新南苑雞煲小菜點心 (已結業)

💥💥晚餐不用300元可以食到有水準雞煲、 點心 、荷葉蒸鳳爪排骨飯 、紅豆冰、 檸檬薏米水， 簡直是不可思議。可以在這間新南苑食到👏👏呢幅罐裝汽水畫好有特色 招牌雞煲必試雞煲上層鋪滿了紫洋蔥、芹菜、芫荽和薑片大滾之後放油炸鬼 一齊攪伴數下，每2分鐘重覆做，防止過火燒焦，香味爆滿，等得好心急呀，終於食到嫩香雞肉，淡淡酒香滿溢口腔， 雞塊大件醃得夠味，不愧是招牌雞煲 油炸鬼索曬汁變得軟腍，好食完雞煲，放清水滾生菜， 連汁都唔好嘥籠仔飯用荷葉墊底蒸，清香荷味 滲透在飯內，暑夏佳餚，價錢只是48元，抵……😋😋今天胃口好，再叫了老板推介櫻花蝦燒賣，口感不俗唔肥滯，老公飲紅豆冰，我飲消暑檸檬薏米水， 各適其適。呢餐👫都好滿意

竹園村真的N年無來了，老公曾在這兒住過四年，直至與我結婚便離開這兒了，情意結當然有啦！工作交收完便順道約老公食晚飯回憶下。原來竹園村改變很大啊！食肆也很多，而且還有街坊價私房菜食添，好開心，地方光潔，侍應生有禮貌，價錢也不算貴。剁椒蒸魚雲$88魚雲配上紅紅綠綠配料好靚，魚雲新鮮，入口滑溜溜，熱騰騰食配上辣椒令魚雲更提鮮。👍啫啫雞煲$88啫啫雞煲好懷舊啊！係有豬潤呀！而且肥厚，配料當然有薑蔥蒜，重有冬菇添，講番主角雞先，雞味濃又肥美，好滑呀！份量又十足，入口啖啖肉。(推介)👍涼瓜牛肉$68呢個雖然好普通，不過苦瓜係我至愛，必試，牛肉好淋啊！再加苦瓜進食，味道啱啱好。一路食一路聽老公講回憶，見佢咁開心咁就要啤啤佢喇。藍妹$32中湯$18湯熱騰騰，有兩隻雞腳，味道不太減。👍

今天到竹園探朋友，一起到商場的「新南苑」晚膳。餐廳中西合璧，同時提供中西式美食，選擇也多。我們見牆上的海報宣傳的“籠仔飯套餐”，二選一，於是選了“蟲草花三黃雞籠仔蒸飯”。套餐還附送例湯、時菜和熱飲。“黃鱔煲仔飯”，份量不少，黃鱔肉爽口入味，原煲煲仔飯新鮮熱㷫，香噴噴，飯底惹味而不乾硬，非常可口。“籠仔飯套餐”---“蟲草花三黃雞籠仔蒸飯”，蒸籠由荷葉包住，荷葉清香和雞肉味一起滲入飯中，雞肉嫩滑無骨，是必食之選。中式老火湯，有豬骨、雞腳等，味道不錯。白灼時菜，新鮮西生菜。熱飲，香濃咖啡。“京都豬排”，豬扒肥瘦適中，口感細膩，獻汁酸甜可口。“紅棗糕 ”，煙靭彈牙，是不錯的甜品。“黑芝麻包”，黑芝麻餡料豐富，香口，包皮也有芝麻香味。「新南苑」菜式選擇多，質素高，環境整潔，服務也貼心，是CP值高的餐廳。

今日去摩士公園睇男朋友踢波完咗就想搵一間附近嘅小炒餐廳食。男朋友體力勞動完，餓到傻，所以我哋都叫得比平時多。我哋分別叫咗炒蜆、黃鱔煲仔飯、九層塔粉絲蝦煲、同埋一碟蒜蓉炒白菜仔。上菜算快我哋坐低唔使10分鐘已經有炒蜆食。炒蜆好夠鑊氣又冇沙，調味都幾濃，好想叫個白飯配餸，但係係叫左個煲仔飯既情況下，唯有放棄🥺今日嘅焦點係個黃鱔煲仔飯，原來成個煲仔飯上到枱已經撈好，好似炒飯底咁好惹味，每一粒飯都上好哂色，黃鱔切左絲，但係份量好足，做到啖啖都有魚肉既炒飯，好食！另外九層塔炒粉絲蝦都相信係呢到既大絕！我地食到最尾非常飽都堅持到底。粉絲吸滿哂蝦味，濃濃既蝦膏味道再加上九層塔同埋具酒香既調味，食到Lam lam 利。我地覺得如果配白飯就敢perfect,可惜已經比炒飯霸左半個胃🥺估唔到屋邨小炒都咁好食，住係呢條邨都幾幸福

