新富盈四川麻辣米線 (已結業)

從前仍住在土記之時，有幾間食店是我經常會去光顧的。這兒是其中一間.....今夜又回來重溫舊夢，點一客我從前常叫的多料湯飯....以前一到糧尾之時，就會過來吃湯飯。點一個四餸湯飯，大大碗埋單都只不過是五十多塊錢，實在太抵食。事隔經年，湯飯份量依舊，價錢亦只加了少許，依然平平哋就可以食到飽飽，怪不得就連閒日店內也擠滿不少附近的街坊落來開飯....在一眾配菜中，有好幾樣是我必點的 ---- 皮蛋雖不是甚麼超溏心的好貨色，但勝在份量慷慨，一上就是一整隻；台灣豬肉條咬下去肉質彈牙，鹹鹹哋甚覺惹味；西洋菜自己在家懶清洗，上策還是要到街外吃....今天搭單的，還有豬腩肉及魷魚鬚。前者本身醃得頗夠味的但肥肉與皮的部份未見爽口；後者粗身出奇地爽脆而不帶一點韌，吃得太座不住地點頭....湯、餸與飯滿滿一大碗，吃得人肚滿腸肥....還未夠喉時，通常都會再加多碟一客四隻的香草雞翼....雞翼用慢火煎魚的方式弄出，結果當然是皮脆而肉嫩，上桌時又熱騰騰，肉亦醃得非常入味。若然香草可以再下得重手一些，那就完美了....和太太各吃了湯飯及米線，再吃雞翼，肚子已是飽到不行。兩個人花不了許多就食到"翻眼"，除了在深水埗一

一向喜歡食米線的我, 昨日路過見有好多人食, 即管試吓先, 叫了腩肉麻辣米線, 湯底完全無麻辣味, 腩肉又無味又肥, 不過米線夠滑嘅, 好失望唔啱我個人口味, 希望下次有改進啦。

平時係新富盈捧場客，但啲伙記質素愈來愈唔掂，成日漏單，仲漏餸，已經連續三次去食都漏餸，頭2次係堂食仲可以即場補返，第3次係外賣，3餸剩係畀左2餸，間唔中一次都可以話係甩漏 但連續咁多次就覺得係有心，唔怪得近來見佢啲客愈多愈少！錢唔係咁搵架，做返間良心食肆啦！

這間是第一次來，見餐牌是吃湯飯和麻辣米線，就試試麻辣米線，雞肉豬膶配中辣，試第一口湯，失望，無麻辣香又無辣味(已經是中辣）嗜辣的我，這麻辣真的不合格，但撇除這個問題，其他如雞肉滑，豬膶爽，湯底雖則無麻辣香，但一試便知道湯底是配湯飯那種有肉香味的生滾湯飯。只是認為用這湯來作麻辣米線有點浪費。整體碗米線除了麻辣不合格外，其他的材料是有水準的。來吃湯飯是ok，吃清湯米線也行，但麻辣就⋯我不推薦。下次會試湯飯，再評評吧！

平時比較少去土瓜灣因爲比較遠。前幾晚夜晚因爲有啲事要去炮仗街，知道土瓜灣嗰邊其實好多野好食所以決定發掘一下新野食。其實搜尋左一陣，有幾間都好似好好食，都由於對土瓜灣唔太熟悉同太熱，所以行到咁上下就放棄覓食之旅。。見到有間有金剛小儀有食過既米線就走入去試下，諗住求其攪掂一餐就算入到去其實都有好多人，食肆臨立既地方都咁多人幫襯都幾放心。去到可以叫湯飯同米線。揀左要個小小辣既米線，黑木耳同牛栢葉。食得出用料比較新鮮，但係湯底唔係幾夠濃，但係辣就夠既。但係加辣要$5 有啲貴

我住土瓜灣超過30年，新富盈由舊舖到新舖都有幫襯，老實講，唔係話好好食，普普通通冇乜特別，不過今次真係嬲👹👹新舖我從來冇試過堂食，通常外賣，我每次都係叫腐皮，炸枝竹，豬潤，3豬扒，冬瓜。今日去食收我$59，我唔肯定係咪加咗價，呢個唔係重點，返到屋企發現又冇比腐皮我。。。冇錯，係‘‘又‘‘，今次已經係第3次冇比腐皮我，我真係好嬲，打去叫個呀姐送返上嚟比我，重點嚟喇，新移民呀姐話‘‘小姐，我邊有咁多人送d腐皮嚟比你呀?!比漏咗你咪自己落嚟攞咯!!‘‘，我話係你地問題，今次已經係第3次，我上次都有打嚟，係老闆聽嘅，新移民呀姐話‘‘咁點呀?!我就冇人送架喇，你自己嚟攞咯!!‘‘咁我就忍唔住x咗佢兩句，其實一場街坊，我都唔想爆粗，不過佢d態度真係黑人憎到一個點，最後我梗係冇落去喇!!以後都唔會再去!!完!!

