新利記 (已結業)

太安樓商場入面其實都有好多唔同類型嘅食店，我個人就比較鍾意快餐店居多，因為夠哂方便快捷，價錢又平，新利記嘅黑椒腸仔雞扒飯真係幾好食，黑椒汁香濃惹味，食到有少少黑椒嘅辛辣味，雞扒煎得香口，肉質唔柴，腸仔係採用廚師腸，飯粒分明，整體OK，另外咖喱牛腩飯都真係幾有水準，咖喱汁相當濃郁，牛腩炆得軟淋易食，至於凍奶茶方面～夠凍，奶嘅份量剛好，但茶味欠奉，略甜，但都過得去，店內嘅環境就唔係太理想，坐位同坐位之間太窄，店內空間太細，有D侷促，但性價比十足！

今日晏晝去食飯，見到佢廚房衛生環境惡劣，地下有積水，我睇一睇張餐牌求其點左份黎食加杯凍檸茶，佢杯凍檸茶嚟到，我梗係督兩督啦，點知佢夠膽死被杯加咗料嘅凍檸茶我，奉勸大家唔好去呢間垃圾食店

下午在筲箕灣食飯時候，經過太安樓，到處餐廳都是人群，唯有買外賣啦！經過一間小店，名叫"新利記 "見店內坐位太少，店外很多人排隊輪候，再看看餐牌，價錢十分吸引喎！即炒粉麵也只不過係三十蚊左右，其餘各種意粉及飯類，都不會超過三十六蚊，實在非常抵食。今次第一次去試，我叫咗個"咖喱斑腩(魚柳)拼腸仔飯"外賣，都只係廿八蚊。只等了8-9分鐘，外賣已包好了，發現仲有例湯送。於是帶返屋企慢慢食。當返到屋企，試試例湯"金銀菜煲南北杏"，意外地非常熱辣辣，而且味道也唔錯，湯渣也不少👍；跟著就係試吓主菜"咖喱斑腩(魚柳)拼腸仔飯"喇；炸斑腩(魚柳)有四件至五件左右及一條腸仔，咖喱汁就少了一些，但味道也可以，不會太辣，亦有香味。而飯方面不算很多，少咗些少飯香，飯的軟硬度只是一般啦！不過整體呢個飯盒，的確係很超值。下面已附上兩頁外賣價錢單，以作參考

搬咗西灣河三年先，尋日先第一次食呢間新利記！因為平時覺得佢唔起眼，無太大意慾去試。尋日叫咗一個豉椒肉片炒河，抱住最多咪蝕三十蚊既心態去食…但係！我簡直覺得自己執到寶！味道好，汁夠，肉夠，有麵豉，有配料！所以今日再急不及待再去買一個鮮茄肉片飯，都係好好味！美中不足係我覺得個飯淋咗少少，不過呢樣各人有各人口味，我本人覺得問題唔大，最多下次叫返河粉飯加可樂都係31蚊…真係想問佢地到底賺唔賺到錢…p.s. 其實我覺得個女職員唔係有心無禮貌，可能係mentally challenged (我估姐)。大家都唔好太計較吧！

冇錢嘅時候最煩就係要揀嘢食但係西灣河太安樓入面就有一間直到目前為止都仲係好平好靚好正嘅餐廳裏面全部野都完全唔會超過$40而且款式包羅萬有無論係返面炒飯炒麵炒河粉或者公仔麵大部份正常你諗到嘅茶餐廳嘢食佢都有自己通常嗌開咖喱斑腩飯或者咖喱牛腩飯主要係因為咖喱汁符合我嘅口味都算係辣辣地幾開胃飯粒方面就偏向晏少少日都係啱啱好我最鍾意嘅軟硬度至於班方面當然唔可以要求咁多始終都係30幾蚊嘅飯當然唔會用到好高級嘅食材但至少啲魚係有揸過而且味道都算係思美所以成件事食起上嚟都幾夾只不過呢一間餐廳嘅衛生問題就差少少但以咁嘅價錢來講都唔可以奢求太多野畢竟佢都係一間成本唔高既餐廳

