新新酒樓

營業中

休息中

這間酒樓是超過60年歷史的老字號，位於佐敦的莊士倫敦廣場，主打經典精緻的廣東粵菜，堅持工序繁複的傳統烹調手法及新鮮時令食材。店內環境寬敞舒適，裝潢以傳統的中式為主，自設海鮮缸養殖鮮活海產，玻璃窗能看到掛滿明爐燒味。鹽擦鮑魚餐 - $738/四位用新新懷舊金錢雞 - $28/件招牌經典傳統菜，這裡的冰肉以肥豬肉浸酒醃數天，香而不膩，爽而不化，又有一片油亮的蜜糖叉燒，中間夾著綿密軟糯的雞肝，三種口感好豐富。鹽擦6頭南非鮑魚(四隻)個頭大的新鮮鮑魚去除內臟，有明顯的鮑魚鮮甜味，煙煙韌韌富彈性，撒滿惹味的椒鹽。濃湯雞煲翅四位真材實料的雞煲翅經長時間熬製，湯頭呈金黃色而不膩，有多塊魚翅尾帶肉腍中帶滑，有著豐富的膠質，還有一整隻鮮雞好清甜滋補。招牌燒鵝拼叉燒皇新鮮自家製作的明爐燒味，活炭火烤製的燒鵝皮脆有光澤，鵝肉遠比鴨肉嫩滑多汁而不腥；肥瘦兼備的叉燒軟腍多汁，香甜的蜜汁伴隨著甘香的脂香。翡翠炒花姿蝦球多隻去殼去腸的鮮大蝦球爽滑彈牙，又有多片煙韌帶嚼勁的花姿，爽脆的西蘭花吸飽鮮味。咕嚕黑豚肉黑豚肉的油脂分佈均勻，較普通豬肉更柔軟細緻，帶有陣陣香甜的肉香，紅通通的咕嚕汁酸甜醒胃。濃湯灼時蔬清澈透明的

新新酒樓風格偏向傳統中式，寬敞明亮，紅色地毯上印上金色的花紋，營造喜慶、熱鬧的感覺。窗外景色高樓林立，落地窗提供良好的採光，圓桌之間保持適當距離，坐得舒適。晚市四人餐豐盛精緻，每一道菜都充滿粵式地道風情，值得細細品嚐。新新懷舊金錢雞金錢雞是傳統粵菜燒味，以肥瘦豬肉和雞肝串在一起，用叉燒汁慢火燒制，中途塗上蜜糖，精髓在於豐富的層次感。豬肉肉味香濃，加上雞肝的醇厚，大口咬下，蜜汁的甜美散發，雞肝帶獨特的濃郁風味，令人回味。上湯加拿大龍蝦龍蝦肉質緊實，經過精心烹製，入口彈牙爽滑。上湯湯色金黃，提升了龍蝦的鮮味，伊麵掛上湯汁，增添了溫潤的口感，令人一口接一口。竹笙海皇燴燕窩滋補養顏的湯品，融合了燕窩的嫩滑、竹笙的爽脆、海鮮的鮮香。湯汁濃稠，燕窩入口滑溜，伴以清脆的竹笙、鮮冬菇及元貝、蝦粒等，啖啖鮮美，滑順口感，充滿了豐富的營養。碧綠炒龍躉片龍躉厚身，炒製的火候至關重要，魚肉保持柔嫩可口，配上爽脆的西蘭花，色彩鮮豔，令人食慾大增。清蒸龍躉頭腩清蒸龍躉，保留了食材的原汁原味，頭腩肥美，口感滑嫩、富膠質。魚肉入口鮮嫩多汁，蘸上香蔥豉油，提升魚肉的鮮味，拌飯一流。蒜香脆皮燒雞雞皮呈現金黃的色澤，外皮酥

