新創發滷味專門店

營業中

休息中

一早已聽聞位於瀝源街市內的小舖，賣的是滷水食物，口碑不錯。今天來到這街市買菜，順帶便探一探這舖。～滷水鴨（半隻）賣相不俗，件件鴨件斬得大小相若、整整齊齊。盒面的鴨肉厚身，放底的是鴨頸和較少肉的部位。胸肉和脾肉吃起來啖啖肉，肉質一點也不會韌，又不肥膩。鴨肉滷得味道適中，既不會過鹹，又不會淡。若沾上附上的滷水汁，味道會更突出。若沾上附上的酸醋，味道又變得更多元化，酸鹹味道也討人。另一亮點是盒內的菜脯粒，爽口入味。整體來說，這滷水鸭真的不錯；既入味又不會過濃。有機會的話，我也試試其他的滷水物。

見到open rice評價都唔錯就去試下，店舖位於街市尾尾位置，老板好friendly, 店員都好老實，第一次去，樣樣都想試，叫左滷水鴨，豆腐，豬耳，鴨腎，豬手。同佢講只係2個人食，佢都會話，咁會有d多，於是豬手下次再試。滷水非常入味，真係好好食，不過有少少重口味，食得清淡既人可能會覺得有d咸。雖然唔係食滷水鵝，但鴨肉都好鮮嫩入味，唔會比鵝差，佢送既豆腐粒菜甫都非常好食，可以送一碗飯。咁大一盒都唔洗100蚊，真係好抵食。

⭐️新創發滷味專門店⭐️📍:沙田瀝源街6號瀝源邨街市7號舖⏰:9:00am-7:00pm平時喺沙田諗唔到食咩 同事介紹咗我去呢間滷味店 行過去瀝源街市亦都好近我哋 呢間滷味店超多人排隊 見到佢哋嘅燒味好吸引 價錢亦都唔貴 所以就買咗返去當lunch！店家推介我地食滷水鴨 喺呢度招牌嘅特色菜 同事都話好好食 所以就買咗返去加餸 店員會幫手片開一片片 肉質軟嫩 鵝香味重 好正 仲會另外俾個醬汁 不過唔使醬汁已經好入味 唔需要額外加😆除此之外 仲叫咗我最鍾意嘅雞腎 好爽口之餘有咬口！餸飯一流！佢哋嘅菜甫同鹹菜係呢度嘅招牌菜 出邊食唔到咁好食！！鹹香得來又爽口 又好鮮味 真係必食推介！仲叫咗個滷水豆腐 豆腐淋得來好入味 索晒啲滷水汁！總括嚟講 如果大家想食燒味、滷水 好推介大家過去買 絕對唔會比啲餸頭餸尾嘅貨色你！#香港美食 #平民美食 #沙田 #沙田美食 #香港 #美食 #hkfood #hkfoodie #openrice #hkfoodblogger #hkfoodies #foodshare #hkrestaurant #foodie #hkfoodblog #食評 #美食推介 #food

屋企人成日買呢間斬料，食過咁多次都真係覺得佢算好抵食。尤其佢個咸菜同菜甫，出面真係食唔返。今日黎斬料，價錢好似有啲唔同，不過仍然抵食。.滷水鵝$108/斤，豬耳$80/斤，豬腸$80/斤，豆腐$10/3件。價錢就真係差唔多平絕沙田區，最鍾意佢滷水鵝仲會幫手起一片片，返到屋企食再淋返個汁就食得，另外豬耳豬腸好爽脆得黎入味，街市斬料檔黎講真係好高質。豆腐都好抵食，$10/3件唔會死咸、同埋真係好抵🙈🙈😂.

估唔到瀝源街市會有咁高質嘅滷水斬料，平時同呀媽買餸都唔多覺，要行到最入先發現；佢有好多選擇，有齊雞鴨鵝、牛筋、牛肚、各豬嘅滷水，今次老闆娘好好，比我樣樣試少少整左個拼盤盒雜錦拼盤盒 $90當中有豬頸肉、豬耳、豬腸、腎、豆腐、蛋同榨菜。最出色係頭個三樣，夠淋又入味，豬腸係清哂啲肥膏架～配菜就咁食都唔會太鹹，餸飯一流❤️總結：價錢抵食，平時多人食飯加餸絕對推薦～評分（5⭐️為最高）：食物：⭐️⭐️⭐️⭐️價錢：⭐️⭐️⭐️⭐️

