新安越 (已結業)

期待，真的很不錯！牛肉鮮嫩有牛肉油香味湯底好味到不得了！我又試吃越南春卷，真的是我最喜歡的味道又不油膩，我吃了很多老闆娘又介紹牛肉湯河粉，個湯底完全是牛骨煲出甜味下次我定會再去吃

今天想試新店, 見依間咪試下..點知中哂伏! 我們一家點了生熟牛肉河, 扎肉雞絲湯河 , 菠蘿海鮮炒飯 及幾杯飲料先講湯河是最差, 湯底只有咸味 ( 好咸果隻 ) , 粉質粗劣,  d肉煮過頭, 非常韌, ..本來肚餓只吃了幾啖, 都吃唔落海鮮炒飯味道就正常返少少..但飯內有餘下的蛋殼囉...( 數量唔少 )成餐飯最正常只是杯紅荳冰 & 椰青.......總括來講, 永沒下次, 已入黑名單~( 成餐飯都吃了500 蚊..真是唔抵 )

叫店員攞個碗仔來, 等左幾個字都冇. 叫另一個攞又冇左回事. 個 個同大爺甘,黑口黑面。環境又唔幹凈, 有幾摊水積都冇人抹一下。D野食好普通，味道同賣相唔太好,隨便一間茶餐廳都好過距.  我會選擇其它店鋪, 唔會再來.

見無人寫過負評應該唔會差掛 點知都係….. 重專登喺地鐵站行過去 要成差唔多十分鐘 叫咗碗生牛肉湯河 第一試啖湯 嘩 得個咸字 個人感覺好似用豉油 味精加滾水開出嚟咁 重要頗咸 完全唔係正常用牛骨淆果種 牛肉係 Well Done 完全孰晒 唔知點解唔係切薄片 而係厚切 亦唔知係邊個部位 總之唔係正常越式牛湯河果種牛肉 無乜牛味 就連D河粉都唔係好掂 一片片好厚身 質地超削 芽菜 洋蔥 九層塔 份量好少 送杯暖暖地嘅熱檸檬茶 埋單重要加一成$70元 講真真係幾廿歲人未食過碗咁唔好食嘅越式生牛湯河

今日去咗將軍澳越南餐廳食嘢🇻🇳除咗越南菜仲有泰國🇹🇭嘢食✌🏼，之前星期五去過Full booking無緣無得食😩，所以今次好醒目，book咗位先去😌😌我哋一行4人叫咗5樣嘢食，超飽😋🐔香茅雞翼👇🏻（8隻)好香好有香茅味，醃製得啱啱好唔會過鹹。🫔新安自家製春卷👇🏻(3條，都算大條)春卷個味道都好好，好多餡，有黑木耳，豬肉碎，紅蘿蔔等等….但炸得唔太夠，夾起有少少散開，失色咗少少。🥘冬陰功雞湯👇🏻個湯好足料👍🏻都好多雞件🐔啲雞肉好嫩滑👍🏻👍🏻唔會太酸，不過唔辣，如果再辣啲就好正(因為我鐘意食辣嘢）🤣🤣本身去係想飲大頭蝦冬陰功湯，無蝦所以無得飲😭😭🍤越式蝦餅👇🏻(4件，會切開一半變咗8嚿）蝦餅都幾大件，好好食😋🐟明爐烏頭魚👇🏻條魚都算幾大條，好厚肉，條魚無泥味，有時呢啲魚唔靚係會有泥味，個湯汁做得幾好，有少少酸酸美美咁，好味好香，有小小青檸味👍🏻👍🏻都好多肉碎🐷，有蕃茄🍅菇🍄仲有辣椒🌶️（唔食辣嘅朋友仔就唔好叫）☕️越南滴漏咖啡👇🏻咖啡真係好香👍🏻👍🏻🥛椰汁冰👇🏻本身係想飲椰汁紅豆冰😩，但係無晒紅豆，所以唯有飲椰汁冰🤪🫒青檸梳打🥤🍹熱情果梳打👇🏻都幾特別，同埋好多熱情果👍🏻唔係開糖漿糖水嗰啲

今晚點左兩個火鍋，之前試過冬陰公湯底已經讚不絕口，今次加多個椰子雞湯試下，果然無失望，湯底濃郁，咸道適中，超讚👍🏻👍🏻👍🏻另外仲有鹽焗鰂魚，焗嘅時間控制得非常好，肉質鮮嫩🤤🤤，水準之作👍🏻👍🏻👍🏻我好欣賞老板娘製作用心，而且十分親切，對出品要求嚴格，實在對食客付出💯真誠，先可以做出超水準嘅食物俾客人，淨係呢點已經值回票價🥰🥰🥰誠意推介新安越俾大家😊真❤️推介💯

今日食左一個有D過份既 lunch, 就係呢個麻辣豬大腸雞煲, 個汁好好味, 唔會太咸, 牛丸係爆汁, 好食過出面振X牛丸好多, 原來係老板娘自己親手打, 佢D牛肉好好味, 我係牛魔一個人KO左半碟, 豬肉同羊肉都好味, 本來已經食到好飽, 見到隔離台叫左個口水雞, 忍唔住都要試埋佢, 個汁果然好正, 雞又好咪, 出面有D舖頭會陣有雞羶味, 下次要試埋個帽子冬蔭公.

