新強記燒鵝乳鴿海鮮酒家 (已結業)

新強記是愛人的至愛中式食店之一，每次必點五福臨門（燒味拼盤)丶酥炸荔茸卷，今次還點了邪惡食物-酥炸大腸。五福臨門，除了叉燒比較乾身丶太瘦丶不夠多汁，海蜇丶燻蹄彈牙入味，白切雞濃滑嫩口，燒腩仔夠脆口，是一流水準。酥炸荔茸卷及酥炸大腸，香脆可口，配合甜酸醬一流！另外點了必食的＂強記雞粥＂，吃了這麼多油炸食物，是時候點一個海味雜菜煲！4個人點了4個餸1粥，大家抱著滿滿的肚子滿足地離開

朋友生日，我地約埋去佢屋企附近飲茶，慶祝生日兼聚舊👭連鎖式茶樓去得多，今次我地揀左呢間舊式茶樓試下😋點心要自己出去攞。啲款都幾齊，我地食左蝦餃、鳳爪、金錢肚、牛仔骨，味道唔錯😋當然冇貴價茶樓咁精緻，以呢個價錢黎講，性價比幾高。朋友想食燒鵝，我地就叫左個例牌 ... 嘩！估唔到例牌都咁多😄呢個係招牌菜，又真係唔錯，皮脆肉味濃郁，正😄👍🏻另外嗌左碟四季豆，都好食。之前聽朋友講話個環境、衛生唔好，我覺得舊式菜樓黎講，👌🏻啦，可接受。

今天來到大圍新強記食晚飯入到餐廳地方非常寬敞闊落餐牌上都有很多食物選擇這個炸乳鴿肉質比較乾麻麻地這個椒鹽鮮尤粉漿比較厚，魷魚尚算新鮮，味道10分濃鹹了一點滑蛋蝦仁師傅炒得時間過長，所以雞蛋過老，蝦仁是爽口的一般這個炒牛柳粒，牛柳肉是雪藏的沒有牛肉味例牌燒腩仔和出面的差不多沒有驚喜，燒腩仔皮並不脆，脂肪比較厚，所以整體來說這些燒腩仔不合格蒜蓉炒菜心也是一般貨色，一咬落口菜心林甜炸芋頭蓉還算可以用這個價錢食這些菜式真是麻麻哋

爸爸諗住老字號所以去食下啦。。點知一入到去坐低d碟油淋淋，好似無洗過🤷🏿‍♀️🤷🏿‍♀️🤷🏿‍♀️已經大打折扣了，叫左四個餸，其中京都骨勁油，唔係平時一塊塊果隻，仲要求其用茄汁整自己整仲好味過佢。。以後唔會再食🤦🏿‍♀️🤦🏿‍♀️🤦🏿‍♀️

細細個嘅時候阿爸阿媽成日帶我嚟食，自己一個真係好少喺度食，今次成班朋友一齊嚟食飯，同埋最最最緊要既乳鴿！真係同細個食嗰時一樣味，冇咩點變，個乳鴿都係好好食！油而不膩！岩岩好！仲有叫左唔同嘅小菜，都唔差㗎！特別係佢個炸芋頭 真係好好食個炸芋頭雖然係炸嘢，但係食落去又唔會好油膩，細細嚿，啱啱好！又唔會好滯！值得推介仲有佢個雞粥都做得好出色！啲粥又滑又棉！仲有啲菜都唔錯，都好新鮮唔會話好咸！所以黎食平時家常便飯都唔錯！

今日去左大圍新強記飲茶， 舊式酒樓， 自己揾位要自己去拎野食， 裝修好傳統， 好似時光倒流80年代。啲野食一出啲人就會衝曬出去，然後就兩碟兩碟咁搶， 好誇張。啲食物 質素都比其他酒樓高。 雞扎好大隻， 好juicy 。好正。粉果啲皮太厚，可能蒸太耐。腸粉都太厚皮。 普通。鳳爪幾大碟。 味道都ok 。

今日食雞粥原本心中想的是生滾粥加新鲜雞味道是嫩滑鲜香，結果上菜是白粥加白切雞唔好食問咗問上菜大姐是不是搞錯，大姐回答就是白粥加白切雞，我好失望，跟住係大大隻字脆皮焼鵝唔脆皮，再失望一次。

服務員態度非常差，經常黑臉，語氣好差，去咁多次被喝咁多次，成日都會扮睇唔到你，早上飲茶叫乜冇乜，食物唔新鮮，好似蒸過晒火位，晚市係勁貴同份量少，乳鴿，鵝類雞類肉係霉既，頭幾年冇得選，父母想飲茶都會去，但之後有新開既茶樓就冇再幫襯過

