新東方車仔麵

營業中

休息中

佢嘅燴意粉係我食過茶餐廳最入味嘅燴意粉！其他茶餐廳嘅燴意粉都係純粹炒埋一齊 但係啲意粉都無味 但係呢間嘅燴意粉係最有味同多汁架！佢仲有豬扒/雞扒/公司燴意粉….等等 因為好怕無咩人知無人叫黎食就會係餐牌上消失 所以決定推介下呢個意粉😋

呢間車仔麵店除非車仔麵仲有好多選擇單下午茶已經有一張A4係講緊茶記嘅餐牌仲有常餐同車仔麵揀我就叫左個叉燒菜脯炒飯始終車仔為主係無咩鑊氣同埋調味差啲野飲正常價錢幾平

平時都有黎踩單車，不過今日踩到黎呢邊開始肚餓，呢到方便鎖單車，啲野食又不是貴食物粟米魚柳飯老實講:啲粟米汁就唔係好夠熱..但魚柳有翻炸！係ok嘅…啲辣椒油都香辣沙嗲汁腸仔豬扒飯呢個都好食！不過略嫌啲沙嗲汁唔夠多🫣豬扒係炸嘅！好有豬扒味，又唔鞋呢個價錢抵❤️熱咖啡呢個呢…人哋話想消脂😂結果杯咖啡苦到…好濃嘅即沖咖啡☕️凍檸茶嗱！凍飲都係+$1姐😂茶餐廳緊係要飲凍檸茶🍸茶底好，檸檬鮮~甜度岩岩好

今日係想同大家介紹吓沙田區好食嘅茶記呢間茶記個門面唔係幾好行過有時都唔會發現到佢但係呢一間平民茶記就係做街坊生意做咗好多年來親呢度個個都係熟客同老闆娘有傾有笑呢間茶記無論午市同下午茶都有好多選擇有炒粉麵飯、車仔麵、炸豬扒韭菜豬紅同撈丁都有不過我每次去親呢間茶記第一時間都會諗起佢個芙蓉蛋飯！因為實在太過出色佢個芙蓉蛋飯我諗係我食過咁多間茶記之中都有頭三甲首先佢啲料好足有好多叉燒火腿洋蔥同蔥花足料之餘好夠獲氣最正係佢煎到有少少燶邊加埋佢個甜豉油 認真一流另外凍奶茶最重要係個茶膽佢濃得來有啲甘味喺我心目中又係數一數二

特價外賣自取午市套餐包紙包飲品＄35🥢椒鹽豬扒飯👍豬扒size比較細件， 但係質地唔差， 而且個椒鹽醬汁非常惹味好食， 飯嘅質地唔錯而且飯量充足🥢芙蓉煎蛋飯👍芙蓉蛋非常足料，有叉燒、火腿及洋蔥， 煎得唔油膩好乾身， 味道適中， 飯量亦非常充足35蚊🤑有個好食又抵食嘅外賣飯盒仲有紙包飲品送（得一款無得 揀），的確係外賣首選👍，不過要留意🧐，堂食價錢係唔同㗎😉魚堅總評性價比 4👍(以5👍為滿分)

是日來到禾輋村好耐無食過車仔麵於是來到試試新野見下午茶有野飲送又幾肚餓叫左8個餸食碗麵黎到 呢度賣相都算合格有d地方黎到見到個賣相都唔想食叫左蘿蔔 豬紅 牛腩 魚蛋 豬皮 雞亦 菜 同冬菇份量都好夠 麵底要左米粉 唔會太少整體合格之上 蘿蔔同牛腩特別好蘿蔔清甜無渣 牛腩夠味 口感適中不硬不太淋飲左杯凍檸茶 夠茶味 整體比80分 可以再試另外佢呢度不得不讚個辣椒油好香口 加幾滴真係好配食車仔麵D辣椒渣好正應該係自家製下次經過可以再黎試試

今日行過禾輋見到以前東菇亭間大排檔搬左入鋪地方細左好多 可能租金太貴吧唔緊要啦 好耐無食車仔麵即刻畫番張紙叫左3款餸 埋單差唔多40蚊有找豬皮可以 幾香口 口感岩岩好唔會太淋或太硬菲菜餃自家製 味道可以但餃既size 細隻左d令到隻餃唔夠飽滿牛腩有牛味無咩渣但有點瘦 如果肥d更好有幾款汁同蔥花比你揀不過想試下個湯底所以揀左清湯湯底ok 唔會太咸太重味精食完不太口渴可以一試車仔餸款式ok多雖然呢間係車仔麵但見到都有碟頭飯食

羅白超淋又無渣~D豬腸又無怪味~ 食得出係新鮮腸湯底加麻辣汁好好味朋友叫左個牛腩都好食~建議一定要試下佢個辣椒油~~~勁香!!都算幾抵食依家成日都掛住個陣味~一定會再黎!!

路過見到呢間餐廳好似新開無耐所以試下啦，唔洗成日食連鎖店嗌左個雞扒煎蛋茄汁飯加熱奶茶個熱奶茶好奇怪，入口有陣平時無的苦味，絕對唔係平時飲開個種奶茶的茶澀味，而且杯野係唔熱架熱奶茶咁基本的飲品都可以沖到出奇地唔好飲，我個刻已經心知不妙到個飯啦，個飯未黎之前我係幻想同平時茶餐廳正常一塊雞扒，一pat橙橙地個隻茄汁啦點知個飯黎到，咩料？塊雞扒呢？點解變左咕嚕雞粒？得個4，5粒，其中一舊一邊就炸好左，一邊就好光滑，不過全部都好乾身，食完都唔知自己食緊d咩，一d誠意都無最出事係個茄汁，酸到一個點，好似d未開稀的味精野咁，陣味好濃好酸，極難食！