新大利粉麵茶餐廳

營業中

休息中

西多士煉奶真係好正！外脆內軟，咬一口就有濃濃的奶香味，甜得剛好，唔會太膩。再加上凍奶茶，冰冰涼涼，茶味濃郁，配上香滑的奶，真係一流！每次食西多士，必定要來杯凍奶茶，兩者搭配，簡直係完美組合！無論係早餐定係下午茶，呢個組合都令我心情大好

今日我食咗碗肉丁麵，真係好好味！麵條煮得剛剛好，肉丁又嫩又多，配上濃郁嘅湯底，簡直係人間美味！再加一杯凍奶茶，冰冰涼涼，甜甜滑滑，真係解渴又開心。沙爹牛麵真係好正！牛肉切得薄薄，煮到剛剛好，配上香濃的沙爹醬，味道超級入味。麵條滑溜，吸收咗醬汁，食落去一口接一口，根本停唔到！再加一杯凍檸茶，清新又解渴，啖啖都有檸檬香味，真係完美搭配。

大圍區都好多選擇，不過我比較鐘意嚟呢間今日我食咗碗肉丁麵，真係好好味！麵條煮得剛剛好，肉丁又嫩又多，配上濃郁嘅湯底，簡直係人間美味！再加一杯凍奶茶，冰冰涼涼，甜甜滑滑，真係解渴又開心。

下午時間行過附近 見裏面有空位 所以就揀左依間 入到去本來想淨係食件三文治🥪就算 點知麵包🍞賣哂 所以最後揀咗幾碟炒嘢🌝·干炒豬扒烏冬炒得幾好食嘅真係 只係鹹咗少少豬扒都好瘦 無咩肥膏·黑椒雞扒意粉都幾大塊下嘅雞扒 滑嘟嘟嘅意粉 唔錯·福建炒飯最好食嘅一個 個炒飯炒得粒粒分明 唔係淋哂果種個汁鹹淡比例剛好👍🏻D料都幾多下

今天在大圍閒逛後來到這一間茶餐廳。一進入餐廳時感覺裝修有點像澳牛，當然食物選擇上唔似，因為食物的種類較多。肚餓的大苯並沒有留意太多其他的小食餐和三文治餐，最後選擇了一餸麵配雙拼三文治的常餐。而小呆就選擇了香口的雞寶餐。首先來到的是凍檸茶，冰凍而茶味不太濃。然後是腿蛋治，蛋十分厚身和嫩滑，配以軟棉棉的白方包，感覺不錯。最後是沙爹牛麵，麵的表面有濃濃的沙爹汁，撈完後差不多每口麵都有沙爹汁的味道，加上頗鬆軟的牛肉，話咁快就把整個麵食完。而雞寶餐除左有剛炸好的粗薯條之外，還有麥當奴麥樂雞cross over kfc巴辣雞粒的雞寶。成個餐好好味亦都好熱氣，太邪惡了!

大圍有許多茶餐廳，食來食去，都係鍾意來《​新大利粉麵茶餐廳》​，新大利於大圍開業已經有一段時間，今日又來食個早餐，早餐可以揀一款粉麵再加兩隻煎蛋/炒蛋，也可選單拼三文治，今天吃了沙爹牛肉麵，熱辣辣香噴噴，牛肉夠淋，麵質夠爽，師傅加咗麻油，湯麵更香。最欣賞佢杯奶茶，不用加糖都好好飲，茶香奶滑，欣賞你。新大利的炒粉麵飯都是好多街坊喜歡點的，個人比較喜歡乾炒牛河，呢個屋企自己怕麻煩煮唔到，一定要靠師傅拋鑊嘅技術。香港人幫襯茶記已經是一個習慣，絲襪奶茶一定要喺度先飲到，一間食店可以食到咁多唔同類型嘅食物，就只有香港茶記做得到。

過左下午六點嘅時段要食下午茶真係無咩選擇。新大利雖然收得早，不過佢的茶餐卻是全日供應的。最鐘意食佢嘅下午茶餐同沙嗲牛肉麵，雖然今次叫左米粉，但依然好食。今次個奄列仲要炒得好好食，正呀

今日去食呢間茶餐廳係滿載住兒時既回憶⋯⋯餐廳既門面咁多年黎都無變過，一入到去就有超強既親切感，入面既setting亦都係同十年前一樣，就連係食物既味道都一樣無變過！我地叫左2樣由細食到大既野食一個係楊州炒飯，另一個係沙爹牛肉常餐，不得不提，呢度既炒野大部分都好有水準架！呢間茶餐廳炒既炒飯粒粒分明，好乾爽，唔會覺得癡口可見廚師對火喉既控制係非常之純熟，而且碟飯入面好足料，唔似出面d炒飯咁得少少餸。不過廚師今日就重手左少少，落多左鹽，味道偏咸。對我黎講，一間好既茶餐廳，除左要有好食既炒飯，仲要有好食沙爹牛肉沙爹牛肉麵麵質偏"林"，非常容易入口！牛肉口感好嫩，一D梳打味都無，沙爹湯既味又好濃，配合幾樣野起黎真係無得頂！另外，個奄烈都好出色，蛋入面包住好多好多火腿，足料呀！總結黎講，呢間野既水準真係十年如一日，keep得好！

