新三興。嚐鮮主理 (已搬遷) 新店位置

鮮有過黎土瓜灣食野，今次有朋友推介，特登過黎幫襯。呢間餐廳剛剛裝修完，環境好企理好乾淨，坐都坐得好舒服。首先係呢個花膠烏雞湯，如果想飲湯的話，記得book枱果時一定要Order定。呢個湯啖啖精華，連雞骨都煲到好林，好夠火喉！同朋友都係勁中意食海鮮的人，所以今晚的餸菜都係以海鮮為主。首先是胡椒濃湯浸大蜆。估唔到個濃湯咁好飲咁香甜，有胡椒的香，亦都有大蜆的鮮甜，依家諗返都好回味。跟住就係雙蚌炒露荀。兩種蚌都好新鮮爽口，加埋黑松露的香，直頭一流，不可不試！蒜蓉蒸帶子：帶子大粒都呢！啖啖肉，好鮮甜彈牙，加埋吸晒肉汁的粉絲同金菇，真係一流！另外呢個炒蟹同蝦多士都嘩左一聲，隻蟹啖啖肉之餘，仲要爆膏，而個蝦多士就脆得黎唔油膩，好味呀！總括黎講，今晚的食物質素一流，環境舒服，招呼周到，已經推薦左俾啲親戚朋友啦！

這是跟朋友來到新三興共聚飯餐,本來想來吃賴尿蝦的,怎知都賣光光了, 還有是鴨舌,現在換了師傅所以沒有賣了,有點失望,所以只好點選店內其他美食試試看,都是個海鮮大餐,什麼都有點,店還設有樓上層,樓上是可供吸煙的,如果需要吸煙人士可以到樓上,下次一定要記著來前先致電預約賴尿蝦,這次沒吃到是有點失敗的!下次再來一定要再拍賴尿蝦照片給大家看!這次跟朋友點選的食物也不錯, 都很新鮮好吃,就是美中不足的沒有了賴尿蝦!喜歡吃賴尿蝦的朋友一定要預早打電話去店預約啊,要不是會失望啊,這也太好賣了吧

約咗一班朋友喺土瓜灣搵嘢食，講到特色小菜，一定要黎新三興啦，因為好多招牌菜都係必食，已經成為最愛飯堂之一滋味蝦多士，外脆內軟，一人一件唔夠喉虎蝦兩食，超大隻又啖啖肉，醬汁甜甜辣辣，相當惹味，而且仲好細心已經剝咗蝦殻，岩哂女士們蒜蓉粉絲蒸蟶子皇，未食已經聞到好香蒜蓉味，賣相精緻鐵板燒安格斯牛仔骨，肉質好Juicy！每樣餸都色香味十足！新裝修環境企理，最緊要食完都無油煙味！同埋價錢相當大眾化合理，推介！

相約朋友做冬,我地共有四大四細.  之前路過呢度見好多人, 今次先打電話留枱. 可能早到. 六點幾人唔多. 又留0左大枱. 所以唔使等就有得坐. 因為太肚餓, 一坐低點好菜一陣就有頭盤冰火尤魚, 太好食.. 唔記得影相. 有D 辣. 但係好快散. 尤魚好爽口, 同個汁好夾. 好好味.. 開0左個胃, 0黎0左盅預訂的腰果合桃燉雞,  每人一碗有多. 又係唔記得留影.  燉湯真係好好飲. 下次去前必定要預訂. 今晚主打海鮮, 每一碟份量真係0岩0岩好. 每一碟都清晒無浪費, 0岩晒我地惜食0既人. D 餸仲係見你食到咁上下先上另一碟, 唔會攤到凍晒又可以好快咁清晒一碟.  食完D 餸0黎個豐盛0既臘味煲仔飯, 臘味香濃, 飯煮得夠企身, 飯焦夠香口. 若能加清茶在飯一定能錦上天花. 最後叫埋個上湯浸豆苗, 呢餐真係好豐盛.  期待下一次0既驚喜. 呢一餐估唔到咁有驚喜, 可惜我掛住食, 唔記得影其他. 

精緻，好味，又價錢平！見得客！菜 彩色號新款 味道啱啱好 經常有新菜單 燉湯更加係一流 坐得好舒適 適宜一家大細同埋 見客人 環境乾淨 招呼周到 門口又可以泊車 仲有新鮮海鮮食 自攜海鮮加工亦都好相與

上openrice搜尋過, 土瓜灣附近, 呢間鋪頭嘅海鮮據說是 - 平靚正, 啱曬我哋呢啲窮等人家啦。舖頭環境光猛, 應該係最近新裝修。魚缸唔算大, 可供選擇嘅海鮮種類, 要睇時令, 唔會有太多選擇。 但基本上魚、蝦、蟹, 及一般貝殼類係有嘅。老細親自招呼, 聽佢介紹, 叫咗一隻「白蟹」,  薑蔥煮; 另外想食魚, 見差唔多枱枱都有叫嘅「油浸筍殼魚」, 咁我哋都唔執輸啦, 跟大隊叫一份大嘅; 然後老闆話聖子做特價(買6送2), 就點咗一份「豉椒炒聖子」(有8隻)。<薑蔥炒白蟹> 衰貪平, 其實應該食膏蟹或肉蟹(大隻啲、多啲肉、又有蟹膏)。白蟹就奀瘦啲, 冇咩肉食。但勝在佢嘅調味、煮法、火候都好「正」, 好好味!<豉椒炒聖子> 老闆冇介紹錯! 非常新鮮、彈牙爽口。 火候、手勢唔使講, 掂! 好味!<油浸筍殼魚> 絕對係招牌菜! 用嘅魚大條少少, 所以會有好多肉食, 而且裏面嘅肉會更加控制得鮮嫩、唔會咁容易「炸過火」。好掂! 呢個菜色令人難忘!唯一缺點: 可能人手不足, 出菜比較慢少少。優質服務: 呢度既侍應好貼心, 驚我地餓親, 花生、小食