員工態度惡劣！地方污糟，唔衛生，黐立立！食物難食，唔新鮮！嗌左個撈檬走芫茜，黎到無走芫茜同佢講，一句說話都無講，就咁拎走。換第二個比我，裏面都仲係有芫茜。唔會再去！

Some of the staff members (waiting and kitchen) of this restaurant do not wash their pandemic gloved hands when they go to the restroom! During these past few months, they go to the restroom and I have witnessed these staff members on more than one occasion come out of a toilet cubicle stall and head straight back to their restaurant. Even if they only changed or adjusted their clothing and did not do a #1 or #2 in the toilet stall, they should still wash their hands before returning to their re

🏷️ #轆在將軍澳吃吃喝喝.要喺呢區搵一間唔係集團式嘅越南菜食店都真係唔係咁易，既然遇上就試吓先。#越式生牛肉河粉- 湯底好清，飲落舒服，唔會過鹹，有大量芽菜，河粉係粗身。牛肉好多，浸湯好耐都唔韌，good。最正係食到九層塔，多啲仲好🙂#炸春卷- 炸得勁脆，餡料係木耳、紅蘿蔔、菇...微辣，好食喎。生菜好新鮮，夾住一就食，爽脆！#豬扒撈檬 - 勁大碗！豬扒嘅做法有啲似牛油雞翼咁夏天食真心涼爽最後杯 #凍檸茶 ...望落同一般檸茶無分別，飲落有驚喜。點解？有飲過泰式奶茶嗎？就係果種茶味，但加咗檸檬，好飲喎，啲檸檬片都染咗少少橙色 XD‼️食店喺商場，無梯級。不過食店好逼，勉強可以入到一張輪椅，就係對住門口果張，因為2邊有卡位或長枱。

朋友住將軍澳，經常邀請我們去將軍澳食呢間越南餐廳，話要打邊爐。大家都不為意一直拖咗好耐最後才成事。但我哋唔係食越南菜，係打邊爐，個火鍋一嚟到，真係嚇一嚇，係驚喜嗰種嚇😁😁個火鍋擺設好特別，上面圍住晒全部係肥牛，其實未食，睇個樣都覺得啲肥牛好新鮮，果然同出邊嗰啲冇得比，個湯底夠辣又濃味，真係好正。其實其他火鍋配料都好味，不過自己最鍾意食肥牛所以極力推薦肥牛。利申，呢次評價之前我已經去過4次，老闆娘又好好人，成日走出黎同我哋傾偈又推介食物，可能因為地點問題，我去過4次夜晚都唔算多人。但係食物同服務質素都一流，如果你住附近真係不妨去試一下，呢個肥牛火鍋真係冇得頂👍🏻

滿屏的肉呀，這家火鍋說是超級好吃，所以我就專門和朋友去將軍澳打卡的，非常特別的越式或者說是泰式火鍋竟然是冬陰功湯底，天呢，你就能想到他有多好吃了！对于肉并不是那么执念，不过这家的牛🐂和猪🐷，肉质都非常好，就连丸子也是，每一颗都非常扎实！但是我要隆重推荐的是響鈴，吃的時候，一顆胖胖的豆腐吸滿了冬蔭公湯！太美味了！饮品🧃方面我们点了一个龙岩冰🧊，一个椰汁🥥，都很好喝，除了这些，店家还做泰式料理，也非常美味，大叔和蔼可亲

因為之前嚟親都要排隊，所以已經有一段時間冇黎喇！天氣凍凍地，突然好想食越南湯河！今晚特登嚟睇下撞唔撞到老闆娘！好彩佢今日喺度！我哋兩個人叫咗：生熟牛肉河 @$78- 熟牛肉有啲硬，不過好香！湯底都好足料，不過略嫌偏鹹！雞絲湯河 @$65 - 湯底非常好！啲雞絲粗到似雞柳！好似多到有半隻雞咁多，食極都食唔完！好抵食！越南滴滴咖啡 @$25 -$25 好抵！仲可以自己落煉奶！最開心嘅環節梗係老闆娘請食甜品啦！呢個椰汁西米露布甸冇得頂！

今日要黎將軍澳做野，趕時間所以搵近近地又唔洗等位嘅地方，所以就入左呢間越式餐廳。午市都好多選擇，有好多唔同飯餐，湯粉同撈檬。越式黎講我就最鍾意食檬粉，所以揀左佢有個皇冠推介嘅豬頸肉撈檬，個餐連埋飲品（$58）。碗檬粉好大碗，好多配料，有青瓜絲，甘筍絲，芽菜同生菜絲，重中之重係好多片豬頸肉，啱啱煎好仲熱，仲脆邊添，夠香夠惹味。檬粉同其他餐廳食嘅檬粉唔同，平常食嘅檬粉偏透明，呢間餐廳嘅檬粉係白色嘅，店員/定老闆😅話佢地用嘅係正宗越南檬粉，口感煙韌，加埋個酸汁好開胃，所以咁大碗我都食得晒😁。店外有個易拉架，寫住午餐會送老火湯，唔。。。老火湯好似唔係越式喎，莫非fusion? 😅唔理啦，好飲就得啦。飲品就冇要求啦，都係咖啡一杯囉。

雖然之前已經寫過一次，但今次翻食 試到驚喜以外既野，勁大條炸到熱辣辣岀煙既春卷，仲要唔系岀面果啲無料春卷，距呢隻唔知系咪自己包，好似系啲木耳絲阿紅羅白絲阿爽口既野包系春卷裡面，另配上酸甜少少辣既汁，醒神又醒胃，檬粉涼涼既感覺，加上熱辣辣春卷，配酸酸甜甜既汁，令人清新既感覺，又不會膩，份量足，價錢合理。有包飲品，另外仲有個湯跟。春卷超讚！位置比較偏僻。另外，有個冬陰公肥牛粉，友人話唔系好辣，蕃茄味重啲，但冬陰公味調得唔錯！一讚！