今次要介紹的是位於沙田街市內的一間隱世滷味專門店「新創發」，主要光顧的是區內的街坊，我最愛吃他們家的豬耳和豬肚，除滷味之外，他們的黃油雞也相當出色。最最最值得一提的是：他們的秘製菜脯粒及鹹菜粒，這兩個小配菜單買需要$56一份，光看這兩個伴碟可以成為一道獨立的菜式，就知道他們的魅力。當然如果有購買滷味是會贈送的。而我的隱藏版食法是：先將鹹菜及菜脯粒加入清水滾起，加一個米線或一些上海年糕，然後再放滷味及雞件熱食，是相當滋味的👍🏼絕對值得一試。

團年飯沒法在外面吃，我們只可以選擇在家吃，斬料滷味都是一般選擇，既然去年冬至選了斬料，這次就來個滷味吧！親戚家在沙田，我就去了瀝源街市買些小品，意外見到這家店那麼便宜，就選了他們老闆跟肉類分割員外表粗獷，實質非常友善，看見他們生意還不錯，也沒有襯著年關加價，很有人情味$150 一盒滷味拼盤半隻滷水鴨，一大份豬頸肉，一堆豬腳意想不到那麼墜手！那半隻鴨切成鴨片，沾上了滷水汁或酸汁，跟一般滷水鵝沒大分別，份量也大，抵食很多！豬頸肉切得很夠薄，入口易咬，而且超多片豬腳仔炆得超稔，也滷得入味，很不錯！肉類分割員還送了一堆酸菜，抵吃

新創發滷味專門店雖然係瀝源邨街市入面，外貌平平無其甘但滷味確實好好味，價錢明碼實價。今日行過好想食，決定斬料加餸 潮州沙薑走地雞雞肉咸咸地有雞鮮甜味，雞皮薄唔肥唔油膩 滷水雞腎、紅腸、豆腐、蛋滷水汁好香有微微藥材香唔死咸，雞腎夠爽口，紅腸、豆腐、蛋夠晒入味 秘製菜脯、酸菜最後不得不提既就係佢地既菜脯同酸菜，第一次食簡直有驚喜，可以講話係驚為天人，菜脯爽脆帶甜，酸菜鹹鹹酸酸好開胃，作為開胃菜或者配啤酒一流 😋整體食物質素：4 / 5💰性價比：4.5 / 5👍推薦指數：4 / 5

放假喺屋企又唔想煮飯所以就決定出街買餸加料經過瀝源邨街市知道裏面有一間正宗潮州師傅主理的「 新創發滷味專門店 」掛住嘅滷味睇落去都幾新鮮而且價錢合理決定買一盒返屋企慢慢嘆❣️知道屋企人鍾意食滷水鵝就叫師傅斬料切片師傅刀法純熟輕易就切出一片片薄薄的鵝片我就最鍾意食有骨嘅鵝件因為肉質都會比較鮮嫩少少肉少少皮一齊食多滋味仲有小朋友最鍾意食嘅紅腸半肥瘦嘅豬頭肉仲附送咸菜加菜脯食落去更加開胃仲係送酒一流之選加上原汁原味嘅滷水汁確實性價比真係幾高下次一定會encore再試！

打完風🌪出去唞唞氣🤪好耐冇行沙田👫🏻諗住行新城市商場😬拍低架車🚘經過屋村而家啲屋村商場都幾多嘢睇👀五花八門、周圍貢下街市都好多人排隊買嘢食🥢傻佬👨🏻俾間滷水店吸引到🤩諗住買返屋企做餸🥢傻婆👩🏻上車偷食一舊🥴OH😆😆😆😆忍唔住啦🤪實在太好味😋點知成盒食晒😅有滷水鴨、滷水鵝、掌翼、豬頸肉、金錢肚、鵝頭頸、雞腎～老闆仲送咗啲菜脯粒、鹹菜粒👏老闆仲叫我哋點下啲醬汁、加咗醬汁落去味道當堂仲好味👍🏻👍🏻👍🏻如果送酒冇得頂添👍🏻👍🏻👍🏻#新創發滷味專門店#經濟實惠#送酒一流

