斑蘭

營業中

休息中

斑蘭今日要介紹喺圓方商場水區入面有一間新加坡菜餐廳叫「斑蘭」，一入到去每個店員都用好親切嘅笑容迎接每一位食客，會問你想坐邊度，我即刻講方便你哋就得，下午茶時段都算爆場，我等咗唔夠五分鐘就已經可以入座，佢哋有一個套餐價錢都算幾親民，就係A+B+C只需要$98，簡單嚟講即係小食+主食+飲品，而且味道都算好正宗新加坡菜味道，大家如果經過圓方商場不妨試下啦！1.自家製腐乳蛋黃醬單骨牛油雞翼（4件）+新加坡大蝦喇沙摻摻+即磨咖啡$98（9.5/10）首先小食我就揀咗單骨牛油雞翼，呢個雞翼炸得好脆身，見到「牛油」呢兩個字唔好以為好油，完全炸得唔油膩，單骨雞翼食落又方便，正！主食就揀咗新加坡大蝦喇沙摻摻，湯底好正宗，又濃又香，唔會太辣，配料有2隻肉質彈牙鮮甜大蝦、3舊吸哂湯底嘅豆卜同4隻蜆，份量都算多，超正！飲品就揀咗即磨咖啡，唔會好苦，仲有就係比食客自己落糖！2.香茅烤雞肉串燒（2串）+招牌無骨海南雞 配油香飯+桔仔話梅水$98（9/10）首先小食我就揀咗2串香茅烤雞肉串燒，雞肉串燒唔會燒到肉質乾柴，雞肉肉質嫩滑，但係有少少咸，如果味道調較返好少少就好正啦！主食就揀咗招牌無骨海南雞飯-配油香飯，仲

今日去做學校義工幫手睇住同學仔～參觀完之後我就冇跟車返去…走去呀哥公司附近約佢去食嘢🤩佢帶我食好西😃食物下午茶餐A+B+C=$98 😆腐乳蛋黃醬單骨牛油雞翼呢個真心推介！真係堅好食🤤脆脆嘅雞翼一點上腐乳醬～～少少咸又creamy嘅質感…幸福到暈🫶🏻我哋係share黎食～職員行過見到😅佢就好快俾多2隻碟我哋啲碟真係好靚💕炒貴刁有少辣～但好惹味！最欣賞係佢個腸仔，油份高又好Juicy！喇沙摻摻好足料！有2隻大蝦，4隻峴🫶🏻啲豆卜好入味～佢個辣同椰奶香非常之濃！水果冰茶呢個好好味～荔枝角紅茶！一路食麵一路要飲凍嘢😂青檸梳打串燒拼盤真係必食🔥荔枝燒帶子！好鮮甜😃好驚喜香茅雞串又好惹味黑毛豬腩肉嘅肉質鮮嫩～脂肪脆脆香口😆其他呢到嘅裝修都好打卡able~野又好食😋所以teatime都會坐full…不過個場夠大，我哋都係等咗5分鐘左右，非常之快！

今日有朋友生日，聽朋友介紹呢間新餐廳好好食，而且環境都好好，咁就一於嚟試吓啦。呢間餐廳嘅環境非常優雅同舒適，店內嘅氣氛令人感到放鬆。同朋友一齊黎呢度食飯，真係一個絕佳嘅選擇。當晚我哋點咗幾道特別嘅菜式，每一道都帶畀我哋唔同嘅驚喜。首先，登場嘅係「泰北青咖喱軟殼蟹」，呢道菜色香味俱全，咖喱嘅香料味道濃郁，但唔會過重，完美地襯托出蟹肉嘅鮮甜。軟殼蟹嘅外皮非常酥脆，咬落去嘅時候仲保持住蟹肉嘅鮮嫩，多重口感交融喺一齊，真係一大享受。接住上菜嘅係意大利飯，米粒煮得非常恰到好處，每一口都能夠感受到米粒嘅香氣同韌性。同時，飯中加咗啲海鮮配料，令到整道菜更加豐富同美味。嚴格來講，呢道菜無咩特別突出嘅地方，但係整體味道仍然令人滿意。我地仲點咗一道較為特別嘅「越式香茅烤豬頸肉」，呢道菜帶有濃郁嘅香茅味，豬頸肉煮得非常嫩滑，每一口都充滿咗香氣同汁液。配合啲蔬菜一齊食，令到味道更加豐富同立體。呢道菜嘅味道真係令人難以忘懷。呢間餐廳嘅每一道菜都非常出色，價格亦合理。無論係朋友聚會定係家庭聚餐，都係一個唔錯嘅選擇。如果你鍾意品嚐唔同風味嘅美食，呢度真係唔可以錯過呀，我下次都一定會再嚟食呀。