早前，我去咗新利記食咗個晚餐(黑椒腸仔雞扒飯)，套餐價錢雖然係平，但講真句，食物質素真係非常一般，食完個餐之後，自己其後覺得，真係有必要為咗想慳番幾蚊，而換嚟一個後悔？總括嚟講，個黑椒腸仔雞扒飯並唔算難食，個汁真係食到好濃嘅黑椒味，但個汁整得太杰(又係呈一粒二粒啫喱狀)，腸仔入口一堆粉毫無彈性，雞扒煎得香口(唯一嘅安慰)，飯粒又係差少少，都係煲到有一嚿二嚿爛飯存在，但整體又唔算話好差，杯凍奶茶係OK嘅，不過講真句，呢個價錢仲可以有咩要求。。。

香港地依家唔好話食個午飯，就連下午茶都隨時三十幾蚊，要搵廿幾蚊食到個飯既地方已經唔容易架😢，西灣河太安樓竟然有間鋪好多野食都係😱廿幾蚊咋，仲要無分時段，👍全日供應--------食物：粟米魚柳飯$26大大碟，d 魚柳堆到成座山⛰咁高，一個經常需要體力既人去食都可以食得飽好多粟米，成碟都係，但甜度得宜個汁黏稠度岩岩好，亦唔太咸，走清淡路線d魚柳炸左之後，魚肉亦保持嫩滑，魚柳亦調味得宜，無死咸現象老實講，依個價錢我真係好收貨，依個質素分分鐘四十幾蚊d 碟頭飯都做唔到凍檸茶 走甜（凍飲+$2)個凍檸茶無乜特別但係食依個飯凍飲都只係加多$2, 總供埋單都係$28😱--------環境：依到裝修格局就係普通一間快餐茶記，座位唔算多，比較逼依到其實唔算好乾淨，例如倒垃圾時，d 垃圾會由廚房經過你身邊再出門口，而唔係係後門倒垃圾（因為無後門），如果介意既話就真係未必岩你，不過我食左都幾次，到目前為止都未試過肚屙可能因為衛生同裝修格局問題，食客九成九都係男人，上左年紀既亦佔一半以上，如果係女仔一個人黎食，可能就有少少尷尬（不過我係女仔，我一個人黎食都無乜所謂，反正只係黎食野，食完就閃人），因為如果多人

其實5月食過，三個月後又膽粗粗試多次，15:40叫左干炒牛肉意粉，凍檸茶外賣。叫左外賣要係門口等唔緊要，點知叫完佢既刻整杯凍檸茶諗住以為好快喇，結果都要等半小時，覺得過份左，到等到了就係店舖叫出來，干炒牛肉麵。我呆左我話叫意粉，店員說你叫麵我堅持說意粉，她反應答我咁點算，真是有點可笑。最後我都要了，因為等得太耐，連杯檸茶冰都溶了，我叫店員換過，她竟然倒左啲加冰便算回到家變了淡凍檸茶雖然平，但都不能這樣吧以後不會再來，十分失望

今日行入太安樓有一間平民價錢茶餐廳，見28有星米就叫外賣喇，堂食只見一個人諗住會好快喇，結果竟然要等成25分鐘其間我叫完外賣，大約5分鐘後都有一個人叫下午茶外賣，五香肉丁炒飯，結果竟然佢有先，我仲要繼續等，果時真係嬲嬲地不過28蚊星米，味道尚可，不過杯凍檸茶真係有點伏，雖然價錢平價但無理由咁做吧。

而家通脹越來越高。有時想食啲碟頭飯都已經講緊成40幾50蚊認真頭痕 不過位於西灣河嘅太安樓新利記餐廳就一直都保持咁嘅價錢食啲飯都只係講緊20幾30蚊 慳錢 又想食得夠飽肚嘅話呢間絕對係不二之選今次就試咗個海鮮炒飯 咁其實呢度都有好多炒飯例如平時都食到嘅鹹魚雞粒炒飯或者揚州炒飯以及西炒飯都有通通都係28至30蚊 分量又夠大絕對夠曬飽不過今次我食嘅海鮮炒飯個人就唔值得推介呢一碟飯 因為主角海鮮入面啲成分其實都冇海鮮只係小小蟹柳在家小小魚蛋其實完全同海鮮無關 而且炒飯啲飯都唔係粒粒分明仲係有少少水 所以如果係食家嘅話就唔好要求咁多。。要飽嘅話呢間絕對啱曬你

