文華冰室

營業中

休息中

下午茶時間唔算多人,只三枱客,而且每枱都只一至二個人, 但服務員(40多歲紥馬尾，5呎2左右）好不耐煩, 點餐問多句都好不情願回答,但其實好清閒冇咩客。食物正常水準，有Wi-Fi 但說不提供給人客使用.

同個朋友做完嘢，佢話肚餓想食少少嘢，跟住叫咗我去文華冰室，一來靠近地鐵站行過去5分鐘左右，二來佢又去過覺得比較可疑，所以就同咗佢去食下午茶，地方都乾淨企理還可以嘅。試咗個最基本嘅常餐，包括鮮牛肉蕃茄湯通粉，配炒蛋同埋牛油多士。牛肉蕃茄通粉份量唔錯，以個人口味理解佢嘅蕃茄湯係比較傳統嗰種，冇帶有好多蕃茄酸味嘅，比較似係家庭煲蕃茄湯嗰種味道。 炒蛋真係幾滑，呢個有啲驚喜。牛油多士都係一般茶餐廳常態，就係牛油比較少。凍檸茶嘅檸檬都足夠。

癸卯兔年農曆六月十九日，觀音誕，是個星期六，早上陪媽媽到紅磡觀音廟參拜，之後在附近吃午餐。發現黃埔108商場的金御海鮮酒家結業了！可惜！沿黃埔新邨逛了一圈，沒找到合適的餐廳，就隨便找家店，終於walk in民泰街文華冰室。點了2份午餐，包括以下的：#中式例湯：當天的例湯是蓮藕赤小豆煲豬骨，火候足，蓮藕煲得很粉，挺好的！#梅菜馬蹄蒸肉餅配白飯：蒸肉餅配白飯，是午餐佳之選，份量足，飯量少的足夠2個人吃。#煎雞扒腸仔煎蛋飯：可以配洋蔥汁或黑椒汁，我選了洋蔥汁，味道挺好的！#熱檸檬茶：紅茶很濃，加檸檬，解油膩。#熱奶茶：紅茶太濃，帶點澀味。

今天到訪此餐廳食早餐，11：14落單，叫了雞扒旦麵加凍飲，等了25分鐘，催促兩次最後到左，正想開餐時，以為自己叫錯，因為個都發漲左3倍，好似米線咁。侍應姐姐見到都嘆了一聲，立刻幫我攞比廚房。 又要等10分鐘先有得食。等候期間，聽到侍應姐姐呻，日日都比人鬧，做到好唔開心，我發現全間餐廳侍應兩個廚房兩個，收銀應該係老闆。 早餐高峰時段外賣多到乏善足陣，廚房啲單好似萬國旗咁，廚房兩個人跟本出唔切餐，攪到樓面比客鬧，外賣等到傻，而且外面天氣33度高溫。 試想想等候的心情。其實老闆要體恤員工工作十分繁忙，長此下去只會流失客人，紅磡區不止一間餐廳，為何客人，侍應，廚房要受氣呢。

行行下街，想食個下午茶，又唔想食得太飽令到今晚食唔落，就搵咗間茶餐廳食咗個沙嗲牛麵常餐。包括咗一碗沙嗲牛麵、一個烘底多士、當然炒蛋就唔少得，同埋一杯凍檸茶。最精警嘅係炒蛋夠滑同埋好口感，食落去個感覺已經好滿足，跟住再食埋個誠意烘底多士，直情已經飽咗一半，好彩仲有少少空間可以食埋個沙嗲牛麵，佢有最傳統嘅花生粒作為沙爹底，牛肉唔太晏亦都好濃味。如果經過民泰街值得一試，價錢方面略為貴少少，以一個平時嘅常餐佢都要收成50蚊。

個人對茶餐廳服務並沒什麼要求， 也了解前線好忙， 因此我想落單，向樓面同事揮手， 佢示意收到我便等。 可惜佢一轉頭便忘了。 我再叫佢， 佢又答轉頭到，結果又忘了。 老闆， 你同事係搞到人有點氣憤。 我都有懷疑是否我得罪人先， 見我不是唯一一枱有此經歷， 不要入我數啊🥺

紅磡區冰室唔算特別多，就算茶餐廳都冇乜邊間特別好食。「文華冰室」我覺得系比較優勝比一間。今日食咗一份特餐$48除咗特餐之外仲有A B C D餐㗎，價錢有$48至$52 ， 午餐價錢平均係$56左右，有湯有飲品，今時今日差唔多啦。特餐我揀咗叉燒通粉，炒蛋、多士走油。上菜如常地快手，叉燒通粉同早餐食嘅差唔多不過份量比較多，叉燒有四大片、通粉入口彈牙，雞湯底，整體都好味。炒蛋炒得非常之有水準，入口香滑蛋味濃配上香脆多士，冇得彈！熱奶茶茶味香與花奶嘅比例好平均，最緊要係夠熱，一啲都吾澀，有水準。服務員也反應快、沒黑面，令人感覺良好。