好耐冇去圓方 ...早幾日得閒去咗圓方逛吓 ~~見到呢間新加坡餐廳啲 tea set 幾啱食就入去食個 late lunch ~~Tea Set 選擇都幾多HK$88 可以揀一道小食 + 主食 / 主食 + 飲品想食得豐富點可以揀哂小食 + 主食 + 飲品 都只係 HK$98為食嘅儍媽梗係要哂小食 + 主食 + 飲品 (HK$98)先嚟杯清爽解渴嘅。青檸梳打小食揀了。自家製腐乳蛋黃醬單骨牛油雞翼 (4 件)單骨牛油雞翼炸至香脆，滿滿牛油香點少少自家製腐乳蛋黃醬更滋味主食揀了。檳城古法大蝦炒貴刁貴刁用了河粉搭配油麵，口感好豐富炒得乾身又夠穫氣，醬汁咸咸甜甜帶少少辣，開胃又惹味除了有兩隻串燒大蝦仲有魷魚、星加坡臘腸和芽菜份量和配料都好足 ~~好少見到藍莓焦糖燉蛋呢個配搭，又點多個甜品。藍莓焦糖燉蛋 (HK$46)薄脆焦糖加埋滑溜燉蛋和酸酸甜甜嘅藍莓醬估唔到呢個配搭都幾夾，入口不會好甜膩味道好豐富，幸福感滿滿嘅甜品 ~~** 以上分享是以我的口味、體質和情況作出分享及感受，一試 / 合用與否請自行決定

咁大個女第一次去圓方 呢個商場又大又難認路好彩媽媽👩🏻去過帶路 如果唔系史努比呢個路痴自己嘅話9成9會蕩失路🤣我哋去咗間食星馬菜嘅餐廳喺得呢啲高級嘅商場果然價錢都唔平🥴所以我哋都冇嗌太多嘢~👌🏿自家手打泰式五彩蝦餅(3件) $126賣相好靚 表面佈滿五彩星星 非常打卡able🤭雖然件數唔多 但佢好大舊好有重量炸得好香脆 唔會話好淋油👍🏿蝦餅都好彈牙 但好可惜欠奉蝦味食落比較似魚蛋嘅味道 只有淡淡嘅蝦味😮‍💨就咁食就真系好普通不過點咗一款辣辣地嘅醬汁之後味道明顯有所提升即刻惹味咗 同埋好似令佢嘅弱點冇咁明顯😂味道: 6.5/10 (媽媽👩🏻比7分)性價比: 5.5/10👌🏿北海道帶子刺身配青檸蜂蜜香草汁 $136可能因為史努比本身對佢都有啲期望 所以出到嚟只系普通水準就令人有啲失望~師傅刀功好好 帶子切得好薄😂食落口感欠佳之如 帶子亦冇鮮甜味同日式嘅刺身帶子有啲出入 口感似西式嘅半熟帶子多啲🤔調味唔太均勻 只有中間嘅部分有蜜糖味同埋都食唔出有香草嘅味道🥴唧少少青檸汁系會清新啲嘅 本身應該系個幾好嘅前菜 但佢用料好一般 呢個價錢唔值~味道: 6/10性價比: 5/10👍🏿63度慢煮香烤原條