黎到大圍就搵吓雞粥食啦, 見呢間門面幾好就入去試吓啦! 叫左雞粥/燒鵝/炒蜆/椒鹽白飯魚, 燒鵝黎到見到好似幾靚咁, 即刻加碗瀨粉, 點知食落燒鵝麻麻地, 皮幾脆不過肉就好鞋...黎到主角雞粥, 味道係雞還雞, 粥還粥, 即係d粥係冇味既, 完全唔係想像中粥底會有雞味, 唔掂既然係咁, 都預咗另外兩樣配角都會係麻麻地, 果然冇令大家失望, 認真麻麻地...其實之前都有諗住入大圍食雞粥(未揀食邊間), 好彩今次係嚟搵朋友拎野順便試吓, 如果特登入黎真係浪費時間, 如果有朋友知邊間真係好食希望可以話我知

點解今次會來呢度吃飯，皆因啱啱去完大洒店走都肚餓要去食嘢，一落車就到門口夠方便，細細個時已聽個呢個老招牌飯店，不過就一次都冇來過品嚐，等到今次終於有機會來臨，又睇吓質素如何當然點咗金牌燒乳鴿同招牌靚雞粥再點多幾味餸有豉椒炒肥蜆，強記小炒王，椒絲腐乳通菜，等咗一陣先有招牌靚雞粥（窩），雞粥份量十足味道又如何，當然先食一碗材料尚算可以粥底味道較為淸淡不過不失到燒乳鴿肉質夠嫩味道濃食得滋味，另一款豉椒炒肥蜆，肥蜆肉質爽滑但有好多仲未開口，唔知係咪炒得冇咁熟好多食唔到嘥咗比較有驚喜反而係小炒王，同出面食開果D，呢度用料比較特別一點，不過食落都幾好味，最後食埋碟通菜是日晚餐咁就完滿結束。

四人去食晚飯，之前飮茶都okay，咪試下佢既晚飯，結果中哂伏，又貴又冇様餸好食，當晚叫左：1）乳鴿雪味又淡又鞋口，不如去大家樂大快活食炸雞脾仲好味。2）琵琶豆腐漿粉厚到誇張，豆腐饀少得可憐，啖啖都是粉，豆腐肉碎好貴咩，洗唔洗食水咁深。3）菜既生粉獻又杰又多，生粉獻差不多可以當湯咁沉住D菜，真係第一次遇到。4）連雞粥都唔掂，又係雪味，雞又少，是但一個師奶都煲得好過佢。連同去既印傭都話好難食，真係冇下次，請都唔去，完！

新強記在大圍已有多年的歷史，每逢火車經過大圍部，總會見到它的大招牌，但一直都無機會試一試。今日放假，途經大圍，便趁機會飲個中午茶。老實說點心普普通通，一般酒樓水準，燒鵝不算突出，以「皮不脆，肉不嫩」可以概括形容它的味道。

好耐冇寫劣評，今次又忍唔住要寫！ 大大個招牌燒鵝大王，心諗衰極有限…點知燒鵝一上檯成碟野水汪汪油淋淋，唔講以為係滷水鵝，賣相已經差，放入口皮唔脆肉就晦晦地，好似放左好耐再反叮加熱一樣。 另外炒聖子$178份量少又炒過火無鮮味， XO醬豆腐煲純豆腐唔見有XO醬淡而無味，大班兩食又係塭笨，魚肉得4-5塊，蒸魚頭有骨無肉豆豉都唔多粒，炸豬大腸還可以不過唔夠熱…其它都廢事再講！ 另外班伙記態度就更加係麻麻地，不果都一把年紀都算吧！

好耐冇番香港，經過入去食返隻乳鴿同碗燒鵝瀨。見倒有豉椒炒肥蜆就叫埋啦！之前n年前嚟食燒鵝瀨都OK嘅。啲嘢好快嚟到，睇樣唔錯。可惜，炒蜆至少有一半係淨殼，冇肉食（跌咗出嚟嗰啲肉都唔等於空殼嘅數量！睇圖）。雖然味道都還可以，但係覺得一碟咁多殼又冇乜肉，好唔抵食！燒鵝瀨同乳鴿食得好開心。燒鵝有小小偏肥，但係都幾好食（肥膏就自己節制一下啦）！結論：燒鵝，乳鴿OK嘅。海鮮（炒蜆）就預多殼小肉，味道還可以，但係唔抵食。

一坐底叫咗幾樣野先！唔想叫到一枱都係！來咗幾樣了但個豉油王炒面仲未來！叫個樓面阿叔來諗住吹下！點知度極差！碟麵終於到了！豉油王炒面炒到我以為係炆米！係濕既！大家冇睇錯！係濕既！叫返個阿叔來！佢仲可以同我講話個個廚房炒法都唔同！有D師傅炒到濕既有D炒到乾既！聽完火都來！仲話我唔識野！仲話唔滿意就拿入去炒乾D比你！我話好！點知碟嘢出到係碎上！簡直係螞蟻上樹咁！最後我叫佢取消佢！我當然唔敢再叫其他食物買單去其他地方再食算！