新泉發潮州飯店

營業中

休息中

5月中朋友吹雞星期六去旺角食潮州菜，去新泉發食飯聚聚。我哋一行10人坐樓上鋪，樓底比較矮，兩張枱合理8字型咁坐，夾食物就要互相幫忙，好溫馨哈哈😂。我哋叫咗好多款式嘅菜，有滷水鵝片，豬腸，大魷魚，味道可以，合格的。豬紅我冇食，但九菜同啲汁好好味。條魚肉夠彈牙係新鮮。通菜魷魚鐵扳上，夠惹味，喜歡濃味嘅會喜歡。雞煲，菠蘿咕嚕肉，春菜，炒蜆，水準好，份量夠。最後仲叫咗反沙芋，用好多糖沙做嘅，我冇食，朋友話味道可以，係比較切得大小不一，可能客多比較繁忙。係抵食嘅潮州菜，如果要坐得舒服，呢間未必啱你，但如果係為扺食夾大件，我覺得值得再食，試理其他菜。

今日做嘢做到9點10點收工，拍檔話不如去食啲嘢，我地喺旺角上海街嗰邊，拍檔話有好介紹，行咗一陣就到呢間叫新泉記嘅潮州飯店，成10點都好多人，睇隔離枱啲嘢賣相都好吸引，拍檔話好介紹，一於由佢發辦，叫咗鹵水鵝片，啫啫芥蘭煲，椒鹽鮮魷，都係超穩陣嘅餸菜。鹵水鵝片鹵水味幾好，不過啲鵝好似老咗啲，有些小鞋口。椒鹽鮮魷脆漿夠薄夠脆，魷魚新鮮炸得好香有啲過咸，啫啫芥辣煲又係鑊氣十足滿分，不過真係太重口味好咸，要飲兩支大啤先搞得掂，不過重手咗應該係個別事件嘅，拍檔都話平時唔會咁。

喺旺角多數都係打邊爐或者係食連鎖快餐，位於旺角上海街嘅呢一間潮州打冷食店，眼看門口鋪面細細，但係入邊啲食物非常之惹味👍🏻👍🏻👍🏻 隱世美食。 小炒王好大碟，火候好夠，唯乾蝦未夠硬，可以再鹹啲 👌🏻 ； 伙記服務很好，好有人情味👍🏻 滷水拼盤好入味，例牌加個白飯同埋可樂或叫枝啤酒，同三五知己黎食，呢餐晚飯就好滿足 😌 今次我哋人數唔多，下次可以叫埋佢個豬紅 同埋蒜蓉粉絲蒸海邊蝦，好似好正咁。 會再次二訪！

美味滷水鵝片 $148鵝片肉質嫩滑唔鞋口🫶🏻瘦多肥少唔會無肉食💯鵝片醃入味夠味但唔會過鹹唔配飯食都得碟底既花生同豆腐都好味🥜花生質地軟淋入味豆腐都算滑👼🏻蜆介鯪魚球 $138鯪魚球有十粒🥠足料🥳外皮沾上米粉炸到香脆外皮香脆鯪魚球芯彈牙💯口感層次豐富一啲腥味都冇食得出好新鮮👍🏻唔洗點汁食都好食有驚喜🤩汕頭蠔餅 $88新鮮熱辣炸起♨️有兩大塊炸衣酥脆蠔仔大粒🦪生熟程度啱啱好鮮嫩唔腥略嫌碟底有好多油🍾如果上盤前濾乾多餘油份會更好🤫咕嚕雞球 $98炸粉唔厚啖啖肉🤤醬汁調得好好酸甜適中🍋🍯開胃👅整體而言，潮州餐廳打冷出色都合理估唔到連鑊氣小炒都唔差✅食物全部即叫即製上枱果陣仲熱辣辣♨️份量絶對大方而且價值唔貴💸餐廳環境、衛生以打冷舖或者大排檔黎比較算係乾淨企理👌🏻只係坐摺椅唔太舒服如果想食好味打冷同小炒既話十分推薦👏🏻

呢間舖頭你唔好睇佢細細地，裏面好乾淨好企理。牆上面呢有相有名，仲有埋英文，我介紹俾啲外國朋友識呀都掂！1. 椒鹽九肚魚 deep fried fish2. 普寧豆腐 Tofu3. 炸鯪魚球 deep fried fish ball4. 蒜蓉蒸蝦 shrimp with garlic5. 滷水鵝 marinated goose meat我叫咗👆依幾個菜，但係我亦都介紹你哋食多幾個菜，好好食！我其實仲叫咗蠔仔粥，鵝腸，仲有韭菜豬紅全部都好正！唔好以為呢度呢剩係得男人嚟㗎，其實好啱一家大細嚟啦，同埋朋友嚟食嘢㗎，因為真係好好食嘅潮州菜！