今日約了朋友敘舊，跟朋友相聚最喜歡去中式酒家～圍埋一齊又傾又講飲飲食食非常開心！新新酒樓是一間既有傳統菜式，又美味，服務又好的酒樓。今晚經朋友介紹來了新新酒家吃晚餐，看到有一個四人套餐，包了茶芥及加一服務費，相當不錯！而且餐牌食物款式非常多。首先不得不介紹竟然有懷舊金錢雞!我都是第一次吃這個菜式！金錢雞是以肥豬肉、雞肝及叉燒做成。雞肝非常濃味啖啖香氣。一口咬下時，三種不同的食材有不同的口感和香氣四溢，口味非常特別，味道極之濃郁。而且熱辣辣吃的時候，味道很好，質感也十分特別！蒜香脆皮燒雞，燒雞金黃香脆，超香！雞肉嫩滑啖啖肉勁惹味，而且仲可以浴上獨特醬汁，更能提鮮更滋味！碧綠炒龍躉球～龍躉啖啖肉，超厚肉的，超有口感！魚味香濃！正。而且份量很多，每人都可以吃到數件龍躉肉。仲配上了清爽碧綠西蘭花。爽口清脆！上湯加拿大龍蝦伊麵！龍蝦鮮甜肉厚！十分滋味，令人愛不釋手，而且份量又多。另外仲有伊麵底，伊麵配上了龍蝦鮮味，啖啖伊麵超掛汁，非常惹味！我們都超愛這一客龍蝦伊麵！正！海皇燴燕窩，一整窩超足料大大的海皇湯羮，超正超足料，入邊有大量爽口的蝦肉，咬起來，爽口彈牙超鮮甜。仲有大量的菇類、蘿蔔、蛋白、燕

新新酒樓,  從莊士倫敦廣場直上11樓, 步入酒樓,  看見牆上貼了照片, 客人好面善, 原來有不少名星曾是座上客.  大廳座位多, 氣氛好熱鬧部份座位靠窗, 可以外觀彌敦道及九龍公園.  看餐牌, 有套餐, 又可單點小菜, 選擇多, 價錢中等.  大家決定 點 4人餐 , 包4位茶芥及加一服務費. 小食開胃, 熱普洱茶夠香,    金錢雞 ~ 懷舊燒味 .  每人一件, 蜜汁叉燒蓋上雞肝及冰肉. 中間的 雞肝 吸收了上層的 叉燒精華 及底層的 冰肉, 惹味可口. 上湯加拿大龍蝦 伊麵底（1隻) ~  熱辣辣的送上, 份量足,   配以上湯伊麵底,龍蝦好肉, 肉質滑彈,  味道鮮美.  伊麵吸收了龍蝦及上湯,  好滋味. 海皇燴燕窩  ~  足料.   有花膠燕窩蛋白, 調味正, 多吃有益.   大家慢慢品嘗,  這個湯羹濃稠適合. 每人兩碗.碧綠炒龍躉球  ~  魚肉嫩滑有彈性.  肉質鮮美, 充滿魚味但又不會腥, 伴上了青紅椒及西蘭花,  配搭得宜.清蒸龍躉頭腩 ~  吃魚的朋友至愛. 龍躉新鮮,  越吃越起勁.蒜香脆皮燒雞（半隻)  ~  皮脆肉嫩, 雞皮十分脆.  蒜味亦都好香

今晚 同隊友去  九龍公園  打乒乓波,  之後一齊食飯,    隊友選了去       酒樓], 一間開了超過 60年的老字號酒樓, 大家有信心.  大廳設有四人圓枱, 亦有十多人的大圓枱, 酒家氣氛好好. 牆上的對聯  文筆生輝, 相信吸引到不少舊雨新知.  大魚虹內有多款海產,  燒味部食材多選擇. 水滾茶靚,  大家飲茶閒談,  小食花生作伴.侍應姐姐送來餐牌, 大家看看, 有魚翅, 鮑魚, 燒味, 海鮮, 小菜, 選擇無難度.    我們４人點了 4人餐全包宴, （包4位茶芥及加一服務費）有齊我們喜歡的龍蝦, 龍躉, 燒雞, 炒飯, 甜品, 好理想.   懷舊金錢雞,  先送上 .  經典傳統製作名菜.  金錢賣相好吸引, 頂層是叉燒肉中間夾著雞肝, 底層有塊晶瑩透明冰肉.  口感有層次, 焦香鮮味加蜜味, 非常可口,   (只有一樣希望改良.......要加竹纖串上, 因為底層冰肉被碟底的蜜汁貼住, 筷子不容易挾起.)  上湯加拿大龍蝦 伊麵底（一隻）龍蝦新鮮,  厚肉香甜,  配伊面底.   龍蝦肉質爽口彈牙,  上湯的芡汁不過份, 絕對好味.  配上幼滑伊面,  不太