新南苑雞煲小菜點心 必試雞煲！經過黃大仙咁啱好想食雞煲，見到黃大仙有一間叫做新南苑雞煲小菜點心，而且見到各位師兄師姐既食評，一於去試吓！位於黃大仙竹園商場地下，打開餐牌真係乜嘢都有！有小菜有點心，炒粉麵飯亦都有齊，仲有煲仔飯同埋鐵板扒餐，可惜我同另外一位女士唔太肚餓同埋主要想食雞煲 ，所以淨係叫咗雞煲，油炸鬼同埋菜，眼見隔籬枱啲點心都非常四正！下次一定要試！雞煲一到我哋都哇咗一聲，首先未嚟到已經聞到佢嗰陣配料嘅香味！而且真係非常之大份，主要係有芹菜同埋香蔥，香味十足而且雞味香濃而且夠乾身！重點係實在太足料！食極都食唔完，啖啖肉！開頭每隔4分鐘就要抄一次個喎，仲要配埋油炸鬼脆卜卜真係非常之特別最後我哋再加左一份菜，同埋兩杯凍飲！眼闊肚窄，好多小菜淨係睇個名都非常吸引，已經決定好下次要試一試佢夜晚點心同埋小菜！

上次在此間食店試過佢哋啲扒餐，感覺良好，味道價錢對得住顧客有餘，所以在6月26日揾食肥華專誠同靚媽再到此食店，試埋佢嘅中式食品水準如何，特登在早茶及午飯時間光顧此店，諗住試食佢嘅點心同埋小菜套餐，入到此店坐底開茶時發覺此店提供茗茶嘅茶葉係非一般酒楼茶葉，有幾款特色茶葉裨顧客選擇，所以肥就飲桂花烏龍茶，靚媽就飲玄米喬麥茶，兩者都算好飲，點心要咗五款，除咗個碟牛肉腸得微温嘅熱度外，其他四款連埋個生炒排骨中式午飯套餐嘅湯和飯都係熱辣辣上枱奉客，而且味道甚佳，價錢又係街坊價，難怪當日此店在呢個時段，保持有九成入座率👍👍👍

今晚約左朋友拎嘢，順便吃個晚飯相聚，朋友住竹園邨，最方便諗住係北館南館果d度食；但佢話佢樓下有間新南苑好掂，叫我上去試下話說咁多年黎，真係未去過竹園邨，但跟朋友指示行，原來又唔遠喎，出北館有lift 一直上山，都好方便。餐廳好光猛，地方好新淨，完全唔似我印象中既屋邨餐廳🤭員工好友善，同每枱都好似好熟絡咁，果然係做街坊生意晚餐選擇好多，小菜係散叫，但白飯，嘢飲單點全部半價白飯$5，特飲先$11咸檸七，原罐凍七喜，加原粒咸檸，呢個天氣飲真係不得了沙嗲肥牛粉絲煲$72粉絲好彈牙，好入味；肥牛唔係超肥得肥膏果d平價貨，肉味濃，而且份量多沙嗲味香濃，正招牌魚湯酸菜魚$138香噴噴，好大盤魚肉好滑好滑，完全無骨；湯底鮮味香濃有蒜香，帶酸微辣，勁惹味開胃干炒牛河河粉綿滑，很有鑊氣整體三款都係水準之作，比我預期有驚喜，價錢合理

新南苑在竹園開咗幾個月，之前有食個早餐，都唔錯但不是好好，今日路經試下他午市套餐。店内地方都算大但街坊客人也很多，要搭枱。Lunch menu 主要是中式套餐，菜式大眾化，有炒菜有㷛仔，想食西式也有扒餐，跟飯或者意粉，坐底就order 咗menu 做廣告的sweet and sour pork。✨咕嚕肉lunch set $55個set包個白飯和一杯飲品，要例湯加多$18。上枱時，碟咕嚕肉very hot 是cook against order👍👍，大約有十件配酸蕎頭、姜片和pepper，咕嚕肉外脆内軟，甜酸汁撈得剛剛好，唔會洁撻撻，酸甜味啱啱好，整碟餸也很開胃。下次再來，一定要試下他的雞煲。

