新三興茶餐廳 (已結業)

20070810五六點鐘進來外賣，平時都要等很久，托颱風的福，今天不但不用，伯伯們還分外熱情：）牛筋米，生菜，湯分開裝，很周到，回家裏拌一拌，就是簡單美味的晚餐。水準算保持得住，就是“師傅”多了些，晚上渴得很……

愛試菜，任何味道古怪的菜都會試，只要是有心機做的菜，再難吃也會勉強吃些入口，若是無心做的菜，試半口後可將之放著不理，人說偶是「敗家」，偶說無心做菜的人，將好好的食物浪費掉，才是「折墮」。辦完正經事，路過正街，見店內坐滿客人，心諗衰極有個譜，就叫了碗雲吞麵試試，等了又等，三催四請後再見得著碗麵。清淡無味的湯後是濃郁的「鹼」水麵，胡椒師傅蝦，一吃便知是什麼事，半粒雲吞幾口味，埋單$10，好平，但無心之極，失望而去。喊面是給這碗雲吞的。

食得出呢度既$10麵一d都唔求祈,隨左湯同麵分開之外,係魭魚片間仲加埋薑去鯹!!魚片幾新鮮, d菜心唔會過淋, 仲爽口!外賣$11!

見食家介紹的蝦球湯伊, 便叫了外賣(+$1)湯米!好細心咁用紙杯裝起d湯, 避免米粉變淋,有4粒蝦球, 十分之爽口!! 好好食!!湯底味精唔多, 有少少胡椒味, 唔錯!!一定有下次!

見到有食家比好評呢度,今日早餐就買左牛肉粥外賣($12),講明全走(蔥同花生), 點知都有花生...味道可以, 媽媽仲話肉多過粥....不過我都幾肯定係有味精...同埋佢d粥唔似係真粥咁綿, daddy話係用米沙煲bor..下次一定要試下腸粉

普通一間不起眼的茶餐廳. 但食物質素幾好. 款式選擇幾多. 粥粉麵飯都有. 附近幾間茶餐廳中, 這間算最好味. 價錢合理. 唯一不好就是店太細. 座位不多, 有時幾逼. 坐得不舒服.

20050915 8.30pm星期二晚朋友A小姐來訪, 極無所謂(plus 窮困) 之下, 我地食茶餐廳做晚餐. 就算係茶記, 當然都要揀間好食o的o架啦right?2個人order o左楊州炒飯, 我o既另一必食腐乳通菜同埋A小姐o既choice 蝦球湯伊, 前二者都老早讚過, 不贅. 蝦球伊估唔到又係好o野, 大大隻蝦鬼咁爽. 最重要仲係夠晒平! $18 蚊咋wor!2個人埋單先$48!! 平到爛. 最緊要係A小姐十分滿意, 連聲讚好.今晚見完客支力到爆, 我自己又o黎買外賣, 又係腐乳通, 不過今次就搭個蝦米腸粉, 因為係即製, 等o左勁耐, 不過又真係好食, 你知依家稍為有水準o的o既腸粉都好難搵啦. 加埋先$18.

20050715 8pm繼續忙, 買外賣醫肚.新三興o既紫菜四寶米搭腐乳通菜係我最常order o既.外賣自動自覺分湯上, 加埋足有兩個兜咁大, 附圖個碗就我自己o既. 四寶有潮州魚蛋+好彈牙新鮮墨魚丸+一條腐皮牛卷+一條腐皮魚卷, 都係佢地既自家製. 當然仲有我最愛既魚皮餃, 超juicy 爆晒汁.腐乳通睇相都知新鮮爽甜, 腐乳汁又係另外溝過, 好得.$23 如此大份又好味, 真係難怪佢成日咁多人排隊買外賣.p.s. 再keyboard 前食飯呢o的危險動作各位切勿模倣.

我都好鍾意新三興的炒飯，especially 福建炒飯！！其他，如粟米斑塊飯／咖哩豬扒飯，都係本小姐的recommendation!~~~仲有，腸粉都係好正！但只係朝早同夜晚先有得食ｌｏｒ～～

20050525 8.30pm收工返屋企累極唔想煮, 買個外賣.楊州炒飯連凍檸茶都只不過係$24, 平到極.炒飯出奇地有水準, 蝦大大隻好爽口, 啤晒水先炒, 料又足, 大量叉燒粒同蛋絲, 唔錯. 不過呢度原來唔係次次都得, 早幾日食過呢度窩蛋免治牛飯, 唔掂, 好淡.

20050512 8.45pm訓醒落街買o野食, 病人無咩好揀, 食粥就最安全.一個免牛粥+ 一個叉燒腸, 等外賣等o左好鬼耐, 因為叉腸係即製, 豉油自動另上, 夠滑又新鮮, 相當唔錯, 免牛就一般啦, 但係average 都係好過東記wor.suggest 不要落晒包外賣豉油, 不然則鹹得很.

20050313 12.30pm晚上跟男友要去飲宴. 午餐可不想吃的太飽.正街開了間新o既叫心粥館, 爆到不得了, 男友話不如食粥都好, 西環無乜choice, 隔離新三興少o的人, 都食得過.2人吃-* 男友吃碎牛粥* 我吃艇仔粥- 點解無牛肉o既? 不過就OK 啦, 好食過附近東記, 東記味精太多.* 鹹肉粽- 跟餐, 好味到爆, o的豉油好正!* 油菜(芥蘭) - 跟餐, 水準以上兼勁大碟, 爽甜.埋單唔知幾錢, $30蚊到o掛~

夜晚未夠九點, 西環d舖頭已經收得七七八八. 黎食個粥餐, 要左皮蛋瘦肉粥加豬潤腸粉. 粥好少皮蛋, 粥底亦普通, 豬潤腸粉都係普通, 腸粉較厚&唔夠滑, 亦唔多豬潤, 但d豬潤就幾好食.

20050114 6pm病了, 醫生吩咐要食得清啖一點, 睇完醫生就求其買碗粥食.要了一個免治牛肉粥($10 + $1外賣), 走花生, 味道一般. 牛肉下得不夠多.

10 August 2004, 1:30pm午餐, on-diet中. 油菜菜心(全走) + 淨紫菜四寶丸. 四寶丸有潮州魚蛋, 墨魚丸, 魚皮餃, 魚皮餃咬落會爆汁!!!! 無老點! 真係得!!!!! 我唔食魚皮餃都覺得佢掂到爆!!!! (我唔expect 四寶會有魚皮餃o既lor其實)同埋比我發現到佢有滑鯇魚皮! 仲要只賣$15!!!! (灣仔靠得住賣$40!!!) 不過今日無貨, 伙記話明天請早. p.s. to editor, 如果有餐廳資料你地無我又想submit, 應該點做? thanks~(編按: 請你在Hot Gossip將資料寫出便可,thx!)