下晝 同咗母親大人去圓方食下午茶對上一次嚟呢度 應該係同我家皮姐不過喺圓方嘅水區食嘢 都係第一次呢間餐廳以木系為主 感覺好清新呢間隔上嚟講私隱度幾高 睇唔到隔離餐牌都幾特別 下午茶有三種嘅配搭小食配主菜 主菜配飲品又或者全配最令我難忘嘅係點餐 我叫個椰漿飯佢覆咗我句類似英文嘅嘢 成頭問號我話要椰漿飯 佢話椰漿飯係得一個後尾 發現佢應該係講娘惹嘅英文呢心諗我實係要知啦 今舖真係長知識-Tea Set下午茶-A = 小食B = 主菜C = 飲品-A+B = $88B+C = $88A+B+C = $98-A. Single Boned Buttered Wings w/ Preserved Bean Curd Mayonnaise (4pcs)A. 自家製腐乳蛋黄醬單骨牛油雞翼（4件）外皮炸得好香脆 另配埋腐乳蛋黃醬添單骨食落夠晒方便 份量多啲就更加好-A. Lemongrass Chicken Skewer (2pcs)A. 香茅烤雞肉串燒（2串）雞肉肉質鮮嫩 加埋青檸無得彈-B. Singapore Laksa（Yellow Noodle & Rice Vermicelli）B. 新加

呢日去左圓方，行到水區見到依間新加坡餐廳 "Pandan Asian Fusion Bistro"，門面設計雅緻特色，內裡可以望出外面，感覺開揚，就同好友一齊嚟享受下新加坡菜～餐牌內款式特別，選擇左三個下午茶餐，有主菜、小食及飲品。娘惹傳統斑蘭椰漿飯望到個名已經覺得特別又吸引，綠色椰漿飯賣相好吸睛，椰子同斑蘭味道夠出好香；炆煮軟淋嘅巴東牛肉，微辣帶少少咖喱香料味，脆皮雞卷肉質嫩滑，外脆內軟，配合脆魚仔、鹹花生、溏心蛋、醃漬物，與材料一齊食，口感更豐富。無骨海南雞喇沙摻摻依碗無骨海南雞喇沙摻摻，口味非常地道，雞肉無骨啖啖肉，食起嚟好方便，肉質爽滑，嫩身得嚟又充滿彈性；湯底金黃美味，遠遠飄來陣陣香味，咖喱同椰奶配合得恰到好處，而且最難得嘅係飲多幾啖，都唔會覺得油膩，喇沙摻摻係油麵同米粉混合一齊，都好掛湯汁，喇沙香濃，份外惹味，唔錯。河內生牛肉湯河雖然係下午茶餐，但係呢碗生牛肉湯河份量都唔少；生牛肉被熱辣辣嘅湯底輕輕灼熟，牛肉大大片，柔軟多汁，牛味特別香濃，食起來好嫩滑，牛丸爽口彈牙，而湯底就用上大量牛骨熬煮，牛骨味重，清甜唔口渴，河粉順滑，配合爽口洋蔥，甘甜美味，好足料。香茅烤雞肉串燒雞串

食物ok，但唔算特別好。其實我對食物冇特別高嘅期望，但希望可以食到啲味道好、食材新鮮嘅菜式。不過，呢度嘅食物雖然冇乜驚喜，但起碼都係可以入口嘅。然而，最令人失望嘅係服務態度，實在係十分惡劣。感覺好似客人應該服侍員工多啲，唔知係咪因為佢哋對自己嘅工作唔夠投入，所以對客人嘅態度咁差。每次我問問題或者要求幫忙時，對方都好似唔情願咁，甚至會有啲不耐煩。其實，餐廳作為一個提供餐飲服務嘅地方，最重要嘅係客人感受到被尊重同埋重視。如果連基本嘅禮貌都冇，點樣可以吸引到客人再嚟呢？我真心希望呢間舖可以改善佢哋嘅服務態度，或者讓個位出來畀其他真係有心做飲食嘅餐廳。