呢間四川麻辣米線係土瓜灣區都算幾出名，因為佢用料新鮮，湯底算好味，我有幾個同事都經常幫襯，而我就只係光顧過兩次。今晚又要自己食晚飯，所以黎到叫了三餸米線，牛肉餅、魚腩、台式豬肉條加小麻辣。另外如果叫湯飯要用紅色單，叫米缐要用綠色單由於即時烹煮，結果等了15分鐘😰牛肉餅應該是自家製，都幾彈牙有牛肉味。😍台式豬肉條是買回來的，都算合格。魚腩是新鮮的，好有鯇魚味。👍另外還有一片腐皮，好有豆味。至於湯底就幾清甜，唔算好辣，飲咗都唔口乾，飲到底仲有D蒜頭。整體有80分👌👍，而本來三餸係$45，不過牛肉$10，所以價錢$50就算貴少少😅

呢度既食材係新鮮過附近另一間雲南米線, 但個湯底好麻麻, 我叫左大辣, 但X仔10小辣都辣過佢!!仲要加辣要收5蚊個麻辣湯底同食車仔麵個咖哩湯底好似, 完全無麻辣味, 雖然食材新鮮但都未必再去

放工黎左土瓜灣, 見餓餓地就過過左黎食碗米線新富盈唔係第一次食, 味道都幾好, 今晚再次黎encore😁魚腩豬腩肉豬扒中辣米線食碗米線咁就$50 價錢真係有啲貴😅麻辣湯底確好夠味! 中辣呢個情都對我來講啱啱好, 豬腩肉肥瘦適中食落咬口, 魚腩都係必食嘅食材之一😌😌😌 好味道另外仲有一個豬扒, 豬扒因為係炸嘅關係食落都比較乾身, 味道都還可以👌🏻不過一個晚餐已經要差不多＄60, 感覺真係有點貴但因為他的湯底的確係有水準, 只可以講既係有時口痕想食都會無奈地選擇佢🙈🙈🙈

每逢晚上繁忙時間路過這間食肆，都會見到好多人，所以都想試試。終於有日可以試到了，基本上食材算新鮮的，湯㡳都算可以，只是要搭枱，唔介意的話可以一試的，而係要考慮這裡是家庭式經營，落單的肥佬就是老闆，而他的態度就麻麻。

新富盈算係我由細食到大嘅一間鋪頭，佢嘅食味真係拍得住其他出名面線嘅鋪頭不過以前相對平，而家越食越貴今日來食呢間米線，雖然外面無人等位不過入邊座無虛席。香草香烤雞翼評分：4/5食落雞翼個香草味幾香唔似平時一般出邊食嘅香草雞翼，味道唔錯另外叫左個四餸米評分：3/5米線軟硬適中，魚腩食落好嫩滑豬腩肉份量都幾多外皮好彈牙好有口感米線配埋麻辣湯底食味道一流！米線黎講呢個價錢的確有啲貴，不過有時一餐半餐都可以接受

今晚嚟到土瓜灣本身諗住食個間鋪頭原來星期三休息😳，諗唔到食咩之下同男朋友行經呢間「新富盈」，男朋友話呢間鋪頭個麻辣湯底好出名所以今日就試一試😋😋😋平日來講晚飯時段的確幾多人，要搭枱先至有位坐。呢幾日個肚有啲唔係好舒服，一個人食唔到咁多所以同男朋友兩個人share一碗麵（4餸配料），另外叫咗一個小食同一杯豆漿。香草烤雞中翼 - 五隻＄35外皮既香草味道幾香口，因為用烤嘅方法所以雞翼帶點干身，肉質唔算好嫩不過香草味都幾入味。味道唔錯！四川麻辣米線（四餸）少辣 $47魚腩，豬腩肉，豬潤，鮮枝竹如果就咁睇個價錢四餸米線的確幾貴，不過佢呢度個麻辣湯底的確做得幾出色，叫左小辣所以麻辣味道唔算太濃，不過佢個味肉有點花椒八角味咁令人想一飲再飲👍🏻豬潤比較薄身食落口感軟身豬腩肥瘦均勻唔會覺得好肥膩，好食！整體來講呢度個麵都幾好食，有機會下次自己一定會食一碗！😋😋😋

五日前才吃過，覺得此店啲米線好好味，呢日再去幫襯：把外賣帶回公司，肚子打鼓了，準備開餐：今次叫了兩餸米線，炸醬加牛肉，伴有芽菜，腐皮及韭菜。米線依舊軟硬適中，掛湯力強，炸醬同樣入味，湯底繼續惹味，牛肉厚薄適中，肉質鮮嫩，口感極佳

不想再批評公司的伙食了，見不少同事都愛在午膳時間，到附近的新富盈四川麻辣米線舖，買米線帶返公司吃（因不設送外賣），這天我也親自去買：供應米線及湯飯，配料選擇多！自己揀了三餸米線 :米線軟韌適中，掛湯力強，炸醬入味，湯底味道濃郁，豬頸肉夠香口，肉質鮮美，炸魚餅共三件，魚香陣陣，口感不俗！

外賣同堂食一樣，有大大碗鮮甜的湯，加個勁靚仔（白飯），34蚊晚餐已經是經濟了。已有好幾年沒有來吃，餐廳內時常見滿坐，這次幸好有位。麻辣是我近期的新歡，這次要了小辣，已經夠了。材料是新鮮煮的，所以是要等待10分鐘的時間到。西洋菜