🦑椒鹽鮮魷💰$148🦪蠔餅💰$88🥬韭菜豬紅💰$78🐙香腸拼墨魚片💰$118🥣肉碎蠔仔粥｜細💰$58⚡️當全世界都煩惱去邊到食情人節大餐嘅時候，小女子晨早約咗🐻生去打冷🤣呢間打冷舖係我哋嘅愛店，亦係我哋名義上第一次食飯嘅地方，有紀念價值之餘仲超好食+性價比極高🥹.⚡️打冷一定要食🦑椒鹽鮮魷同🦪蠔餅！！！食到生飛滋眼瘡都要食，超大份炸到卜卜脆，肉質彈牙又厚身，🦪蠔餅係超！爆！多！蠔！仲要每粒都好大隻🥹.⚡️🥬韭菜豬紅+🐙香腸拼墨魚片同樣超大份🤤要大讚潮洲辣椒油好香又夠惹味，🥣蠔仔粥鮮甜，大家有機會一定要試下🙌

因為個排好想食打冷野，就搵下油尖旺附近有邊間評價唔錯既，咁啱就揀左呢間試下，完全真實食評！個日星期五7點半左右到已經全場爆滿，等左大概20分鐘先有位。見好多都係街坊熟客，期待值提高🤩我地三個人瘋狂叫左6個餸，首先打冷必嗌蠔餅，外層炸衣酥脆，蠔仔大粒份量亦都ok，係水準之內👍🏻而另外滷水拼盤，有鵝腸、豬腸、腩肉、豬耳、紅腸幾款餸，滷水滷得唔算入味，有啲可惜，下次可能嗌返鵝肉會好啲…除左潮式野食之外，好驚喜係佢啲小炒都好夠味好好食，最高質係韭菜豬紅，唔粉無腥味之餘，個湯少少辣好惹味😋呢間小間係朗豪坊後面，位置方便，野食全部都好啱胃口，啱晒一班朋友黎飲酒吹水，推薦！

平時去旺角好少行嚟呢邊，估唔到有幾間潮州菜館喺度😮。今次嚟呢間餐廳，雖然食評唔多，但google評分比較高，而且我見到Youtube有人留言話呢間好味，所以喺幾間潮州菜館中，最後揀左呢間。星期六晚上6點9嚟到，食客唔多，我地近8點走人都未坐滿。粉絲蝦煲 $148第一道上枱嘅小菜，上枱果陣煲仔仲發出滋滋聲，伴隨陣陣蝦香!! 令人食慾大增大蝦有8隻左右，下面仲有吸哂汁嘅粉絲同金菇，好惹味又餸飯😋。生炒骨 $98其實想食咕嚕肉，可惜無呢道餸。預左骨多肉，不過排骨太細粒，所以更加無肉食😂；而且配料多過排骨，性價比唔高。椒鹽鮮魷 $148呢個幾好，魷魚好厚又彈牙，又唔會好厚粉👍。蠔餅 $88呢個幾令人失望😔，蠔餅中心好濕好多水，而且麵粉好多，食落無咩蠔味可言，我仲食到幾大塊嘅蠔殼。滷水鵝件 $118滷水幾香，不過鹹左少少；鵝肉唔算多，自在試佢個滷水香。潮式炒面 $68第一次食呢款炒面，配料幾多，仲有札肉；不過炒得唔夠乾身同無乜鑊氣，唔知潮式炒面係咪就係咁，個人比較偏好廣式乾身有鑊氣嘅炒粉麵。西芹腰果雞丁 $88呢個正正常常，唯一係雞丁切得有少少碎。整體用餐體驗唔錯，價錢好平，又無加一；上菜快，職

🦑 新泉發潮州飯店 🍻旺角朗豪坊附近有間超地道潮州菜潮州蠔餅 $88呢個真係要Encore份量好大份 炸到個邊邊真係好脆而且個啲蠔仔都好大粒好鮮味滷水大拼盤 $138選擇困難症既你叫呢個餸食就啱啦鵝腸紅腸墨魚片豬耳腩肉雞腎芽菜乜都有啲 過曬口癮配啤酒一流椒鹽鮮魷 $148呢個我都俾好高分(●´ω｀●)外層炸粉幾薄 炸完唔會甩曬出黎食落又唔會有油膩感舖上一層極香既椒鹽而內層鮮魷既口感仲好彈牙真係好正(*´ω｀*)

一大班人聚餐最好就係去打冷，可以一次過試好多款餸。今次就揀咗旺角呢間打冷鋪。因為人多嘅關係，幫我哋安排咗樓上閣樓。炸蠔餅的蠔夠大隻，這讓人可以品嚐到豐富的蠔肉口感。啫啫通菜煲也是一道不錯的選擇。韭菜豬紅是一道經典的潮州菜，韭菜的香氣和豬紅很好地融合在一起，味道十分美味。鹵水拼盤提供多款選擇，可以滿足不同人的口味需求。鹵水鵝片夠淋夠入味。椒鹽鮮魷的炸皮也夠薄，鮮味十足又脆口。總體來說，這些菜品都很值得一試，期待您再次光臨！