呢間舖頭位於圓方，所以物價都比較高，亦都期待可以食到高質素嘅食物，提供嘅食物款式超多，而且都有好多特別嘅餸菜，有好多選擇～選擇困難嘅人，真係揀唔到🥺——————————————-**香煎帶子芒果莎莎風乾西班牙火腿脆片 $126火腿脆片就咁食會有啲鹹，所以可以搭配埋帶子一齊入口～為帶子增加脆脆嘅口感同鹹香，但係只係有稍微煎過嘅，再加上三文魚卵同芒果醬～算係今日食嘅三道菜中味道比較正常嘅🥺**泰北街頭排骨山 $268叫完之後店員會問我哋需唔需要切開啲排骨～同埋可以比一蚊加膠手套～佢份量好多，而且排骨唔似出邊嗰啲煲完湯嘅排骨～啲肉唔會好淋都仲有少少咬感❗️但係佢嘅調味超級濃，食到後邊就要係咁飲水，感覺落咗好多調味粉同白胡椒，擺喺底嘅排骨因為浸住個汁亦都好酸🥺**軟殼蟹米紙卷 $126入面包裹咗蔬菜，芒果同軟殼蟹🤤佢冇比平時食米子卷嘅酸甜醬，成個味道都依賴芒果果醬，食落略嫌清淡，唔夠酸🥺

圓方睇完戲, 諗起上次Pandan好味又抵食, 趕得切帶埋friend一齊過去食個tea。檳城古法大蝦炒貴刁 + 牛油果醬法包配蕃茄莎莎 + 桂圓紅棗茶 ($98) 唔油膩軟滑貴刁炒得香濃惹味, 兩隻巨型虎蝦畫龍點睛, 保持班蘭一貫高水準👍🏻 蕃茄莎莎法包清爽。巴東牛肉飯配脆皮雞卷 + 越南傳統炸春卷 + 水果冰茶 ($98) 兩大件巴東牛肉炆得鬆軟入味, 雞肉卷外脆內嫩, 加上脆花生小魚乾雜錦酸菜配班蘭椰香飯, 份量足味道口感豐富😋, 生菜包裹越南即炸春卷,好味爽口唔油膩😋必須一提,100蚊 嘅下午茶餐仍然享受到侍應爽快禮貌體貼嘅服務, 朋友點咗冰茶,後期侍應主動攞咗兩杯暖水畀我哋, 朋友覺得好貼心讚口不絕, 加上佈置雅緻舒適, 提議下次睇戲都要嚟圓方, 跟手過嚟班蘭嘆返個下午茶😂

飲食業 都真係辛苦 （利申：做過12年餐飲） 呢間鋪個大位 態度真係差 問下有無BB櫈 都要比人反白眼？ 。入去食餐飯唔係買笑 所以無要求個個人都係賣笑 但態度可唔可以唔好甘衰 慘過入來還錢 飲物 一係太咸一係炒燶野 同你講 好似好我吹水 你無眼睇 燶味應該聞到啦 再唔係 你即場試下都得