去西灣河做運動，完咗先11點幾，又係聖誕節，太安樓好多舖頭都未ready 。呢間舖細細，係普通茶記，但價錢相當吸引。$24就有一大碟有肉飯，跟凍飲都唔洗加錢😍叫咗碟咖喱魚柳飯，太耐冇食碟頭飯，唔記得叫少飯😅咖喱味唔係話超香，都係茶記味，但就夠晒辣喇～好過唔少茶記。魚柳都好多。炸皮唔算太厚，而且魚都滑身。凍檸茶唔洗加兩蚊，味道都合格有餘，滿意😋舖細但好坐。不過平民街坊先啱喇 。始終食街地舖小強少不免。舖頭已經有落藥，小強行動緩慢，而且老闆都好好肯幫你KO小強。食得就唔好mean人唔夠衛生啦😙

11月天氣時凍時熱, 最後病左,清清地想買碗粥, 點知遇到個無禮貌女員工想叫一碗魚片皮蛋粥,女員工好快咁講<無魚片>,之後走左去忙其他事, 咁唯有叫皮蛋瘦肉粥拎走係門口等眼見堂食客人不多, 但該名員工放食物比客人時已經好求其放低等左一陣見到我碗外賣粥整好, 女員工就叫<皮蛋瘦肉粥入黎攞>, 好似欠左佢咁又有一名食客坐低, 該名女員工再一次不禮貌地講<要乜野講啦> , 咁既服務態度太差勁返到屋發現碗粥落左胡椒粉瘦肉皮蛋一大舊無味, d粥好稀, $13雖然平, 但見識到咩叫一分錢一分貨. 唔會再幫襯受氣

在這𥚃買了一個外賣當晚餐，時正六點唔算太多人，但店面仍坐滿三分二人，因為即叫即煮，所以都要等大約10分鐘。今次嗌左個雜錦海鮮炒飯，跟飯有嘢飲，凍飲加2蚊。返去打開盒飯都幾大盒，D飯堆到高過飯盒邊，食完超飽。所謂海鮮其實係蟹柳同橙色魚丸切粒，但整體都叫好食，唔會太咸同太油，埋單$28都算抵食。

Tried this place because I haven’t tried it.It is a tiny grubby joint that is not that clean with vegetables on the floor.As well as the décor, the lady was really memorable because she is really ferocious and commands people to their seats and takes your orders when she wants.The curry I tried was almost the same as Sun King Yuen in Wanchai which is extremely hot and you could see people with their mouths gaping open as they ate the curry.

近日在西灣河上班, 到處尋找食物.有看過在下的食評的人都知道,在下的宗旨:"食得要有質素, 但又要夠平(因為窮 X_X)".在西灣河地鐵站對出的太安樓,找到了這一家店.店鋪面積很小 ,只有六至七張枱,滿座之時, 也不超過二十人.環境看似不太衞生, 但本人親身吃過多次,也沒有甚麼事就是了!今日是星期一的閒日, 中午去到,也是即去就可以了.點了一個咖喱斑腩飯, 配一杯凍奶茶.(盛惠$24)此店的特色, 就是上野飲極快.一喝下去,驚覺凍奶茶的味道像是用粉沖出來的,建議大家不要點.平時我點開凍檸茶, 味道是沒問題的,一般茶餐廳水準.此處的另一特色 ,就是汁多過飯,圓圓的碟,汁蓋住飯及半隻碟以上 , 直到碟邊,賣相不太好看就是了.不過, $24咋喎, 你仲想點!?味道, 當然不過不失啦,一般茶餐廳質素.之前試過點一個揚洲炒飯配凍飲($28),碟飯大到, 差D 食唔晒,絕對適合大食人士味道是不錯的~不過, 來這裏, 最大原因是因為平!!及吃人情味!!中午時份, 很多街坊都走來吃飯,"例牌丫?", 老闆娘問個街坊."係呀", 街坊答.然後老闆/老闆娘/店員會跟街坊寒喧一番,講下八卦野, 抵抵死死咁.