下午茶時間老公話要食呢一間，所以就試咗呢一間。沙嗲牛肉包有驚喜，個沙嗲汁唔會太咸，D牛肉都OK，個麵包夠鬆軟，感覺都好有心機整嘅。星洲炒米就正常啦，佢嘅味道唔會太重，D配料的質素都幾OK。

以前在红磡上班，午饭一般都在这里吃，普普通通的，但味道不差。今天早上在附近买完东西，便跑过去吃早餐。由于不是繁忙时段，客人不多，进去已经马上有位子了。本来是想吃早餐，但已经过了时，最后就改了点常餐。四款常餐都是50元左右，比早餐稍贵一些。目测的卖相跟照片差不多，份量也可以。蕃茄牛肉通粉汤较浓，味道还可以，但牛肉份量不多，吃完有意猶未尽。至于多士就烘的时间不够，没有㶶边，面包也不够脆。这里整体不差，典型的港式茶餐厅。

炒蛋太陽 全部都係蛋星期日晨早搵食遇到文華決定試吓選擇正常價錢正常想要都有因為未見過呢間上open rice 睇吓食評有人話D蛋唔好食有D擔心最後決定試食物黎到包裝企理味道應有都有水準平均午餐肉中要係cube 狀😍真心唔明D人做乜亂寫莫非隔離鋪想一打擊生意不如做好自己先啦，嘥氣！

常餐是本人午餐首選，夏天太熱，有時不想食太多食物，常餐剛剛好有飽肚嘅感覺。今日點了雙腸配多士，沙嗲公仔麵配太陽蛋多士，跟凍奶茶。可能今日人多關係，多士不是新鮮製作，不夠香脆，有點凍，搽咗牛油都唔會溶的那種溫度。腸仔味道太鹹，沒有肉味。沙嗲公仔麵比較好一點，有沙嗲味，牛肉十分滑，沙嗲味道夠濃不會給湯底沖淡了。煎蛋算是香脆，蛋邊有油酥感覺，但蛋香不足，是一般的雞蛋。可惜此店奶茶不夠香濃滑口，有點淡，茶葉混合不夠層次，茶色夠但香味清淡不夠濃郁。整體來說比其他茶餐廳失色，味道不突出，服務亦是一般。

本身見到個食評覺得個炒蛋好正，身為蛋控就諗住去試吓！仲特登早起去買個外賣早餐，叫咗一個魚柳煎蛋&炒蛋+凍咖啡 $42.魚柳都算幾好食，係好脆同埋好有肉地！但早餐個炒蛋真係好垃圾！！！無論炒蛋定係煎蛋，都係勁垃圾！炒蛋就炒得太熟，煎蛋就煎得勁燶😫😫仲要有蛋殼。。真係好失望同之前睇個post完全唔同！.凍咖啡諗住點都唔會差得去邊，點知勁苦又澀，完全冇香濃嘅奶味，去食嘅人真係唔好叫凍咖啡，伏伏地！！.

琴日去黃埔，咁岩行行吓有啲肚餓，咁就見到呢間冰室啦好多人又好熱鬧啦而且呢出邊寫住啱啱新開張所以有貪新鮮啦又覺得熱鬧啦想入去幫襯下，咁我明白啦呢一個地區都唔算係一個舊區嚟嘅咁所以呢價錢我都覺得唔會話好唔合理，咁我同我個朋友啦一個食沙嗲牛肉通粉啦特餐嚟嘅一個就食咗個鼓椒鮮魷炒河分別係$48和$56，我哋兩個夾份食，咁個特餐除左有沙嗲牛通粉煎雙蛋同埋厚多士仲有杯嘢飲，我覺得都冇問題，味道還可以，但係沙嗲牛通粉有啲令我感到可惜，沙嗲牛肉通粉話明沙嗲但係冇沙嗲味，牛肉份量都唔多啦我覺得唔值$48囉，另外就係鼓椒鮮魷炒河，我覺得入口好好，好有鍋氣，但係魷魚零零碎碎得幾細舊，咁我淨係食個齋炒河都得啦，我覺得份量少得有啲可怕，整體來說，我比較鍾意食鼓椒鮮魷炒河，好好味但係價錢有d唔合理，如果可以，價錢高d份量都比多少少，價錢平d份量就少dd