餐廳位於沙田，距離沙田火車站路程需要十分鐘左右，其實懂沙田的人一定知道如何前往。這間餐廳主打的就是正宗潮汕滷水，原來餐廳早已在慈雲山紮根多年，也在沙田有多年的歷史，這個朋友介紹的，相信一定是超水準。我挑選的當然也就是最出名的，味道方面，真的做得不錯，不太鹹但充滿鹵水的香味。另外，我還挑選了雞腎，同樣也是超水準，全因為不會烹調過火，也能做到內裏有口感，和味道適中。另一驚喜之作，就是餐廳自家製的配菜，購買一定數量就能二選一，絕對是超值。

早前喺無線街市遊樂團知道呢間滷水我店自己係潮州人都好鍾意食，老闆係慈雲山街市上網睇到佢搬咗去沙田，就特登去沙田瀝源邨街市嗰度買，因為都6:00啦都買到7788咁我哋買咗啲¼隻滷水鵝滷蛋啊同埋紅腸返去食，冇令我失望，好新鮮我都好耐冇食過新鮮嘅紅腸滷水鵝，好入味配菜鹹酸菜也好好味大家要支持傳統美食

新創發滷味專門店新年時就想食滷味但是這間店初八啟市因此白跑一趟今天初十終於開市知道後立即到瀝源街市買一盒滷味拼盤這間是正宗潮州滷味店店主是正宗的潮州人曾經也有電視訪問過等待的時候和老闆聊天得知這些滷味做法一點都不簡單除了要滷到入味口感也不能差我看到每樣都好吸引所以在老闆的推薦下點了滷味拼盤試試看老闆人很好會跟顧客聊天這和我之前食的潮州菜不一樣這滷汁不會偏咸入味但肉不會過滷而變柴而且不會死咸所以吃完不會太口渴老闆還送了不少菜甫和酸菜伴飯伴粥吃是一流的！這一大盒的$90不到夠一家四口吃裡面的料非常多有牛筋、豬肚、豬耳滷水豆腐、滷水鵝家裡人說裡頭的牛筋還有酸菜超級好吃而且分量也很多吃到嘴裡的牛筋足足有一個魚蛋大彈牙但不會難咬入口還有飄著淡淡的滷味香沾上搭配的潮州酸汁很入胃如果一起入口更是對味很推薦牛筋自己加一點蔥花配啤酒配著滷味拼盤食應該是很棒的選擇新創發滷味專門店地址：新創發滷味專門店 (沙田)沙田瀝源街6號瀝源邨街市7號舖

呢排成日買外賣食到唔知食咩好, 諗住行街市買餸自己煮啦~ 不過又俾我見到有即食滷味賣…….哈, 咁梗係最方便, 又可以諗少樣餸今次買既呢間滷味店係瀝源街市入面, 店舖位置都幾入下, 要搵到佢就要行入D先得喇~~師傅話佢地既滷味係絕無潻加無人造色素, 非常健康既呢!!!見D滷味幾靚咁, 價錢經濟實位, 一於買返去加餸~~大大隻沙薑黃油雞都只係$78隻, 好抵丫! 黃油雞油香十足, 雞肉非常嫩滑又多汁, 味道唔會太咸或冇味, 恰到好處~~豬手滷得好入味!! 超好味丫~~每件豬手既外皮勁Q彈, 邊食邊感覺到我既骨膠原返晒黎咁丫….而且每口都啖啖肉, 肉嫩軟腍, 食到停唔到口最開心係仲有酸菜送~~食到老公LAM LAM脷呢~~

今日經開瀝源街市，諗住行入去逛吓睇吓有乜嘢啱。見到有間乾淨企理嘅滷水店，叫「新創發滷味專門店 」。位置係平台瀝源街市靠右邊直入到尾。我本身係潮州妹，見到啲滷水鵝，即刻就流曬口水。要了份滷水併盤。同師傅吹下水，原來司傅同老闆都係正宗潮州人。佢哋既滷水鵝，起碼要用慢火浸三個鐘先至夠入味又好食，而肉質吾「鞋口」。果然鵝肉嫩滑，滷水味香。亞仔就特別鍾意豆腐同腎片，司傅好有心機切薄片，腎片十分爽口吾靱。😋😋但其實我最鍾意佢嘅係佢嘅酸菜同菜甫😄，直頭係食滷水嘅靈魂，加杯啤酒就更完美另外見佢既沙薑黃油雞都好靚油水，一隻只需$78，拜神做節啱晒！滷水鴨就$110隻、鵝就$96/斤。價錢真係好相宜。司傅講開又講，店舖主要都係做街坊生意，所以就算過年做節的雞都冇話加價。大家鍾意食潮洲滷水既朋友仔，不妨可以支持一下！