新星海鮮酒家 (已結業)

雖然係任飲任食姐....食物就唔多掂喇...個湯低直頭唔得...冇野介紹...

21/12/2007 公司做冬.唔知係咪多人提早做冬.間野個晚勁多人.又坐得迫.叫左個2180的套餐\\\\\\\\\\\\\\\.意在一班人一齊食餐\\\\\\\\\\\\\\\反咁啦

禽日同老細第一次食晏，原來要搭...我最憎!好在另外2個人好快食完走。我點：叉燒焗餐包，熱辣辣，好好味加正！灼油菜，菜心，不過不失。雲耳炒勝瓜，香口又唔油。蒸鳳爪，醬汁過”杰”。椰皇焗西米布甸，用原個椰皇焗，椰皇香甜，蓮蓉份量適中又唔會太甜，正！食物質素OK，如果可以唔使搭會好D。PS：洗手間無水沖廁，要客人動手用水桶裝水沖廁，一個字...差! ><

湯底0既湯係完全無味.勝在價錢平, 食完都唔知食過咩野落肚.無樣值得推介.食物麻麻, 不提也吧.

朋友0既生日飯, L 小姐一行8 人7:30pm 0黎了呢度打邊爐... 我第一個到, 樓下阿姐開了檯俾我, 但坐坐0下竟然見到0岩0岩到了幾分鐘0既朋友們坐0係另一張檯度, 始知出事-- 原來同場係有兩個L 小姐訂了同樣人數0既7:30pm 位, 遲0黎的朋友們係由樓下阿姐verify 了電話號碼才入座的, 但早到的我阿姐就無理任何0野, 搞到場面又尷尬又混亂, 真係吹漲.火鍋料叫了唔少, 不過整體質素平庸, 唔難食但完全唔算得上好食, 普通得我連相都費事影. 唯一好少少係d 蝦丸同墨魚丸, 夠晒彈牙, 仲有最穩陣的肥牛, 雖然其實好多根; 而最唔掂0既就係鯇魚腩, 已經唔係淥好耐0架喇, 但肉質幾霉, 仲有d 螺片, 味如嚼蠟.鴛鴦湯底中的沙爹湯算最好, 起碼有d 味, 清湯同一個好似叫海鮮豆腐湯底0既湯就係完全無味0既, 好似食白烚0野咁, 味道寡得想喊.另外又叫了西瓜汁同菊花蜜各兩jar, 菊花蜜太甜, 愈飲愈口渴, 唔好飲.環境非常麻麻, 坐我0地隔0黎仲有一班極嘈的10 幾歲0靚仔0靚妹, 成晚大呼小叫, 好困擾. 另外不得不提, 佢0地成檯0靚仔0靚妹d 樣一睇就知無

打電話去新星問任食火鍋點計，侍應只答總數每位約120，都ok啦個價錢，咪訂6位7:15，侍應冇提話任食火鍋要9:30後開始，咪諗住散叫應該ok，點知好貴，全部都好普通火鍋料，冇特色，任食可以，散叫？唔值。之前同朋友一樣係6人去小肥牛，都係800元多d，新星就要900幾，人地小肥牛有牛脊、鵝干牛丸呢d特別火鍋料，新星呢？冇呀。

友人的生日飯謙記和新星揀左呢間以68任飲任食計都算中上環境企理食物乾淨值得一提肥牛質素不俗(食過都係68的有骨氣...樣樣野都好垃圾勁唔得)可能係閒日關係招呼都幾好(例如未夠鐘入座都畀我雪住個蛋糕先, 又可以早d入坐仲提你夠九點先好入紙叫野食)佢會將你點的配料執晒落一隻大碟呢個安排蠻方便但會有唔齊的情況我寫左三次豬潤都冇黎過...又唔通知...但呢個小問題姐公仔麵真係畀包一丁你仲有個湯底送支大生力唔飲可以帶走....真係好難得(可惜全枱人都不嗜酒所以冇拿到)四個人食左五百蚊有找....都幾抵丫係銅鑼灣來說都食得過

呢度Ｄ肥牛係雪花O個隻，好美味！其餘Ｄ餸都算新鮮，好過其他好多間任飲任食的食物，唔知係咪咁，所以剔好多野都話賣晒。但係，宵夜可以做得平多一點~~~

於本月22日中秋前首次與女友家人一過節，我叫半份當晚套餐，個翅十分差，魚又細條，其它都比想像中一般!

