影片
營業時間
今日營業
10:00 - 21:00
星期一至日
10:00 - 21:00
以上資料只供參考, 請與餐廳確認詳情
疫情過年諗住冇得出街食就上openrice搵間皇帝蟹專門店買回家食下，去到門市櫃檯職員就話$380/磅⋯現在剩返$1700/隻及$2100/隻兩種，咁我就揀咗$2100/隻啦，佢哋幫我蒸熟後我一個小時後回來取，重量及外表都沒問題🧐，但係拆咗腳來享用時d肉唔實…有d梅😞，唔知係咪過年貨源緊張令到品質欠佳，整體感覺失望…個人認為如果貴公司能預先透過外表或蟹色刪選這個檔次的蟹，不要賣給客人…以免影響聲譽😗
繼續閱讀
新幹線的刺身十分新鮮，屋企人成日都話好好食，今次經過太子就自己同男朋友食！老闆娘十分友善，不停介紹好野食比我地！他們的壽司非常新鮮，好足料！尤其是帶子，三文魚及鰻魚！我們今天還叫了一盆三文魚腩，大細切得岩岩好！三文魚腩好肥美，一試難忘！ 有入口即溶的感覺！最後因老闆娘推介，再叫咗兩隻新鮮的日本生蠔，半隻手掌咁大！唔使加醬汁都好好味
繼續閱讀
三文魚值100分👍🏻平時老公都唔係好食3文魚，但今次佢竟然食喎，佢話三文魚切嘅大細啱啱好，又好有口感，好重3文魚味，完全唔似其他壽司舖買嘅無咩3文魚味，又夠肥美又多油，總之就好得啦👍🏻而生蠔方面就揀咗隻"水中花"同紐西蘭個隻唔記得叫咩名我就好鐘意水中花，好濃味唔重海水味，好creamy嘅感覺老公就鐘意另一隻，佢話係首先有咸味，之後再有甜味，個感覺好得意仲有赤貝，好新鮮，好爽口，一啲都唔腥，好後悔無order多幾隻。我就認為淡得嚟有一絲絲帶子味，夠實，食落口唔會散收收👍🏻最窩心係老闆娘送我一會紅豆和菓子，唔太甜好好味，凍冰冰好啱夏天食
繼續閱讀
呢排唔知點解好想食生蠔…諗起屋企附近間新幹線，記得佢有即開生蠔、刺身等。於是就落去睇睇，估佢唔到咁多人呀！好多人都係預先訂定三文魚刺身，只係要等即開生蠔。我地係初級嚐蠔者，都唔知邊隻打邊隻。求其揀咗石蠔，老細好忙碌咁開緊蠔，都唔得閒介紹。石蠔, $150/半打，再開咗兩隻赤貝$40@。由於人多，我地等咗20mins先有。番到屋企，急不及待試試。石蠔海水味好強，有少少咸得滯，肉質爽滑，唔會腥，好新鮮。赤貝真係好正，一隻切成兩片，好厚肉，鮮甜爽口！
繼續閱讀
您可能會有興趣的...