我鍾意食小菜點心嘅我，朋友就介紹咗一間品牌有多年歷史嘅新南苑。由大排檔開始已經做咗好多年，今次就去試吓佢！夜晚餐牌選擇好多，有基本嘅茶餐廳食物，仲有小炒、酸菜魚、煲仔飯等，更加有夜晚點心。 酸菜魚$138 見到個盤已經夠架勢，裏面酸酸辣辣非常開胃，我哋就揀咗小辣，另外裏面嘅魚質感香滑，仲有黐住少少魚皮，但係夾起亦都唔會爛，口感一流。裏面亦都大有彈牙薯粉及大量酸菜、芽菜、雲耳，款式和質感也很豐富！黑椒薯仔牛柳粒$76黑椒薯仔牛柳粒有充足鑊氣，牛柳粒鹹香有質感，薯仔有蜜汁，都好香甜。北海道3.6牛乳奶凍$15西米焗布丁$29兩款甜品都好OK，牛乳奶凍香甜彈滑，而且牛奶味好出！另外西米焗布甸熱辣辣，味道好香，大滿足！阿華田、朱古力$10@冷熱飲品配搭晚市美食升級是一樣價錢，讚讚～

雞煲，小菜，點心，一次過滿足幾個願望！睇餐牌仲有鐵板，酸菜魚同水煮魚等，選擇幾多元化，而且價錢平民化，至於食物質素，我覺得都幾好，性價比高。見到好多枱食客都叫雞煲，可惜我得兩個人食，所以今次無試招牌雞煲。見有得飲夜茶就叫左籠金箔蝦餃皇 $30同#櫻花蝦燒賣 $26，每籠三粒，金箔蝦餃好睇又好食，皮薄餡靚；燒賣幾大粒，係豬肉同蝦肉餡，面層櫻花蝦蒸熟左好似蝦米咁，少少脆口。之後叫左碟腐乳通菜炒牛肉 $68，份量好足料，牛肉大塊又好腍，搭腐乳味又Match喎，餸飯一流。脆米鹹檸檬海鮮炒飯 $68 呢個配搭好新穎，將鹹檸檬加上蝦仁，帶子粒，菜頭等炒飯，味道與口感好獨特。而炒飯本身亦炒得乾身，粒粒分明。最後甜品叫左抹茶流沙煎堆 $28，賣相幾呃Like，抹茶味煎堆加上流心抹茶漿，香濃得黎又唔會太甜，正！叫左凍飲計半價，凍奶茶 $10，維他奶紅豆冰 $12，第一次飲覺得幾特別，幾好飲。

黃大仙本身都已經唔係好熟路，竹園邨更加係去都未去過。今日因為工作關係黎到呢個歷史悠久的屋邨，完成之後同同事打算搵間茶記醫下肚，舊式屋邨諗住茶記都比較舊式，但見到呢間茶餐廳門面光鮮，內裡裝修新淨就決定入去試一試佢。睇一睇餐牌有好多選擇，有點心、炒粉麵飯、小菜，仲有特別推介嘅水煮魚、酸菜魚、雞煲。 =招牌雞煲配生菜+油炸鬼 $198=我哋二話不說就叫咗個招牌雞煲。店員好快就將雞煲送上來。你係完全唔會諗到屋邨茶餐廳竟然如此細心，餐廳只係將雞煮到七成熟，店員提示我哋每2分鐘煮一煮佢。由第4分鐘開始聞到好香嘅雞煲味，再煮多數次，再加入餐廳送上的油炸鬼，食得！整個雞煲好足料，落咗超級多配料，辣度我覺得適中，就算唔太食得辣嘅朋友都可以接受到，整體就是超級地香！雞嘅各個部位都有，雞肉嫰滑又好入味，最正係加入咗油炸鬼，索盡食雞煲醬嘅精華，最後加入埋生菜，正呀！ =藍妹啤酒 $32=食雞煲當然唔少得啤酒，絕配！一日嘅辛勞忘記晒！ =乾炒豬扒出前一丁 $60=由於點餐嘅時候我哋硬係會覺得一個雞煲唔夠食，所以叫多咗一碟乾炒豬扒公仔面。豬扒完全唔韌好易咬口，公仔麵炒得好有鑊氣，但又唔會太鹹係高質嘅炒公仔麵。 整