同我honey去試宵夜打邊爐.等左15分鐘度.地方都算乾淨.有電視睇.冷氣都ok涼.叫野食都幾快.我諗住食好多生壕ga ma.點知無曬-____-" 其他野食就普通.沙o爹湯底唔係咁好味.跟住我去toilet.嚇q死我!!!!佢個設計ok,但係每一格廁所勁污糟,d沖廁水好似西洋菜湯咁既色,真係無呃你,差d唔想去.d人又唔沖廁.令我印象深刻!!!!!跟住極速奔跑.我諗我唔會再去.係.係因為個toilet!

和朋友相約打邊爐晚上9點開始(最好訂位~唔洗等)食物任食款式都有40幾款...最驚喜係公仔麵竟然係出前一丁@V@食物質素個人覺得稻x 比較好味其實稻x 星期一至星期四9點後全部半價上次和家人去...都係每人70蚊左右講番新星...98蚊已經包左一同茶介氣水酸梅湯任飲我覺得新星的優點就係任食任打到凌晨3點

都算係好食的火鍋野飲又任飲好抵本身有蠔都係任食架><但e期紅潮wor 唔敢賣wor如果有就抵上抵啦加多左個蒜頭唻撈鼓油一開始嗌左個炸的好唔得勁淋換左次都係唔得最後變左要生蒜叫佢\俾羊佢\就俾左豬=.=但食唻講就算係好食

我太座十分之喜愛打邊爐, 自從之前同佢去過長沙灣間新星後, 知道新星集團九點鐘後打邊爐任食任飲都只係$68, (**湯底及部份高價食物另計) 不過, 佢款式好多, 而且好新鮮. 自此之後我同太座經常去銅鑼灣灣仔果間新星.呢間新星等位等到嘔, 最好八點幾去排定隊拎飛仔, 野食一樣咁多咁新鮮. 正~~~!! 而且地方比長沙灣更闊落更乾淨.打邊爐黎黎去去果d野啦, 不過幾十蚊任食任飲, 真係唔係度度可以. 特別介紹: 黑豕肉, 豬面青, 粟米螺肉餃...**叫食貼士因為太多人, 叫既野一定亂, 一定係想食既少, 一般想食既多.最好一張紙只填八款, 好鐘意食既, 如桶蠔就寫多幾個"多"字咁就萬無一失了. 之前我同太座, 一紙叫十幾樣, 一定唔黎蠔, 激死我, 之後改左呢個方法, 兩個人佢都起碼執六七隻, 仲要係大大隻俾我添. ^^*************************************新星海鮮火鍋酒家 地址: 銅鑼灣謝斐道440號駱克大廈1樓電話: 2838 2186

在銅鑼灣, 很難找到一間質素不錯而價錢低過一百的食肆, 而新星就是其中之一.習慣早吃飯, 但新星的任食火鍋九時才會開始, 也迫在九時後才能吃飯.八時半開始派飛, 九時入座時往往已經人頭湧湧.海鮮豆腐湯底, 未能稱之為清甜但也不致於淡如水. 火鍋的油膩配上清淡的湯底比較健康, 所以反而不喜過濃的湯底.於任食來說, 一般的火鍋材料也算齊全, 最愛的餃子也有多款選擇, 雲吞, 水餃, 螺肉餃...值得一讚的是肥牛, 很多火鍋店都是薄薄的數片便稱之為一碟, 而新星的, 厚薄適中, 而且真正能稱上雪花肥牛--看得見, 吃得出的雪花.另外流沙包亦是另一必點的, 雖然任食火鍋已經令人撐著肚皮了. 新鮮出爐的流沙包, 奶黃熱呼呼的流出來, 又香又甜, 即使飽也令人想吃一口.大夥兒去的話, 六十八元一位, 湯底五六十元幾個人均分, 算上加一服務費都不過九十多元, 十分化算. 加上不設時限, 圍在一起說說笑笑, 令飯局更愉快.

晚上個fan指定去呢度,已經同佢重申唔係咁得,不過佢仍然堅持去,咁惟有順下佢意!叫左清湯底,真人清到似清水!可供選擇的火鍋料又少又唔得,啤酒又係暖!尤其鴨舌渣到暈,最慘係連卡都無得碌!睇怕...我諗可以打交叉囉!