知道上海街好多特色小店，一於黎試下，今次就揀左呢間潮州打冷試下。餐牌好多潮式打冷/蠔餅，唔岩都有普通小菜炒粉麵。🐥西芹腰果雞丁🐥西芹新鮮無渣，腰果好香脆，雞丁冇雪味但都係無味，整體都唔錯。🐥咕嚕雞🐥呢個就比較驚喜，雞肉唔算多件，但啖啖肉，炸粉唔厚，配菜（青椒菠蘿）都好多，夠哂開胃。🦑蝦醬通菜炒鮮魷🦑呢道菜好常點，但都好濃味。呢次反而好好，唔鹹但又食到蝦醬味，鮮魷好新鮮，爽口彈牙。潮洲炒麵線佢係類似米粉但粗身d，加左雞蛋、扎肉、韭菜花等炒，係略略濕身左同淡味左，但加上店內自製辣椒油就唔錯。辣椒油絕對高質👍評語環境較迫，地道風味侍應有禮菜式高質，價錢合理

老公贏咗比賽有錢分，於是我哋就去食打冷。上網搵咗好耐，最後搵到呢間打冷好似幾出名，於是就過咗嚟食啦。我哋嗌咗我最鍾意食嘅椒鹽九肚魚、蠔餅同埋啫啫生菜煲，等咗一陣啲餸菜終於到咗啦，老公另外再嗌多支青島啤酒黎賀一賀佢。首先個椒鹽九肚魚咬出嚟好鬆脆，但略嫌有啲細條，冇乜肉食。但值得一讚嘅係佢嘅蠔餅同埋啫啫生菜煲都煮得好出色😂蠔餅炸粉唔厚，咬落去啖啖蠔肉，啲蠔肉又非常之鮮甜，食落超滿足。至於個啫啫生菜煲應該有落咗少少蝦醬，煮得好入味，佢唔止落咗蝦醬，仲落咗新鮮蝦米，蝦米都非常之大隻又鮮甜。總括嚟講今餐食得非常之滿足，有機會會再嚟encore！

大大話話真係幫襯咗新泉發廿年咁滯😅 由細細個啱啱出嚟做嘢 之後跟啲前輩去食宵夜 第一次打冷就比咗新泉發🙈 由砵蘭街最舊鋪 到厘度上海街二號鋪 到舊鋪搬咗去隔幾間鋪改埋名叫雁來居 耐不耐都會返嚟返尋味😋😋😋 打冷例牌叫支冰凍嘅啤酒涼下先啦🍻🍻鹵水鵝件 個人喜好多骨食瘦豆腐底😅😅😅 意思係走胸走肥😆😆😆 鐘意背位同上庄位😋😋😋😋😋 肉滑有骨吮下餸下酒🥳🥳🥳一個字"絕"🤤🤤🤤🤤🤤 小炒係二號鋪獨有特色其他鋪係冇嘅滑蛋🍳虾仁🦐 虾肉爽彈 炒蛋滑得嚟有啲軟糯口感正😍😍😍😍廿幾年嚟 做過好多唔同公司 如果想打冷都會同同事一齊嚟 有啲第一次 有啲已經嚟過 原來厘度已經暗暗比咗好多唔同嘅回憶大家了😊😊😊同場加映 食神都要嚟厘度搵初戀(圖攝於雁來居)😆😆😆

朋友聚會其中一人推介所以黎呢度食， 装修舊式的打冷店， 衛生ok，8人用餐埋單一千蚊， 價錢合理。 地下鋪面積細細，四人枱為主，所以8人的話要合併兩張小圓枱。其中韭菜豬紅超好食，所以食完再Encore 一碟唔記得叫咩名堂但係都足料好好食沙糖炒芋頭第一次食，好少見打冷舖有做，佢哋推介我哋試下，果然冇介紹錯， 值得一試鹵水雜正常水準潮州蠔仔粥一樣有水準， 大大碗，蠔亦夠大粒而且唔少鹵水鵝片水準正常蠔餅都係有水準之作

Instead of the proper Chiu Chow dishes, the Cantonese fried dishes were more outstanding at Sun Chuen Fat. Their lol sui sauce tasted too Maggi which I didn't like much. However their lamb pot was really delicious. Most lamb pieces came with bones, which was the essence of a lamb pot, because the meat is the most smooth and tender along the ribs and bones. Sadly nowadays in some restaurants they only use boneless lamb meat.There were also beancurd sheets, bamboo shoots, shiitake and water chestn