新巴黎越南餐廳 (已結業)

豬扒飯啲豬扒整定好難食跟住啲飯一舊舊係冷飯又係好難食跟住嗰個乜鬼好炸蝦餅又係冇炸過咁樣好似魚餅咁感覺食完之後又肚痛個地方有污糟價錢一般啦 第一次寫食評冇試過 冇試過啲咁難食嘅餐廳

銅鑼灣地段貴 ~食物雖然種類多!但閒閒走入間餐廳都六七十蚊 身為一對80後的普通打工仔小夫妻!實在每食一啖心肝都跳一跳呢間餐廳實在唔錯,門面乾淨,服務員態度親切熱心! 而且人數唔多 唔使等位㗎

今日係銅鑼灣上班，午飯時間同七位同事去放飯一大顆人係銅鑼灣有地方可以一同坐都係中上價錢的大餐廳如，澳X茶餐廳，銀X茶餐廳先有。但近來發現金百利樓上都有好多餐廳都幾好，如ocasa ，泰x單同新巴黎越南餐廳咁。依到個生牛肉湯米粉真係好好味，雖然可能人手不足可能會耐一點，但午餐的質素都好過好多對手。因近黎都到處去試不同地方的生熟或生牛肉湯粉麵，依個經濟午餐真係有驚喜。生牛肉好新鮮，湯底好清甜，米粉又多。黎過兩次食同一樣食物都keep得好好，會繼續再來的

媽媽很突然的說這天晚上不煮飯要外出吃，在沒有預先找什麼吃的情況下來到這裡。很久之前也有來過，那時的晚上是滿座且要等位的～但現在這樣的光景已不再呢不過也因為這樣，點餐後就超快的有得上菜！烤牛肉湯檬 ($45)檬粉入口頗彈牙～配上惹味的湯來吃很不錯。湯底看落好像油油的那樣，但吃落還是可接受的程度吧烤牛肉不會碎碎的，很完整的一片～口感還很軟稔！炸蝦餅湯檬 ($70)蝦餅是新鮮現炸的！而且還真的能吃到蝦！點了一份小食 - 春卷 ($31) 同樣也是新鮮現炸！上桌時還透著熱氣。外層極為酥脆，內餡也很惹味的喔！生菜包著吃會減低油膩感，吃落會清爽一點最後還點了甜品 - 椰汁黑糯米 ($17)可選熱或是冷～但個人來說覺得熱食會比較香

星期二晚6點半未夠入座, 4人3細坐到圓檯 ~冇叫餐, 全部散叫~見到價錢唔貴, 都叫得好盡情, 想食就叫, 都黎得快! 雖然職員冇好勤力加茶, 不過大家都每人叫左杯野飲, 所以都ok~叫咁多野都只係$600埋單, 我覺得非常不錯~冇諗住會寫食評, 所以其實冇認真記低餸名, 大家睇圖判斷啦~

平民化是不是等於要服務差？侍應問：要咩（無表情，無尾音，我就當佢本身個人係咁）因我第一次去，不屬佢餐牌，當我講咗第一個餐之後，要在餐牌上找回第二個餐的名稱之時，大約相隔5秒，就在這5秒佢不停問「跟著呢！跟著呢！跟著呢！⋯⋯」嘩！咩事呀⋯⋯😤 唔知以為我好阻著佢咁（其實當時佢係行行企企，舖頭又唔多客）重有，順便講埋，香茅雞翼飯的份量：碟頭飯，有白飯在底層，三隻細雞翼在中層，幾粒葱在上層。完。（無汁或其他）我今天做了一個錯的選擇，絕對不會再去！

中學係cwb讀 呢間野由細食到大 久唔久約人黎cwb都會去食呢幾年都無乜變化 裝修同menu都無乜變過 仲係咁平民咁飯堂 難得 唔好學人又裝修又加價 樓面D人唔同左 多左D侯生既 感覺年青左幾好呀 之前有個呀姐好大年紀又好慢動作 可能無做lu 次次黎食 陣人情味同回惜都會湧出黎 青春～ 想完當年 講返D野食先今晚去去銅鑼灣食飯因為練完波 今次就帶領D隊友去食下呢間野 因為貪佢夠平 有飯有麵選擇多 我地一行六個女仔 套餐單點乜都叫D 人多就是可以試多D款式嘛 總結黎講野食都keep到咁上下水平 始終抵食要求不過高 對我黎講 好味依然 隊友都話好味 無彈!! 講真呀 銅鑼灣 食到價錢咁貼地既越南餐 成晚係咁忙我地斟茶 最後埋單仲要唔洗加一服務費呀唔記得左!! 夫復何求呀 我地飲飽食飽埋單時 可能見我地食得開心 老闆娘(應該係?) 話如果覺得好味記得叫我地share多D人知......嗯 咁我又明佢既苦心 好似我地呢D 當呢度飯堂既人都未必會特登上openrice寫好評讚 始終平民野無乜好寫 反而 彈呢間野D食評就可能係食唔中好味果D野食 或者直情唔岩食者 u know人人口味唔同 真心覺

