫻桃燒鴨及燶邊半肥义燒外, 個人最欣賞那個燉湯, 足料到呢, 有螺頭、花膠、瑤柱、老雞更有名貴的羊肚菌, 簡直想要求encore, 另外印象較深刻是那個脆河粉十分多配料大蝦、厚帶子及鮮魷伴上鮮蕃茄魚湯, 超正。

看標題像很矛盾, 但是就在這英國回流的中菜廳前方, 就有一間每日都排滿小紅書打卡Fans, 感覺太有壓迫感, 而這間中菜廳做完全沒有這種感覺, 食客用餐就是需要這些招呼好, 服務好, 食物有質素, 又不會太猛人氣的餐廳, 說回今天的菜單, 先來兩個點心試下, 他的即蒸燒賣和薑汁雞包仔, 很不錯, 然後就是他的招牌燒味, 那個櫻桃鴨, 肥瘦適中, 皮薄肉嫩,,而叉燒就是我至愛的半肥瘦燶邊, 正合我的喜好, 最正還是那個燉湯, 今天是名貴的羊肚菌配了很多材料認真足味, 而小菜我們要了他的鮮什果炒豚肉與及蟹黃蝦球多士, 都是很滋味, 而那脆炸湯河粉超多海鮮, 另外特別一提他的甜品椰汁千層糕, 煙韌有口感, 令這頓午餐添上一個完美的句號。

開開心心又到星期六，跟姐夫家姐四個人一齊去飲茶食中菜，是一間英國唐人街很出名的餐館，現在香港中環有得食。蟹黃脆蝦球正如我估計，香口菜式應該會得，所以點咗蟹黃脆蝦球，見到又金又黃的亮麗顏色已經非常矚目、想食，咬落又脆又鮮甜，底有塊多士。海老脆河粉是另一個驚喜，幼身嘅河粉炸得好脆，蕃茄湯倒落去馬上食，仲脆的，湯又好飲熱情果黑豚肉非常得，好多，熱情果、荔枝、車厘茄、菠蘿、腰果，配合黑豚肉，好好食。泰國櫻桃鴨、文興叉燒皇雙拼一次過試兩個招牌，味道豐富。牛頭菇雞湯夠火喉。蝦餃、外婆家鄉粉果兩款點心都好得。千層糕誠意推介，好煙韌，清甜！

位於中環的「文興酒家」最初於英國倫敦開業，及後擴展到曼谷、上海等地開分店，亦都落戶到香港🤩「文興酒家」的招牌燒鴨被英國《金融時報》譽為世上最好食的燒鴨，絕對是酒家必試菜式‼️ 燒味雙拼 $288粵式燒泰國櫻桃鴨必食‼️文興酒家馳名燒鴨，採用泰國牧場進口的櫻桃谷鴨，呢度的燒鴨重點是起骨上碟，食起來啖啖肉❣️櫻桃鴨燒得剛好，色水有光澤，鴨皮香脆，皮薄而且脂肪少，肉質嫩滑多汁，食起來不會太過油膩，配埋微酸帶甜的秘製醬汁，令燒鴨味道提升。蜜汁叉燒王蜜汁叉燒燒得焦脆燶邊，叉燒肥瘦適中，肉質軟腍多汁，蜜汁味道濃郁，yummy‼️ 川貝雪梨燉豬展 $118/位甜甜又多汁的雪梨🍐，加上川貝能潤肺清熱，化痰止咳，湯水味道清甜，啱晒最近喉乾乾的我飲用🥰 晶瑩蝦餃 $46蝦餃非常飽滿又大粒，皮薄透明，蝦餃內的餡料味道甘甜，鮮蝦彈牙🦐。 蟹籽燒賣 $46燒賣內餡鮮美多汁，蝦肉彈牙爽口🦐，豬肉肥瘦適中🐖，而且嫩彈飽滿。 蟹黃脆蝦球 $328酥脆的蝦球淋上蟹黃🦀，味道鮮味，配上鬆化香脆的多士，一啖咬落去，口感非常豐富。 香濃牛尾煲 $298牛尾煲份量很足🐂，牛尾多筋骨少膏脂，肉質燉得軟腍🐮，味道香濃，肥而不膩，完全無牛肉

出到嚟中環，搵到間唔錯嘅餐廳，文興酒家，質素good! 有小菜、有點心～～先嚟燉湯，猴頭菇瘦肉雞腳湯，好鮮甜，食晒湯渣，足料好味～上菜嚟一個燒味雙拼，泰國櫻桃鴨拼文興叉燒皇～～櫻桃鴨有香味，食落肉質香嫩結實～叉燒都幾厚實軟腍～～兩款點心都達水準以上，蝦餃皮薄，蝦肉飽滿，爽口彈牙～燒賣大粒實淨爽彈～熱情果黑豚肉，黑豚肉係有彈力口感，熱情果醬香甜，有果香～蟹黃豆腐蒸帶子，超嫩滑豆腐，鮮甜帶子，蟹黃提鮮，配搭好夾～海佬脆河粉，脆河粉好香脆，浸湯食好食，脆口得嚟配上香濃蕃茄湯，有蝦肉、帶子同魷魚配菜，非常飽肚～食埋甜品椰香糕點～～

平日晚上到文興酒家，比想像中多客人，有一半內地/外國客人，食物質素不錯，义燒肉質有點實但調味適中沒有過咸或甜。櫻桃鴨則是一般，可能因為是鴨胸的關係。因為叫的是燒味雙拼$288 燉湯並沒有太令人覺得必定要飲只是如果想一試也無妨。花膠羊肚菌燉雞湯$128 & 猴頭菇嚮螺燉雞湯$118 價位較進取，值得一讚的是燉湯的盅非常有中國特色。芥末脆蝦球$288蝦質地本身就偏脆口那種加上炸漿亦薄脆，配上稍稍甜的淺黃色Mayo sauce (似乎係芒果味）整體上還是值得的。金銀蒜鮮魷蒸茄子$168，反而呢個絕對的好食及鮮魷肉厚及鮮甜。服務方面： 以中菜館嚟講，算係幾好，有留意客人須要，適時作出反應。亦有對客人作推介而並非硬推銷。價格方面： 茶位$18/位，開胃小菜$28（稍稍偏高）, 白飯$18/碗 食物方面都係中環區的取價。可能以4人為單位的套餐會比較上划算。所以見內地客人3個也照叫一個4人套餐來品嚐。