糙米腸裏面有肉鬆白蘿蔔同埋米網，口感好豐富。奶黃包一個個圓滾滾的，裡面是熱辣辣的奶黃餡料。豬腸粉弄得比較原汁原味，加埋甜醬麻醬豉油，有種懷舊的感覺。馬拉糕很鬆化，味道很好。叉燒腸弄得很正宗。上海抄年糕有肉絲、洋蔥及雜菜等等配料，味道方面非常之唔錯。叉燒酥有種金寶湯的味道，酥皮充滿着牛油香味。炒手有甜豉油帶起了餃子的味道，整體味道幾好。最後係薄撐煎得很香脆很薄，感覺非常之美味。

早排同屋企人去咗佐敦新新酒家食佢哋嘅美國龍蝦餐，四個人$868。成間舖都係傳統中菜館feel，主打懷舊中菜，啲侍應都幾友善，服務都唔錯。龍口絲蒸開邊美國龍蝦有兩隻開邊，啲龍蝦肉都幾新鮮彈牙。加咗蒜茸粉絲一齊蒸，好惹味，粉絲索左龍蝦鮮味好好食。即日燉靚湯我哋嗰日飲到嘅係佛手瓜紅蘿蔔湯，啲料幾足，飲落清甜，唔會太油，啱晒一家人飲。蜜味欖角骨啖啖肉，肉質都幾入味，有啲微微欖角嘅鹹香，仲有蜜味，但唔會過甜，配飯都幾夾。招牌燒鵝拼香妃雞都唔錯，燒鵝皮脆，肉都唔算柴，雞肉幾滑，兩款都係穩陣之選。配啲梅子醬或者薑蔥油，更加惹味。鮮茄魚腐浸時蔬成碟菜份量唔少，魚腐滑滑地，配埋鮮茄湯底，味道清甜，幾開胃。西蘭花炒玉帶蝦球玉帶（帶子）同蝦球都幾新鮮，炒得啱啱好，唔會太油膩，西蘭花都爽口，食完唔會覺得滯。

舊同事安排在呢間酒樓飯聚，忘記了有幾多年無嚟過呢個商場，外貌依舊，比預期人流旺。 訂了一間好好景觀嘅包房，位女侍應非常落力招待。 朋友預先點好一席菜式，出品有擺盤，味道中上水準、無失拖。 埋單位位五百，算抵食。

每個月都會搵下不同餐廳酒樓方便同朋友每月聚會生日會，咁岩同朋友食過午餐都唔差就試下晚餐。賣相唔差，但燒豬就似係拼豬片，一定唔係原來嘅燒豬。整體方面都唔差，可以同朋友一圍迫少少一枱傾偈。聚會慶祝生日。

幾年前，間中都會到新新酒樓食晚飯，但食物質素已下降，幾年已經沒去到訪，今晚本來想到倫敦廣場某間中式食肆，但由於滿座，退而求其次，再試吓新新酒樓水準如何，但結果很失望，餐牌上見到石斑魚賣$398，寫明一斤三重量，但當條魚攞到埋桌上，基本上10兩都唔知有冇！這樣貨不對辦，有欺騙成份，本想去消費者委員會投訴，由於時間關係，先在此公布天下，可以唔使再去，香港啲食肆點解每況愈下呢？唔可以怪港人北上消費，我亦以後唔會再去。😡😡😡😡😡

經常聽到電視廣告的一句“金錢雞唔係雞”, 留下極深印象, 這次就來品嚐✌️金錢雞 $76 兩件原來金錢雞是一道極具懷舊風味的粵式燒味小吃, 雖然名字裡有「雞」, 但原來沒有雞肉.  首先, 一上桌已焦香四溢, 金錢雞分為三層, 底面分别為一肥一瘦的豬肉, 夾著中層的雞肝, 面層的瘦肉烤得外脆內嫩, 雞肝醇厚滋味, 底層的肥肉晶瑩剔透, 入口即化, 細看下三層中央部分均有個小孔, 原來製法是將三層串起來用叉燒汁醃製及燒烤而成.  整體口感豐富, 帶有獨特的油香甘甜, 令人回味無窮, 完全展現了廚師的心思和傳統手藝, 這種手工菜如今已不多見, 能吃到正宗的金錢雞, 絕對是一種懷舊又珍貴的體驗翻查資料, 原來其名字就是取其外形, 串好的材料圓圓一片, 像古代銅錢, 加上「雞」字象徵吉祥與富貴, 因此得名「金錢雞」啫啫滑雞煲 $118用砂鍋炆煮滑雞, 伴以香濃醬汁, 瞬間熱氣蒸騰, 攪拌時更散發出誘人的焦香味雞肉嫩滑入味, 搭配洋蔥、乾蔥等增添層次, 每一口都是濃郁的風味享受老火湯 $74兩盅黃瓜, 瘦肉, 紅蘿蔔等食材的精華完全釋放, 味道清甜, 瘦肉很入味, 質感嫩滑金銀蛋莧菜 $108莧菜