豬肉蝦米紙卷好好味。 個點汁酸酸甜甜加埋米紙卷入面既薄荷葉好fresh. 佢個卷卷好大條。 簡單好味。 生牛肉湯河既湯底好飲。 仲叫左牛丸生牛肉湯河，同埋香矛雞扒湯河。都大碗，不過就覺得河粉份量少左d. 佢個咸檸蘇打5錯。

忍唔住要寫食評，從來未食過咁難食嘅嘢所謂嘅香茅豬扒飯喺求其烚熟塊豬扒加啲蔥，再加上黐埋一堆嘅番蒸飯。女朋友叫咗茄汁牛肉河粉都喺世界級咁難食。。個湯底喺唔知咩嘢撈埋一碟螢光橙色糊狀嘅物體，加小量嘅肥牛加碎吟吟嘅河粉。平時我哋唔會浪費食物，不過今次食咗兩啖頂唔順走咗。 究竟呢間餐廳嘅廚師喺用咩心態去處理食物？ 如果做到咁冇誠意不如唔好做。 奉勸大家唔好中伏。

第一次寫評價！ 因為真係未食過咁難食的金邊粉！廚師完全無誠意，d 粉係一舊舊痴住，味道唔使講，差到暈！難怪星期六午飯時間係銅鑼灣區都搵到間唔使排隊嘅餐廳! 以後也不會來～真係食左1/3已經食唔落去，去過第二間食好過～

本來要來去吃下午茶，但最後變了early dinner，時間不到七時，並沒有很多食客，我們仨點了一個二人套餐，另加馬拉盞炒通菜及飲品。香茅雞翼6隻(二人餐): 食第一隻既時候覺得雞翼唔夠入味，食第二隻終於食到香茅味，雞翼都煎得幾香脆。串燒6串(二人餐): 可任選雞/牛/豬，我地簡左豬同雞，串燒味道普通，豬同雞食唔岀有咩分別，而且有d乾身。蝦餅6塊(二人餐): 蝦餅好食!!! 讚菠蘿炒飯(二人餐): 炒飯炒得乾身，但味道十分清淡，菠蘿粒少又唔甜，如果有菠蘿當容器都可以爭回一點分數，可惜是色香味欠奉的一個普通炒飯。馬拉盞通菜(散叫): 味道不錯，但越食越咸😂凍咸青檸蜜(散叫): 十分難飲，好淡，仲淡過平時飲既凍檸蜜，跟餐既中湯仲好飲。

大家做完野覺得肚仔餓 又諗食乜好 抬頭望上去比越南野吸左上去 朋友們就選左烤牛肉檬 炒越式貴刁 加埋叫左馬拉盞通菜 我唔太肚餓order左 喊青檸梳打水 share她們的 環境懷舊 無乜人 可能臨近收工 烤牛肉檬賣相唔錯 但味道一般無特別 無下次免浪費quota再黎試口越式炒貴刁 平平無其 淡淡 馬拉盞通菜得個死鹹味 唔似平時既馬拉盞的香味 失敗 原先想叫蒜蓉椰菜苗 可惜係無既但係鹹青檸梳打水 青檸好淡口 篤篤下化開 應該浸得太耐

今天到了銅鑼灣一帶午飯。 同事推介了這間越南餐廳。我點了這個香茅豬扒撈檬， 配餐飲。豬扒很軟， 很易咬， 還加了很多蔥。配上他特製的撈檬醬汁， 酸酸的， 很好吃。 除了貝撈檬外還可以配飯。飯很大碟，是男人飯來的

今次就黎食個下午茶，點左個烤牛肉湯檬。本來對檬粉興趣不大，不過今次試點這個又感覺不錯，就期待一下烤牛肉。第一次吃，這個烤牛肉我覺得有點碎身，有點點像碎肥牛但烤過少少。檬粉比想像中好，爽身，滑身，嗦嗦的吃掉。總體而言，不錯。可以再光顧

銅鑼灣既美食係人都知多到揀唔哂，但價錢相對都係比較貴，記得學生時代果陣放學黎，好多都覺得貴，所以次次最後都黎金百利呢間越南野，貪佢既下午茶廿幾蚊有碗粉食下，所以食左咁多年都咁中意黎食，但成日都唔明呢到咁少人黎食又咁平，點解可以捱到咁多年？_？而家下午茶都唔再係廿蚊碗喇，都要三十蚊，今次食呢個係雞絲撈檬，平時係食開烤豬肉撈檬，不過今次想食清啲就叫呢個，配料其實佢都係同出面差唔多，有炸蒜，花生碎，蔥，菜絲等等，不過係我走左蔥乍。雞絲既量都適中，但平時叫烤豬肉都有6-7舊，相對黎講叫雞絲但一樣價錢既話就無咁扺，我諗男士叫既話一定唔夠飽（我都唔夠飽）,魚露呢到既味道一向係我杯茶，唔會過酸或者再咸，我次次都落到變到湯檬咁架哈哈啲朋友都話佢地蝕比我嗯，滿意既！次次月尾無錢又想黎銅鑼灣就會黎呢到啦哈哈