沙嗲金菇肥粉絲煲🐂$72店如其名咩都有得食又有雞煲小菜叫同埋點心😍不是夜晚都有得食點心😝今次我就叫啲小菜🤩上菜速度非常快😗整體黎講個煲配搭都幾好重沙嗲嘅味道😛而且肥牛份量都多😘牛肉就肥膏比例偏高😇啱晒小肥我😆粉絲份量都好多😊非常之索味蜜椒薯角牛柳粒🥔$76薯仔外脆內軟😎好重蜜糖味😀牛肉就偏向重黑椒味😆牛肉都帶有蜜糖香味味煙牛肉肉流腐乳通菜鮮魷🦑$72見到佢咁多魷魚就知佢足料啦😎魷魚同埋通菜都有濃郁嘅腐乳香味😗仲有第二隻味揀㗎😍呢個配搭冇得頂家鄉炒米$62雖然唔知佢個家鄉來自邊度🤣🤣🤣但係真係有一種家嘅味道😌整體唔算好油膩🤩都有好多材料配搭😎例如有炒蛋🤩蝦仁🦐同埋椰菜🥬所以整體嘅口感都唔錯😜層次豐富

去開竹園，夜媽媽搵個地方食嘢，新南苑又有小菜、又有點心、又有鐵板餐，啱同行人士唔同口味，一於試吓。去到舖頭門口，見到餐廳入面差唔多滿座。等咗一陣，就有得入座。Menu冇唔同類型嘅選擇，去到夜晚都仲有得飲茶食點心。二話不說，叫咗一籠紅棗糕試下先～紅棗糕上枱熱辣辣，三層分明。上下兩層好香紅棗味，中間白色嗰層則充滿梛香甜味。其後就分別叫咗兩個小菜，分別係水煮牛肉同埋麻辣鴨血煮海鮮。水煮牛肉幾大盤，牛肉片放喺上面，下面放有大量芽菜、薯粉、木耳等配料索湯汁。至於麻辣鴨血煮海鮮，鴨血完整唔易散，大概有6至7塊。而海鮮種類有蟹柳、魷魚、帆立貝、蝦等食材，每樣有啲😂除咗兩個小菜，我哋好random地想試下鐵板餐，叫咗黑椒汁雞扒拼帆立貝😅 鐵板喳喳聲上枱，雞扒大大塊，雞皮煎得有啲脆口，切落去雞肉會有少少雞油滲出。帆立貝有兩隻，比起剛才鴨血海鮮入面嘅帆立貝更爽口，配菜有薯條，而加5蚊就有兩塊新鮮出爐嘅牛油豬仔包！鐵板餐額外送餐湯＋飲品，鐵板餐七十幾蚊，價錢算可以。

約左黃大仙竹園邨的朋友到其附近的新南苑雞煲小菜點心晚餐。來到餐廳，見到都有很多人等外賣。Menu都頗多選擇，有小炒、煲仔、雞煲、點心、小菜、蒸飯等……要了三個小菜，豉椒炒蟶子、椒鹽大蝦、西蘭花炒牛肉及一個豉椒排骨炒河~~豉椒炒蟶子$88蟶子不是很大隻，但差不多都肥嘟嘟 的，豉味及調味很好，蟶子頗為鮮甜的。西蘭花炒牛肉$68西蘭花炒牛肉調味較為淡少少，牛肉炒得剛好熟，有牛味非常軟淋又不會靭。西蘭花則炒得腍中帶點脆口。椒鹽大蝦$88 蝦殼比較薄殼，蝦肉食落帶點爽的，我喜愛和著炸蒜椒鹽一齊食，真的可口美味的！豉椒排骨炒河$62豉椒排骨炒河，名為炒河，其實這個炒河卻不是平時食的干炒牛河般真正的炒過，而是河粉並未炒過，將炒排骨及汁一齊放於河粉面上，食時將排骨及汁與河粉撈勻再食，河粉沾著濃濃的排骨汁的鮮味，非常美味，又軟又滑，是我較少食到的美味的排骨河粉~~餐廳的小炒菜色味道真的不錯，有機會還會再食~~

通常屋村內都很多臥虎藏龍的食肆，今天經友人介紹，便來到這裏。啫啫芥蘭煲$80，廚師將蝦乾、肉碎和蒜頭，爆香之後，非常惹味，加上爽脆的芥蘭，變成了傳統的一道好少菜。懷舊啫啫雞煲$88，豬潤和雞的份量都十足，加上蒜頭、薑和蔥頭的味道，打開煲蓋的時候，已經聞到非常的香氣。剁椒蒸魚雲$88，魚雲都很新鮮，剁椒帶點鹹味和辣味，令到魚雲非常惹味。另外值得一提，鋪底還有河粉，可以吸收醬汁的味道。凍檸樂半價$11，凍鹹檸七$11。