新新酒樓於佐敦已有多年歷史，提供各款懷舊小菜，環境亦好啱一大班人前來同良朋聚聚，氣氛頗熱鬧。✿ 蝦多士 食中菜好中意食蝦多士，有就一定會叫，炸得香脆可口，蝦肉亦結實🦐✿ 金錢雞金錢雞吾系雞😂系將肥肉 雞肝 瘦肉組合埋一齊，肥肉同瘦肉肉質調和剛好，雞肝又吾會話好腥。✿ 蜜汁叉燒去得食中菜最想食叉燒，尤其中意半肥瘦，肉質結實中帶軟稔🐷✿ 瑤柱蛋白炒飯炒飯粒粒分明，滲出陣陣瑤柱香氣，蛋白蛋香味道濃郁🥚✿ 甜品去酒樓食野點少得飯後糖水，呢間酒樓有紅豆沙🫘吾似出面戈啲紅豆沙咁稀，材料頗多，亦吾會話死甜。

跟老友吃了一頓懷舊中餐。蝦多士蝦漿彈牙，搭配香脆的多士，每一口都是絕妙的融合。古法焗魚腸魚腸處理得恰到好處，濃郁鮮香，烘焙後外層微脆，內裡滑嫩，令人驚喜。杏汁燉白肺杏仁香味溫潤順滑，白肺燉至軟糯，入口即化，湯底更帶有一絲甘甜，令人感受到粵菜的細膩之處。金錢雞雞肝與肥瘦相間的肉片經過醃製與燒烤，散發出濃郁的焦香與肉香，相得益彰。梅菜扣肉肉質軟爛入味，梅菜的甘香與五花肉的油香交織在一起，醬汁濃郁。忌廉汁真菌蝦球伊麵蝦球鮮嫩，菌類提鮮，而忌廉汁則讓伊麵更添滑順口感。

服務超級好充滿人情味😭🫶🏻店員主動幫我洗餐具問我冷氣凍唔凍，幫我較細啲臨走仲提我出面落好大雨記得拎遮，好溫馨!!多款傳統菜式😍焗魚腸、金錢雞、蝦多士工序繁複，越嚟越少見既手工菜要好好珍惜!!✨懷舊金錢雞 冰肉（肥豬肉）、瘦肉、雞肝三重截然不同既層次口感～豬肉似叉燒，帶點蜜糖香甜雞肝柔軟口感，味道濃厚✨西湖牛肉羹 每一口都食到蛋絲、豆腐同肉碎兼有淡淡蔥香湯羹唔係走濃稠路線，味道較輕盈呢個價錢冇咩挑剔了🙈✨清蒸沙巴龍躉仔 肥美，啖啖肉，魚肉滑嫩靈魂係蒸魚豉油🤤✨桂花炒魚肚 雞蛋變成粒粒分明既桂花🍳蛋香十足，加埋芽菜口感豐富

噚晚同屋企人去食飯，食咗一肚氣落肚，啲舊人走晒，請埋晒啲大陸蕃薯落黎行行企企，叠到成枱碟都唔識幫我地換碟，最激氣係踢一踢先郁一郁，我老婆見到有條蕃薯埋黎執枱，就好心諗住執起佢同我阿媽嗰啲碗碟先，結果條蕃薯就淨係執走佢兩個既碗碟然後走咗去，做一半唔做一半，另外就係啲餸菜唔摧都唔上既，食完一碟要摧先至拎另一碟上黎，到上翅時條蕃薯係逐隻碗拎上手嚟「畢」，邊有人會係好似佢咁「畢」翅架，隻手都唔知掂過乜而且又「畢」得慢，我阿媽忍唔住開聲叫佢放低係枱面分，條蕃薯仲要駁咀話隻手掂唔到碗邊，成餐生日飯就俾呢班蕃薯搞彎晒，到埋單時真係好想同個著黑衫嗰條女講，呢一餐飯有一半係勞氣，另一半係幫佢地教新人，應該免單仲要俾返教學費我地啦，所以話飲食業寒冬係佢地自己攞黎賤