今日下午要去威院威威，所以午餐就在去醫院的途中解決。在沙田區，最容易搵到平平地又好食又大碟的地方，應該只有大圍可以滿足到我。我在大圍村的內街行行走走，大多都很普通，又不吸引。吸引少少的，早已經有條龍在門口，於是，我求其入，入到來這一間名叫《新大利粉麵茶餐廳》食個簡單午飯。我的午飯，就邪惡少少點個又多肉又保證香口的梅菜扣肉飯。扣肉飯來到，飯好多，絕對是一個工友式的午餐，飯多到連附在飯上面的梅菜同扣肉都包不住飯。幸好，個扣肉的汁夠味道也夠多，夾埋梅菜，撈起飯黎都好有味道。扣肉夠肥美，入口一點也不膩，味道亦夠濃郁，是夠好味道的邪惡美食。奶茶了，既香又夠滑，茶的濃度亦剛剛好，是一杯好 aroma，好提神，好味道的一杯。簡單一食，感覺唔錯，水準高不高不評，不過，今餐合我口胃就是真的。

聽朋友話呢一間係大圍嘅新大利茶餐廳嘅茶餐好好味，特別就係沙嗲牛肉麵，所以今日一放假下午起身就去食個下午茶試吓。入到去都有好多唔同嘅選擇，有茶餐，有常餐同埋下午茶餐，我哋就揀咗常餐，唔同嘅粉面加炒蛋腸仔或者奄列再配牛油多士，在送埋嘢飲。我就叫咗個沙嗲牛肉麵，遠處都聞到沙嗲味，仲要好濃郁，食落口公仔麵嘅靭度啱啱好，唔會好林，而且沙嗲牛肉分量多，又多汁，好味道啊！我叫左炒蛋配腸仔，平時出面茶餐廳都好多油，多數唔會同你隔咗啲油，但係反而呢度嘅炒蛋係冇乜油，望上去好健康，食落口都好好味！再加少少胡椒粉同埋鹽，好夠味呀！

本身趕時間 食茶仔只求快所以就求其入左間近火車站不過50蚊 換黎呢個質素 真係好唔扺叫左福建炒飯 諗住應該穩陣啦一上枱 見到兜飯 係就係料多 又火腿 又魷魚 又叉燒第一次食有火腿同叉燒既福建炒飯覺得好似求其拎d野炒埋一碟甘味道偏甜 再加埋d叉燒都好甜感覺怪怪的我覺得係一碟扮福建炒飯既揚州炒飯最核突係食到一半見到d獲撈其實我食個陣餐廳都無乜人可以洗乾淨d隻獲先煮野加左5蚊要杯熱齋啡 偏酸不過無期望就無失望我諗我好難會再黎幫襯50蚊都俾呢d質素 我一定去另一間食算

身為一個香港人, 茶餐廳就好似外國麥當奴咁, 係一個唔可以未去過既地方~本身自問唔係一個港女, 都幾鐘食茶記同大排檔, 今次就推薦一間由細食到大既茶記~ 基本上而家朕都接近每2個星期會幫趁一次~好多人都會不停介紹大圍有好新進既野食, 但大家千萬唔好忽略大圍其實有好多開多好多年既地道野食~依間就朕最愛既茶記 -- 新大利, 唔好見到佢寫左個新字就以為佢好新LOL 但其實因為大圍有2間大利, 其實係2兄弟開~但因為找拆左伙, 所以一間叫大利一間叫新大利 (聽聞)而且佢一D都唔難搵, 係就火車站A出口一出, 直見到渣打銀行轉右, 行前2步轉左, 再行前多1-2分鐘就到因為朕次次都係瞓醒就去食~ 通常都係叫佢個常餐你唔好見佢係一個常餐, 佢一個麵, 再加一個足料三文治都只係$34朕次次叫都係: 沙牛麵, 餐蛋治烘底 (+$1), 凍飲+$2首先~佢既牛肉係淋既~同埋唔係一舊起兩舊止~ 朕都係比較鐘意食爽麵, 佢煮出黎係爽之餘仲要係彈口!! (本只屬個人意見LOL) 朕真係諗唔到佢係用咩牌子既公仔麵雖然佢唔係出面新式個D既厚多士, 都唔係咩炒滑蛋, 但佢勝在一定係新鮮即整, 同埋午餐肉都唔會係h

呢日黎到既時候已經過左早餐時段，唔想食到咁飽所以就要左個特餐食下。我揀左火腿奄列 + 沙嗲牛肉公仔麵火腿奄列質素正常，半熟不生咁，係個面有少少油。沙嗲牛肉公仔麵就做得比較好D，沙嗲味都幾出，牛肉有幾舊，唔難咬又有少少肉味。麵身唔會好淋，不過我略嫌個湯底無咩味。

下午經過大圍到到都好多人想食個午餐都冇位， 剛剛經過呢間新大利有個位就坐低食個午餐先， 叫咗個咖哩雞扒飯同凍奶茶， 咖哩雞扒飯 個咖哩汁非常之油， 味道好普通咖哩味唔係好香，連飯一齊食都麻麻地，不過D薯仔幾好食係炸過嘅幾香口，雞扒份量都幾多，外皮脆脆 雞肉幾畫滑， 一啖飯一啖雞扒都唔錯， 杯凍奶茶 就好差少少， 飲落去好甜冇乜茶味同奶味冰有比較少， 呢個午餐都比較貴要56元

覆診後又去找吃，因為不太肚餓，人越大越不想吃太多，所以來了這裏來吃下午茶餐，快餐店質素，不過不失吧!******************************要了一份茶餐，魚柳包配熱菜蜜，HKD28。看看魚柳包，其實不是很大個，比M記的大小許，有菜，魚柳也有大半個包的份量。配上沙律醬和生菜，算是不錯的了。菜蜜都是加了熱水的菜蜜，不是很甜的味道。看看個包比杯菜蜜大多一點點，這樣的一個茶餐，有點貴，不如去食M記了。