好少Element 餐廳會下午茶時份排隊，食過一次終於知點解，因為真係抵食！ 下午茶有齊小食，主菜同飲品，係一個午餐嘅份量啊！ 前菜叫咗自家製蛋黃醬單骨雞翼同越式牛油果醬配蕃茄莎莎都好食，雞翼同多士焗到脆卜卜又5油膩😋另外加嘅串燒都係$2x /串，豬頸肉串燒仲好juicy 添呢😋 主菜叫左大蝦喇沙慘慘同埋肉骨茶，大蝦喇沙入邊嘅所有配料都有兩份，可以同friend share食。肉骨茶一嚟到隔籬枱都覺得個份量好大，仲問我哋係咩嚟㖭啊😂 肉骨茶真係好適合冬天食。餐飲仲配暖笠笠桂圓紅棗茶同話梅柑桔，好滿足嘅一餐！ ꧁☬小編食左咩☬꧂✅ 自家製蛋黃醬單骨雞翼✅ 越式牛油果醬配蕃茄莎莎✅ 豬頸肉串燒✅ 大蝦喇沙慘慘✅ 肉骨茶✅桂圓紅棗茶✅話梅柑桔(◔◡◔) ♥️ 人均傷害💰：~ $100♥️

餐廳服務質素好好，有禮貌。餐廳裝修非常漂亮，座位十分舒適。而且每枱座位都有私人度，十分優質。我和朋友叫左：-清萊原個菠蘿海鮮焗意大利飯豐富海鮮🦞。焗飯吸收了海鮮鮮美，並且菠蘿酸甜平衡了整體的口感，讓人感到清新又不膩。-有機紅菜頸花菜搭配非常健康，花菜清脆和紅菜頭配合增添了口感層次感。藍莓焦糖燉蛋，我未試過用藍莓🫐配燉蛋，好特別。藍莓酸甜與焦糖出色地配合。鮮芒果布丁椰汁斑蘭粉首先芒果整得好靚，好似花。我一見到就已經比它外觀吸引🤩。椰汁🥥不太甜，好清新的甜品，内有布甸🍮。十分推薦這個甜品The restaurant's service quality is excellent and very courteous. The decor is beautiful, and the seating is very comfortable. Each table has a sense of privacy, making it quite premium.My friends and I ordered:- Chiang Rai PineappleBaked Risotto w/ Seafoo

圓方嘅《斑蘭，地方濶落，坐得很舒服。最近，還增添了不少聖誕裝飾，好有節日氣氛！✨️北海道帶子刺身配青檸蜂蜜香草汁 $136薄切嘅帶子晶瑩剔透，上面中心鋪滿明太子 和 黃色花瓣， 攞盆美麗，非常吸睛。食落口味道鮮美，清新開胃。✨️黑毛豬腩肉 $28一串有3件豬腩肉，肥瘦均勻，肉質嫩滑，完全冇渣，超正！✨️越式香茅雞肉串 $28茅香四溢，燒到蕉香，汥埋附上嘅青檸放去，解腻又添鮮味。✨️白飯 $32米飯雖大大粒，質地軟腍易吞。📍圓方

又到聖誕節，梗係去西九海濱長廊睇聖誕樹啦。仲有免費嘅展覽睇啊。之前去西九長廊多數會喺尖沙咀食完嘢先過去，因為覺得圓方啲嘢只係好貴唔好食。但係服務員態度親切要先讚一讚！而家真係唔係太多間食肆做到呢樣嘢。今次比我搵到間抵食又好食嘅下午茶。Tea set有ABC嘅選擇，因為我哋之後未必咁早食嘢，所以就揀晒ABC三項，包括一個前菜，一個主食同埋一杯嘢飲。其中一個餐要咗牛油雞翼，主菜要咗無骨海南雞飯，同埋一杯青檸梳打。另一個餐要咗個春卷，肉骨茶，吉仔話梅水！2個小食都好好食，勁香口！雖然係下午茶，煮食嘅份量絕不遜色。兩個都配咗油飯，我哋係全部消枱食晒。海南雞雞嘅份量超充足，肉骨茶個胡椒味好香，而且有三大舊骨！下午茶可以另外加一個甜品，我就用$46加咗一個藍莓焦糖燉蛋！ 呢個甜品真係超好味，好食過平時去coffee shop入邊食到嘅燉蛋？😍好似我咁大食嘅人一定要加返個甜品先夠圓滿！